Evra og Park baka pizzur í Chicago

Manchester United er í Chicago þessa dagana og tveir leikmanna liðsins stoppuðu við á besta pizzastað í heimi, Gino´s East, og fengu að reyna sig í pizzabakstri.

Forseti Úrúgvæ mætir ekki á úrslitaleikinn

Jose Mujica, forseti Úrúgvæ, ætlar ekki að mæta á úrslitaleik Copa America í kvöld því hann vill ekki sjást glottandi í Argentínu.

Umfjöllun: Fylkismenn frábærir í seinni hálfleik

Fylkir lagði Grindavík 4-1 á útivelli í kvöld og lyfti sér þar með upp í fimmta sæti með átján stig en Grindavík er nú eina liðið sem Fram og Víkingur horfa til í veikri von sinni um að halda sæti sínu í deildinni.

Umfjöllun: Keflavíkursigur á teppinu

Keflavík vann góðan sigur á Stjörnumönnum 3-2 í kvöld á teppinu í Garðabæ. Með sigrinum fór liðið upp í 17 stig og er í sjötta sæti Pepsi deildarinnar. Stjörnumenn eru í fjórða sæti eftir gott gengi að undanförnu.

Umfjöllun: Enn eitt tapið hjá Fram

Framarar tóku í kvöld á móti ÍBV í 12. umferð Pepsí deildar karla. Heil 13 stig og 9 sæti skildu liðin að fyrir leik kvöldsins og bilið jókst enn meir eftir leikinn.

Man. Utd vann góðan sigur í Chicago

Góður seinni hálfleikur lagði grunninn að góðum 1-3 sigri Man. Utd á Chicago Fire í kvöld. Heimamenn í Chicago leiddu 1-0 í hálfleik.

Kalou truflar liðsfélaga sína í flugi

Salomon Kalou er einn af sprellurunum í búningsklefa Chelsea. Hann hertók eina af vélum Chelsea-sjónvarpsstöðvarinnar er liðið var á leið til Asíu.

Vidal kominn til Juventus

Juventus hefur fest kaup á Arturo Vidal og það gleður þjálfara liðsins, Antonio Conte, afar mikið. Leikmaðurinn kemur frá Bayer Leverkusen á 12,5 milljónir evra.

Buffon vill þjálfa landslið Bandaríkjanna eða Kína

Hinn 33 ára markvörður Juventus, Gianluigi Buffon, hefur hug á því að fara út í þjálfun eftir að ferlinum lýkur og hann segist hafa áhuga á að þjálfa landslið Bandaríkjanna eða Kína.

Sölvi skoraði bæði mörk FCK

Sölvi Geir Ottesen var heldur betur á skotskónum í danska boltanum í dag. Hann skoraði bæði mörk FCK sem gerði 2-2 jafntefli við OB.

Krkic: Guardiola er ekki besti þjálfari heims

Spænski unglingalandsliðsmaðurinn Bojan Krkic vandar fyrrum þjálfara sínum, Pep Guardiola, ekki kveðjurnar en hann var í gær seldur frá Barcelona til Roma.

Axel með þriggja högga forskot fyrir lokadaginn

Axel Bóasson endurheimti forystuna á Íslandsmótinu í golfi í dag þegar þriðji hringurinn fór fram í hávaðaroki á Hólmsvelli í Leiru.

Tap fyrir Svíum í fyrsta leik á NM - Jón Arnór meiddist

Íslenska karlalandsliðið í körfuknattleik spilaði sinn fyrsta leik á Norðurlandamótinu í Sundsvall í dag. Íslensku strákarnir mættu þá heimamönnum frá Svíþjóð og töpuðu með tólf stiga mun, 74-62.

Markalaust hjá BÍ/Bolungarvík og Haukum

Haukar og BÍ/Bolungarvík gerðu markalaust jafntefli í 1. deildinni í dag er liðin mættust á Torfnesvelli á Ísafirði.

Ólafía Þórunn með pálmann í höndunum

Ólafía Þórunn Kristinsdóttir er með pálmann í höndunum fyrir lokadaginn á Íslandsmótinu í golfi. Ólafía Þórunn lék langbest í dag og fer inn í lokadaginn með þrettán högga forskot.

Axel með þriggja högga forskot

Axel Bóasson er efstur í karlaflokki á Íslandsmótinu í golfi eftir níu holur í dag. Mikill vindur er á Hólmsvelli og hefur skor manna því verið talsvert skrautlegra í dag en síðustu daga.

Özil fer í tíuna hjá Real Madrid

Þjóðverjinn Mesut Özil átti flott fyrsta tímabil með Real Madrid og Jose Mourinho, þjálfari liðsins, hefur verðlaunað hann með því að setja leikmanninn í treyju númer tíu á næstu leiktíð.

Hull vann auðveldan sigur á Liverpool

Hull vann auðveldan sigur á Liverpool, 3-0, þegar liðin mættust í æfingaleik í dag. Brady, Koren og Simpson skoruðu mörk Hull í leiknum.

Ótrúlegt sjálfsmark hjá varnarmanni Arsenal - Gervinho með tvö

Arsene Wenger, stjóri Arsenal, hefur ekki alltaf gert góð kaup þegar kemur að varnarmönnum og hann hefur eflaust rifið hár sitt þegar sá nýjasti skoraði ótrúlegt sjálfsmark í dag.

Nowitzki verður með Þjóðverjum á EM

Dirk Nowitzki ætlar að spila með þýska landsliðinu á Evrópumótinu í sumar en Ólympíusæti eru undir á mótinu. "Fríið er búið að vera stutt hjá mér en ég vil hjálpa þessu unga þýska liði að komast á Ólympíuleikana," sagði Nowitzki sem vann NBA-meistaratitilinn með Dallas í ár.

Webber stefnir á sigur á Nürburgring

Mark Webber á Red Bull verður fremstur á ráslínu í þýska kappakstrinum sem fram á morgun. Hann varð hlutskarpastur í tímatökum í dag, en aðeins 0.055 sekúndum á undan Lewis Hamilton á McLaren.

Ólafía Þórunn að rúlla Íslandsmótinu upp

Ólafía Þórunn Kristinsdóttir er með yfirburðastöðu á Íslandsmótinu í höggleik kvenna. Ólafía Þórunn er samtals á einu höggi undir pari eftir níu holur í dag og er eina konan á undir pari.

Zidane mærir Mourinho

Frakkinn Zinedine Zidane mun vinna mjög náið með Jose Mourinho hjá Real Madrid. Zidane er afar ánægður með störf Mourinho og segir að félagið hafi þurft á manni eins og honum að halda.

Eggert og félagar gerðu jafntefli við meistara Rangers

Eggert Gunnþór Jónsson og félagar í Hearts byrjuðu leiktíðina í skoska boltanum vel er þeir náðu 1-1 jafntefli gegn skosku meisturunum í Glasgow Ragners.

Hólmfríður: Fer pottþétt út aftur

"Ég er komin heim til að spila. Ég hef ekki verið að spila mikið síðustu vikur og sá ekki fram á að spila næstu tólf vikur. Það er slæmt því það eru tólf vikur í næsta landsleik. Ég er því að hugsa um sjálfa mig og landsliðið," sagði Hólmfríður Magnúsdóttir, nýjasti liðsmaður kvennaliðs Vals, í samtali við fótbolta.net.

Webber rétt marði að vera fljótari en Hamilton í tímatökum

Mark Webber á Red Bull varð 0.055 sekúndum á undan Lewis Hamilton á McLaren í tímatökum fyrir þýska kappaksturinn á Nurburgring, sem verður á morgun. Tímatakan fór fram í dag og Sebastian Vettel á Red Bull varð þriðji og Fernando Alonso fjórði.

Þjálfari Santos: Ekki gott fyrir Neymar að fara til Real Madrid

Muricy Ramalho, þjálfari Santos, segir að brasilíska undrabarnið Neymar myndi eiga erfitt uppdráttar hjá Real Madrid þar sem leikstíll liðsins henti honum ekki.

Hólmfríður spilar með Val út leiktíðina - hætt hjá Philadelphia

Afar óvænt tíðindi urðu í íslenska kvennaboltanum í dag þegar Hólmfríður Magnúsdóttir skrifaði undir samning við Íslandsmeistara Vals til loka leiktíðarinnar. Hólmfríður kemur til félagsins frá Philadelphia Independence í bandarísku atvinnumannadeildinni. Hún hefur leikið þar síðustu tvö ár.

Romeu á leið til Chelsea frá Barcelona

Chelsea hefur staðfest að félagið hafi náð samkomulagi við Barcelona um kap á ungstirninu Oriol Romeu. Leikmaðurinn er aðeins 19 ára gamall.

Man. City að hefja viðræður um kaup á Aguero

Formlegar viðræður milli Man. City og Atletico Madrid um kaup á Argentínumanninnum Sergio Aguero munu væntanlega hefjast á morgun eða á mánudag.

Drogba ætlar að framlengja við Chelsea

Didier Drogba er sestur niður með forráðamönnum Chelsea og stefnan er að skrifa undir nýjan samning. Drogba hefur verið orðaður við brottför frá félaginu og Tottenham og Marseille hafa bæði áhuga.

Vettel sneggstur á lokaæfingunni

Sebastian Vettel á Red Bull reyndist sneggstur á lokaæfingu keppnisliða á Nurburgring brautinni í dag. Mark Webber á samskonar bíl varð annar og Fernando Alonso á Ferrari þriðji. Vettel varð 0.133 úr sekúndu á undan Webber á æfingunni og 0.222 á undan Alonso.

Sam Hewson: Toddi er skemmtilegur þjálfari

Sam Hewson, fyrrum fyrirliði varaliðs Manchester United, var eldhress þegar blaðamaður hitti á hann í Safamýrinni í gær. Hewson vonast eftir því að semja við Framara.

Fyrsti landsleikurinn undir stjórn Peter Öqvist í dag

Íslenska karlalandsliðið í körfubolta spilar í dag sinn fyrsta leik á Norðurlandamótinu sem fer fram í Sundsvall í Svíþjóð. Þetta er jafnframt fyrsti leikur liðsins í tæp tvö ár og fyrsti landsleikurinn undir stjórn Svíans Peter Öqvist sem tók við liðinu í sumar.

Sex ára fangelsi fyrir að hagræða úrslitum í Búlgaríu

Búlgarska þingið hefur samþykkt lagabreytingu þess efnis að þeir sem hljóta dóm fyrir hagræðingu úrslita í íþróttaleikjum geti fengið allt að sex ára fangelsisdóm. Reuters-fréttastofan greinir frá þessu.

Ólafía Þórunn segist vera reynslunni ríkari í ár

Axel Bóasson úr Keili og Alfreð Brynjar Kristinsson úr GKG eru efstir og jafnir eftir tvo fyrstu dagana á Íslandsmótinu í höggleik sem fram fer á Hólmsvelli í Leiru. Axel var með forystuna og átti eitt högg á Alfreð eftir fyrsta daginn en þeir hafa nú báðir leikið fyrstu 36 holurnar á átta höggum undir pari. Yngri systir Alfreðs, Ólafía Þórunn Kristinsdóttir, er með tveggja stiga forskot á Eygló Myrru Óskarsdóttur hjá konunum.

Katrín og Kristín hetjurnar

Valur og KR mætast í bikaúrslitaleik kvenna. Kristín Ýr Bjarnadóttir tryggði Val sæti í bikarúrslitaleiknum annað árið í röð og sigurmark KR-ingsins Katrínar Ásbjörnsdóttur kom á 90. mínútu í leik KR-liðsins á móti Fylki í Árbænum.

Ungur Suarez í sjónvarpsþætti í Úrúgvæ

Luis Suarez er þjóðhetja í Úrúgvæ. Hann mætti í vinsælan spjallþátt í heimalandinu á dögunum þar sem honum var komið skemmtilega óvart.

Níu tegundir af marklínutækni til skoðunar hjá FIFA

Alþjóðaknattspyrnusambandið FIFA ætlar að taka níu mismunandi tegundir af marklínutækni til skoðunar frá september til desember á næsta tímabili. Hávær krafa hefur verið uppi undanfarin ár að FIFA innleiddi marklínutækni í alþjóðlega knattspyrnu.

Redknapp: 35 milljónir punda væru ekki nóg fyrir Luka Modric

Harry Redknapp, stjóri Tottenham, vill ekki að selja Króatann Luka Modric þó að félagið fengi 35 milljón punda tilboð í leikmanninn. Tottenham hefur þegar hafnað tveimur tilboðum frá Chelsea í þennan snjalla miðjumann.

Kristín Ýr: Ofhugsum hlutina í seinni hálfleik

Kristín Ýr Bjarndóttir markaskorari Vals í 1-0 sigrinum á Aftureldingu var ánægð með að vera komin í bikarúrslitaleikinn. Þrátt fyrir markið sagðist hún ekki hafa verið á skotskónum.

Anna Garðars: Áttum helling í þessum leik

Anna Garðarsdóttir leikmaður Aftureldingar var svekkt með 1-0 tapið gegn Val í undanúrslitum Valitor-bikarsins. Anna er nýgengin í raðir Mosfellinga úr Val.

KA-menn náðu í stig í Mjóddinni og komust upp úr fallsæti

Báðir leikir kvöldsins í 1. deild karla enduðu með jafntefli. Kristinn Freyr Sigurðsson tryggði Fjölni 2-2 jafntefli á móti Víkingi í Ólafsvík og Ómar Friðriksson tryggði KA-mönnum 1-1 jafntefli á móti ÍR í Mjóddinni.

Ashley Bares reddaði Stjörnukonum í Laugardalnum

Ashley Bares, markahæsti leikmaður Pepsi-deildar kvenna, bjargaði toppliði Stjörnunnar á móti nýliðum Þróttar í leik liðanna í Pepsi-deild kvenna sem fram fór á Laugardalsvellinum í kvöld. Bares skoraði fernu í 4-2 sigri Stjörnunnar sem náði fyrir vikið fimm stiga forskoti á Val á toppi Pepsi-deildar kvenna. Þór/KA vann 3-2 sigur á botnliði Grindavíkur í hinum leik kvöldsins.

Katrín hetja KR - tryggði liðinu sæti í bikarúrslitaleiknum í blálokin

Katrín Ásbjörnsdóttir tryggði KR 2-1 sigur á Fylki og sæti í bikaúrslitaleiknum þegar hún skoraði sigurmark Vesturbæjarliðsins á 90. mínútu leiksins í undanúrslitaleik liðanna í Valitor bikar kvenna á Fylkisvellinum í kvöld. Þetta er í tíunda sinn sem KR-konur komast alla leið í bikarúrslitaleikinn en Fylkir átti möguleika á því að komast þangað í fyrsta sinn.