Viðskipti innlent

Sölu Lyfja og heilsu til Wernersbræðra líklega rift

Guðný Helga Herbertsdóttir skrifar
Flest bendir til að skiptastjóri Milestone muni rifta sölunni á Lyf og heilsu til félags í eigu Wernersbræðra. Ekkert fé kom inn í Milestone vegna sölunnar.

Aurláki, eignarhaldsfélag í eigu Wernersbræðra, keypti Lyf og heilsu verslanirnar út úr Milestone fyrir tæpan 3 og hálfan milljarð króna. Um tveir og hálfur milljarðar af kaupverðinu fóru í yfirtöku skulda en milljarðurinn sem eftir var átti félag bræðranna að greiða Milestone. Ekkert fé kom hins vegar inn í félagið heldur var krafan á endanum greidd með skuldajöfnun við annað félag í eigu þeirra bræðra.

Samkvæmt heimildum fréttastofu eru meiri líkur en minni að skiptastjóri Milestone muni höfða rifturnarmál á þeim grundvelli að við söluna hefðu átt að koma beinharðir peningar inn í félagið en ekki koma til skuldajöfnunar. Kröfuhafafundur verður haldinn þann 15. mars en þá mun skiptastjóri tilkynna hvaða riftunarmál verða höfðuð.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið