SA: Seðlabankinn grefur undan peningastefnunni

Í Fréttabréfi Samtaka atvinnulífsins kemur fram að verðbólguspár Seðlabankans grafa undan peningastefnunni. Þar segir að þrátt fyrir að stýrivextir Seðlabankans hafi hækkað úr 5,16 prósent í febrúar 2003 í 15,5 prósent í apríl 2008 hafi ekki tekist að hafa hemil á verðbólgunni sem mældist í maí 2008 um 12 prósent á ársgrundvelli.

Í fréttabréfinu er vísað til nýrrar rannsóknar Axels Halls og Friðriks Más Baldurssonar við Viðskiptadeild Háskólans í Reykjavík sem sýnir að Seðlabankinn spái því ætíð að verðbólgumarkmiði bankans verði náð innan um það bil tveggja ára óháð því hver verðbólgan er þegar spáin er gefin út hverju sinni.

Fréttabréf Samtaka atvinnulífsins má lesa hér.