Vettel sneggstur á lokaæfingunni

Sebastian Vettel á Red Bull reyndist sneggstur á lokaæfingu keppnisliða á Nurburgring brautinni í dag. Mark Webber á samskonar bíl varð annar og Fernando Alonso á Ferrari þriðji. Vettel varð 0.133 úr sekúndu á undan Webber á æfingunni og 0.222 á undan Alonso.

Fyrstu sex ökumennirnir voru í nokkrum sérflokki hvað tímann varðar, en 0.778 úr sekúndu er á milli þessara ökumanna.

Lewis Hamilton á McLaren varð fjórði á æfingunni og Jenson Button á McLaren fimmti, en Nico Rosberg á Mercedes sjötti, en Michael Schumacher liðsfélagi hans níundi.

Tímatakan verður í beinni útsendingu í opinni dagskrá kl. 11.45 á Stöð 2 Sport, en brautarlýsingu má finna á kappakstur.is.