Fleiri fréttir

Staða gjaldeyrismiðlunar

Við hrun bankakerfisins í október síðastliðnum lokaðist á öll viðskiptatengsl við erlenda banka sem búið var að byggja upp með góðum árangri á löngum tíma. Allt bankakerfið á Íslandi varð rúið trausti og erlend greiðslumiðlun lenti í uppnámi. Þá kom berlega í ljós hversu háðir við Íslendingar erum greiðslumiðlun við útlönd.

Nýrrar sýnar er þörf

„Gífurlega mikilvægt er að vinna rétt úr þeirri stöðu sem við erum í. Verði ekki bættir stjórnarhættir fyrirtækja og farið í að nálgast betur Evrópusambandið og opna þjóðfélagið þá eru horfur fram undan mjög slæmar,“ segir Þorkell Sigurlaugsson, framkvæmdastjóri fjármála- og þróunarsviðs Háskólans í Reykjavík. „Ef hins vegar rétt er á haldið þá eigum við mjög góða framtíð fyrir okkur,“ bætir hann við.

Geta stutt óbeint við

Rætur fjármálakreppunnar má að stórum hluta rekja til mistaka fjármálafyrirtækja við áhættustjórnun, að sögn Baldurs Péturssonar, aðstoðarframkvæmdastjóra Endurreisnar- og þróunarbanka Evrópu (EBRD). Árangur EBRD í áhættustjórnun segir hann ástæðu þess að bankinn hafi ekki komið mjög illa út úr niðursveiflunni.

Fátíðar skammir

Kauphöllin áminnti Bakkavör og Straum opinberlega í síðustu viku ásamt því að sekta hvort félag um 1,5 milljónir króna. Kauphöllin hefur ekki oft beitt félög févíti. Í janúar 2003 var Búnaðarbankinn sektaður um 4,5 milljónir króna fyrir að virða ekki flöggunarreglur í tengslum við gerð samnings um meðferð hlutabréfa í Straumi um hálfu ári fyrr. Það er hæsta byrðin sem skráð félag hefur á sig fengið vegna brota á reglum. Næsthæsta sektin upp á fjórar milljónir króna féll á herðar Existu í desember í fyrra. „Við höfum takmarkaðar heimildir til að leggja á fésektir vegna brota á reglum. Þær eru ekki málið heldur hafa þær forvarnargildi,“ segir Páll Harðarson, aðstoðarforstjóri Nasdaq OMX Ice­land.

Óskráð félag á viðskipti með gjaldeyri

„Við höfum ekki tekið eftir því að neinn sé að svindla," segir Anna Jakobína Hilmarsdóttir, féhirðir Landsbankans í Austurstræti. Fréttablaðið hafði nýverið eftir félagsmálaráðherra að mikill hagnaður væri í gjaldeyrisbraski. Nefndi hann farseðlasvindl sem dæmi.

Seðlabankinn lækkar vexti

Frá og með 1. júní 2009 breytast vextir óverðtryggðra lána úr 18,0% í 10,5% og skaðabótavextir verða 7,0% en voru áður 12,0%.

Straumur mun taka West Ham yfir

Straumur ætlar að taka West Ham United yfir á næstu dögum. Félagið hefur verið í eigu Björgólfs Guðmundssonar síðustu þrjú ár. Beðið verður með að selja félagið þar sem viðunandi verðtilboð hefur ekki borist.

Ágreiningur bankanna og Exista mun enda fyrir dómstólum

Lýður Guðmundsson, stjórnarformaður Exista, segir ljóst að ágreiningur gömlu bankanna og Exista um hvernig gera eigi upp eignir og skuldir endi fyrir dómstólum eins og staðan sé í dag. Skilanefndir bankanna tjá sig ekki um málið.

Nýr forstjóri hjá Skeljungi

Einar Örn Ólafsson hefur verið ráðinn forstjóri Skeljungs hf. Hann tekur við starfinu af Gunnari Karli Guðmundssyni, sem hefur verið forstjóri félagsins undanfarin sex ár.

Landsvaki opnar nýjan verðbréfasjóð

Landsvaki hf., rekstrarfélag verðbréf- og fjárfestingarsjóða Landsbankans, hefur nú opnað fyrir viðskipti með nýjan verðbréfasjóð sem kallast Reiðubréf - ríkistryggð.

Pistill: Líkur minnka á umfangsmikilli stýrivaxtalækkun

Margt bendir nú til að líkur á umfangsmikilli stýrivaxtalækkun, það er 2-3 prósentustig, fari minnkandi með hverjum deginum sem líður. Að vísu hefur greining Íslandsbanka sent frá sér stýrivaxtaspá upp á lækkun um 2 prósentustig. Telja verður þá spá í bjartsýnna lagi enda gerir greiningin sjálf fyrirvara við hana.

Svartsýni íslenskra neytenda eykst í maí

Heldur hefur svartsýnin aukist hjá íslenskum neytendum frá síðasta mánuði. Væntingavísitala Gallup lækkaði um 9 stig á milli apríl og maí en vísitalan var birt í morgun.

Vildi binda atkvæðarétt við óveðsetta hluti

Einn af hluthöfum Exista tók til máls á hluthafafundinum í morgun og lagði fram tillögu þess efnis að atkvæðaréttur í félaginu verði bundinn við það skilyrði að hlutafé sé ekki veðsett.

Spáir 2,0 prósentustiga stýrivaxtalækkun

Greining Íslandsbanka væntir þess að peningastefnunefnd Seðlabankans ákveði að lækka vexti bankans um 2,0 prósentustig á vaxtaákvörðunardegi bankans 4. júní næstkomandi. Fara vextir bankans þá úr 13,0% niður í 11,0%.

Húsnæðisliðurinn kom öllum á óvart í verðbólguspám

Stóra frávikið í spá greiningar Kaupþings um verðbólguna í maí lá í húsnæðisverðinu sem hækkaði vísitöluna um 0,14% í stað þess að lækka hana um 0,2% eins og greiningin gerði ráð fyrir. Hinsvegar komst greiningin næst því að spá rétt um verðbólgumælinguna.

Exista vill lögbann á 13 milljarða millifærslu

Exista hefur lagt fram lögbannskröfu á millifærslu upp á 13 milljörðum króna úr Nýja Kaupþingi yfir í gamla Kaupþing. Lögbannsbeiðnin verður líklega tekin fyrir síðar í dag. Þetta sagði Lýður Guðmundsson, stjórnarformaður Exista á hluthafafundi félagsins sem nú stendur yfir. Breytingar eru fyrirhugaðar í stjórn félagsins en þó ekki fyrr en „árásum“ hinna gjaldþrota íslensku banka hefur verið hrundið, eins og Lýður orðaði það.

Getum lært af reynslu Finna

„Viðhaldið fjárfestingum í menntun á öllum skólastigum,“ segir í tillögum erlendra sérfræðinga á sviði mennta og vísinda sem kallaðir voru til eftir hrun fjármálakerfisins til að aðstoða við að móta menntastefnu til framtíðar. Kallað er eftir mannauðsstefnu í menntamálum, þar sem áherslur yrðu mótaðar eftir þjóðarhag. Þannig gæti verið þörf á auknadsarfsmenntun, í stað þess að öllum fjöldanum sé beint í háskólanám.

Segir endurreisn íslensku bankanna verða dýra

„Hann á að bjarga efnahag Íslands.“ Þetta segir í fyrirsögn á viðtali við sænska ráðgjafann Mats Josefsson frá Uppsölum í Svíþjóð sem hefur unnið að endurreisn bankakerfisins og fjármálalífsins hér á landi síðustu mánuði. Í viðtalinu kemur fram að Mats Josefsson hafi verið á leið í helgan stein þegar óskað var eftir aðstoð hans við að leysa efnahagsvandann hér á landi, sem sé einn sá alerfiðasti í öllum heiminum og það þó að kreppan hrjái líka önnur lönd.

Úthlutun til sumarstarfa

Nýsköpunarsjóður námsmanna hefur ákveðið að veita aukaúthlutun úr sjóðnum og er umsóknarfrestur til 3. júní. Úthlutað verður um miðjan mánuðinn og aðeins tekið við rafrænum umsóknum.

Gunnar Páll hættir sem stjórnarformaður

Stjórn VR hyggst skipta út fulltrúum sínum í stjórn Lífeyrissjóðs verzlunarmanna vill að Ragnar Önundarson, viðskiptafræðingur, taki við stjórnarformennsku af Gunnari Páli Pálssyni, fyrrum formanni VR. Mikil átök voru um æðstu stjórn VR sem endaði með því að Gunnar var felldur í formannskosningu í mars. Gunnar hefur áfram verið stjórnarformaður sjóðsins.

Fjárfestingarstefna lífeyrissjóðs verslunarmanna í lagi

Engin athugasemd er gerð við vinnubrögð Lífeyrissjóðs verzlunarmanna (LV) varðandi fjárfestingarstefnu, innri og ytri endurskoðun eða tryggingafræðilegt uppgjör hans. Þetta kemur fram í tilkynningu frá LV en reikningar sjóðsins eru endurskoðaðir af endurskoðunarfyrirtækinu Pricewaterhouse Coopers.

Ríkið að eignast 66% í Teymi

Gangi frumvarp um nauðasamning Teymis hf. eftir mun ríkið eignast 66% hlut í félaginu í gegnum þrjá banka. Landsbankinn (NBI) mun eignast 57,2%, Straumur 7,8% og Íslandsbanki 2,1%.

Slitastjórn skipuð fyrir Kaupþing

Að beiðni skilanefndar Kaupþings hefur héraðsdómur Reykjavíkur skipað slitastjórn fyrir Kaupþing banka í samræmi við nýlegar breytingar á lögum um fjármálafyrirtæki.

Íslandbanki stendur í núlli á Icelandair-hlutnum

Gengi hlutabréfa í Icelandair Group sveif upp um 8,43 prósent í Kauphöllinni í dag dag. Útlit var fyrir að Íslandbanki, sem tók yfir 42 prósenta hlut í flugrekstrarfélaginu í síðustu viku á genginu 4,5 myndi tapa 150 milljónum króna á veðkallinu. Bankinn kemur nú út á núlli.

Vill launaþak á stjórnendur Lífeyrissjóðs verslunarmanna

Ragnar Þór Ingólfsson stjórnarmaður í VR mun leggja til við ársfund Lífeyrissjóðs Verslunarmanna sem haldinn er í kvöld að sett verði launaþak á æðstu stjórendur sjóðsins. Þá mun einnig koma fram tillaga um breytingar á stjórn sjóðsins.

Atlantic Petroleum sett á athugunarlista

Hlutabréf gefin út af Atlantic Petroleum hafa verið færð á Athugunarlista með vísan til upplýsinga í tilkynningu með uppgjöri félagsins sem birt var dags. 22. maí 2009, um endurfjármögnun félagsins.

Íslandsbanki tapar 150 milljónum á Icelandair

Gengistap Íslandsbanka á yfirtökunni á 42% hlutafjár í Icelandair Group er orðið 150 milljónir kr. frá því að bankinn tók hlutaféið yfir með veðkalli í síðustu viku.

Ríkissjóður þarf að greiða 71 milljarð þann 12. júní

Skammt er nú stórra högga á milli hjá ríkissjóði. Þann 12. júní næstkomandi er lokagjalddagi ríkisbréfaflokksins RIKB 09 0612. Flokkurinn er tæpir 71 milljarða kr. að stærð auk verðbréfalána til aðalmiðlara og að mestu leyti í eigu útlendinga samkvæmt markaðsupplýsingum Seðlabanka frá marslokum.

Ríkissjóður sparar 700 milljónir í vaxtagreiðslur

Ef tekið er mið af ávöxtunarkröfu í útboði Seðlabankans á ríkisbréfum fyrir helgina má segja að ríkissjóður þurfi að greiða nær 700 milljónir kr. minna í árlegar vaxtagreiðslur næstu árin af skuldabréfunum sem seld voru á föstudag en raunin hefði orðið ef krafan hefði verið óbreytt frá aprílmánuði.

Hökt í að útflutningstekjur skili sér til landsins

Gengi krónunnar hefur lækkað þrátt fyrir hert gjaldeyrishöft, afgang á vöruskiptajöfnuði og kaup Seðlabankans á krónum fyrir erlendan gjaldeyri. Ástæður lækkunarinnar endurspegla útflæði gjaldeyris vegna vaxtagreiðsla til erlendra aðila, hökt í að útflutningstekjur skili sér til landsins að fullu og breytingu í greiðslufrestum innlendra aðila gagnvart erlendum.

Eigendur Iceland Express óttast skekkta samkeppnisstöðu

Iceland Express mun standa af sér óveðurstorminn í efnahagslífinu, en forsvarsmenn fyrirtækisins hafa miklar áhyggjur af því ef ríkið hyggst afskrifa skuldir samkeppnisaðilans. Þetta segir Matthías Imsland, forstjóri Iceland Express.

Greiðslustöðvun SPM framlengd til 30. júní

Í dag var greiðslustöðvun Sparisjóðs Mýrarsýslu (SPM) framlengd til 30. júní. Tilgangur greiðslustöðvunarinnar er undirbúa nauðasamninga við lánadrottna á grundvelli samkomulags við helstu lánadrottna sjóðsins, að því er segir í tilkynningu.

Landsbankinn leysir til sín hlut Finns í Icelandair Group

Skilanefnd Landsbankans hefur leyst til sín tæplega 24% hlut Langflugs hf. í Icelandair Group. Skilanefndin leysir til sín hlutinn á genginu 4,5, sem er sama gengi og Íslandsbanki notaði er bankinn leysti til sín 42% hlut í Icelandair.

Stýrivaxtalækkun háð aðgerðum í ríkisfjármálum

Í fundargerð peningastefnunefndar Seðlabankans, sem birt var í síðustu viku, er að finna setningu sem greining Kaupþings telur afgerandi við næstu stýrivaxtaákvörðun. Setningin hljóðar svo: „Lækkun stýrivaxta getur þó aðeins komið til hafi trúverðug áætlun um aðgerðir stjórnvalda varðandi fjármálastefnuna litið dagsins ljós.“

Greiðslur vegna Kaupþings Edge í uppnámi

Greiðslur til þýskra innstæðueigenda á Edge reikningum Kaupþings eru í uppnámi. Breytingar á lögum um fjármálafyrirtæki gera það að verkum að ekki er hægt að standa við gerða samninga.

Þrjátíu skattsvikamál til skattrannsóknarstjóra

Ríkisskattstjóri mun á næstu dögum senda um þrjátíu mál til skattrannsóknarstjóra vegna notkunar á erlendum kreditkortum hér á landi. Grunur leikur á að um refsiverð brot sé að ræða en áberandi menn í viðskiptalífinu eru meðal þeirra sem notuðu kreditkortin.

Leitað í sumarhúsi Ólafs Ólafssonar

Húsleit var gerð í sumarhúsi Ólafs Ólafssonar í Miðhrauni á Snæfellsnesi í tengslum við rannsókn á kaupum Al Thani á hlut í Kaupþingi. Þá var einnig gerð húsleit á heimili Ólafs og tveimur fyrirtækjum í hans eigu.

Sjá næstu 50 fréttir

Mest lesið