Ásinn Týr í uppáhaldi

„Ég var að bíða eftir að komast í tónmenntatíma, og tók upp bók og fór að lesa. Bókin var um ásatrú og ég las hana alla,“ segir Ívan Breki Guðmundsson, nemandi í Grunnskólanum á Ísafirði. Ívan heillaðist af ásatrúnni og tók þá ákvörðun að taka siðfestu í stað þess að fermast.

Engar tvær kökur eru alveg eins

Bara einn fermingardagur

Deilur fráskilinna foreldra skyldu ætíð látnar lönd og leið á fermingardegi barna og gleði fá í staðinn stærstan sess. „Aðeins einn dagur í ævi barns heitir fermingardagur. Því þurfa foreldrar að hafa hagsmuni barns síns að leiðarljósi og setja eigin ágreining til hliðar, sé hann til staðar. Við getum haldið mörg jól og farið í mörg sumarfrí, en hvaða sögu viljum við að barn okkar segi af fermingardegi sínum? Minningarnar munu lifa og því skal hafa í huga að deilur foreldra bitna mest á börnunum,“ segir Valgerður Halldórsdóttir, félagsráðgjafi og formaður Félags stjúpfjölskyldna, spurð um heillaráð til handa foreldrum barna sem eiga tvö heimili.

Gullmolarnir í lífinu

Börn með þroskahömlun gera Jesú að ævilöngum vini á fermingardaginn. "Áður fyrr var undir hælinn lagt hvort börn með þroskahömlun fermdust, og í starfi mínu hef ég talað við margt aldrað fólk sem svíður sárt að hafa ekki fengið að fermast af því það gat ekki lært kverið sitt og var kannski ekki læst. Við þurfum ekki að vera læs til að eiga Jesú að vini. Við þurfum bara að vera læs á hjarta okkar og umhverfi,“ segir Guðný Halldórsdóttir, sem starfað hefur sem prestur fatlaðra frá árinu 1990 og þjónar sérstaklega einstaklingum með þroskahömlun.

Borgaraleg ferming vinsæll valkostur

Borgaraleg ferming nýtur vaxandi hylli hérlendis. Þannig ætla 195 börn að fermast borgaralega í ár en þau voru 166 á síðasta ári. Hope Knútsson, formaður Siðmenntar, telur gott orðspor ráða því að sífellt fleiri velja þennan kost.

Þakka Guði fyrir hvern dag sem Ozzy dregur andann

"Þetta er mjög spennandi festival,“ segir Sigurður Sverrisson sem verður fararstjóri í fyrstu íslensku hópferðinni á rokkhátíðina Sweden Rock Festival svo vitað sé.

Manchester bíður eftir Björk - Tónleikar á Íslandi ekki ákveðnir enn

Björk Guðmundsdóttir frumflytur tónlist af plötu sinni Biophilia í sumar með aðstoð hugbúnaðar og nýrra hljóðfæra, þar á meðal stafræns pípuorgels og tíu metra pendúls.

Fermingarbörn taka skírn í kvöldkirkju

Í hverjum fermingarhópi eru börn sem ekki hafa tekið skírn. Þau þurfa hins vegar að skírast áður en hægt er að ferma þau og er afar persónubundið hvernig sú athöfn fer fram. Í Dómkirkjunni er algengt að þessi börn taki skírn í svokallaðri kvöldkirkju sem er opin alla fimmtudaga, árið um kring.

Upplifði ævintýri í Ameríku

Alexander Sigmarsson, fjórtán ára, ákvað að verja fermingarpeningunum sínum í ævintýraferð um Mið-Ameríku á síðasta ári. Með í för var faðir hans Sigmar Alexandersson. „Þetta var rosalega skemmtilegt, alveg eins og ég bjóst við," segir Alexander en hákarlar og píramídar eru á meðal þess sem rak á fjörur hans.

Pabbi fór á kostum

Þótt tæplega hálf öld sé liðin síðan leikkonan góðkunna Guðrún Ásmundsdóttir fermdist man hún ferminguna eins og hún hafi gerst í gær. „Þá fylgdi því mikill kostnaður að fermast. Fermingarkyrtlar stóðu ekki til boða svo saumaðir voru á okkur stelpurnar glæsilegir hvítir fermingarkjólar, næstum eins og brúðarkjólar, og ekki nóg með það heldur var keyptur kjóll til að klæðast eftir ferminguna í veisluna og kápa.“

Myndaþáttur: Laglegir unglingar

Undir hvítum kuflinum á fermingardaginn leynast oft fagrir kjólar og litrík klæði sem valin hafa verið af kostgæfni. Fermingarbörnin hafa oft á tíðum sterkar skoðanir á því hverju þau vilja klæðast á þessum merkilega degi í lífi þeirra.

Mamma erfði skyrtuna

„Þetta var yndislegur dagur," segir Elín Ósk Óskarsdóttir söngkona, sem fermdist 6. apríl 1975 í Stórólfshvolskirkju á Hvolsvelli. „Ég ólst upp á frekar trúuðu heimili. Mamma og pabbi sóttu messur og pabbi söng með kirkjukórnum. Ég fór snemma að syngja með kórnum og hugsaði mikið um trúna. Mér fannst því sjálfsagt að fermast," segir Elín, en séra Stefán Lárusson sá um ferminguna.

Verða góðar manneskjur

Séra Birgir Ásgeirsson segir fermingarundirbúninginn samtal og samfélag um trúna milli unglingsins, fjölskyldunnar og kirkjunnar. „Mér finnst fermingarundirbúningurinn vera samtal um trúna og tækifæri unglingsins til að kynnast sjálfum sér og bera sig saman við trúarlegan og siðfræðilegan þátt í eigin lífi. Hvað er ég, hver vil ég vera og hvert stefni ég, og þá um leið hver er Guð?“ segir séra Birgir Ásgeirsson, prestur í Hallgrímskirkju.

Þessi eru með himinháa greindarvísitölu

Meðfylgjandi myndskeið var tekið í dag í Vonarstræti þegar Hönnunarsjóður Auroru útlhlutaði rúmlega 11,5 milljón króna til verkefna á sviði hönnunar. Við tókum hönnuðina Hafstein Júlíusson, Emblu Vigfúsdóttur, Katarinu Lötzcsch, Anton Kaldal og Steinar Farestveit tali þar sem þeir kynntu hugmyndir sínar.

Framúrskarandi íslenskir hönnuðir verðlaunaðir

Meðfylgjandi myndir voru teknar í dag þegar Hönnunarsjóður Auroru úthlutaði rúmlega 11,5 milljón króna til verkefna á sviði grafískrar hönnunar, fatahönnunar, matarhönnunar, vöruhönnunar og arkitektúrs. Þrír aðilar fengu framhaldsstyrki til frekari eflingar verkefna sinna, sem er í takt við þá stefnu Hönnunarsjóðsins að fylgja eftir völdum verkefnum þannig að sá árangur megi fremur nást sem viðkomandi hönnuður stefnir að. Það voru þeir Bóas Kristjánsson með fatamerki sitt 8045, Hafsteinn Júlíusson með vörumerki sitt HAF og Charlie Strand með bókina Icelandic Fashion Design sem kemur út í sumar. Öll eiga þessi verkefni sameiginlegt að ötullega hefur verið unnið í þeim frá fyrri styrkveitingum. Sjá nánar hér.

Pabbi Mugisons bjargaði bassa Diktu

"Það er einhver draugur í þessum bassa. Bassabölvunin,“ segir Jón Þór Sigurðsson, best þekktur sem Nonni kjuði, trommuleikari hljómsveitarinnar Dikta.

Eagles-menn koma með einkaþotu

„Þetta er eitt mesta brjálæði sem ég hef upplifað og hef ég þó upplifað margt,“ segir tónleikahaldarinn Ísleifur B. Þórhallsson.

Spúkí stemning með miðil og spákonu í beinni

Meðfylgjandi myndskeið var tekið í gærkvöldi á settinu hjá Dyngju-dömum Skjás eins, Nadiu Banine og Björk Eiðsdóttur, rétt áður en útsending þáttarins Dyngjan hófst klukkan 21:05. Gestir kvöldsins, Guðrún Hjörleifsdóttir miðill og Sigríður Klingenberg spákona, voru nýbúnir að koma sér fyrir ásamt þáttastjórnendum. Eins og sjá má var stemningin rafmögnuð.

Vill komast í jarðarför Perkins

Blúsarinn Halldór Bragason ætlar að reyna að vera viðstaddur jarðarför vinar síns, bandarísku blúsgoðsagnarinnar Pinetop Perkins, sem er látinn, 97 ára gamall.

Aldrei aftur allsber

Breski leikarinn Ewan McGregor lét hafa það eftir sér á dögunum að hann væri hættur að koma nakinn fram á hvíta tjaldinu. McGregor, sem verður fjörutíu ára á þessu ári, segist ekki vilja enda eins og margar karlkyns Hollywood-stjörnur sem sífellt eru naktar í ástarleikjum með ungum konum. Tekur hann leikarann Clint Eastwood sem dæmi.

Missir hárið

Söngkonan skrautlega Lady Gaga er byrjuð að missa hárið og þarf að ganga með hatt til að fela skallablettina. Skrautlegar hárgreiðslur og sífelldar breytingar á háralit virðast vera byrjaðar að taka sinn toll á hári söngkonunnar, sem er byrjuð að sanka að sér hárkollum. „Ég nota hárkollur og hárlengingar til að bæta upp lokkana sem detta af.“

Braut rúðu í brjálæðiskasti

Hér má sjá þegar tónlistarmaðurinn Chris Brown, sem lúbarði söngkonuna Rihönnu fyrir tveimur árum, var í viðtali í sjónvarpsþættinum Good Morning America í morgun. Chris tók brjálæðiskast eftir að spyrillinn spurði hann út í það sem hann gerði Rihönnu en ef myndskeiðið er skoðað má greinilega sjá að hann er ósáttur við að rifja upp fortíðina. Söngvarinn rauk eftir viðtalið beint í búningsherbergið ósáttur við spurningarnar sem áttu að hans mati að ganga út á nýju plötuna hans Fame. Þá braut Chris rúðu í æðiskastinu. Meðfylgjandi má sjá myndir af Chris fyrir utan sjónvarpsstöðina og skilaboðin sem hann setti á Twitter síðuna sína í kjölfarið en nú þegar er búið að eyða skilaboðunum.

Yfirlýsing frá Hurts: Áhorfendur björguðu tónleikunum - Viva Ísland

Rafmagnið fór tvívegis af hljóðkerfinu í Vodafone-höllinni þegar breska hljómsveitin Hurts hélt þar tónleika á sunnudagskvöld. Einhverjir í hljómsveitinni voru frekar fúlir eftir atvikið en tóku þó gleði sína á ný eftir tónleikana þegar eftirpartí var haldið þeim til heiðurs á skemmtistaðnum Austur.

Ekki er þetta sleikur Charlie Sheen?

Leikarinn Charlie Sheen mætti öllum að óvörum í spjallþátt Jimmy Kimmel í gærkvöldi á sjónvarpsstöðinni Abc. Leikarinn kyssti þáttastjórnandann eftirminnilega eins og sjá má í myndskeiðinu. Nýjustu fregnir úr Hollywood herma að Charlie verði mögulega endurráðinn í sjónvarpsþáttinn vinsæla Two and a Half Men. Gustað hefur um stjörnuna síðustu vikur eftir að hann hellti sér yfir framleiðendur þáttanna.

Spákonur í beinni

"Okkur langar að vita hvað er til í þessu og hvernig þær fara að þessu, hvernig miðlar sjá framtíðina og fleira í þeim dúr. Hafa ekki flestar stelpur og konur farið til miðils eða spákonu? Þá ekki síst þegar þær hætta með kærastanum, segir Björk Eiðsdóttir annar þáttastjórnenda Dyngjunnar á Skjá einum. "Við ætlum að spyrja hvað má ekki segja og hvort það sé ekki hættulegt að við förum að lifa eftir þessu." Verður spáð í beinni útsendingu í kvöld? "Ég ætla að spyrja Guðrúnu hvort hún finni fyrir einhverju í salnum eða í kringum okkur," segir Björk spennt. Í meðfylgjandi myndskeiði má sjá brot úr þáttunum.

Ný ástkona Tiger

Tiger Woods, kylfingurinn kvensami, er kominn með nýja stúlku uppá arminn. Sú „heppna“ heitir Alyse Lahti Johnson og er 22 ára stjúpdóttir framkvæmdarstjóra umboðskrifstofu Tiger. Sambandið kom í ljós þegar Elin Nordegren, fyrrum eiginkona Tiger, keypti sér villu við hlið Tiger í Flórída fyrir skemmstu.

Will Smith gaf tölvur

Will Smith hefur gefið 29 tölvur til menntaskóla í heimaborg sinni Fíladelfíu í Pennsylvaníu-fylki. Þetta góðverk gerði leikarinn eftir að hann komst að því að þjófar höfðu stolið sextíu tölvum úr skólanum. Þeir hafa verið handsamaðir af lögreglu og ákærðir fyrir verknaðinn. Upphæðin sem Smith innti af hendi kemur úr góðgerðarsjóði sem hann stofnaði með eiginkonu sinni. Smith ólst upp í bænum Wynnefield skammt frá menntaskólanum sem er í vesturhluta Fíladelfíu.

Pearl Jam býr til plötu

Rokkararnir í Pearl Jam byrja í næsta mánuði að taka upp sína tíundu hljóðversplötu. Síðasta plata sveitarinnar, Backspacer, kom út árið 2009. "Við gerðum fullt af prufuupptökum og við erum með 25 möguleg lög,“ sagði bassaleikarinn Jeff Ament.

Einhleyp og hamingjusöm

Leikkonan Renee Zellweger er laus og liðug á ný eftir að hafa sagt skilið við leikarann Bradley Cooper. Zellweger virðist þó ekki gráta sambandið því hún lék við hvern sinn fingur í veislu sem haldin var síðustu helgi.

Batman-hópurinn klár

Þriðja myndin í Leðurblökumanns-flokki Christopher Nolan er beðið með mikilli eftirvæntingu enda sló Dark Knight eftirminnilega í gegn fyrir tveimur árum. Fyrrum barnastjarna verður í hlutverk aðalskúrksins.

Charlie Sheen er lítið barn

Charlie Sheen er vafalítið aðalstjarnan það sem af er þessa árs en sífellt fleiri efast um geðheilbrigði leikarans. Bæði bróðir og faðir leikarans tjáðu sig um ástandið á honum um helgina.

Á toppnum á tveimur stöðum

„Maður vonaði alltaf að það kæmi fólk að sjá myndina en ég bjóst ekki við að þetta gengi svona vel strax,“ segir Reynir Lyngdal, leikstjóri Okkar eigin Osló.

Villtar klukkustundir á Íslandi þrátt fyrir skakkaföll

"Það er leiðinlegt að þetta þurfti að enda svona. Þetta hefði getað verið stöngin inn," segir Róbert Aron Magnússon, sem skipulagði tónleika bresku hljómsveitarinnar Hurts á sunnudagskvöld.

HURTS: Kærleiksrík kveðja þrátt fyrir misheppnaða tónleika

Í meðfylgjandi myndskeiði má sjá hvernig hljómsveitin HURTS kvaddi áhorfendur í Vodafone höllinni á sunnudagskvöldið áður en þeir spiluðu lokalagið. Rafmagnið fór tvívegis af hljóðkerfinu og breytti þar með annars frábærri stemningu sem hafði skapast í höllinni á meðan bandið spilaði.

Orlando vill ögrandi hlutverk

Orlando Bloom finnst skemmtilegast að leika persónur sem ögra honum sem leikara. "Ef handritið er mjög gott, persónan vel skrifuð og fólkið sem kemur nálægt myndinni áhugavert þá tek ég að mér hlutverkið,“ sagði Bloom.

Foo Fighters vilja ekki vera í Glee

Tónlistarmaðurinn Dave Grohl er lítið hrifinn af sjónvarpsþáttunum Glee og mun sjálfur ekki gefa leyfir fyrir því að lög með hljómsveit hans, Foo Fighters, verði flutt í þáttunum.

Íslensk menning slær í gegn í París

Menningarhátíðinni Air d‘Islande lauk í París í gær. Lay Low, Hjaltalín og Feldberg héldu tónleika á einum þekktasta tónleikastað Parísar, Flèche d‘Or, og voru gestir um 500 talsins. Að sögn skipuleggjenda fengu íslensku sveitirnar frábærar viðtökur og komust ekki allir að sem vildu.

Bæ bæ baugar (nei þetta er ekki enn ein bótox fréttin)

Helga Emilsdóttir förðunarfræðingur hjá Bobbi Brown í Lyf og heilsu í Kringlunni sýnir í meðfylgjandi myndskeiði hvernig hægt er að afmá dökkar línur og bauga í kringum augun á auðveldan máta með hyljara frá snyrtivöruframleiðandanum La Mer. Veitið athygli hvernig fyrirsætan Marentza Poulsen lítur út í byrjun myndskeiðsins, þ.e. áður en Helga setur hyljarann í kringum augun hennar. Útkoman er vægast sagt frábær.

Tölvunirðir heyja einvígi í skák og boxi

"Ég fer óhræddur í þennan bardaga,“ segir Björn Jónsson. Tveir starfsmenn í þrívíddarteymi tölvuleikjafyrirtækisins CCP, þeir Björn og Daníel Þórðarson, ætla að keppa í skákhnefaleikum í Laugardalshöll næstkomandi föstudag, 25. mars, á Fanfest-aðdáendahátíð tölvuleiksins EVE online. Hið áhugaverða er að Björn er með 2039 Elo-stig en hefur aldrei keppt í hnefaleikum en Daníel varð Íslandsmeistari í hnefaleikum árið 2009 en er aftur á móti með engin Elo-stig.

Stíf dagskrá hjá Shia

Sendir spilara á stærsta pókermót heims

„Þetta er það stærsta sem hefur verið gert í pókernum hérlendis og jafnvel þótt víðar væri leitað,“ segir pókerkóngurinn Davíð Rúnarsson, Dabbi Rú, á Gullöldinni í Grafarvogi.

Safna fé fyrir fórnarlömb

Fjöldi tónlistarmanna og hljómsveita um heim allan ætlar að láta gott af sér leiða vegna hamfaranna í Japan.

Allir í stuði og svona

Meðfylgjandi myndir tók ljósmyndarinn Sveinbi hjá Superman.is á tónleikum Dr Spock með Haffa Haff og Playboy-partýinu á veitingahúsinu Nasa um helgina. Eins og myndirnar sýna var gleðin alls ráðandi. Þá leiddist liðinu heldur ekki á veitingahúsunum Hressó og Hvíta Perlan.

Framleiða kvikmynd

Breska hljómsveitin Coldplay tekur þátt í fjármögnun kvikmyndarinnar Ashes með Ray Winstone í aðalhlutverki. Um spennumynd er að ræða sem Mat Whitecross, sem hefur leikstýrt mörgum myndböndum fyrir Coldplay, mun leikstýra. Söngvarinn Chris Martin og félagar verða einnig titlaðir sem meðframleiðendur myndarinnar. Ekki hefur verið ákveðið hvenær ræman kemur út. Coldplay er þessa dagana að taka upp sína nýjustu plötu. Tvö ár eru liðin síðan sú síðasta, Viva la Vida or Death and All His Friends, kom út.

Frægir láta gott af sér leiða

Popparinn Alan Jones lætur gott af sér leiða og efnir til Stjörnuleiks í körfubolta til að safna fé fyrir krabbameinssjúk börn.