Helgi ráðinn framkvæmdastjóri Iceland Travel

Helgi Eysteinsson hefur tekið við starfi framkvæmdastjóra Iceland Travel, dótturfyrirtækis Icelandair Group.

Ráðning Helga er liður í að efla ferðaþjónustustarfsemi innan félagsins með aukinni áherslu á fríferðir Íslendinga eins og segir í tilkynningu Icelandair. Jóhann Kristjánsson, sem verið hefur framkvæmdastjóri Iceland Travel, hefur jafnframt látið af störfum.

Iceland Travel tekur á móti erlendum ferðamönnum og skipuleggur ráðstefnur á Íslandi og með ráðningu Helga nú og ráðningu Harðar Gunnarssonar sem stjórnarformanns Iceland Travel er mótuð sú stefna að auka vægi hóp- og afþreyingarferða fyrir Íslendinga til útlanda.

Helgi Eysteinsson starfaði á árunum 2006-2008 hjá Glitni. Hann var sölu- og markaðsstjóri hjá Ferðaskrifstofu Íslands á árunum 2004-2006 en fyrirtækið var í eigu Flugleiða/Icelandair Group fram í ársbyrjun 2006. Þar áður var hann við störf hjá Íslensku auglýsingastofunni og Glitni.