iPhone 2 kynntur í dag?

Búist er við því að tölvurisinn Apple kynni í dag aðra kynslóð iPhone-farsíma sinna.

Þróunarráðstefna fyrirtækisins stendur nú yfir í San Francisco og er reiknað með að Steve Jobs, forstjóri Apple, kynni iPhone 2. Fyrsta kynslóð símanna hefur notið mikilla vinsælda frá því að hún kom á markað í júní í fyrra. Hafa fimm milljónir síma selst síðan þá og reiknað er með að þeir verði tíu milljónir áður en árið er úti.

Símarnir voru vinsælir meðal annars vegna snertiskjásins en nettengingar símans voru gagnrýndar. Sérfræðingar búast við að Apple-menn verði búnir að ráða bót á þessu í nýja símanum.