Gerrard líður vel eftir aðgerðina

Kenny Dalglish, stjóri Liverpool, segir að Steven Gerrard sé nú þegar byrjaður í endurhæfingu eftir að hann gekkst undir aðgerð vegna nárameiðsla í síðustu viku.

Magath rekinn frá Schalke

Felix Magath, stjóri Schalke í Þýskalandi, hefur verið sagt upp störfum hjá félaginu þrátt fyrir að hann hafi komið liðinu í fjórðungsúrslit Meistaradeildar Evrópu.

Ég er í besta liði heims segir Javier Hernandez

Javier Hernandez var í sviðsljósinu í gær þegar hann skoraði bæði mörk Manchester United í 2-1 sigri liðsins gegn Marseille í 16-liða úrslitum Meistaradeildarinnar. Landsliðsframherjinn frá Mexíkó sem gengur undir nafninu "litla baunin“ eða Chicharito í heimalandinu segir að Man Utd þurfi ekki að óttast Barcelona eða önnur lið þegar dregið verður í 8-liða úrslitin á föstudag.

Steve Bruce segir að Andy Carroll minni um margt á Duncan Ferguson

Steve Bruce knattspyrnustjóri enska úrvalsdeildarliðsins Sunderland segir að hann hafi reynt að fá Andy Carroll til liðs við Wigan þegar hann var knattspyrnustjóri liðsins fyrir tveimur árum. Newcastle vildi fá um 4,5 milljónir punda eða rétt rúmlega 830 milljónir kr. fyrir enska framherjann en Wigan vildi aðeins greiða um 2,5 milljónir punda eða 470 milljónir kr.

Krabbamein fjarlægt úr hálsi Bryan Robson

Bryan Robson, fyrrum leikmaður Manchester United og enska landsliðsins, fór í aðgerð þann 3. mars s.l. í Bangkok Taílandi vegna krabbameins í hálsi. Robson er landsliðsþjálfari Taílands en samkvæmt frétt Manchester Evening News mun hann halda áfram störfum þrátt fyrir veikindinn.

Tekur Benítez við Valencia á ný?

Rafael Benítez fyrrum knattspyrnustjóri Liverpool staldraði stutt við í starfi sínu hjá Inter á Ítalíu en þarf var hann aðeins í sex mánuði í starfi. Spánverjinn hefur verið atvinnulaus frá því honum var sagt upp störfum á Ítalíu en hann spænskir fjölmiðlar telja miklar líkur á því að hann fari á gamalkunnar slóðir og taki við þjálfun Valencia á Spáni.

Carlo Ancelotti íhugar að hvíla Fernando Torres gegn FCK

Carlo Ancelotti knattspyrnustjóri Chelsea hefur gefið það í skyn að hann muni hvíla spænska framherjann Fernando Torres í leiknum í kvöld gegn danska liðinu FCK í Meistaradeild Evrópu. Torres hefur enn ekki skorað mark fyrir Chelsea frá því hann var keyptur fyrir 50 milljónir punda frá Liverpool eða rúmlega 9 milljarða kr.

Bendtner hefur ekki áhuga á Blackburn og vill fara til Þýskalands

Danski landsliðsframherjinn Nicklas Bendtner mun að öllum líkindum yfirgefa herbúðir Arsenal á Englandi næsta sumar en það er ljóst að hann hefur ekki áhuga á að semja við Blackburn.

Ólafur ræddi ekki við Eið Smára

Ólafur Jóhannesson þjálfari íslenska landsliðsins í fótbolta valdi ekki Eið Smára Guðjohnsen í landsliðshópinn fyrir næsta verkefni A-landsliðsins gegn Kýpur í undankeppni Evrópukeppninnar. Ólafur sagði í samtali við Hans Steinar Bjarnason í gær að hann hefði ekki rætt við Eið Smára fyrir valið og þjálfarinn sagði ennfremur að það hefði ekki komið fram hvort Eiður væri hættur að gefa kost á sér í landsliðið.

Torres: Sýndi Liverpool tryggð með því að fara ekki til City eða United

Fernando Torres segist hafa sýnt Liverpool hollustu og tryggð með því að fara frekar til Chelsea í staðinn að fara til annaðhvort Manchester City eða Manchester United. Margir stuðningsmenn Liverpool voru mjög ósáttir með það þegar spænski framherjinn óskaði eftir því að fara frá félaginu.

Capello: Wilshere verður fyrirliði enska landsliðsins einn daginn

Fabio Capello, þjálfari enska landsliðsins, hefur mikla trú á Arsenal-manninum Jack Wilshere, eins og reyndar fleiri. Hann talaði nú síðast um að hann sæi strákinn fyrir sér sem framtíðarfyrirliða enska landsliðsins.

Abidal hjá Barcelona með lifrarkrabbamein

Eric Abidal, varnarmaður Barcelona, hefur greinst með lifrarkrabbamein og fer í aðgerð á föstudaginn. Það er ekki vitað hversu lengi þessi franski landsliðsmaður verður frá keppni eða hvort að hann snúi yfir höfuð aftur í boltann.

Rooney: Ég er að fá boltann mun meira

Wayne Rooney og félagar í Manchester United komust í kvöld í átta liða úrslit Meistaradeildarinnar fimmta árið í röð eftir 2-1 sigur á Marseille á Old Trafford. Það var mikil spenna í leiknum allan tímann og sætið var aldrei tryggt fyrr en lokaflautið gall.

Ferguson: Þetta var taugatrekkjandi í kvöld

Sir Alex Ferguson, stjóri Manchester United, gat aldrei sitið rólegur í seinni leik Manchester United og Marseille í 16 liða úrslitum Meistaradeildarinnar á Old Trafford í kvöld. Franska liðið þurfti bara að skora eitt mark stærsta hluta leiksins og var að skapa sér nokkur góð færi. Það var Javier Hernández sem tryggði United sætið í átta liða úrslitunum með tveimur mörkum.

Inter sló út Bayern eftir ótrúlega endurkomu

Inter Milan komst áfram í átta liða úrslit Meistaradeildarinnar eftir ótrúlegan 3-2 sigur á Bayern München á Allianz Arena í München í kvöld. Bayern fékk fjölda færa til þess að gulltryggja sigur sinn á Evrópumeisturum en Inter-menn gáfust ekki upp og tryggðu sér 3-2 sigur með því að skora tvisvar í seinni hálfleiknum.

Guðjón: Þetta er svakalegur léttir

Guðjón Baldvinsson er búinn að ganga frá nýjum þriggja ára samningi við KR og mun spilar með Vesturbæjarliðinu í Pepsi-deildinni í sumar. Guðjón fékk sig lausan frá sænska liðinu GAIS sem hafði lánað hann til KR síðasta sumar.

Litli Mexíkaninn skaut Manchester United áfram í átta liða úrslitin

Manchester United er komið í átta liða úrslit Meistaradeildarinnar fimmta árið í röð eftir 2-1 sigur á frönsku meisturunum í Marseille. Það var litli Mexíkaninn Javier Hernández sem skoraði bæði mörk United í leiknum en hann hefur nú skorað sextán mörk á sinni fyrstu leiktíð á Old Trafford.

Rúnar orðaður við þjálfarastöðu hjá Lokeren

Belgískir fjölmiðlar hafa skrifað um það í dag að Rúnar Kristinsson, þjálfari KR-inga, komi til greina í stöðu aðstoðarþjálfara hjá Lokeren fyrir næsta keppnistímabil en vefsíðan fótbolt.net hefur þetta eftir fréttum frá Belgíu.

Guðjón Baldvinsson búinn að skrifa undir hjá KR

Guðjón Baldvinson er búinn að fá sig lausan frá sænska félaginu GAIS og hefur í framhaldinu skrifað undir þriggja ára samning við KR. Vefsíðan fótbolti.net segir frá þessu.

Ekkert til í fréttum um ofurbata Johan Djourou

Arsenal hefur hafnað þeim fréttum að meiðsli varnarmannsins Johan Djourou séu ekki eins slæm og áður var talið og ítrekaði það í kvöld að Svisslendingurinn verði ekki meira með á þessu tímabili.

Alex verður með Chelsea um helgina

Brasilíski varnarmaðurinn Alex verður með Chelsea-liðinu á móti Manchester City í ensku úrvalsdeildinni um helgina en hann hefur verið frá vegna hnémeiðsla síðan í nóvember. Alex verður hinsvegar ekki með á móti FC Kaupmannahöfn í Meistaradeildinni á morgun.

Löw verður áfram með þýska landsliðið

Joachim Löw hefur framlengt samningi sínum við þýska knattspyrnusambandið fram til loka ársins 2014 og mun hann því stjórna liðinu á næsta HM sem fram fer í Brasilíu.

Bernd Schuster er hættur að þjálfa Besiktas

Þjóðverjinn Bernd Schuster er hættur sem þjálfari tyrkneska liðsins Besiktas vegna þess að hann segist ekki hafa náð þeim árangri sem hann ætlaði sér. Hann tók við Besiktas-liðinu í júní, gerði tveggja ára samning og var með 2,6 milljónir evra í árslaun.

Deilur og lögreglumál í aðalhlutverki hjá Marseille

Franska liðið Marseille mætir Manchester United í kvöld í 16-liða úrslitum Meistaradeildarinnar og hafa leikmenn franska liðsins þurft að hugsa um ýmislegt annað en fótbolta í aðdraganda leiksins.

Einn nýliði í U21 árs landsliðinu sem mætir Úkraínu

Eyjólfur Sverrisson þjálfari U21 árs landsliðs karla í fótbolta valdi í dag leikmannahópinn sem mætir Úkraínu í vináttulandsleik á útivelli þann 24. mars. Leikurinn er hluti af undirbúningnum fyrir lokakeppni Evrópumeistaramótsin sem fram fer í Danmörku næsta sumar. Þann 28. mars leikur Íslands gegn Englendingum í Preston.

Eiður ekki í landsliðshópnum sem mætir Kýpur

Ólafur Jóhannesson þjálfari A-landsliðs karla í fótbolta tilkynnti í dag leikmannahópinn fyrir leikinn gegn Kýpur sem fram fer 26. mars á Kýpur. Eiður Smári Guðjohnsen leikmaður Fulham er ekki í leikmannahópnum en alls eru 10 leikmenn úr U-21 árs landsliðinu valdir í þetta verkefni.

Meiðsli Djourou ekki eins alvarleg og talið var í fyrstu

Johan Djourou hefur verið einn besti varnarmaðurinn í liði Arsenal í vetur í ensku úrvalsdeildinni og það var mikið áfall fyrir liðið að hann fór úr axlarlið gegn Manchester United um s.l. helgi.

Liverpool hefur ekki hafið formlegar viðræður við Dalglish

John Henry eigandi enska úrvalsdeildarliðsins Liverpool segir að félagið hafi ekki rætt formlega við Kenny Dalglish knattspyrnustjóra liðsins um framlengingu á núverandi samningi hans við félagið. Enskir fjölmiðlar hafa greint frá því á undanförnum vikum að Dalglish standi til boða að skrifa undir tveggja ára samning en Henry segir að málið sé mun styttra á veg komið.

Nemanja Vidic verður líklega ekki með gegn Marseille

Nemanja Vidic verður að öllum líkindum ekki með Manchester United í kvöld þegar liðið tekur á móti franska liðinu Marseille í síðari leiknum í 16-liða úrslitum Meistaradeildarinnar.

Capello ætlar að gera Terry að fyrirliða á ný

Fabio Capello þjálfari enska landsliðsins í fótbolta hefur ákveðið að gera John Terry að fyrirliða á ný en Rio Ferdinand hefur borið fyrirliðabandið að undanförnu. Breski fréttavefurinn Sportsmail telur sig hafa heimildir fyrir því að Capello hafi gert upp hug sinn en hann mun greina frá ákvörðun sinni rétt fyrir næsta landsleik sem er gegn Wales þann 26. mars.

Lehman ætlar að leika með Arsenal út leiktíðina

Jens Lehman hefur ákveðið að semja við Arsenal og mun þýski markvörðurinn leika með sínu gamla liði út leiktíðina í ensku úrvalsdeildinni. Lehman er 41 árs gamall en hann fór frá félaginu árið 2008. Arsenal þarf að leysa vandamál sem komið er upp hjá liðinu en tveir af þremur markvörðum liðsins eru meiddir og Arsene Wenger knattspyrnustjóri liðsins hefur ekki fullt traust til Manuel Almunia.

Myndavélar verða við marklínuna á þremur völlum á Englandi

Alþjóða knattspyrnusambandið hefur ákveðið að halda áfram tilraunum með "marklínuútbúnað“ sem lengi hefur verið í umræðunni. Fyrirtækið Hawk-Eye hefur fengið leyfi til þess að prófa myndavélarnar í leikjum í ensku úrvalsdeildinni á næstu leiktíð.

Pearce valdi 31 leikmann fyrir leikina við Dani og Íslendinga

Stuart Pearce, þjálfari 21 árs landsliðs Englendinga, er búinn að velja landsliðshóp sinn fyrir vináttuleiki gegn Danmörku og Íslandi á næstunni. Englendingar mæta Dönum í Viborg 24. mars og taka síðan á móti Íslendingum á heimavelli Preston North End fjórum dögum síðar.

Zlatan dæmdur í þriggja leikja bann - missir af Mílanó-slagnum

Zlatan Ibrahimovic fékk rauða spjaldið í 1-1 jafntefli við Bari í ítölsku deildinni um helgina eftir að hafa æft karatespark á Marco Rossi, varnarmanni Bari, á 74. mínútu leiksins. Í dag kom í ljós að sænski framherjinn skapheiti verður í banni í næstu þremur leikjum.

FIFA rannsakar úrslit vináttuleikja

FIFA er að rannsaka úrslit tveggja vináttuleikja sem fóru fram í febrúar milli Lettlands og Bólivíu annarsvegar og Búlgaríu og Eistlands hinsvegar.

Sky Sports: Jens Lehmann í viðræðum við Arsenal

Það bendir allt til þess að þýski markvörðurinn Jens Lehmann muni semja við Arsenal um það að vera varamarkvörður Manuel Almunia það sem eftir lifir leiktíðarinnar. Sky Sports News hefur heimildir fyrir því að viðræður séu hafnar á milli Lehmann og forráðamanna Arsenal.

Ferguson: Nani verður með Manchester United á morgun

Nani og Michael Carrick verða báðir í hópnum hjá Manchester United fyrir leikinn á móti Marseille í Meistaradeildinni á morgun og kemur það mörgum mikið á óvart að Nani sé búinn að ná sér eftir að hafa fengið stóran skurð á fótinn eftir ljóta tæklingu frá Liverpool-manninum Jamie Carragher.

Sigurður Ragnar: Ég held að við eigum fína möguleika

Sigurður Ragnar Eyjólfsson, kvennalandsliðsþjálfari í fótbolta, var nokkuð sáttur með riðil Íslands í undankeppni EM 2013 en dregið var í dag. Ísland er í riðli með Noregi (7. sæti á FIFA-listanum), Belgíu (35.), Ungverjalandi (31.), Norður Írlandi (64.) og Búlgaríu (49.).

Þær norsku mæta í Laugardalinn í september - byrjað gegn Búlgaríu

Íslenska kvennalandsliðið dróst meðal annars í riðli með Noregi í undankeppni fyrir EM 2013 en dregið var í höfuðstöðvum UEFA í dag. Klara Bjartmarz og Sigurður Ragnar Eyjólfsson, landsliðsþjálfari voru út í Sviss og hafa nú gengið frá leikdögum fyrir íslenska liðið en önnur lið í riðlinum eru: Belgía, Ungverjaland, Norður Írland og Búlgaría.

Gríðarlegur kostnaður vegna öryggisgæslu á Wembley

Lögregluyfirvöld í London stukku ekki hæð sína í loft upp þegar ljóst var að Manchester United og Manchester City mætast í undanúrslitum ensku bikarkeppninnar í fótbolta á Wembley. Það er ljóst að viðbúnaður lögreglunnar þarf að vera með mesta móti og telja breskir fjölmiðlar að kostnaðurinn muni slá öll fyrri met.

Ísland í riðli með Noregi í undankeppni EM 2013

Dregið var í riðla fyrir EM 2013 í knattspyrnu kvenna í dag og er íslenska liðið með Noregi, Belgíu, Ungverjalandi, Norður-Írlandi og Búlgaríu í riðli. Ísland hefur einu sinni tekið þátt í úrslitakeppni EM en það var í Finnlandi árið 2009.

Verður Nani með Man Utd gegn Marseille?

Portúgalski landsliðsmaðurinn Nani er byrjaður að æfa með Manchester United og eru einhverjar líkur á því að hann verði klár í slaginn í Meistaradeild Evrópu gegn Marseille sem fram fer á morgun. Fyrri leiknum lauk með markalaus jafntefli í Frakklandi en enska liðið hefur aldrei tapað gegn frönsku liði á heimavelli sínum, Old Trafford.

Neville segir að hinn 69 ára gamli Ferguson eigi mörg ár eftir

Gary Neville, sem nýverið hætti að leika með Manchester United, segir að Sir Alex Ferguson knattspyrnustjóri liðsins eigi nokkur ár eftir í starfi sínu þrátt fyrir að Ferguson sé 69 ára gamall. Jose Mourinho hefur verið nefndur til sögunnar sem eftirmaður Ferguson og segir Neville að það komi ekki á óvart.

Aaron Ramsey er búinn að gleyma fótbrotinu og nálgast fyrri styrk

Aaron Ramsey segir að hann sé á réttri leið eftir langa endurhæfingu vegna fótbrots sem átti sér stað í leik Arsenal gegn Stoke í febrúar á síðasta ári. Þar brotnaði Ramsey afar illa eftir að Ryan Shawcross varnarmaður Stoke tæklaði hann.

Fjögur rauð spjöld á loft í U18 ára bikarleik Man Utd og Liverpool

Það er ávallt heitt í kolunum þegar Manchester United og Liverpool mætast og skiptir þá engu á hvaða aldri leikmennirnir eru. Það sauð upp úr þegar þessi lið áttust við í gær í undanúrslitum bikarkeppni U18 ára liða sem fram fór á Anfield. Leikurinn endaði með 3-2 sigri Man Utd eftir að Liverpool hafði komist yfir 2-0. Alls fengu fjórir leikmenn rautt spjald í leiknum en helstu atriðin úr leiknum má sjá í myndabandinu hér fyrir ofan.