Þór í nýrri tónleikaröð

Tónlistarmaðurinn Þór Breiðfjörð Kristinsson, sem hefur verið búsettur í Kanada, er fluttur til Íslands eftir fjórtán ára fjarveru.

Önnur dansmynd til Hollands

„Það er mikill heiður að fá þetta tækifæri. Þetta ýtir manni áfram í að gera fleiri myndir,“ segir María Þórdís Ólafsdóttir. Dans-stuttmynd hennar, Between, hefur verið valin til þátttöku á kvikmyndahátíðina Cinedans í Amsterdam sem fer fram 9. til 12. desember.

Fljúga frá Ástralíu til að sjá Frostrósir

„Við verðum í Noregi um jólin og áramótin en þegar við fréttum af þessum tónleikum fannst okkur lítið tiltökumál að bæta Íslandi á listann,“ segir Ástralinn Craig Murray. Hann hyggst fljúga alla leið til Íslands og vera viðstaddur jólatónleika Frostrósa sem haldnir verða á Akureyri um miðjan næsta mánuð. Murray er að eigin sögn forfallinn Eurovision-aðdáandi og hefur verið allar götur síðan Abba-flokkurinn kom, sá og sigraði árið 1974. Hann ætti því að fá nóg fyrir sinn pening enda troða upp á tónleikunum þrír söngvarar sem eru með slíka reynslu á bakinu: þau Friðrik Ómar, Regína Ósk og Hera Björk.

Páll Óskar söng óvænt fyrir börnin á Álftaborg

Páll Óskar Hjálmtýsson kom í óvænta heimsókn á leikskólann Álftaborg á miðvikudaginn. Palli var á leiðinni að Lyngási en fór húsavillt og mætti því starfsmönnum Álfta­borgar á kaffistofu leikskólans. Heimsóknin endaði með samsöng þar sem Palli og börnin tóku lagið.

Þriðja myndin um Bridget Jones?

Breski leikarinn Colin Firth hefur gefið í skyn að þriðja myndin um Bridget Jones sé væntanleg. Hinn fimmtugi Firth hefur leikið Mark Darcy, ástmann Jones, í fyrstu tveimur myndunum.

Klippa kynlíf úr þekktum myndum

Bandaríska fyrirtækið Family Edited DVDs sérhæfir sig í að klippa kynlífs- og ofbeldisatriði úr kvikmyndum til að gera þær fjölskylduvænar. Fyrirtækið selur svo myndirnar aftur og hefur þannig reitt stóru kvikmyndaverin til reiði.

Grét eftir samfarir

Jazmine Waltz, löguleg snót sem svaf hjá David Arquette skömmu eftir skilnað hans og Courteney Cox, segir leikarann hafa verið óspennandi í rúminu. Þetta kemur fram í viðtali við Waltz í bandaríska lífsstílstímaritinu Style.

Helgi Svavar semur fyrir Osló

Helgi Svavar Helgason hefur tekið að sér að semja tónlistina við rómantísku gamanmyndina Okkar eigin Osló í leikstjórn Reynis Lyngdal. Helgi, þekktastur fyrir að vera trymbill í Hjálmum og Flís, hefur unnið töluvert með Stefáni Jónssyni, prófessor í leiklist við Listaháskóla Íslands, og samdi meðal annars tónlistina við Enron sem sýnt er í Borgarleikhúsinu.

Kelly óttast krabbamein

Raunveruleikastjarnan Kelly Osbourne, dóttir rokkarans Ozzy, óttast mjög að greinast með krabbamein. Átta ár eru liðin síðan móðir hennar Sharon greindist með ristilkrabbamein. „Ég er sannfærð um að ég fái krabbamein,“ sagði hin 26 ára Kelly í sjónvarpsviðtali.

Hall ver bókina sína

Jerry Hall segist ekki sjá eftir því að hafa gefið út bókina Jerry Hall: My Life in Pictures sem skartar myndum af henni og fyrrverandi eiginmanni hennar, Mick Jagger, í tilhugalífinu. Hall og Jagger voru gift í níu ár og eignuðust saman fjögur börn.

Clooney verðlaunaður

Hjartaknúsarinn George Clooney var fyrir skömmu heiðraður í hátíðlegu kvöldverðarboði í New York fyrir mannúðarstarf sitt. Verðlaunin nefnast Ripple of Hope og eru veitt af mannréttindasamtökum Roberts F. Kennedy.

Borat, Brüno ... geitahirðir

Larry Charles, maðurinn sem stýrði bæði Borat og Bruno, hefur ákveðið að leikstýra Sacha Baron Cohen í þriðja sinn. Myndin fjallar um geitahirði og einræðisherra sem týnast í Bandaríkjunum, eins furðulegt og það kann að hljóma.

Butler endurreisir harðhausaferilinn

Gerard Butler sló eftirminnilega í gegn sem spartverski konungurinn Leonidas þegar hann barðist ásamt örfáum liðsmönnum sínum við fullmannaðan her Persa í myndinni 300. Eftir það breytti hann um stefnu, talaði inn á teiknimynd og lék í rómantískum gaman/hasarmyndum, meðal annars á móti Jennifer Aniston.

Gagnrýnir Pavement-liða

Billy Corgan, forsprakki Smashing Pumpkins, hefur skotið föstum skotum að hljómsveitinni Pavement. Corgan hefur haft horn í síðu Pavement-liða eftir að þeir gerðu grín að Pumpkins í laginu Range Life sem kom út 1994, eða fyrir sextán árum.

Geimverur til Hollywood

Hátt í fimmtán myndir um geimverur af öllum stærðum og gerðum verða frumsýndar næstu árin. Ein þeirra, Skyline, kemur hingað til lands um helgina.

Mynd Reese kippt til baka vegna blótsyrða

Aðstandendur kvikmyndarinnar How Do You Know með Reese Witherspoon í aðalhlutverkinu eru í miklum vandræðum eftir að kvikmyndaeftirlit Bandaríkjanna setti þeim skilyrði; annað hvort yrði myndin klippt eða hún yrði bönnuð.

Netið er margslungið

Freyr Gígja Gunnarsson hringdi til New York og heyrði í þrímenningunum á bak við myndina Catfish. Nev Schulman er umfjöllunarefnið í heimildarmyndinni og bróðir hans, Ariels Schulman og vinurinn Henry Joost leikstýra. Myndin hefur vakið mikla athygli og er sýnd á heimildarmynda­hátíð Græna ljóssins.

Ný Strokes-plata á lokasprettinum

Eftir fjögurra ára bið er ný plata frá The Strokes í sjónmáli. New York-sveitin hefur lokið upptökum og ætti platan að koma út á næstu mánuðum.

The Killers gefa út nýtt jólalag

Las Vegas rokkararnir í The Killers ætla að gefa út jólasmáskífu í heimalandi sínu eins og undanfarin ár. Lagið nefnist Boots og kemur út 30. nóvember. Sveitin byrjaði að gefa út jólasmáskífur árið 2006 og hefur haldið í hefðina allar götur síðan.

Umdeildi hrokagikkurinn Kanye

Rapparinn umdeildi Kanye West gefur út sína fimmtu plötu eftir helgi. Gripurinn nefnist My Beautiful Dark Twisted Fantasy og á meðal gesta eru Bon Iver, Jay-Z, Rihanna og John Legend.

Wolverine verður dökk og raunsæ

Darren Aronofsky hefur fullvissað alla aðdáendur Wolverine um að næsta mynd um þennan skæða stökkbreyti verði ekki gleðilegt framhald af X-Men Origins: Wolverine.

Vilt þú ókeypis ferð til London

Símtölunum rignir inn á útvarpsstöðinni X-977 þessa dagana, enda hófst þar á mánudaginn Kings Of Leon-leikur þar sem verðlaunin eru lúxusferð til London á tónleika með sveitinni.

Ryan Reynolds er kynþokkafyllstur

Eiginmaður Scarlett Johansson, kanadíski leikarinn Ryan Reynolds, hefur verið kjörinn kynþokkafyllsti maður heims af tímaritinu People. Reynolds er 34 ára.

Lilja stýrir netþáttum um fegurðardrottningar

Fyrirsætan Lilja Ingibjargardóttir stýrir vikulegum netþáttum um Ungfrú Ísland sem fara í loftið á vefsíðu keppninnar og á Facebook. Lilja ætlar að ferðast um landið og spjalla við stúlkurnar sem taka þátt ásamt því að fylgjast náið með keppninni Ungfrú Reykjavík.

Hafnaði Playboy

Söngkonan Rihanna hefur upplýst að hún hafi hafnað því að sitja fyrir nakin í tímaritinu Playboy.

Gestur fundaði með Adam Sandler í Hollywood

„Þetta er allt mjög venjulegt fólk, það er að segja venjulegt fólk í mínum augum,“ segir Gestur Valur Svansson kvikmyndagerðarmaður. Gestur Valur átti fund með Adam Sandler í höfuðstöðvum framleiðslufyrirtækis hans, Happy Madison, ásamt Klovn-stjörnunni Casper Christiansen í Culver City fyrir skemmstu.

Feldberg samdi við breskan útgefanda

Poppdúettinn Feldberg hefur gert samning við breska fyrirtækið Small Town America um útgáfu á plötu sinni Don"t Be a Stranger þar í landi á næsta ári. Sveitin fer einnig í tónleikaferð um landið til að fylgja plötunni eftir.

Funheit Beyonce bönnuð í Bretlandi

Kynæsandi auglýsing fyrir nýtt ilmvatn söngkonunnar Beyoncé, Heat, hefur verið bönnuð í bresku sjónvarpi fyrir klukkan 19.30.

Leynd hvílir yfir Skaupinu: Álftanes tekið fyrir

„Við byrjuðum á mánudaginn og erum hérna úti á Álftanesi," segir Gunnar Björn Guðmundsson, leikstjóri Áramótaskaups Sjónvarpsins. Tökur á þessum vinsælasta sjónvarpslið ársins hófust í vikunni og það var hið skuldum hlaðna sveitarfélag Álftanes sem fékk þann vafasama heiður að vera heimsótt fyrst en það hefur verið töluvert í fréttum vegna bágrar fjárhagsstöðu. Gunnar vildi hins vegar ekkert gefa upp um hvar þeir væru nákvæmlega staddir enda hvílir mikil leynd yfir gerð Skaupsins líkt og í fyrra.

André skrifaði á Fésbókarsíðu Jóns Gnarr

„Okkur brá þegar við sáum þetta,“ segir Regína Ásvaldsdóttir, skrifstofustjóri borgarstjóra. André Bachmann sagðist í Fréttablaðinu í gær hafa beðið í fimm vikur eftir svari frá borgarstjóra um hvort hann vildi verða sérstakur gestur á jólahátíð hans 8. desember. Í stað hans fékk André forsetahjónin til að hlaupa í skarðið fyrir hann.

Börnin mættu með á útgáfutónleika Pollapönk

Hljómsveitin Pollapönk hélt útgáfutónleika í Salnum í Kópavogi. Tilefnið er ný barnaplata sveitarinnar, Meira Pollapönk, sem kom út í sumar við góðar undirtektir.

Aðþrengd eiginkona að skilja

Leikkonan Eva Longoria, 35 ára, eiginmaður hennar, Tony Parker, 28 ára, eru að skilja ef marka má Us Weekly tímaritið. Umrætt tímarit heldur því fram að Tony hafi verið ótrúr Evu. Hjarta Evu er mölbrotið eftir framhjáhaldið, stendur skrifað í Us Weekly.

Sendiherra stefnt á hvíta tjaldið

„Mér líst mjög vel á þetta og það sem Ingvar Þórðar­son ætlar sér, það gerist,“ segir rithöfundur­inn Bragi Ólafsson. Kvikmyndafélag Íslands hefur keypt kvikmyndaréttinn á skáldsögunni Sendiherranum og er fyrsta uppkast að handritinu eftir Jónas Knútsson tilbúið. Bragi kveðst vongóður um að bókin verði að kvikmynd. Íslenskir kvikmyndagerðar­menn hafa reynt við aðrar bækur rithöfundarins, svo sem Hvíldardaga, fyrstu skáldsögu Braga, og Gæludýrin en Óskar Jónasson hugðist gera klukkustundarlanga sjónvarpsmynd eftir þeirri bók.

Forsetahjón hlupu í skarðið fyrir Jón Gnarr

André Bachmann, sem hlaut Samfélagsverðlaun Fréttablaðsins fyrr á árinu, vonast eftir að um 1.500 manns mæti á jólahátíð fatlaðra sem verður haldin á Hilton-hótelinu 8. desember.

Sælir sigurvegarar í Seljaskóla

„Það er búið að vera ótrúlega gaman og allir eru í skýjunum,“ segir Sigrún Dís Hauksdóttir, formaður nemendafélags Seljaskóla, en skólinn bar sigur úr býtum í Skrekk á mánudagskvöldið.

Þessar buxur passa alls ekki við bílinn

Leikarinn og sjarmatröllið Hugh Grant fór með nýja bílinn, Ferrari California, sem hann gaf sjálfum sér í afmælisgjöf í október síðastliðnum á bílasöluna til að benda sölumanninum á nokkur vandamál sem einkanna kaggann sem hann er ekki kátur með. Eins og meðfylgjandi myndir sýna er Hugh mikið niðri fyrir klæddur í joggingbuxur.

Komdu út úr skelinni á Thorvaldsen í hádeginu

Sigrún Lilja Guðjónsdóttir hjá Gyðja Collection og talsmaður Alþjóðlegu athafnavikunar stendur fyrir áhugaverðum viðburði sem hefur verið nefndur Komdu út úr skelinni með PowerTalk á Thorvaldsen í hádeginu dag.

Dóttur Helgu Möller boðið hlutverk í Hollywood-mynd

„Þetta á held ég að vera einhver táningatryllingsmynd, voða týpiskt," segir Elísabet Ormslev, dóttir söngkonunnar Helgu Möller og gömlu fótboltakempunnar Péturs Ormslev.

Glæsileg síða Vesturports í loftið

Vesturport hefur opnað nýja og glæsilega heimasíðu þar sem hægt er að skoða hundruðir ljósmynda, tugi myndbanda, fréttir og margt annað sem tengist leikhópnum og ferðalagi hans út um allan heim.

Barði leggur Stóra sviðið undir sig í kvöld

Til að fagna nýútkominni geislaplötu, Best of Bang Gang, mun hljómsveit Barða Jóhannssonar, Bang Gang, halda tónleika í Þjóðleikhúsinu í kvöld. Mun sveitin leika sín þekktustu lög og eins munu fjölmargir góðir gestir stíga á svið.

Frægir teygja úr sér

Alþjóðlega Athafnavikan var formlega opnuð í Nauthól í Nauthólsvík í gær. Katrín Júlíusdóttir iðnaðarráðherra opnaði Athafnavikuna formlega, Andri Heiðar Kristinsson stofnandi og framkvæmdastjóri Innovit afhenti henn síðan fyrstu Athafnateygjuna - en teygjunni er ætlað að mæla athafnasemi þjóðarinnar og hvem miklu er hægt að áorka á einni viku. Athafnateygjan virkar þannig að handhafi hennar framkvæmir eitthvað, skráir það niður á www.athafnateygja.is , afhendir næasta manni teygjuna og sagan heldur áfram. Jón Gnarr hélt skemmtilega hvatningarræðu en hann sagði viðstöddum að hann teldi að mistök eru í raun prótótýpur af meistaraverkum! Íþróttakennararnir Heiðrún og Heiða skólastjóri frá Íþróttaskóla Latabæjar mættu og tóku viðstadda í alvöru teygjur - sannar athafnateygjur enda er fátt betra en að teygja vel á áður en hafist er handa í Athafnavikunni! Það var vel mætt á opnunina en meðla gesta voru Katrín Júlíusdóttir iðnaðarráðherra, Kristín Ingólfsdóttir rektor Háskóla Íslands, Simmig og Jói af Hamborgarafabrikkunni, Vílhjálmur Þorsteinsson stjórnarformaður CCP, Þórólfur Árnason stjórnarmaður Innovit, Ari Kristinn Jónsson rektor HR, Sgirún Lilja frá Gyðju Collecton og Viggó Ásgeirsson stofnandi og markaðsstjóri Meniga :) Athafnavikan fer vel af stað! Dagskrána er hægt að nálgast á www.athafnavika.is en enginn ætti að láta flotta viðburði fram hjá sér fara.

Þessum skvísum leiddist ekki um helgina

Meðfylgjandi myndir tók ljósmyndarinn Sveinbi Superman.is á skemmtistaðnum Nasa síðasta laugardag þar sem Pendulum sá um tónlistina. Stemningin var klárlega í lagi eins og sjá má á myndunum en umrætt kvöld var á vegum Techno.is.

Mennt er máttur

Hljómsveitin Valdimar sendi frá sér fyrstu plötu sína á dögunum. Meðlimir poppsveitarinnar Valdimar, sem eru flestir frá Keflavík, eru allir vel menntaðir tónlistarmenn. Þrír eru útskrifaðir tónsmiðir frá Listaháskólanum og einn úr tónlistarskóla FÍH í trommuleik. Sveitin gaf fyrir skömmu út sína fyrstu plötu, Undraland, sem hefur fengið góðar viðtökur.

Backyard verðlaunuð

Íslenska tónlistarmyndin Backyard hlaut sérstök dómnefndarverðlaun á einni stærstu heimildarmyndahátíð Evrópu, CPH:DOX, sem lauk í Kaupmannahöfn á sunnudag. Myndin vann ekki í sínum flokki, Sound & Vision, en fékk engu að síður viðurkenningu fyrir að vera bæði frumleg og nútímaleg.

Stephen Fry hrósaði Einari fyrir lipur spor

„Þetta gekk alveg rosalega vel og var meiri háttar gaman,“ segir Einar Aðalsteinsson, ungur leikari á framabraut. Eins og Fréttablaðið greindi frá fyrir skömmu fékk Einar statistahlutverk í stórmyndinni Sherlock Holmes 2 sem verið er að kvikmynda í Bretlandi þessa dagana.