Hræðileg aðkoma

Aðkoman að vettvangi þar sem bensínflutningabíll sprakk í loft upp í Kongó á föstudag var hræðileg. Í dag var byrjað að grafa þá 230 sem fórust í slysinu. Varað er við myndskeiðinu sem fylgir þessari frétt.

Foreldrar Madeleine fá fund með breskum ráðherra

Theresa May, innanríkisráðherra, hefur ákveðið að hitta foreldra Kate og Gerry McCann, foreldra Madeleine litlu sem hvarf af hótelherbergi í Portúgal árið 2007. Foreldrar hafa að undanförnu lagt mikla áherslu að fá áheyrn hjá May eftir að hún tók við embætti innanríkismála í ríkisstjórn Íhaldsflokksins og Frjálslynda flokksins. Talsmaður innanríkisráðuneytisins hefur staðfest að May muni hitta foreldranna á næstu dögum.

Biden hvetur til samstarfs

Joe Biden, varaforseti Bandaríkjanna, segir mikilvægt stjórnmálaleiðtogar í Írak myndi samsteypustjórn. Biden kom óvænt til Íraks í gær ásamt eiginkonu sinn Jill. Í ræddi hann um stöðuna meðal annars við Nuri al-Maliki, nýverandi forsætisráðherra, og Iyad Allawi, fyrrverandi forsætisráðherra.

Netanyahu á leið til Bandaríkjanna

Benjamin Netanyahu, forsætisráðherra Ísraels, er á leið til Bandaríkjanna til fundar við þarlenda ráðamenn. Hann mun eiga fund með Barack Obama, Bandaríkjaforseta, á þriðjudaginn. Þar verða friðarviðræðurnar milli Palestínumanna og Ísraela til umræðu.

Skaut lögregluþjón á flóttanum

Maðurinn sem myrti mann fáeinum klukkistundum eftir að eftir að hafa öðlast frelsi fyrir helgi er talinn hafa skotið lögreglumann í Newcastle í morgun.

Mjótt á munum í Póllandi

Önnur umferð forsetakosninganna í Póllandi í dag. Skoðanakannanir benda til þess að mjótt sé á munum á milli þeirra tveggja frambjóðenda sem flest atkvæði fengu í fyrri umferðinni.

Fimmtán fórust í rútuslysi

Fimmtán manns létust og 48 slösuðust þegar rúta ók á steinvegg í borginni Toledo á Filippseyjum í dag. Rútan var á leið niður brekku þegar bremsur hennar biluðu. Bílstjórinn greip þá til þess ráðs að aka utan í steinsteypta hindrun með þeim afleiðingum að rútan valt. Flestir farþeganna voru verkamenn á leið heim úr vinnu.

Andlegur leiðtogi Hisbollah látinn

Leiðtogi sjía-múslima í Líbanon er látinn, 74 ára að aldri. Litið var á Mohammed Hussein Fadlallah sem andlegan leiðtoga Hisbollah hreyfingarinnar en hann spilaði stórt hlutverk í stofnun hennar árið 1982. Hann gagnrýndi Bandaríkin og hafði framsæknar hugmyndir um hlutverk kvenna í íslömsku samfélagi, segir í frétt BBC.

Pólverjar kjósa nýjan forseta

Seinni umferð forsetakosninganna í Póllandi hófst í morgun en kosið er á milli Jaroslaw Kaczynski, tvíburabróður fyrrverandi forseta landsins Lech Kaczynski sem lést í flugslysi í apríl og þess sem tók við keflinu eftir flugslysið, Bronislaw Komorowski. Fyrri umferðin fór fram 20. júní en þá fékk enginn frambjóðandi meirihluta atkvæða og því þurfti að kjósa á ný milli efstu tveggja.

Sjálfboðaliðar hunsaðir

107 tilboð frá 44 þjóðum hafa borist um aðstoð vegna olíulekans í Mexíkó­flóa samkvæmt landhelgisgæslu Bandaríkjanna. Olíufélagið BP og bandaríska ríkisstjórnin eru vænd um aðgerðaleysi í málinu en 2000 bátar muni vera komnir á staðinn. Þeir geti hins vegar ekki aðhafst fyrr en þau fái heimild frá yfirvöldum.

Paris Hilton laus allra mála

Hótelerfinginn Paris Hilton er laus allra mála eftir að lögreglan í Suður-Afríku ákvað að ákæra hana ekki fyrir vörslu fíkniefna.

Fellibylurinn Alex: Sex fórust í Mexíkó

Að minnsta kosti sex manns létust í flóðum af völdum fellibylsins Alex sem fór yfir Mexíkó í gær. Mest voru flóðin í nágrenni við borgina Monterrey. Miklar rigningar urðu til þess að Santa Catarina áin flæddi yfir bakka sína. Brýr eyðilögðust, vegir fóru í sundur og rafmagnsstaurar gáfu sig. Fyrr í vikunni hafði fellibyrlurinn Alex valdið tjóni í Gvatemala og í El Salvador en hann fjaraði svo út á fimmtudag.

Myrti mann fáeinum klukkustundum eftir að hafa öðlast frelsi

Víðtæk leit fer nú fram í norðausturhluta Bretlands af karlmanni sem talinn er hafa myrt mann og sært konu lífshættulega í bænum Gateshead í nótt. Maðurinn heitir Raoul Thomas Moat sat í fangelsi allt þar til í gær þegar hann öðlaðist frelsi. Hann er fyrrverandi kærasti konunnar.

Á þriðja hundrað látnir í Kongó

Óttast er að allt að 270 manns hafi látist þegar olíuflutningabíll sprakk í litlu þorpi í Kongó í nótt. Mikið eldhaf myndaðist þegar eldsneyti lak úr bílnum. Olíubíllinn var á leið með eldsneyti frá Tansaníu en fór út af veginum í þorpinu Sange, sem er skammt frá landamærunum að Rúanda. Eldsneyti flæddi úr bílnum þegar hann valt og kveiknaði í olíunni þegar hún hafði lekið um hluta þorpsins. Margir þeirra þorpsbúa sem fórust höfðu safnast saman þar sem olían lak í nótt og reynt að verða sér úti um eldsneyti.

Kátur kanslari

Angela Merkel, kanslari Þýskalands, er meðal þeirra fyrirmenna sem fylgjast með leik Þjóðverja og Argentínumanna í átta liða úrslitum heimsmeistaramótsins í knattspyrnu. Merkel er annálaður knattspyrnuáhugamaður og eins og sést á meðfylgjandi mynd fagnaði hún innilega þegar Thomas Müller kom Þjóðverjum yfir strax á annarri mínútu.

Allt að 200 látnir í Kongó

Óttast er að allt að 200 manns hafi látið lífið þegar olíuflutningabíll sprakk í litlu þorpi í Kongó í nótt. Bíllin var á leið með eldsneyti frá Tansaníu og fór út af veginum þegar inn í þorpið var komið, með fyrrgreindum afleiðingum.

Eldgos yfirvarp rána í Svíþjóð

Þjófar hafa komist inn í hús eldra fólks í Lundi í Svíþjóð með því að segjast vera að rannsaka hvernig eldgosið á Íslandi hefur áhrif á eldra fólk.

Myrt ásamt manni sínum á leið heim úr afmælisveislu

Forsprakki eiturlyfjahrings í Mexíkó hefur lýst því verki á hendur sér að fyrirskipa morð á bandarískum ræðismanni, Lesley Enriquez, og eiginmanni hennar sökum þess að hún hafi veitt andstæðingum hans vegabréf í landamæraborginni Ciudad Juarez.

Jaycee Dugard fær milljarða í bætur

Yfirvöld í Kalíforníu hafa fallist á að greiða hinni þrítugu Jaycee Dugard, sem haldið var í kynlífsþrælkun í átján ár af Philip Garrido um tvo og hálfa milljarða í bætur. Dugard ól Garrido tvær dætur en Garrido var á reynslulausn vegna nauðgunardóms og áttu yfirvöld að fylgjast grannt með honum.

Stokkhólmur: Lögregla réðst til atlögu við bankaræningja

Lögreglan í Stokkhólmi réðst í dag inn í banka á Östermalmstorgi en þar hafði bankaræningi tekið starfsmenn og viðskiptavini bankans í gíslingu. Umsátursástand skapaðist í stutta stund áður en lögreglan ákvað að ráðast með alvæpni inn í bankann.

Heimskir bræður

Tveir breskir bræður hafa verið dæmdir fyrir að nota bíl til þess að brjóta glugga á bensínstöð og stela þaðan tóbaki fyrir tíuþúsund sterlingspund.

Rosalega dýr sólgleraugu

Dönsk kona fékk einnar komma sex milljóna króna sekt á Ítalíu fyrir að kaupa ódýra eftirlíkingu af Dolce&Gabbana sólgleraugum í sumarfríinu.

Tugir féllu í skotbardaga við landamæri Mexíkós og Arizona

Á þessari stundu er ekki vitað um orsök þessa skotbardaga en talið er að þarna hafi tekist á liðsmenn eiturlyfjabaróna og smyglara sem hafa að atvinnu að smygla óolöglegum innflytjendum til Bandaríkjanna.

Danski skattmann ygglir sig

Eitt stærsta fjársvikamál sem um getur í Danmörku er nú til rannsóknar hjá skattayfirvöldum að sögn þarlendra fjölmiðla.

Bjóða þúsund menn í skiptum fyrir einn

Gilad Shalit var nítján ára gamall ísraelskur hermaður þegar Hamas samtökin náðu honum á sitt vald fyrir fjórum árum.

Lokuðu ólöglegum síðum

Níu bandarískum vefsíðum sem buðu upp á ólöglegt niðurhal á kvikmyndum var lokað í gær. Síðurnar höfðu sumar boðið upp á niðurhal á glænýjum myndum eins og Toy Story 3 og Iron Man 2 innan sólarhrings frá því að þær voru frumsýndar.

Olli tjóni við ströndina

Búist er við að olíuhreinsunarstarf við Mexíkóflóa tefjist um allt að hálfan mánuð vegna fellibylja, sem eru að fara yfir svæðið.

Tafir í krabbameinsmeðferð

Aska úr Eyjafjallajökli gerði það að verkum að krabbameinslæknir hjá ríkisspítalanum í Northampton í Englandi tafðist erlendis í fríi og uppskurðum hjá spítalanum þurfti að seinka töluvert.

Elín Woods fær 96 milljarða króna

Elín Nordgren eiginkona Tigers Wood fær að sögn breska blaðsins The Sun 500 milljónir sterlingspunda við skilnað þeirra hjóna.

Spegill spegill

Tvöþúsund bandarískar konur tóku þátt í að velja fegurstu konu tuttugustu aldarinnar fyrir sjónvarpsmarkaðsstöðina QVC.

Talibanar vissir um sigur

David Richards hershöfðingi yfirmaður breska herráðsins sagði fyrir skömmu að það gæti verið gagnlegt að ræða við talibana.

Fellibylurinn Alex tekur land -olíuhreinsun hætt

Mikill vindhraði er í Alex um og yfir eitthundrað kílómetrar á klukkustund.

Njósnamálið: Minnir á löngu liðna tíma

Rússarnir tíu sem handteknir voru í Bandaríkjunum um helgina hafa verið ákærðir fyrir að skrá sig ekki sem erindreka erlends ríkis. Hámarksrefsing við því broti er fimm ára fangelsisvist. Sá ellefti, sem var handtekinn á Kýpur, er ákærður fyrir að hafa árum saman komið peningum til hinna tíu.

Hagvöxtur niður í sex prósent

Vísbendingar eru um kólnun kínverska hagkerfisins. Þetta fullyrðir Ruchir Sharma, sérfræðingur í málefnum nýmarkaða og framkvæmdastjóri eignastýringarsviðs bandaríska bankans Morgan Stanley, í úttekt um Kína í nýjasta tölublaði vikuritsins Newsweek.

Fjörutíu ára ráðgáta loks leyst

Vísindamenn við krabbameinsrannsóknarstöð á Havaí telja sig loks hafa fundið svör við þeirri spurningu hvernig asbest veldur krabbameini.

Demókratar bjartsýnir

Rúmur helmingur Bandaríkjamanna segist hafa fundið fyrir áhrifum kreppunnar með einum eða öðrum hætti síðastliðna þrjátíu mánuði.