Erlendum ferðamönnum fjölgaði um 6,5% í apríl

Tæplega 28 þúsund erlendir gestir fóru frá landinu um Leifsstöð í aprílmánuði, sem er um 1700 fleiri gestir en í sama mánuði á síðastliðnu ári. Aukningin nemur 6,5 prósentum milli ára.

Kortavelta heimilanna minnkar um rúm 14%

Kreditkortavelta heimila dróst saman um 14,3% í janúar–mars í ár miðað við sömu mánuði í fyrra. Debetkortavelta dróst saman um 2,2% á sama tíma.

Verðhjöðnun tvíeggja sverð

Útlit er fyrir að verðhjöðnun næstu mánuði. Höfuðstóll verðtryggðra lána mun því lækka en neikvæður fylgifiskur eru lömunaráhrif í viðskiptalífinu. Tvíeggja sverð segir lektor sem segir að hér þurfi skilyrði fyrir kröftugri eftirspurn til að bæta ástandið.

Pistill: Þorvaldur líklega næsti seðlabankastjóri

Áður en Jóhanna Sigurðardóttir forsætisráðherra kynnti þriggja manna nefnd sína sem á að leggja mat á hæfni umsækjenda um embætti seðlabankastjóra var talið líklegast að Már Guðmundsson hagfræðingur hjá BIS bankanum í Basel ætti stöðuna örugga. Nú eru menn hinsvegar farnir að veðja á að Þorvaldur Gylfason prófessor verði ráðinn.

Magnús: Flutningur til Rússlands kemur gjaldþrotamáli ekki við

Magnús Þorsteinsson fjárfestir segir að flutningur lögheimili hans til Rússlands á dögunum komi gjaldþrotamáli hans á Íslandi ekkert við. Hann hafi ekki vitað af gjaldþrotaskiptabeiðni á hendur honum þegar hann ákvað að flytja lögheimili sitt. Í yfirlýsingu frá Magnúsi og lögmanni hans segir hann aðgerðir Straums gegn sér tilhæfulausar og ómaklegar en Héraðsdómur Norðurlands eystra úrskurðaði Magnús gjaldþrota á dögunum.

Telur talsverðan áhuga á leið Seðlabankans

Greining Íslandsbanka telur líklegt er að talsverður áhugi muni reynast af hálfu íslenskra fyrirtækja á þeirri leið sem Seðlabankinn auglýsti í morgun og snýr að því að skipta út krónu/ríkisbréfum í eigu erlendra aðila í langtímalán hjá þeim fyrirtækjum sem hafa tekjur í erlendri mynt.

Spáir stýrivaxtalækkun upp á 1,5-2,5 prósentustig

Hagfræðideild Landsbankans spáir því að peningastefnunefnd Seðlabankans muni lækka stýrivexti um 1,5 til 2,5 prósentustig á morgun, fimmtudag.

Byr tekur að sér greiðslumiðlun fyrir sparisjóðina

Byr sparisjóður hefur undanfarið unnið með Fjármálaeftirlitinu og Seðlabanka Íslands að uppbyggingu erlendrar greiðslumiðlunar fyrir Byr og aðra sparisjóði í landinu. Sparisjóðabankinn annaðist áður alla erlenda greislumiðlun sparisjóðanna. Byr hefur í framhaldi af þessu ráðið til sín 9 fyrrum starfsmenn Sparisjóðabankans til að annast þessi nýju verkefni.

Seðlabankinn auglýsir eftir krónubréfakaupendum

Seðlabanki Íslands óskar eftir því að lögaðilar sem hafa áhuga á að taka erlend lán, sem tekin yrðu í krónum en endurgreidd í erlendum gjaldeyri, sendi um það bréf til Seðlabankans fyrir 11. maí 2009. Fyrirhugað er að þessi aðgerð verði endurtekin eftir u.þ.b. mánuð.

Enn eykst markaðsverðmæti Century Aluminum

Gengi hlutabréfa í Century Aluminum, móðurfélagi Norðuráls, hefur hækkað um 7,85 prósent í dag og gengi bréfa Bakkavarar um 0,79 prósent.

Brugðist við kröfu hollensku sparifjáreigendanna í dag

Samtökin Icesaving Association, sem berjast fyrir því að hópur hollenskra sparifjáreigenda fái hlut sinn bættan eftir hrun Landsbankans, hafa fengið boð frá Jóhönnu Sigurðardóttur forsætisráðherra að ráðuneytið muni taka mál þeirra til athugunar. Samtökin höfðu gefið íslenska ríkinu frest til dagsins í dag til þess að bregðast við, ella myndu þau kæra Íslendinga til Eftirlitsstofnunar EFTA og Evrópusambandsins á grundvelli mismununar. Undir hatti samtakanna eru 200 einstaklinga sem samtals áttu 4,2 milljarða króna á Icesave reikningum.

Vöruskiptin í apríl hagstæð um 2,3 milljarða

Samkvæmt bráðabirgðatölum fyrir apríl 2009 nam útflutningur 31,7 milljörðum króna og innflutningur 29,4 milljörðum króna.

Sparisjóður Mýrarsýslu tapaði 21 milljarði í fyrra

Tap varð af rekstri Sparisjóðs Mýrarsýslu á árinu 2008 að fjárhæð 21.2 milljarðar kr. samkvæmt rekstrarreikningi. Eigið fé í árslok var neikvætt um 15.1 milljarða kr.

Íslensku bankarnar eiga 90% af bankagjaldþrotum Evrópu

Íslensku bankarnir þrír standa á bakvið 90% af heildarumfangi bankagjaldþrota í Evrópu á síðasta ári. Þetta kemur fram í nýrri skýrslu hjá matsfyrirtækinu Moody´s.

Ágætt uppgjör hjá Foroya Banki

Foroya Banki skilaði ágætu uppgjöri á fyrsta ársfjórðungi ársins. Hagnaður fyrir skatta nam rúmlega 1,1 milljarði kr. samanborið við tæplega 70 milljón kr. tap á sama tímabili árið áður.

Stjörnu-Oddi gegn svínaflensu

„Menn eru alltaf að vinna að því að slökkva elda. Þegar flensutilvik koma upp á borð við svínaflensuna fara teymi af stað sem reyna að búa til lyf gegn vírusnum áður en hann dreifir úr sér. Vika til eða frá skiptir miklu máli,“ segir Sigmar Guðbjörnsson, framkvæmdastjóri Stjörnu-Odda.

Tímamótaákvörðun þarf um stýrivextina

Skuggabankastjórn Markaðarins segir smá skref í stýrivaxtalækkunum leiða til ógangna. Veglega lækkun þurfi. "Við köllum á tímamótaákvörðun, stefnubreytingu og nýtt vinnulag peningastefnunefndarinnar," segir Þórður Friðjónsson, forstjóri Kauphallarinnar, sem sæti á í skuggabankastjórn Markaðarins.

Lúxusferðir laða ferðamenn til landsins

„Þetta var geysistór viðburður,“ segir Hildur Ómarsdóttir, forstöðumaður sölu- og markaðssviðs Icelandair, sem rekur Hilton Nordica Reykjavík. Hún á við 160 manna hóp frá Bandaríkjunum sem flaug héðan af landi brott í gær eftir fimm daga dvöl á vegum bandarísks lyfjafyrirtækis. Að hennar sögn voru allir ferðalangarnir hæstánægðir með dvölina.

Skuggabankastjórn vill framtíðarsýn

Peningastefnunefnd Seðlabanka Íslands ætti að lækka stýrivexti bankans um þrjú prósentustig á vaxtaákvörðunardegi sínum á morgun, samkvæmt einróma áliti skuggabankastjórnar Markaðarins. Aukinheldur ætti að tilkynna um fyrirhugaða þriggja prósentustiga vaxtalækkun til viðbótar þegar í júníbyrjun.

Sektir eru næsta skref hjá Ársreikningaskrá

„Við erum að vinna í því að senda fyrirtækjum ítrekun um skil á ársreikningum og láta vita að næst verði þau sektuð. Það er næsta skref,“ segir Guðmundur Guðbjarnason, forstöðumaður Ársreikningaskrár Ríkisskattstjóra.

Skuldir Björgólfs jukust verulega

Persónulegar ábyrgðir Björgólfs Guðmundssonar, fyrrverandi formanns bankaráðs Landsbankans, eru rúmlega átta milljörðum krónum hærri nú en í lok júní í fyrra.

Eignir Magnúsar öruggar í Rússlandi

Lítil verðmæti eru í gjaldþrota búi Magnúsar Þorsteinssonar. Eignir hans og eiginkonu hans hér á landi telja aðallega lúxusíbúð og húseignir á Akureyri.

Enn hækkar Century Aluminium

Úrvalsvísitalan lækkaði lítillega á fremur líflegum degi í kauphöllinni í dag. Lækkunin nam 0,1% og stendur vísitalan í tæpum 218 stigum.

Sex hópuppsagnir tilkynntar í apríl

Í apríl bárust Vinnumálastofnun 6 tilkynningar um hópuppsagnir þar sem sagt var upp samtals 283 einstaklingum. Tvær tilkynningar voru úr mannvirkjagerð, ein tilkynning úr flutningastarfsemi, ein tilkynning úr sérfræðiþjónustu, ein tilkynning úr iðnaði og ein tilkynning úr ýmissi þjónustu.

Áfrýjunarnefnd ógildir kaup Valitors á Tax Free

Áfrýjunarnefnd samkeppnismála hefur nú staðfest ákvörðun Samkeppniseftirlitsins um að ógilda beri kaup Valitors á öllu hlutafé Euro Refund Group North á Íslandi ehf. (Tax Free).

Frjálsi fækkar starfsfólki um helming og Kristinn hættir

Ákvörðun hefur verið tekin um að fara í umfangsmiklar breytingar á rekstri Frjálsa fjárfestingarbankans.Starfsmönnum verður fækkað um nær helming og annar rekstrarkostnaður lækkaður með hagræðingu og minni umsvifum í rekstri.

Skilanefnd Kaupþings hefur náð 200 milljörðum í hús

Samkvæmt uppfærðri skýrslu skilanefndar Kaupþing til lánadrottna bankans hefur eignasala þegar skilað 200 milljörðum kr. í hús. Megnið af þessari upphæð, eða 135 milljarðar kr., koma frá Svíþjóð þar sem nýlega var gengið frá sölu á bankastarfsemi Kaupþing til Ålandsbanken.

Mun færri samningar á fasteignamarkaðinum í apríl

Samtals voru gerðir 116 kaupsamningar um íbúðarhúsnæði í apríl samkvæmt upplýsingum Fasteignaskrár Íslands. Þetta eru mun færri samningar en voru gerðir í mars en þá voru gerðir 164 kaupsamningar um íbúðarhúsnæði og 175 samningar í febrúar.

Viðskipti í kauphöllinni minnkuðu um 66% milli mánaða

Heildarviðskipti með hlutabréf í kauphöllinni í apríl mánuði námu rúmum 1.785 milljónum kr. eða rúmum 99 milljónum á dag. Þessu til samanburðar var veltan með hlutabréf í mars mánuði tæpir 4.400 milljónir kr. og minnkaði því um 66% milli mánaðanna.

Atlantic Petroleum hækkaði OMX15 um tæp 12%

Úrvalsvístalan (OMX15) hækkaði um tæp 12% á tímabili í morgun þótt nær ekkert væri að gerast á markaðinum. Samkvæmt upplýsingum frá kauphöllinni var ástæðan á bakvið þessa hækkun kauptilboð í Atlantic Petroleum á yfir 130% hærra verði en nam síðustu skráðu viðskiptum með hluti í félaginu í byrjun apríl.

Marorka gerir stóran samning við Kongsberg í Noregi

Marorka hefur gert samning við norska fyrirtækið Kongsberg sem hannar og selur stjórnkerfi í skip. Tekjur Marorku munu við þetta aukast á einu ári um 150-350 milljónir sem greiddar eru í evrum.

Economist: ESB gæti lært af reynslu Íslendinga

Evrópusambandið gæti lært af reynslu Íslendinga og Nýsjálendinga þegar kemur að stjórnun fiskveiða. Þetta kemur fram í grein í nýjasta hefti tímaritsins The Economist, þar sem fjallað um nýútkomna Grænbók um hina sameiginlegu fiskveiðistefnu ESB. Fjallað er um málið á vefsíðu LÍÚ.

Veltan á skuldabréfamarkaði minnkaði um helming

Dagleg velta á skuldabréfamarkaðinum í apríl minnkaði um helming miðað við marsmánuð.

Líftryggingarfélög skiluðu 1,5 milljarða hagnaði í fyrra

Hagnaður innlendu líftryggingafélaganna eftir skatt var tæplega 1,5 milljarður kr. árið 2008 samanborið við rúmlega 1,3 milljarða kr. árið 2007.

Upplýsingaskylda hvílir á útgefendum segir kauphöllin

Kauphöllin hefur sent frá sér yfirlýsingu Í tilefni af ákvörðun nokkurra útgefenda skuldabréfa, sem tekin hafa verið til viðskipta í kauphöllinni um að birta ekki ársuppgjör. Kauphöllin vil árétta að eftir sem áður hvíli upplýsingaskylda á útgefendum.

Eigið fé Landic Propety er neikvætt

Eigið fé Landic Property er neikvætt samkvæmt óendurskoðuðu uppgjöri ársins 2008. Þetta kemur fram í tilkynningu frá félaginu.

Eik Banki tapaði rúmlega 500 milljónum

Eik Banki í Færeyjum tapaði tæplega 24 milljónum danskra kr. eða rúmlega 500 milljónum kr. eftir skatta á fyrsta ársfjórðungi ársins. Til samanburðar nam tap bankans á sama tímabili í fyrra tæpum 29 milljónum danskra kr.

Landsvirkjun gæti losað um 50 milljarða í krónubréfum

Landsvirkjun gæti komið um 50 milljarða kr. virði af krónu/ríkisbréfum í eigu erlendra aðila í lóg ef allt gengi að óskum.

Össur hf. tilbúinn að skoða krónubréfakaup

Össur hf. er tilbúinn að skoða kaup á krónubréfum ef til þess kæmi. Jón Sigurðsson forstjóri Össurar segir að hinsvegar hafi enginn haft tal af þeim vegna málsins.

Magnús gjaldþrota - flóttatilraunin misheppnaðist

Bú auðmannsins Magnúsar Þorsteinssonar verður tekið til gjaldþrotaskipta en úrskurður þess efnis féll í héraðsdómi Norðurlands eystra fyrr í dag. Straumur-Burðarás fjárfestingarbanki krafðist þess að Magnús yrði tekinn til gjaldþrotaskipta en Magnús sagðist geta staðið undir skuldum sínum við bankann. Magnús flutti einnig lögheimili sitt til Rússlands frá Akureyri rétt áður en krafan var tekin fyrir.

Björgólfur Guðmundsson: Ég vil vera heiðarlegur

„Ég er enn ungur og það eru enn mörg tækifæri í lífinu," segir Björgólfur Guðmundsson bjartsýnn en hann er búinn að slá íslandsmetið í tapi. Eignir hans hafa rýrnað um 128 milljarði króna. Hann sjálfur er í persónulegum ábyrgðum við Landsbankann fyrir um 58 milljarða króna.

Skuldar Landsbankanum 58 milljarða króna

Persónulegar ábyrgðir Björgólfs Guðmundssonar á skuldbindingum fyrirtækja hans hjá Landsbanka Íslands hafa stóraukist á síðustu 17 mánuðum. Erfitt rekstrarumhverfi heima og erlendis, gengishrun íslensku krónunnar, en einkum stórauknar ábyrgðir sem Björgólfur gekkst í vegna eldri lána fyrirtækja sem hann eignaðist síðar, hafa leitt til þess að persónulegar skuldbindingar hans við Landsbanka Íslands og dótturfélaga hans nema nú um 58 milljörðum króna, en á sama tíma hafa eignir hans rýrnað stórlega eða horfið.

Gengi bréfa í Century Aluminum rauk upp um rúm 60 prósent

Gengi hlutabréfa í Century Aluminum, móðurfélagi Norðuráls, rauk upp um 65,98 prósent í Kauphöllinni í dag á mjög sveiflukenndum degi. Gengi bréfa Bakkavarar ruku upp um 11,5 prósent og Össurar um 1,93 prósent.

Keflavíkurflugvöllur er þriðja besta flughöfn Evrópu

Keflavíkurflugvöllur var valinn þriðji besta flughöfn í Evrópu á fyrsta ársfjórðungi þessa árs en hann var í fjórða sæti fyrir allt árið í fyrra, fast á hæla Porto-flugvallar í Portúgal, Southampton í Englandi og Zurich í Sviss sem var í fyrsta sæti.

28 samningum þinglýst í síðustu viku

Fjöldi þinglýstra kaupsamninga á höfuðborgarsvæðinu 24. apríl til og með 30. apríl 2009 var 28. Þar af voru 22 samningar um eignir í fjölbýli og 6 samningar um sérbýli . Þetta kemur fram á heimasíðu Fasteignamats ríkisisins og þar segir einnig að heildarveltan hafi verið 1.436 milljónir króna og meðalupphæð á samning 51,3 milljónir króna.