Eimskip gæti þurft að afskrifa milljarða

Svo gæti farið að Eimskip þurfi að afskrifa milljarða vegna kaupa sinna á breska fyrirtækinu Innovate Holdings í fyrra. Kaupverð var um tíu milljarðar á núverandi gengi en eftir nánari skoðun reyndist félagið ekki eins öflugt og gert var ráð fyrir í upphafi.

Úrvalsvísitalan fellur niður um netbóluísinn

Úrvalsvísitalan hefur ekki verið lægri síðan í október árið 2005. Fall hennar nú á ellefu mánuðum er meiri en þegar netbólan sprakk um síðustu aldamót.

Glitnir gerir ráð fyrir 12,4 prósenta verðbólgu í júní

Greiningardeild Glitnis spáir því að vísitala neysluverðs hækki um 0,6 prósent á milli maí og júní og að verðbólga muni aukast lítillega, úr 12,3 prósentum í 12,4.

Sádar vilja funda vegna olíuverðshækkana

Yfirvöld í Sádi-Arabíu hafa ákveðið að efna til fundar meðal olíuframleiðsluríkja og olíukaupenda og seljenda til þess að ræða leiðir til þess að takast á við hækkandi olíuverð.

Mest lækkun hjá Teymi

Teymi hf. hefur lækkað mest það sem af er degi í Kauhöll Íslands. Fyrirtækið hefur lækkað um 3,46 prósent en Exista hefur lækkað um 1,93 prósent. Atlantic Petroleum hefur hækkað mest allra, um 4,26 prósent og Alfesca hefur farið upp um rétt rúm tvö prósent.

Dregur úr hættu á mikilli niðursveiflu í Bandaríkjunum

Hættan á mikill niðursveiflu í Bandaríkjunum hefur minnkað töluvert á síðasta mánuði segir Ben Bernanke, seðlabankastjóri Bandaríkjanna.

Icelandair lækkaði um nærri fimm prósent í dag

Icelandair lækkaði mest allra félaga í viðskiptum í Kauphöll Íslands í dag, eða um 4,81 prósent.

Eyrir keypti fyrir 6,7 milljarða í hlutafjárútboði Marels

Eyrir Invest, stærsti hluthafi Marels, keypti fyrir 6,7 milljarða í hlutafjárútboði félagsins sem lauk í síðustu viku. Það er rétt tæplega helmingur hlutafjárins sem var í útboðinu.

Helgi ráðinn framkvæmdastjóri Iceland Travel

Helgi Eysteinsson hefur tekið við starfi framkvæmdastjóra Iceland Travel, dótturfyrirtækis Icelandair Group.

iPhone 2 kynntur í dag?

Búist er við því að tölvurisinn Apple kynni í dag aðra kynslóð iPhone-farsíma sinna.

Besti tíminn fyrir hertar reglur

„Nú um stundir gefst fyrsta tækifærið í hálfa öld til að setja hertar reglur um starfsemi banka og fjármálafyrirtækja,“ segir Robert Wade, prófessor við London School of Economics. Wade hélt erindi um fjármálakreppuna í alþjóðlegu samhengi í dag.

Evrópubúar og Ástralir gúffa í sig McDonald´s

Skyndibitakeðjan McDonald's virðist ekki finna fyrir kreppunni ef marka má sölutölur í maí.

Skuldatryggingaálag bankanna hækkar á ný

Skuldatryggingaálag bankanna stígur nú á ný eftir að hafa lækkað hratt undanfarna mánuði. Fram kemur í Morgunkorni Glitnis að skuldatryggingaálagið hafi náð sögulegum hæðum í mars þegar álag Kaupþings og Glitnis komst yfir 1.000 punkta og skuldatryggingaálag Landsbankans fór upp í 800 punkta.

Fyrstu viðskipti með Straumsbréf felld niður

Kauphöllin felldi í morgun niður viðskipti með hlutabréf í Straumi. Tilboð í bréfin hljóðuðu upp á 11,36 til 11,6 krónur á hlut. Þetta voru fyrstu viðskiptin með bréf félagsins í morgun og keyrði það upp um rúm sex prósent.

Straumur tók stökkið í byrjun dags

Gengi bréfa í Straumi Burðarási tók stökkið við upphaf viðskiptadagsins í Kauphöll Íslands í dag og hækkaði um 6,37 prósent. Á eftir fylgdi gengi bréfa í færeyska olíuleitarfélaginu Atlantic Petroleum, sem hækkaði um 4,26 prósent eftir nokkra lækkun í næstu viu. Þá hækkaði gengi SPRON sömuleiðis, eða um 0,46 prósent.

TM sett á athugunarlista S&P vegna skuldastöðu FL Group

Alþjóðlega matsfyrirtækið Standard & Poor's hefur ákveðið að setja Tryggingamiðstöðina og dótturfélag þess, Nemi Forsikring ASA í Noregi, á athugunarlista.

Olíuverð úr himinhæðum

Heimsmarkaðsverð á hráolíu lækkaði lítillega í dag eftir methækkun á föstudag. Sérfræðingar segja vara hins vegar við því að olíuverðið geti tekið stökkið upp á við á nýjan leik fljótlega.

Ná þarf tökum á olíuverðinu til að forðast alheimskreppu

Orkumálaráðherra Japans segir að iðnríki verði að bregðast við og ná tökum á hækkandi olíuverði ef ekki eigi að verða alheimskreppa.

Rússar ætla að liðka til fyrir erlenda fjárfesta

Yfirvöld í Rússlandi ætla að liðka til fyrir erlenda fjárfesta í landinu. Unnið verður að því að takamarka völd og áhrif hins opinbera og styrkja eignaréttinn.

Baugur ætlar ekki út úr Moss Bros

Don McCarthy, stjórnarmaður í Baugi Group og Moss Bros, segir að Baugur sé ekki á leiðinni út úr Moss Bros jafnvel þótt félagið hafi hætt við yfirtökutilboð á verslunarkeðjunni fyrir skömmu.

Um 7% umframeftirspurn í hlutafjárútiboði Marels

Hlutafjárútboði Marel Food Systems lauk fyrir helgina. Góð þátttaka var í útboðinu og voru alls 446 áskriftir sem bárust fyrir samanlagt tæplega 15 milljarða kr. að söluverðmæti eða 167.347.760 hluti. Þetta gerir rétt tæplega 7% umframeftirspurn.

Eimskip birtir sex mánaða uppgjör sitt þann 19. júní

Eimskipafélag Íslands birtir uppgjör sitt fyrir fyrstu sex mánuði rekstrarársins 2008, þann 19. júní, eftir lokun markaða.

Tæplega 40% samdráttur á nýskráningum fólksbíla í maí

Nýskráningar fólksbíla drógust saman um 38% í maí frá fyrra ári samkvæmt tölum frá Umferðastofu. Fjöldi nýskráðra fólksbifreiða í maí sl. var 1.206 miðað við 1.950 í maí í fyrra og 1.756 í maí árið 2006.

Olíuverðið í nýjum himinhæðum

Gengi hlutabréfa í Bandaríkjunum tók mikla dýfu í dag eftir mikla verðhækkun á hráolíu og lélegar tölur um atvinnuþátttöku vestanhafs. Verð á hráolíu fór yfir 139 dali á tunnu og hefur aldrei verið hærra.

Viðskiptavinir TM fá leiðréttingu á eigin áhættu

Í framhaldi af þeirri ákvörðun ríkisstjórnarinnar að lækka lágmark eigin áhættu í tjónum sem Viðlagatrygging Íslands bætir úr 85.000 kr. í 20.000 í kjölfar Suðurlandsskjálftans vill Tryggingamiðstöðin koma eftirfarandi á framfæri.

EM í sjónvarpi

RÚV og Síminn hafa gert með sér samkomulag sem felur í sér að fimm leikir frá EM verða sýndir á sjónvarpsrásinni RÚV-plús sem er ein þeirra sjónvarpsstöðva sem standa viðskiptavinum Símans til boða í Sjónvarpi Símans. Þetta fyrirkomulag er haft þegar að tveir leikir verða spilaðir samtímis í riðlakeppninni.

Forstjóri Brimborgar í lok dags

Egill Jóhannsson forstjóri Brimborgar var gestur Sindra Sindrasonar í lok dags hér á Vísi. Ræddu þeir meðal annars um erfiða stöðu á bílamarkaði.

Óljós áhrif nýrra gjaldeyrisreglna á fjármálastofnanir

Seðlabankinn hefur tilkynnt um nýjar reglur um gjaldeyrisjöfnuð fjármálastofnana sem taka gildi þann 1. júlí næstkomandi. Þetta kemur fram í Hálf-fimm fréttum Kaupþings og þar segir jafnframt að nýju reglurnar muni þrengja heimildir fyrir stöðutöku á gjaldeyrismarkaði. Nú geta fjármálafyrirtæki vikið 10% frá almennum gjaldeyrisjöfnuði. Fyrir breytinguna gat sama hlutfall verið allt að 30%.

Öll fyrirtæki Úrvalsvísitölunnar lækkuðu í dag

Öll fyrirtækin í Úrvalsvísitölunni lækkuðu í dag. Vísitalan lækkaði um 0,7 prósent og stendur hún nú í 4.665 stigum. SPRON lækkaði mest allra í Kauphöllinni, um þrjú prósent. Marel fylgir í kjölfarið með 2,15 prósent og Össur lækkaði um 1,67 prósent. Aðeins eitt félag hækkaði í Kauphöllinni, Century Aluminum Company, um 3,97 prósent.

Atvinnuleysi 5,5 prósent í Bandaríkjunum

Atvinnuleysi mældist 5,5 prósent í Bandaríkjunum í nýliðnum mánuði. Þetta er hálfu prósentustigi meira en mánuðinn á undan og þykir auka líkurnar frekar en áður á því að samdráttarskeið renni upp vestanhafs á næstunni.

Caoz gerir samning upp á 400 milljónir

Tölvuteiknimyndafyrirtækið Caoz hefur gert samning við tvö evrópsk framleiðslufyrirtæki vegna framleiðslu á tölvuteiknimyndinni Þór - í Heljargreipum. Samningurinn er að andvirði um 400 m króna og var gengið frá honum á kvikmyndahátíðinni í Cannes, nú nýverið.

Dæmdir fyrir tugmilljarðasvik sýndarfyrirtækis

Málmiðnaðarjöfurinn Viren Rastogi hlaut í morgun níu og hálfs árs fangelsisdóm fyrir fjársvik sem nema um 500 milljónum punda

Húsverðir helst að fá vinnu í fjármálafyrirtækjum?

Kaupþing auglýsir nú eftir rafvirkja í stöðu húsvarðar hjá Kaupþingi á ráðningaþjónustu Hagvangs. Á þessum samdráttatímum hafa fjármálafyrirtæki lýst því yfir að þau ætli ekki að ráða inn nýtt fólk. Varla er þó hægt að vanrækja viðhald húsa þannig að húsverðir eru án efa mikilvægir starfskraftar hvort sem kreppa er eður ei.

Innflutt hráefni til fiskvinnslu dróst saman um 16 prósent milli ára

Innflutt hráefni til fiskvinnslu var 105.202 tonn árið 2007 og dróst saman um 20.444 tonn frá fyrra ári eða 16,3%.

Gengið áfram að styrkjast

Gengi krónunnar hefur haldið áfram að styrkjast í morgun og hefur gengisvísitalan lækkað um 0,5%. Stendur hún nú í 152 stigum.

Mikil auking veltu á gjaldeyrismarkaðinum

Velta á gjaldeyrismarkaði í maímánuði nam 505 milljörðum kr. samkvæmt tölum sem Seðlabankinn birti í gær. Í maí fyrir ári síðan var veltan 265 milljarðar kr. og hefur því aukist um rúmlega 90% á milli ára.

Róleg byrjun í kauphöllinni

Markaðurinn fór rólega af stað í morgun og lækkaði úrvalsvísitalan um 0,3% í fyrstu viðskiptum dagsins. Stendur hún nú í 4.685 stigum.

Spyr hvort hæfi Jóns Ásgeirs sem stjórnarformanns sé ógnað

Viðskiptablaðið Financial Times veltir fyrir sér þeirri spurningu hvort Hæstaréttardómurinn í Baugsmálinu gæti ógnað hæfi Jóns Ásgeirs Jóhannessonar til að starfa sem stjórnarformaður Baugs Group.

Enn hækka rafmagn og gas í Bretlandi

Búist er við að rafmagns- og gasverð í Bretlandi hækki enn næstu tvö árin en verðhækkun á gasi síðan um áramót nemur 54 prósentum.

Talsverð hækkun á Wall Street

Helstu hlutabréfavísitölur ruku upp á fjármálamörkuðum á Wall Street í Bandaríkjunum í dag eftir jákvæðar fréttir af vinnumarkaði og úr smásölugeiranum.

SPRON veitir rúmar þrjár milljónir króna í styrki til viðskiptavina

SPRON hefur veitt styrki til viðskiptavina sinna, samtals rúmar þrjár milljónir króna en rúmlega 600 viðskiptavinir sóttu um styrki að þessu sinni.

Mikael Torfason í lok dags

Mikael Torfason rithöfundur var gestur Sindra Sindrasonar í lok dags hér á Vísi. Ræddur þeir félagar um nýútkomna bók um Warren Buffet sem Mikael er að gefa út.

Evran styrkist eftir vaxtaákvörðun

Gengi evrunnar styrktist nokkuð gagnvart bandaríkjadal í kjölfar þess að evrópski seðlabankinn ákvað að halda stýrivöxtum óbreyttum í fjórum prósentum í dag. Þá hækkaði hráolíuverð lítillega, eða um einn dal.

SA: Seðlabankinn grefur undan peningastefnunni

Í Fréttabréfi Samtaka atvinnulífsins kemur fram að verðbólguspár Seðlabankans grafa undan peningastefnunni. Þar segir að þrátt fyrir að stýrivextir Seðlabankans hafi hækkað úr 5,16 prósent í febrúar 2003 í 15,5 prósent í apríl 2008 hafi ekki tekist að hafa hemil á verðbólgunni sem mældist í maí 2008 um 12 prósent á ársgrundvelli.

Seðlabankinn grefur undan sjálfum sér

Verðbólguspár Seðlabanka Íslands grafa peningastefnu hans sjálfs. Þetta segir í nýjasta fréttabréfi Samtaka atvinnulífsins.