Reykjavík fellur um 28 sæti á lista yfir dýrustu borgirnar

Reykjavík hefur fallið um 28 sæti á listanum yfir dýrustu borgir heimsins. Það er tímaritið The Economist sem tekur saman þennan lista á hverju ári.

Jenið lækkar áfram

Japanska Nikkei-hlutabréfavísitalan lækkaði um 0,4 prósent í morgun en aðrar vísitölur í Asíu hækkuðu sumar hverjar. Til dæmis hækkaði Hang Seng-vísitalan í Hong Kong um rúmlega þrjú prósent. Japanska jenið heldur áfram að lækka gagnvart dollar og evru sem eru góð tíðindi fyrir þau fyrirtæki í Japan sem selja vörur sínar á markaði í Bandaríkjunum og Evrópu.

Vilja hækka olíuverð

Líklegt þykir að forsvarsmenn Samtaka olíuútflutningsríkja (OPEC) ákveði að draga úr olíuframleiðslu aðildarríkjanna í því augnamiði að hækka heimsmarkaðsverð á hráolíu. Þetta hefur Bloomberg-fréttaveitan eftir áreiðanlegum heimildum í gær.

Tapa 6,2 milljörðum á falli Straums

Fimm lífeyrissjóðir sem voru meðal tuttugu stærstu hluthafa Straums-Burðaráss töpuðu samtals um 6,2 milljörðum króna á hlut sínum í félaginu frá því fyrir bankahrun.

Kauphöllin sektar Bakkavör og Milestone

Kauphöllin hefur ákveðið að áminna Bakkavör Group og Milestone og beita févíti. Bakkavör er gert að greiða 2,5 milljónir króna í sekt vegna ummæla Lýðs Guðmundssonar stjórnarformanns félagsins í sjónvarpsviðtali. Sekt Milestone nemur 1,5 milljón króna.

Marel: Stóðum rétt að málum

Marel Food Systems segir óumdeilt að stjórnarformaður fyrirtækisins hafi að öllu leyti staðið rétt að framkvæmd viðskipta tveggja fjárhagslega tengdra aðila stjórnarformanns fyrirtækisins, að fram kemur í tilkynningu.

Færeyskt tryggingafélag hefur starfsemi á Íslandi

Færeyskt félag í tryggingaþjónustu stefnir að því að hefja starfsemi á Íslandi á næstunni. Félagið og áform þess hér á landi verða kynnt á fundi með blaðamönnum á ræðismannasskrifstofu Færeyja á morgun.

Sparisjóðabankinn fundaði með FME um helgina

Fjármálaeftirlitið (FME) átti fundi með forráðamönnum Sparisjóðabankans um helgina samhliða viðræðunum við forráðamenn Straums. Á þessum fundum var erfið staða Sparisjóðabankans til umfjöllunnar.

Verðbréfamiðlun Straums í London bíður fyrirmæla frá Íslandi

Teathers, verðbréfamiðlun Straums í London, bíður nú fyrirmæla frá Íslandi. Starfsemi Teathers hefur legið niðri síðan í morgun þar sem kauphöllin í London hefur lokað fyrir öll viðskipti á vegum miðlunarinnar vegna hruns Straums á Íslandi.

Tryggðar innistæður í Straumi um 60 milljarðar

Gylfi Magnússon viðskiptaráðherra segist ekki búast við því að fall Straums hafi umtalsverð áhrif á fjárhag hins opinbera. Hann bendir á að bankinn hafi ekki starfað með ríkisábyrgð annari en þeirri sem nær til innistæðna. Við fyrstu sýn, segir Gylfi, má reikna með að þær fjárhæðir nemi um 60 milljörðum en að ekkert bendi til annars en þess að eignir bankans dugi fyrir þeirri fjárhæð.

FME sektar Marel um milljón vegna verðbréfaviðskipta

Þann 4. desember 2008 tók stjórn Fjármálaeftirlitsins (FME) ákvörðun um að sekta Marel Food Systems hf. vegna brots á lögum um verðbréfaviðskipti . FME taldi með vísan til atvika máls að öðru leyti, þ.e. stjórnvaldssekta í sambærilegum málum, að hæfileg sekt væri kr. 1.000.000,-.

Hrun Straums rýrir Úrvalsbréf um 10%

Landsvaki, rekstrarfélag verðbréfa- og fjárfestingasjóða Landsbankans , vill taka fram að yfirtaka Fjármálaeftirlitsins á Straumi-Burðarási Fjárfestingarbanka mun ekki hafa áhrif til gengislækkunar á neinum verðbréfa- og fjárfestingarsjóðum rekstrarfélagsins öðrum en Úrvalsbréfum Landsbankans.

Samningar við ÍAV falla að verklagsreglum Kaupþings

Nýja Kaupþing og ÍAV hafa átt í viðræðum um endurskipulag á efnahag fyrirtækisins og tengdra félaga samkvæmt tilkynningu sem Kaupþing sendi frá sér nú fyrir stundu.

Danskt fasteignafélag í klemmu eftir hrun Straums

Hið nýstofnaða fasteignafélag Pecunia Properties er komið í klemmu aðeins fjórum dögum eftir að það var stofnað í Kaupmannahöfn. Straumur var einn af stofnendum félagsins og átti þar að auki hlut í öðru félagi sem stendur að Pecunia, það er Property Group.

Fjármálagerningar Straums settir á athugunarlista

Fjármálagerningar útgefnir af Straumi hafa verið færðir á athugunarlista vegna óvissu um framtíð útgefanda, með vísan til tilkynningar félagsins, dags. 9. mars 2009, þar sem fram kemur að Fjármálaeftirlitið hafi tekið yfir stjórn félagsins.

Það hefði getað farið verr hjá Árnastofnun

Árnastofnun hefur yfir að ráða tveimur sjóðum sem ætlaðir eru til bókakaupa. Þetta eru Bókasjóður Þorsteins M. Jónssonar og Sigurjónu Jakobsdóttur og Minningarsjóður Birgit Baldwin. Í ársskýrslu Árnastofnunar kemur fram að við hrun bankakerfisins í október hafi þessir sjóðir beðið nokkra hnekki en þó hefði getað farið verr. Þrátt fyrir að stór hluti sjóðanna hafi verið varðveittir í peningamarkaðssjóði þá voru þeir í sjóði Kaupþings sem rýrnaði minnst af þeim peningamarkaðssjóðum sem starfræktir voru fyrir fallið.

Metþátttaka í stefnumótun hjá Nýja Kaupþingi

Gríðarlegur áhugi er meðal starfsfólks Nýja Kaupþings fyrir stefnumótunardegi bankans þann 14. mars. Nú hafa 770 manns skráð sig eða átta af hverjum tíu starfsmönnum.

Ríflega fimmta hver króna fer í vaxtagreiðslur hjá ríkinu

Ríflega ein af hverjum fimm krónum sem hið opinbera hefur í tekjur í ár og á næsta ári fara í að greiða vexti af lánum. Reikna má með því að hallinn á hinu opinbera færist enn í aukanna á næstunni.

Tap Rarik nam 7,2 milljörðum króna í fyrra

Samkvæmt rekstrarreikningi RARIK var tap á árinu 7.232 milljónir króna en rekstrarhagnaður fyrir afskriftir, fjármagnsliði og skatta var 1.884 milljónir króna eða 24% af veltu tímabilsins. Handbært fé frá rekstri var 1.150 milljónir króna.

Lánasjóður sveitarfélaga skilaði 1,2 milljörðum í fyrra

Tekjuafgangur Lánasjóðs sveitarfélaga á síðasta ári nam 1.225 milljónum kr. á móti 1.219 milljónum kr. árið áður.

Starfsmenn Straums í Danmörku bíða skipana frá FME

Starfsmenn Straums í Danmörku sitja nú með hendur í skauti og bíða eftir fyrirskipunum frá skilanefnd Fjármálaeftirlitsins (FME) á Íslandi.

Fjölskylda bílasala í Köge græddi 14 milljarða á skortsölu

Fjölskylda fyrrum bílasala í Köge á Sjálandi í Danmörku græddi 700 milljónir danskra kr. eða tæplega 14 milljarða kr. á skortsölu á danska hlutabréfamarkaðinum á síðasta ári.

Óbreyttir útlánavextir hjá Íbúðalánasjóði

Íbúðalánasjóður hefur í kjölfar útboðs á íbúðabréfum ákveðið að útlánavextir sjóðsins verði óbreyttir. Útlánavextir íbúðalána með uppgreiðsluákvæði verða áfram 4,9% en 5,4% á íbúðalán án uppgreiðsluákvæðis.

ÍAV ræða við Kaupþing um endurskipulagningu

Íslenskir aðalverktakar hf. hafa átt í viðræðum við Kaupþing um endurskipulagningu á efnahag ÍAV. Í þeim viðræðum hafa ýmsar leiðir verið ræddar en niðurstaða liggur ekki fyrir.

Dapurt um að lítast í Kauphöllinni

Gengi hlutabréfa í Straumi hrundi um 97 prósent í Kauphöllinni eftir yfirtöku Fjármálaeftirlitsins á bankanum í nótt. Úrvalsvísitalan féll um þréttán prósent í kjölfarið niður í nýjar lægðir, 230 stig.

Segir hrun Straums auka líkur á þjóðargjaldþroti

Thomas Haugaard hagfræðingur hjá Svenska Handelsbanken í Kaupmannahöfn segir að hrun Straums og yfirtaka íslenskra stjórnvalda á bankanum í morgun hafi aukið líkurnar á þjóðargjaldþroti Íslands.

Stjórn Magasin du Nord vonast eftir sölu á næstunni

Stjórn Magasin du Nord vonast eftir því að stórverslunin verði seld á næstunni í framhaldi af því að Straumur fór undir stjórn Fjármálaeftirlitsins í morgun.

Straumur átti að borga 33 milljónir evra í dag

Straumur, sem Fjármálaeftirlitið tók yfir í morgun, þurfti að standa skil á skuldbindingum að fjárhæð 33 milljónum evra í dag en hafði aðeins handbært fé að fjárhæð rúmlega 15 milljónum evra.

Tekjuhalli hins opinbera 209 milljarðar í fyrra

Á fjórða ársfjórðungi síðasta árs var hið opinbera var rekið með 17 milljarða króna tekjuhalla samanborið við 19,6 milljarða króna tekjuafgangi á sama tíma 2007. Hallinn var svipaður fyrir árið í heild en þá eru ótalin 192 milljarða króna yfirtaka ríkissjóðs á töpuðum kröfum vegna veðlána Seðlabankans. Að henni meðtalinni er tekjuhalli hins opinbera 209,3 milljarðar króna 2008 eða 14,3% af landsframleiðslu.

Lokað fyrir Straum í norrænum kauphöllunum

Lokað var fyrir viðskipti með hluti í Straumi í kauphöllunum í Kaupmannahöfn, Osló og Helsinki í morgun.

Hrun Straums hefur víðtækar afleiðingar í Danmörku

Mikið er fjallað um yfirtöku Fjármálaeftirlitsins á Straumi í dönskum vefmiðlum þessa stundina. Á business.dk segir m.a. að hrun Straums muni hafa víðtækar afleiðingar í Danmörku.

FME yfirtekur rekstur Straums - forstjórinn segir af sér

Fjármálaeftirlitið (FME) hefur tekið ákvörðun um að taka yfir vald hluthafafundar Straums og vikið félagsstjórn í heild sinni frá störfum, ásamt því að skipa bankanum skilanefnd sem tekur við öllum heimildum stjórnar félagsins frá og með deginum í dag.

Nikkei-vísitalan ekki lægri síðan 1982

Hlutabréf lækkuðu í verði í Asíu í morgun og varð lækkunin slík í Japan að Nikkei-vísitalan hefur ekki verið lægri síðan haustið 1982. Vísitalan hefur þar með lækkað um fimmtung það sem af er árinu.

Fengu 300 milljón króna lán fyrir snekkju

Bakkabræður fengu ríflega þrjú hundruð milljóna króna lán frá Kaupþingi í tengslum við lúxussnekkju þeirra Mariu. Snekkjan var áður í eigu Giorgio Armani.

Jón Ásgeir segir skipulagða rógsherferð standa sem hæst

Jón Ásgeir Jóhannesson kaupsýslumaður segir að skipulögð rógsherferð standi nú sem hæst gegn ákveðnum fyrirtækjum og einstaklingum í íslensku viðskiptalífi.

Vill að húsleitarheimildum verði beitt í rannsókn á bankahruninu

Stjórnvöld þurfa að beita fullri hörku í rannsókn á efnahagshruninu með því að gefa út húsleitarrannsóknir strax. Þetta sagði Eva Joly rannsóknardómari í Silfri Egils í dag. Joly sagði að þetta væri eina leiðin fyrir yfirvöld til að kanna hvort aðilar sem lægju undir grun um að hafa skotið undan fjármunum ættu leynilega bankareikninga eða ekki.

Segir stjórnendur ekki hafa fengið 478 milljarða að láni

Sigurður Einarsson segir að þær fjárhæðir sem slegið er upp í frétt á forsíðu Morgunblaðsins og fréttastofa Stöðvar 2 og Vísis vísaði til í gær séu rangar. Í umfjölluninni sé ekki gerð grein fyrir veðtryggingum fyrir umræddum lánum og frádrætti vegna þessa sem kveðið sé á um í reglum um stórar áhættuskuldbindingar. Þetta kemur fram í yfirlýsingu frá

Lausafé ekki notað í fasteignaviðskiptum

Velta á fasteignamarkaði hefur dregist saman um rúm sjötíu prósent á milli ára. Í febrúar kom lausafé við sögu í aðeins þremur kaupsamningum af þeim hundrað fjörtíu og fimm sem gerðir voru.

Obama velur aðstoðarfjármálaráðherra

Barack Obama, forseti Bandaríkjanna, hefur valið þrjá menn til þess að gegna forystuhlutverkum í bandaríska fjármálaráðuneytinu. Fjármálaráðherra hefur verið gagnrýndur nokkuð að undanförnu fyrir að vera ekki með fullmannað ráðuneyti.

Seðlabanki Bandaríkjanna mun beita öllum tiltækum ráðum

Seðlabankastjóri Bandaríkjanna, Ben Bernanke, sagði í dag að bankinn myndi nota öll tiltæk verkfæri til þess að ná stöðugleika á fjármálamörkuðum og koma Bandaríkjunum úr kreppunni.

Kaupþing rekið eins og spilavíti

Kaupþing var rekið eins og spilavíti að mati lektors við Háskóla Íslands. Þrír af stærstu eigendum bankans og félög tengd þeim fengu hátt í fimm hundruð milljarða króna í lán frá bankanum eða því sem nam rúmlega einum tíunda af útlánum til viðskiptavina.

Taldi sig ekki þurfa að segja Geir frá tilboði Breta

Fyrrum efnahagsráðgjafi ríkisstjórnarinnar taldi það ekki í sínum verkahring að greina forsætisráðherra fá tilboði breska fjármálaeftirlitsins um að færa Icesave inn í breska lögsögu.

Breska ríkið eignast 75% í Lloyds bankanum

Breska ríkið mun ráða yfir allt að sjötíu og fimm prósent hlut í Lloyds bankanum í Bretlandi, eftir ákvörðun sem tekin var í gærkvöld. Samkvæmt nýju samkomulagi mun breska ríkið eignast 65% í Lloyds bankanum í Bretlandi, en áður hafði verið tilkynnt um að eignarhlutur ríkisins yrði 43%.

Björgólfur sagður hafa selt fyrir 18 milljarða

Fjárfestingafélagið Novator, sem er í eigu Björgólfs Thors Björgólfssonar, hefur selt 31% hlut sinn í Netia, sem er annað stærsta símafyrirtækið í Póllandi.

Samkomulag um endurskipulagningu Kaupþings í Lúx

Samkomulag hefur náðst í endurskipulagningu á Kaupþingi í Lúxemborg með uppgjör á milli bankans og gamla Kaupþings. Þá liggur fyrir vilyrði frá ríkisstjórnum Lúxemborgar og Belgíu ásamt innistæðutryggingarsjóði Lúxemborgar að lána Kaupþingi í Lúxemborg 86 milljarða íslenskra króna.