Kiel í úrslitaleikinn | Aron fékk þursabit

Kiel tryggði sér í kvöld sæti í úrslitaleik heimsmeistarakeppni félagsliða með sigri á Al Zamalek frá Egyptalandi í undanúrslitum, 34-24.

Minden enn stigalaust

Vignir Svavarsson og félagar hans í nýliðum Minden töpuðu í kvöld fyrir Gummersbach á heimavelli í þýsku úrvalsdeildinni í handbolta, 31-27.

Kiel í beinni | Anton og Hlynur dæma

Það verða íslenskir dómarar á flautunni klukkan 17.30 á eftir þegar Íslendingaliðið Kiel mætir egypska liðinu Al Zamalek í undanúrslitum á HM félagsliða. Hægt er að sjá leikinn beint á netinu.

Haukar fóru illa með Framara

Fram skoraði bara ellefu mörk gegn Haukum á Hafnarfjarðarmótinu í kvöld. Lokatölur voru 32-11.

Aron búinn að ræða við landsliðsstrákana: Ólafur ekki með

Aron Kristjánsson, nýr landsliðsþjálfari karla í handbolta, hefur lokið við að ræða við alla leikmenn sem voru með landsliðinu á Ólympíuleikunum. Aron fékk jákvæð viðbrögð frá öllum leikmönnum og það er aðeins Ólafur Stefánsson sem ætlar ekki að vera með íslenska liðinu í leikjunum í undankeppni EM í október og nóvember.

Haukar og FH unnu fyrstu leiki Hafnarfjarðarmótsins

Hafnarfjarðarmótið í handbolta hófst í kvöld með tveimur leikjum. Haukar og FH unnu sigra í þeim en báðir fóru þeir fram í íþróttahúsinu við Strandgötu.

Guðjón Valur með 90 prósent skotnýtingu á HM félagsliða

Guðjón Valur Sigurðsson varð markahæsti leikmaður Kiel í riðlakeppninni á HM félagsliða í Katar en íslenski landsliðsmaðurinn hefur skorað 20 mörk í fyrstu þremur leikjunum eða 6,7 mörk að meðaltali í leik.Guðjón Valur skoraði fimm mörkum meira en nýja serbneska skytta Marko Vujin

Atlético de Madrid seldi Sterbik til erkifjendanna í Barcelona

Arpad Sterbik, einn besti markvörður í heimi, hefur skipt á milli tveggja bestu liðanna á Spáni. Sterbik hefur varið mark Atlético de Madrid (áður Ciudad Real) undanfarin átta ár en er nú orðinn leikmaður Barcelona.

Guðjón Valur lék bara seinni hálfleik en var samt markahæstur hjá Kiel

Kiel hélt áfram sigurgöngu sinni á HM félagsliða í handbolta með ellefu marka sigri á Asíumeisturum Mudhar Club frá Sádí-Arabíu, 42-31, en keppnin stendur nú yfir í Katar. Kiel vann alla þrjá leiki sína í riðlinum og spilar í undanúrslitunum á föstudaginn.

Auðvelt hjá Füchse Berlin

Füchse Berlin, lið Dags Sigurðssonar, er enn með fullt hús stiga eftir sigur á nýliðum Neuhausen í þýsku úrvalsdeildinni í kvöld, 29-22.

Thomas Mogensen tekur sér frí frá danska landsliðinu

Thomas Mogensen, leikstjórnandi danska landsliðsins í handbolta, verður ekki með liðinu á HM á Spáni í byrjun næsta ár. Mogensen ætlar að taka sér pásu frá landsliðinu á næstu misserum til þess að einbeita sér að félagsliði sínu Flensburg.

27 marka sigur Kiel á áströlsku liði

Kiel vann í dag stórsigur á ástralska liðinu Sydney University í heimsmeistarakeppni félagsliða sem nú fer fram í Katar. Lokatölur voru 40-13, Þýskalands- og Evrópumeisturunum í vil.

Afturelding og Valur með sigra í handboltanum

Karlalið Aftureldingar og kvennalið Vals unnu sigra á æfingamótum í handbolta sem lauk um helgina.

Öruggt hjá Berlin og Magdeburg

Íslendingaliðin Füchse Berlin og Magdeburg byrjuðu leiktíðina í þýsku úrvalsdeildinni vel í dag. Bæði lið unnu sannfærandi sigri.

Rhein-Neckar Löwen byrjar með sigri

Rhein-Neckar Löwen sem Guðmundur Guðmundsson þjálfar og Alexander Petersson leikur með byrjaði þýsku úrvalsdeildina í handbolta með sigri á Göppingen 30-25. Löwen var einu marki yfir í hálfleik, 13-12.

Arnór búinn að semja við Flensburg

Landsliðsmaðurinn Arnór Atlason skrifaði í dag undir eins árs samning við eitt besta félag Þýskalands, Flensburg. Félagið staðfestir þetta á heimasíðu sinni.

Wetzlar valtaði yfir Hamburg

Íslendingaliðið Wetzlar hóf leiktíðina í þýsku úrvalsdeildinni með látum en Wetzlar gerði sér lítið fyrir og skellti stórliði Hamburg í dag.

Aron skoraði fimm mörk í öruggum sigri

Þýskalandsmeistarar Kiel hófu titilvörn sína með stæl í dag er liðið vann níu marka útisigur, 25-34, gegn Gummersbach í dag. Staðan í hálfleik var 10-16.

Sverre slapp við skammakrókinn í fyrsta leik

Sverre Jakobsson og félagar í Grosswallstadt gerðu 23-23 jafntefli við MT Melsungen í fyrsta leiknum í þýsku úrvalsdeildinni á þessu tímabili en leikurinn fór fram á heimavelli Grosswallstadt í Frankenstolz Arena.

Brand: Kiel hefur ekkert gert fyrir þýskan handbolta

Heiner Brand, fyrrum landsliðsþjálfari Þýskalands, er ekki ánægður með félag Alfreðs Gíslasonar, Kiel, og gagnrýnir það fyrir að nota ekki fleiri þýska leikmenn.

Arnór spilar í Þýskalandi eða Svíþjóð

Landsliðsmaðurinn Arnór Atlason staðfesti við Vísi í dag að hann væri búinn að útiloka að spila í Danmörku í vetur í kjölfar þess að hann hafnaði tilboði frá Team Tvis Holstebro.

Fylkir fékk keppnisleyfi í 1. deild karla

Fylkir mun eiga lið í meistaraflokki karla í handbolta á nýjan leik en félaginu barst í dag jákvætt svar við beiðni um keppnisleyfi í 1. deild karla.

Dagur framlengir við Berlin

Þýska handknattleiksfélagið Füchse Berlin tilkynnti í dag að það væri búið að framlengja samningi sínum við þjálfarann, Dag Sigurðsson, til ársins 2017.

Kim Andersson ætlar að spila með KIF í vetur

Sænska stórskyttan Kim Andersson er búinn að ákveða að spila með KIF Kaupamannahöfn í dönsku úrvalsdeildinni í vetur en Andersson var áður búinn að semja við AG Kaupmannahöfn sem fór á hausinn á dögunum.

Óskar Bjarni: Það eru forréttindi að starfa með landsliðinu

Óskar Bjarni Óskarsson hefur verið aðstoðarlandsliðsþjálfari Guðmundar Guðmundssonar síðustu fjögur ár. Hann ákvað að láta af því starfi eftir Ólympíuleikana. Fannst það góður tímapunktur þar sem hann var þess utan að taka að sér spennandi þjálfarastarf í Danmörku.

Aron ætlar að byggja á góðum grunni

Nýráðinn þjálfari karlalandsliðsins í handbolta, Aron Kristjánsson, ætlar sér ekki að gera róttækar breytingar á landsliðinu enda geti hann byggt ofan á góðan grunn frá Guðmundi Guðmundssyni. Aron vonast til þess að flestir leikmanna landsliðsins haldi áfram.

Aron ráðinn þjálfari til ársins 2015 | Þjálfar líka Hauka í vetur

Aron Kristjánsson var í hádeginu ráðinn landsliðsþjálfari A-landsliðs karla til ársins 2012. Aron mun einnig þjálfa Haukaliðið í vetur en hætta næsta sumar og einbeita sér alfarið að vinnu sinni fyrir HSÍ.

Arftaki Guðmundar tilkynntur í hádeginu

HSÍ hefur boðað til blaðamannafundar í hádeginu en þar verður tilkynnt um nýjan landsliðsþjálfara í handknattleik en eins og kunnugt er þá lét Guðmundur Guðmundsson af starfi sínu eftir Ólympíuleikana.

Kiel vann þýska ofurbikarinn

Kiel sigraði Flensburg-Handewitt í þýska ofurbikarnum í handbolta í kvöld 29-26. Staðan var jöfn í hálfleik 14-14 en Kiel reyndist sterkara er leið á seinni hálfleikinn og tryggði sér sigur að lokum í spennandi leik.

Mikkel Hansen gerði fjögurra ára samning við Paris Handball

Danska stórskyttan Mikkel Hansen er búinn að ganga frá fjögurra ára samningi við franska félagið Paris Handball en hann var að leita sér að liði eftir að AG frá Kaupmannahöfn fór á hausinn.

Ivano Balic búinn að finna sér lið í Makedóníu

Ivano Balic, leikstjórnandi króatíska landsliðsins og einn besti handboltamaður í heimi stóran hluta síns ferils, mun spila í makedónsku deildinni, ef marka má fréttir frá heimalandi hans. Balic hefur verið án félags í sumar en allt bendir til þess að hann sé að skrifa undir við HC Metalurg Skopje en þjálfari liðsins er einmitt Lino Cervar.

Niclas Ekberg á leið til Alfreðs í Kiel

Sænski landsliðshornamaðurinn Niclas Ekberg er langt kominn með að ganga frá samningi við þýsku meistarana í THW Kiel en hann er eins og aðrir fyrrum leikmenn danska liðsins AG Kaupmannahafnar að leita sér að nýju félagi eftir að AG fór á hausinn.

Ekstra Bladet: Mikkel Hansen verður liðsfélagi Róberts og Ásgeirs í París

Danska stórskyttan Mikkel Hansen mun að öllum líkindum spila í franska boltanum í vetur en hann er eins og aðrir leikmenn AG kaupmannahafnar að leita sér að nýju félagi eftir að AG fór á hausinn á meðan Ólympíuleikunum stóð.

Akureyri með tvo erlenda markverði í vetur

Akureyri Handboltafélag hefur fengið markvörðinn Tomas Olason til liðs við sig. Frá þessu er greint á heimasíðu félagsins. Tomas kemur frá danska b-deildarliðinu Odder en hann á íslenskan föður.

Snorri Steinn: Þetta var þungt högg í andlitið

„Það er ekkert mikið að frétta sem stendur en öll hjól eru eðlilega í fullum gangi. Ég er að vega og meta stöðuna. Það þarf að huga að mörgu fyrir framtíðina. Þetta er engin óskastaða þegar tímabilin eru að hefjast úti um alla Evrópu," sagði Snorri Steinn Guðjónsson en hann er atvinnulaus um þessar mundir.

Arftaki Guðmundar kynntur í næstu viku

Einar Einarsson, formaður landsliðsnefndar HSÍ, staðfesti við Fréttablaðið í gær að nýr landsliðsþjálfari karlalandsliðsins yrði tilkynntur í næstu viku.

Íslenska handboltalandsliðið byrjar á móti Rússum á HM á Spáni

Alþjóðahandboltasambandið hefur gefið út leikjadagskrá fyrir Heimsmeistarakeppnina á Spáni sem fer fram í janúar næstkomandi en íslenska landsliðið verður þar í aðalhlutverki og öll keppnin er í beinni útsendingu á Stöð 2 Sport.

Frakkarnir rústuðu sviðsmynd í sjónvarpi og afklæddu fréttamann

Franska handboltalandsliðið fór mikinn í fögnuði sínum eftir að liðið vann gull á ÓL í London. Liðið gekk svo hreinlega berserksgang í sjónvarpsviðtali.

Enginn betri en Þórir

Þórir Hergeirsson náði sögulegum árangri með norska kvennalandsliðið í handbolta um helgina. Liðið fullkomnaði gullnu þrennuna með því að bæta ólympíumeistaratitlinum við bæði heims- og Evrópumeistaratitla sína.

Aron fimmti Íslendingurinn sem kemst í úrvalslið stórmóts frá 2008

Aron Pálmarsson var valinn í úrvalslið handboltakeppni karla á Ólympíuleikunum í London en valið var tilkynnt fyrir úrslitaleik Svía og Frakka í gær. Aron spilaði frábærlega með íslenska landsliðinu á mótinu og var alls með 37 mörk og 24 stoðsendingar í 6 leikjum. Aron, sem er aðeins 22 ára gamall, þótti líka vera besta vinstri skyttan að mati sérstakrar valnefndar hjá IHF.

Thierry Omeyer búinn að vinna 32 stóra titla á ferlinum

Það hefur löngum verið sagt í handbolta að góður markvörður getur gert gæfumuninn fyrir liðið þitt og það sannast hvergi betur en í Thierry Omeyer, markverði franska landsliðsins. Omeyer var enn á ný í fararbroddi með franska landsliðinu sem tryggði sér Ólympíugull fyrr í dag og er nú búinn að vinna 32 stóra titla á ferli sínum en alla titlarnir vann hann eftir aldarmót eða á síðustu ellefu árum.

Frakkar Ólympíumeistarar á öðrum leikunum í röð

Frakkar eru Ólympíumeistarar í handbolta karla eftir eins marks sigur á Svíum, 22-21, í úrslitaleik í London í dag. Frakkar vörðu þar með titil sinn frá því fyrir fjórum árum þegar þeir unnu Íslendinga í úrslitaleik.

Aron Pálmarsson valinn í úrvalslið Ólympíuleikanna

Aron Pálmarsson var valinn í úrvalslið handboltakeppni karla á Ólympíuleikunum í London en valið var tilkynnt fyrir úrslitaleik Svía og Frakka sem stendur nú yfir.

Tvær norskar í úrvalsliði Ólympíuleikanna

Norski markvörðurinn Kari Aalvik Grimsbo og norski línumaðurinn Heidi Loke voru báðar valdar í úrvalslið handboltakeppni kvenna á Ólympíuleikunum í London en val sérstakar nefndar á vegum IHF var tilkynnt í dag.

Króatar tóku bronsið - unnu Ungverja létt

Króatar urðu í þriðja sæti í handboltakeppni karla á Ólympíuleikunum í London eftir öruggan sjö marka sigur á Íslandsbönum Ungverja, 33-26, í leiknum um bronsverðlaunin. Króatar voru fimm mörkum yfir í hálfleik og náðu mest átta marka forskoti í seinni hálfleiknum þannig að sigurinn var afar sannfærandi.