Fleiri fréttir

Bréf lækkuðu í Asíu

Hlutabréf á mörkuðum í Asíu féllu í verði í morgun eftir mestu samfelldu hækkun síðan í ágúst 2007. Bankar og hátæknifyrirtæki lækkuðu mest og má sem dæmi nefna að kínverska fjarskiptafyrirtækið China Mobile lækkaði um rúmlega fjögur prósent. Eitthvað var þó um að bréf hækkuðu í verði, til dæmis bréf námufyrirtækisins Billington en þau hækkuðu um þrjú prósent.

Varfærin fyrsta stýrivaxtalækkun

Stýrivextir Seðlabankans voru í gær lækkaðir um eitt prósentustig, úr 18 prósentum í 17 prósent. Lækkunarferli er hafið. Aukavaxtaákvörðunardagur verður í byrjun apríl. Dregið verður úr peningalegu aðhaldi, segir seðlabankastjóri.

Slæm skilaboð til fjárfesta

Forstjóri HB Granda segir að ef hætt verði við arðgreiðslu til eigenda væru það skilaboð til fjárfesta um að varasamt væri að setja áhættufé í atvinnurekstur. Forstjórinn fundar með forvígismönnum Eflingar um hvernig umbuna megi starfsfólki sem hefur samþykkt að fresta launahækkunum.

Atlantic Petroleum tók stökkið í dag

Hlutir í Atlantic Petroleum hækkupu um 12,8% í dag í kauphöllinni í kjölfar frétta í morgun um að Chestnut-svæðið myndi gefa af sér meiri olíu en áætlað hafði verið.

Engin ásættanleg tilboð hafa borist í Össur

Birst hafa fréttir um mögulegt yfirtökutilboð í Össur hf. Félagið og tilteknir hluthafar þess hafa átt í viðræðum við mögulega kaupendur um kaup á hlut í félaginu, en slík viðskipti hafa ekki verið ákveðin og engar ásættanlegar tillögur hafa borist.

Þarf ekki erlendan bankastjóra fyrir jafn vitlausa ákvörðun

„Það þarf ekki að setja upp heila peningastefnunefnd til að breyta ekki um stefnu," segir Vilhjálmur Egilsson, framkvæmdastjóri Samtaka atvinnulífsins sem er óánægður með þá ákvörðun Seðlabanka Íslands að lækka stýrivexti um 1%, niður í 17%. Hann segir það ótrúlegt hvað þetta sé lítil vaxtalækkun

Starfsmenn Straums fá greidd laun

Skilanefnd Straums leggur ríka áherslu á að ráðningasamningar við starfsmenn verði efndir og laun fyrir marsmánuð verða greidd út með hefpbundnum hætti. Þetta kemur fram í bréfi sem Skilanefnd Straums sendi starfsmönnum bankans í gær. Það er því rangt sem fram kom í fréttum Bylgjunnar í hádeginu, um fjöldauppsagnir, að launagreiðslur til starsmanna Straums væru í uppnámi.

Fjöldauppsagnir hjá Straumi í dag

Fjöldauppsagnir eru hjá Straumi - Burðarási í dag. Ætla má að stærstur hluti starfsmanna bankans láti af störfum á næstu vikum og mánuðum. Launamál starfsmanna eru í uppnámi. Sumir hjá Straumi fengu allt upp í sjö milljóna króna bónusgreiðslur rúmri viku áður en skilanefnd var sett yfir bankann.

Gengi krónunnar réð stýrivaxtaákvörðuninni

Peningastefnunefnd segir að mikilvægt sé að halda gengi krónunnar stöðugu í ljósi þess hve efnahagur heimila, fyrirtækja og banka er viðkvæmur gagnvart gengissveiflum. Fyrir vikið er óhjákvæmilegt að peningalegt aðhald sé meira en annars væri viðeigandi.

Raunlækkun íbúðaverðs er 20% undanfarna 12 mánuði

Undanfarna 12 mánuði hefur íbúðaverð á höfuðborgarsvæðinu lækkað um 5,3% að nafnvirði og rúmlega 20% að raunvirði. Íbúðir í fjölbýli á höfuðborgarsvæðinu hafa nú lækkað um 5,5% undanfarna 12 mánuði og íbúðir í einbýli lítið minna eða um 4,3%.

Teathers bjargað af fyrrum félagi Kaupþings í London

Nýr eigandi að verðbréfamiðluninni Teathers verður að öllum líkindum Singer Capital Markets, félag sem var fyrrum í eigu Kaupþings, það er Singer & Friedlander bankans í London. Reiknað er með tilkynningu um málið í dag eða á morgun.

Hlutabréf Össurar hækka mest í byrjun dags

Gengi hlutabréfa í stoðtækjafyrirtækinu Össuri hefur hækkað um 1,36 prósent í Kauphöllinni í dag og bréf Færeyjabanka um 0,92 prósent. Þetta er eina hækkun dagsins.

Markaðsvirði Unibrew minnkaði um 65% á þremur vikum

Markaðsvirði Royal Unibrew, næststærstu bruggverksmiðju Danmerkur, hefur lækkað um 65% á s.l. þremur vikum eða frá því að Unibrew birti ársuppgjör sitt þann 25. Febrúar. Stoðir eru einn stærsti hluthafinn í Royal Unibrew með 25% hlut.

Byggingarvísitalan lækkaði um 0,4%

Vísitala byggingarkostnaðar, reiknuð um miðjan mars 2009, lækkaði um 0,4% frá fyrri mánuði. Vísitalan hefur þá hækkað um 21,7% á síðustu tólf mánuðum og stendur nú í 490,7 stigum, samkvæmt tölum frá Hagstofunni.

Stýrivaxtalækkun nokkuð í takt við spár

Stýrivaxtalækkun Seðlabankans er nokkuð í takt við væntingar greiningaraðila en þó komst hagfræðideild Landsbankans einna næst því að spá fyrir um hækkunina.

Asíubréf hækka áfram

Hlutabréf á mörkuðum í Asíu halda enn áfram að hækka og í morgun voru það bréf banka og námafyrirtækja sem mest stökk tóku. Ákvörðun bandaríska seðlabankans, sem kynnt var í gær, um að kaupa skuldabréf fyrir um þúsund milljarða dollara, meðal annars húsnæðisveðbréf, vakti bjartsýni meðal fjárfesta í Bandaríkjunum sem teygði sig til markaða víða um heim.

SÍSP um greiðslumiðlun við útlönd

Samband íslenskra sparisjóða og Sparisjóðabanki Íslands hf. hafa að undafnförnu haldið því fram, og gera enn, að Sparisjóðabankinn, einn íslenskra banka hafi sjálfstæða greiðslumiðlun við útlönd. Á síðustu dögum hafa bæði Nýja Kaupþing og Íslandsbanki sent frá sér tilkynningar um getu þeirra til að annast erlenda greiðslumiðlun.

Nýir eigendur að NASDAQ OMX Broker Services á Íslandi

Í dag skrifaði OMX Technology AB undir samning um sölu á NASDAQ OMX Broker Services á Íslandi. Nýr kaupandi er Fjármálalausnir ehf., sem Þórður Gíslason fer fyrir. Þórður starfaði áður fyrr sem framkvæmdastjóri fyrirtækisins (þá Libra).

Ekki hægt að alhæfa um stöðu stofnfjáreigenda Byrs

„Varðandi ummæli sem höfð eru eftir Guðjóni Guðmundssyni, framkvæmdastjóra Sambands íslenskra sparisjóða, um að stofnfjáreigendur Byrs séu of skuldsettir til að styrkja bankann, er rétt að geta þess að hjá Byr eru um 1.500 stofnfjáreigendur,“ segir Ragnar Z. Guðjónsson, sparistjóðsstjóri Byrs.

Nýr forstjóri hjá Straumi

Óttar Pálsson var í dag ráðinn nýr forstjóri hjá Straumi - Burðarási fjárfestingabanka. Fyrrverandi forstjóri bankans, Willam Fall, sagði af sér á í kjölfar þess að Fjármálaeftirlitið yfirtók Straum, vék stjórninni frá störfum og skipaði skilanefnd. Óttar, sem er hæstaréttarlögmaður, var áður yfir lögfræðisviði bankans.

Mannleg mistök orsök rannsóknar á Íslenska lífeyrissjóðnum

Stjórn Íslenska lífeyrissjóðsins hefur sent frá sér yfirlýsingu í tilefni af frétt þess efnis að Fjármálaráðuneytið hafi skipað umsjónaraðila yfir stjórn sjóðsins. Þar segir að um mannleg mistök hafi verið að ræða að sjóðurinn hafi verið fyrir utan fjárfestingarheimildir sínar.

Kreppuráð japanskra kvenna eru giftingar

Þegar Yumiko Iwate starfsmaður póstverslunar í Tókýó varð fyrir launalækkun á síðasta ári voru hún og vinkonur hennar sammála að eina leiðin út úr vandanum væri að finna eiginmann.

Stofnfjáreigendur Byrs geta ekki styrkt bankann

Stofnfjáreigendur Byrs eru of skuldsettir til að styrkja bankann að mati Guðjóns Guðmundssonar, framkvæmdastjóra Samtaka sparisjóðanna. Bankinn tapaði 29 milljörðum króna í fyrra en inni í því tapi er arðgreiðsla til stofnfjáreigenda upp á 13 milljarða. Bankinn hefur nú óskað eftir aðstoð frá ríkinu upp á rúma 10 milljarða.

French Connection tapaði 2,7 milljörðum í fyrra

Verslanakeðjan French Connection sem Baugur á 20% hlut í tapaði 17,4 milljónum punda fyrir skatt eða rúmlega 2,7 milljörðum kr. Árið 2007 varð hinsvegar 3,1 milljón punda hagnaður af rekstrinum.

Sjá næstu 50 fréttir

Mest lesið