Umfjöllun: Valsmenn veiktu von Selfyssinga

Selfyssingar töpuðu 2-3 fyrir Val á heimavelli sínum í kvöld. Þeir eru nú fjórum stigum frá öruggu sæti þegar fjórar umferðir eru eftir og þrátt fyrir að það sé eins og Fylkismenn séu að reyna að hjálpa þeim að halda sæti sínu er ekki víst að það sé nóg.

Umfjöllun: Fastir liðir eins og venjulega hjá FH gegn KR

FH er komið í bullandi baráttu um Íslandsmeistaratitilinn á nýjan leik eftir lífsnauðsynlegan sigur á KR í kvöld, 0-1. Það var Atli Viðar Björnsson sem skoraði eina mark leiksins á 25. mínútu.

Hodgson vill að Torres fái frí frá landsliðinu

Roy Hodgson vonast eftir því að Fernando Torres leiki ekki með spænska landsliðinu sem mætir Liechtenstein á föstudaginn. Hann hefur biðlað til Vicente Del Bosque, þjálfara Spánar, að gefa Torres frí.

Juventus vill fá Traore lánaðan frá Arsenal

Ítalska stórliðið Juventus hefur verið í leit að vinstri bakverði og vill fá Armand Traore lánaðan frá Arsenal út tímabilið. Stjórnarmaður Juventus staðfesti áhuga félagsins í morgun.

Avram Grant ekki með miklar áhyggjur

„Það ræðst ekkert á fyrstu vikunum," segir Avram Grant, knattspyrnustjóri West Ham. Hamrarnir eru á botni úrvalsdeildarinnar enda hafa þeir tapað öllum þremur leikjum sínum.

Gunnleifur: Ætlum ekki að sleppa tangarhaldinu

„Við erum gríðarlega spenntir, þetta er úrslitaleikur fyrir okkur," segir Gunnleifur Gunnleifsson, markvörður FH, fyrir stórleikinn gegn KR í kvöld.

Baldur Sigurðsson: Vitum hvernig á að stöðva FH

Það er heldur betur stórleikur í Frostaskjólinu í kvöld þegar KR og FH eigast við. Bæði lið þurfa á sigri að halda í baráttunni um toppsætið þar sem Breiðablik og ÍBV unnu bæði í gær.

Reading hefur tekið tilboði Hoffenheim í Gylfa

Reading hefur náð samkomulagi við þýska úrvalsdeildarliðið Hoffenheim um kaupverðið á Gylfa Þór Sigurðssyni. Fréttastofa Sky greinir frá þessu.

Horner ver ákeyrslu Vettels á meistarann Button

Christian Horner, framkvæmdarstjóri Red Bull kom Sebastian Vettel til varnar, en Vettel keyrði meistarann Jenson Button út úr keppninni á Spa brautinni í gær. Reyndi framúrakstur, en bíll hans snerist í bleytunni og lenti inn í hliðinni á McLaren Buttons

Stoke staðfestir viðræður um Eið Smára

Peter Coates, stjórnarformaður enska úrvalsdeildarliðsins Stoke City, staðfestir að félagið eigi í viðræðum við Monaco varðandi íslenska landsliðsmanninn Eið Smár Guðjohnsen.

Man Utd vill Rodwell fyrir lok gluggans

Enskir fjölmiðlar greina frá því að Manchester United sé nú að leggja allt kapp á að landa Jack Rodwell, hinum unga miðjumanni Everton, áður en félagaskiptaglugganum verður lokað.

Villa ætlar ekki að bjóða MacDonald starfið til frambúðar

Aston Villa hyggst ekki bjóða Kevin MacDonald að taka við knattspyrnustjórn liðsins til frambúðar. MacDonald hefur stýrt liðinu síðan Martin O'Neill sagði upp störfum þann 9. ágúst.

Mancini: Við verðum að nýta færin

Roberto Mancini, knattspyrnustjóri Manchester City, kennir slakri færanýtingu sinna manna um 1-0 tapið fyrir Sunderland í gær.

Engin uppgjöf hjá Alonso og Ferrari

Fernando Alonso telur enn möguleika á að hann geti orðið heimsmeistari, þó hann hafi fallið úr leik á Spa brautinni í gær eftir að hafa misst bíl sinn útaf í bleytu.

Konchesky var á Anfield í gær

Vinstri bakvörðurinn Paul Konchesky verður orðinn leikmaður Liverpool áður en félagaskiptaglugginn lokar. Roy Hodgson, stjóri Liverpool, ætlar að kaupa leikmanninn frá Fulham.

Mögnuð endurkoma hjá ÍBV

ÍBV sýndi sannkallaða meistaratakta í gær er liðið sótti Fylki heim í Árbæinn. Eftir hálftíma leik var ÍBV manni færra og marki undir.

Ívar slökkti á Stjörnunni

Framarinn Ívar Björnsson var í sviðsljósinu í gær þegar Stjarnan tók á móti Fram á gervigrasinu í Garðabæ.

Arsenal ætlar að reyna að fá Andy Carroll í janúar

Andy Carroll, sóknarmaður Newcastle, er á óskalista Arsenal. Arsene Wenger hefur víst fylgst lengi með leikmanninum og sýndi honum áhuga löngu áður en hann skoraði þrennuna gegn Aston Villa fyrir viku.

Lofar kampavínsfótbolta frá AC Milan

„Hvað er hægt að segja um þríeyki sem samanstendur af Zlatan Ibrahimovic, Pato og Ronaldinho? Þetta verður ekta kampavínsfótbolti," segir Adriano Galliani, varaforseti AC Milan.

Fowler búinn að opna markareikninginn sinn hjá Perth

Robbie Fowler skoraði mark úr vítaspyrnu undir lok leiks Perth Glory og Melbourne Heart og bjargaði þar með stigi fyrir Perth. Lokatölur leiksins 2-2.

Tryggvi: Bara úrslitaleikir eftir

Tryggvi Guðmundsson, framherji Eyjamanna, var kampakátur í leikslok í kvöld og sagðist ánægður með stemminguna sem hefur verið að myndast í Vestmannaeyjum auk þess sem hann blótaði því að mótið hafi verið lengt í 22 leiki frá því sem áður var.

Óli Þórðar: ÍBV nýtti sér klaufaskapinn í okkur

Ólafur Þórðarsson, þjálfari Fylkismanna, var vitaskuld ekki sáttur með frammistöðu síns liðs í kvöld en var þó óvenjubrattur í samtali við blaðamann.

Ívar: Þetta var virkilega sætt

„Maður er alltaf ánægður þegar við vinnum leiki og það er virkilega sætt að vinna þetta á síðustu mínútunum " sagði Ívar Björnsson framherji Fram sem skoraði tvö mörk og þar á meðal sigurmarkið í 3-2 sigri Fram á Stjörnunni í kvöld.

Atli: Ég þurfti að svara Guðjóni Baldvins

„Þetta er hundleiðinlegt að tapa þessu svona undir lokin, við ætluðum að halda þessum liðum fyrir neðan okkur," sagði Atli Jóhannsson, leikmaður Stjörnunnar, eftir 3-2 tap gegn Fram í kvöld.

Ólafur Örn: Það eru fleiri leikir eftir

Ólafur Örn Bjarnason, spilandi þjálfari Grindavíkur, var í kvöld viðstaddur tapleik hjá liðinu í fyrsta sinn í sumar. Grindavík beið lægri hlut á heimavelli sínum gegn Breiðabliki.

Kári: Vorum orðnir þreyttir á þessu lagi í upphituninni

Kári Ársælsson, fyrirliði Breiðabliks, átti fínan leik í kvöld þegar Breiðablik vann sannfærandi útisigur á Grindavík 4-2.

Sölvi og Elmar á skotskónum

Sölvi Geir Ottesen er heitur þessa dagana en hann skoraði í sínum öðrum leik i röð í kvöld er FCK lagði Horsens á útivelli, 1-2.

Gunnar Heiðar til Noregs

Danska úrvalsdeildarfélagið Esbjerg hefur lánað framherjann Gunnar Heiðar Þorvaldsson til norska liðsins Fredrikstad út leiktíðina.

Ökumönnum McLaren og Red Bull ekki stýrt í titilsókninni

Hvorki McLaren né Red Bull liðin ætla að ráðskast með það hvernig ökumenn haga akstrinum í Formúlu 1 mótum, þó línur hafi skýrst nokkuð varðandi titilslagninn í dag

Redknapp viðurkennir áhuga á Ashley Young

Harry Redknapp fer ekki í grafgötur með það að hann er á eftir vængmanninum Ashley Young hjá Aston Villa. Sigur Tottenham á Young Boys í forkeppni Meistaradeildarinnar gerir það að verkum að Redknapp fær aukið fé til leikmannakaupa.

Barcelona byrjar á öruggum sigri

Barcelona byrjaði leiktíðina í spænska boltanum vel í dag. Liðið sótti Racing Santander heim og vann öruggan sigur, 0-3.

Veit ekki hvort Guardiola sé hræddur við mig

Svíinn Zlatan Ibrahimovic segir að Pep Guardiola, þjálfari Barcelona, hafi eyðilagt draum sinn um að spila áfram á Camp Nou.

Fer Scott Parker til Tottenham eftir allt?

Enskir fjölmiðlar greina frá því að Tottenham sé nálægt því að krækja í Scott Parker, miðjumann West Ham. Líklegt kaupverð er í kringum átta milljónir punda.

Haraldur vann góðan sigur á Hellu

Haraldur Franklín Magnús úr GR tryggði sér sigur á Egils Gull-mótinu sem lauk á Hellu í dag. Mótið var lokamótið í Eimskipsmótaröðinni.

Hlynur Geir og Valdís Þóra unnu Eimskipsmótaröðina

Selfyssingurinn Hlynur Geir Hjartarson og Skagamærin Valdís Þóra Jónsdóttir unnu sigur á Eimskipsmótaröðinni í ár.

Hamilton: Guð hélt verndarhendi yfir mér

Bretinn Lewis Hamilton er í efsta sætinu í stigamóti ökumanna eftir keppnina á Spa brautinni í dag. Hann sagði keppnina hafa verið mjög erfiða. Hamilton kom á undan Mark Webber í endamark.

Young tryggði Villa sigur á Everton

Aston Villa reif sig upp á afturendanum í dag eftir tapið stóra gegn Newcastle í síðustu víku. Villa lagði Everton á heimavelli sínum, 1-0.

Kolbeinn bjargaði stigi fyrir AZ Alkmaar

Landsliðsmaðurinn Kolbeinn Sigþórsson opnaði markareikning sinn hjá hollenska félaginu AZ Alkmaar í dag er hann skoraði jöfnunarmark liðsins gegn Excelsior. Lokatölur leiksins, 1-1.

Úrslitin í Pepsi-deild kvenna: Valur á sigurbraut sem fyrr

Valur steig enn eitt skrefið í átt að Íslandsmeistaratitlinum í Pepsi-deild kvenna er Valsstúlkur pökkuðu KR saman, 7-0.

Torres bjargaði Liverpool - Sunderland lagði Man. City

Fernando Torres kom Liverpool enn eina ferðina til bjargar í dag er hann skoraði eina mark leiksins gegn WBA.

Bandaríkjamenn byrja vel á HM

Bandaríkjamenn fara vel af stað á heimsmeistaramótinu í körfubolta. Þeir lögðu Króatíu örugglega í gær og í dag rúlluðu Bandaríkjamenn Slóveníu upp, 99-77.

Hamilton vann í viðburðarríkri keppni

Bretinn Lewis Hamilton á McLaren tók forystu í stigamóti ökumanna með sigri á Spa brautinni í Belgíu í dag. Hann varð á undan Mark Webber á Red Bull, en Robert Kubica varð þriðji.

15 ára sigurvegari á Hellu

Hin 15 ára gamla Sunna Víðisdóttir stimplaði sig inn í íslenskt kvennagolf með eftirminnilegum hætti í dag er hún sigraði á Egils Gull-mótinu sem fram fór á Strandavelli á Hellu.

Stoke vill fá Eið Smára

Sneijder: Mourinho mun taka við af Ferguson

Wesley Sneijder, leikmaður Evrópumeistarar Inter, býst við því að Jose Mourinho taki við sem knattspyrnustjóri Manchester United þegar gamli refurinn Sir Alex Ferguson leggur stjórnartaumana á hilluna.