Caoz gerir samning upp á 400 milljónir

Tölvuteiknimyndafyrirtækið Caoz hefur gert samning við tvö evrópsk framleiðslufyrirtæki vegna framleiðslu á tölvuteiknimyndinni Þór - í Heljargreipum. Samningurinn er að andvirði um 400 m króna og var gengið frá honum á kvikmyndahátíðinni í Cannes, nú nýverið.

Fyrirtækin sem taka þátt í þessu verkefni með Caoz eru Ulysses Films GmbH sem er þýskt fyrirtæki og Magma Productions Ltd. á Írlandi

Tölvuteiknimyndin um Þór hefur verið í þróun og forframleiðslu hjá Caoz í hartnær 4 ár. Gert er ráð fyrir að hún komi í kvikmyndahús í árslok 2010. Áætlaður framleiðslukostnaðar er um 1,1 milljarður króna.

Caoz er í eigu helstu starfsmanna, valinna fjárfesta og Brú II Venture Capital Fund en fyrirtækið var stofnað árið 2001.