Bretar handtaka fleiri

Bretar handtóku í dag þrettánda manninn sem grunaður er um aðild að hryðjuverkasamtökunum AL-Kaída. Maðurinn er grunaður um að hafa verið að skipuleggja hryðjuverk í Bandaríkjunum.

Ísraelar opnuðu landamærin

Ísraelski herinn hefur opnað landamærin á milli Egyptalands og Gaza-svæðisins og leyfði fimmtán hundruð Palestínumönnum sem voru strandaðir í Egyptalandi að snúa heim. Landamærunum var lokað fyrir þremur vikum vegna gruns um að palestínskir uppreisnarmenn væru að smygla vopnum frá Egyptalandi.

Bush mismælir sig

George Bush Bandaríkjaforseta varð heldur betur á í messunni í gær í ræðu sem hann flutti í Pentagon við undirskrift á fjárveitingu til varnarmála. Bush mætti til leiks í Pentagonið, varnarmálaráðuneyti Bandaríkjanna, í toppformi - ef svo má að orði komast.

Skaut sig í rassinn

Bandarískur maður sem var uggandi eftir að hafa heyrt fréttir af hættulegum glæpamanni sem gengi laus nærri heimili sínu endaði á því að skjóta sig í rassinn.

31 lést í þyrluslysum

Allir fimmtán, sem voru um borð í rússneskri þyrlu, fórust þegar þyrlan hrapaði í Síberíu í morgun. Ekkert er vitað um tildrög slyssins en sjónarvottar segja að hún hafi skyndilega skollið í jörðina og sprungið á jörðu niðri.

Hnífsstungumaðurinn handtekinn

Lögreglan í Osló handtók í gærkvöldi fertugan karlmann af sómölskum uppruna fyrir hnífsstunguárás í sporvagni í borginni í fyrradag, að því er kemur fram í norska dagblaðinu <em>Aftenposten</em>. Einn lést af sárum sínum og að minnsta kosti tveir særðust lífshættulega.

Sprenging fyrir utan lögreglustöð

Að minnsta kosti fimm létust og tuttugu og einn særðist þegar bílsprengja sprakk fyrir utan lögreglustöð suður af Bagdad í Írak í morgun. Uppreisnarmenn skutu einnig eldflaugasprengju að brú í Bagdad. Þá börðust bandarískir hermenn og írakskar öryggissveitir við skæruliða úr röðum írakska klerksins Moqtada al-Sadr í borginni Najaf í nótt.

Dauðarefsing tekin upp í Indónesíu

Dauðarefsing hefur verið framkvæmd í fyrsta sinn í Indónesíu eftir þriggja ára hlé. Indverskur maður, sem var dæmdur til dauða árið 1995 fyrir eiturlyfjasmygl, var tekinn af lífi í gærkvöldi. Sveit lögreglumanna skaut manninn til bana.

Gosdrykkur gegn Sharon

Gosdrykkurinn Mecca-Cola er kominn í verslanir í Palestínu. Hagnaður af sölu drykkjarins, sem er nefndur eftir borginni Mecca, helgasta stað múslima, rennur til velferðarmála Palestínumanna og er þannig beint gegn ísraelsku ríkisstjórninni. Mecca-Cola kom reyndar fyrst á markað í Frakklandi fyrir tveimur árum.

7 unglingar látast í bruna

Sjö unglingar á aldrinum þrettán til fimmtán ára létust í miklum bruna í hesthúsi í Savoie-héraði í Austur-Frakklandi í nótt. Ekki er vitað um afdrif tveggja fullorðinna sem talið er að hafi verið í húsinu og einn er alvarlega slasaður en hann mun hafa komist undan. Fjöldi slökkviliðsmanna barðist við eldinn fram undir morgun en eldsupptök eru óljós.

Bandarísk þyrla skotin niður

Bandarísk þyrla var skotin niður af uppreisnarmönnum í borginni Najaf í Írak í morgun. Þrír hermenn í þyrlunni særðust og voru þeir fluttir í burtu.

Hryðjuverkárás á Heathrow í bígerð

Hryðjuverkamenn ætluðu að gera árás á Heathrow-flugvöll við London samkvæmt upplýsingum frá pakistönsku leyniþjónustunni. Nýjar upplýsingar gefa einnig til kynna að Al-Kaída ætli að gera árásir á flutningaskip.

Mótmæli við argentíska þingið

Mikill viðbúnaður var í höfuðborg Argentínu, Búenos Aíres, þegar fimm þúsund atvinnulausir Argentínumenn söfnuðust saman fyrir utan þing landsins í morgun og kröfðust umbóta á velferðakerfinu. Hópurinn mótmælti einnig nýjum öryggisreglum sem forseti landsins, Nestor Kirchner, reynir nú að koma í gegnum þingið.

Enn barist í Najaf

Enn er barist að hluta til á götum borgarinnar Najaf í Írak en að sögn talsmanna bandaríska hersins hefur þeim tekist að einangra uppreisnarmennina og halda þeim í skefjum. Vígamenn gerðu árás á lögreglustöð í borginni í gærkvöldi og í kjölfarið brutust út átök milli lögreglunnar og uppreisnarmanna.

Chicciolina borgarstjóri Mílanó?

Ítalska klámmyndadrottningin Chicciolina, sem reyndar er ungversk að uppruna, vill verða borgarstjóri í Mílanó þegar kosið verður til þess embættis eftir tæp tvö ár. Chicciolina varð heimsfræg þegar hún sat á ítalska þinginu í nokkur ár fyrir Róttæka flokkinn.

Áfengisþorsti Finna hjálpar Eistum

Þyrstir Finnar ferðast í það miklum mæli yfir til nágranna sinna í Eistlandi til áfengiskaupa að efnahagur Sovétríkisins fyrrverandi hefur batnað umtalsvert að sögn eistneska fjármálaráðuneytisins. Finnar hafa gert þetta í fjölda ára þar sem áfengið er miklu ódýrara í Eistlandi en takmörk hafa verið fyrir því mikið áfengi frændur vorir mega kaupa.

Lögreglumenn fá byssur að nýju

Ísraelska varnarmálaráðuneytið hefur samþykkt að leyfa palestínskum lögreglumönnum að bera byssur að nýju til að stuðla að auknum friði fyrir botni Miðjarðarhafs.

Kerry ekki stríðshetja?

Hópur hermanna úr Víetnam-stríðinu hefur keypt auglýsingapláss í fjölmiðlum til að koma höggi á John Kerry, forsetaframbjóðanda úr flokki Demókrata. Hermennirnir segja Kerry ljúga um hetjudáð sína í Víetnam-stríðinu.

Námuslys í Rússlandi

Þremur námuverkamönnum var bjargað úr kolanámu í borginni Vorkuta í Norður-Rússlandi eftir sólarhringsveru í námunni. Náman féll skyndilega saman í gær og var lengi vel talið að allir mennirnir hefðu farist. Einn maður lést og þriggja er enn saknað.

Síamstvíburar aðskildir

Tveggja ára gamlir síamstvíburar frá Indónesíu voru aðskildir á sjúkrahúsi á Filippseyjum í dag. Að sögn lækna heilsast tvíburunum vel en þeir voru undir skurðarhnífnum í ríflega sautján klukkustundir.

Cartier-Bresson látinn

Franski ljósmyndarinn Henri Cartier-Bresson er látinn, 95 ára að aldri. Bresson er þekktur fyrir götuljósmyndir sínar en hann var einn af fyrstu ljósmyndurum í heiminum sem gerðu daglegt líf að viðfangsefni sínu og var frumkvöðull á sviði fréttaljósmynda.

Árás á Heathrow undirbúin

Hryðjuverkamenn ætluðu að gera árás á Heathrow-flugvöll við London samkvæmt upplýsingum frá pakistönsku leyniþjónustunni. Nýjar upplýsingar gefa einnig til kynna að Al-Kaída hafi uppi áform um að gera árásir á flutningaskip.

Arafat hylltur í Ramallah

Hundruð stuðningsmanna Yassers Arafats, forseta Palestínu, voru samankomin á götum Ramallah borgar á Vesturbakkanum í dag til að hylla forsetann. Stuðningur við Arafat hefur minnkað síðustu misseri en samkoman í dag sýnir að hann nýtur enn mikils stuðnings meðal þegna sinna.

Drap einn og særði 5 í Noregi

Víðtæk leit stendur enn yfir að manni sem stakk einn mann til bana og særði fimm í sporvagni í Osló í Noregi síðdegis í gær. Maðurinn sem lést var tuttugu og þriggja ára en meðal hinna særðu er tveir lífshættulega slasaðir, kona á fertugsaldri og rúmlega fimmtugur karlmaður.

Öryggisviðbúnaður aukinn

Öryggisviðbúnaður hefur verið aukinn á ellefu flugvöllum og í tveimur höfnum til viðbótar í Bandaríkjunum. Tom Ridge, yfirmaður heimavarnaráðuneytis Bandaríkjanna, segir þetta gert í kjölfar rannsóknar á gögnum Al-Kaída.

Fellibylur í Norður-Karólínu

Fellibylurinn Alex olli flóði í Norður-Karólínu ríki Bandaríkjanna í gær. Hundruð heimila og bíla urðu vatninu að bráð og rafmagn fór af hjá þúsundum íbúa. Íbúar á svæðinu segja þetta versta veður sem hafi gengið yfir svæðið í þrjátíu ár. Vindhraði náði 160 kílómetra hraða á klukkustund.

Ný stjórn í Tékklandi

Forseti Tékklands, Vaclav Klaus, skipaði í morgun hina nýju ríkisstjórn landsins formlega í embætti undir forystu forsætisráðherrans, Stanislavs Gross, sem er aðeins 34 ára gamall og yngsti forsætisráðherra í Evrópu. Þrjátíu og níu dagar eru liðnir síðan fráfarandi forsætisráðherra Tékklands, Vladimir Spidla, sagði af sér.

Átök í Mósúl í morgun

Til harðra átaka kom í borginni Mósúl í Norður-Írak á milli uppreisnarmanna og íröksku lögreglunnar í morgun og hafa átökin nú staðið yfir í nokkra klukkutíma. Samkvæmt upplýsingum frá Reuters-fréttastofunni brutust út átök á fleiri en einum stað í borginni og mátti heyra í það minnsta sex háværar sprengingar.

Gíslar látnir lausir

Uppreisnarmenn hafa látið nokkra gísla lausa í Írak í morgun en þeir eru flestir bílstjórar eða vinna fyrir erlend fyrirtæki sem starfa fyrir Bandaríkjaher. Fyrirtækin hafa í flestum tilfellum lofað að draga starfsemi sína út úr Írak til að fá gíslana lausa. Á meðal þeirra sem látnir hafa verið lausir eru tveir Tyrkir.

Starfsmenn Sþ heim frá Gaza

Sameinuðu þjóðirnar ætla að draga næstum alla erlenda starfsmenn sína frá Gaza-svæðunum í Palestínu í kjölfar þess að Ísraelsher hefur fjölgað árásum sínum á svæðið. Tuttugu starfsmenn voru sendir heim í síðasta mánuði og enn fleiri verða sendir heim á næstu dögum.

70 slasaðir í lestarslysi

Sjötíu slösuðust, þar af nokkrir mjög alvarlega, í lestarslysi í Zimbabwe í morgun. Tvær farþegalestir skullu saman við aðallestarstöðina í höfuðborginni Harare. Talið er að um mannleg mistök hafi verið að ræða.

Bakkus hrjáir 9% Bandaríkjamanna

Um níu prósent Bandaríkjamanna glíma við áfengisvandamál og fimmtán prósent þeirra þjást af persónuleikatruflunum. Þetta er meðal þess sem fram kemur í nýrri rannsókn sem birtist í blaðinu <em>Journal of Clinical Psychiatry</em>.

Dæmd fyrir að nauðga nemanda sínum

Mary Kay Letounreau, kennari sem átti í ástarsambandi við tólf ára nemanda sinn, var látin laus úr fangelsi í Washington í Bandaríkjunum í morgun. Mary var dæmd í sjö ára fangelsi fyrir nauðgun en hefur nú afplánað dóminn.

Flugskeyti með kjarnavopnum

Í nýlegri skýrslu frá Bandaríkjunum er sagt líklegt að Norður-Kóreumenn hafi komist yfir flugskeytabúnað sem getur sent flugskeyti með kjarnavopnum alla leið til Bandaríkjanna. Tæknin virðist vera sambærileg þeirri sem finnst á rússneskum kafbátum sem bendir til þess að norðurkóresk stjórnvöld hafi fengið utanaðkomandi hjálp við þróun búnaðarins.

Réðst á leikskólabörn með hnífi

Starfsmaður í leikskóla í Pekíng í Kína gekk af göflunum í vinnunni og réðst á fimmtán nemendur og þrjá kennara með eldhúshnífi í morgun. Eitt barn lést og tvö særðust illa. Starfsmaðurinn er í haldi lögreglu en hann er fimmtíu og eins árs gamall og var vörður við skólann. Ekki er vitað hvers vegna maðurinn framdi verknaðinn.

Fuglaflensa í Suður-Afríku

Landbúnaðaryfirvöld í Suður-Afríku gruna að fuglaflensufaraldur eigi sér nú stað í þremur fuglabúum þar sem strútar eru aldir í austurhluta landsins. Landbúnaðarráðherra héraðsins segir að sýni úr fuglabúunum þremur hafi a.m.k. til bráðabirgða verið greind sem afbrigði fuglaflensunnar sem herjað hefur í Asíu undanfarin misseri.

Skuldsetja sig út áratuginn

Útlit er fyrir að ólympíuleikarnir verði mun dýrari en grísk stjórnvöld stefndu að. Nú er svo komið að sérfræðingar eru farnir að lýsa áhyggjum af því að leikarnir íþyngi gríska ríkinu svo mjög að það kunni að taka gríska skattborgara tíu ár, hið minnsta, að borga reikninginn.

Réðist á börn vopnaður hnífi

Eitt barn lést og fimmtán slösuðust, þar af tvö alvarlega, þegar starfsmaður leikskóla réðst með hnífi að leikskólabörnum og kennurum þeirra. Þrír kennarar særðust í árásinni.

Flugvél flaug á hús

Sex létu lífið, þeirra á meðal tvö börn, þegar lítil flugvél flaug á hús við golfvöll í Austin í Texas. Vélin breyttist í eldhnött þegar hún lenti á húsinu og fórust allir sem voru um borð í henni. Þrennt var í húsinu þegar atvikið átti sér stað en þau sluppu öll við meiðsl.

Grunaðir um aðild að Al-Kaída

Þrettán menn sem grunaðir eru um að eiga aðild að Al-Kaída hryðjuverkasamtökunum eru nú í haldi lögreglu í Bretlandi. Mennirnir, sem eru á aldrinum nítján til þrjátíu og tveggja ára, voru handteknir í borgunum Luton, Blackburn og Bushey, skammt norður af London.

Bandaríska sendiráðinu lokað

Nokkrum deildum bandaríska sendiráðsins í höfuðborg Indlands, Nýju-Delí, verður lokað á morgun, fimmtudag, vegna öryggisráðstafana að því er segir í tilkynningu frá sendiráðinu í dag.

Harðir bardagar í Mósúl

Í það minnsta 20 létust í hörðum bardaga í borginni Mósúl í Norður-Írak í morgun. Þetta eru mannskæðustu átök í Írak frá því að Írakar tóku aftur við völdum í landinu. Barist var á nokkrum stöðum í borginni, þar á meðal í miðbænum.

Gyðingar flytjast til Ísraels

Tvö hundruð og fimmtíu bandarískir og kanadískir gyðingar lentu á flugvellinum í Tel Avív í morgun en hópurinn ætlar að setjast að í Ísrael. Sérstök stofnun í Ísrael vinnur að því að fá gyðinga víðs vegar um heiminn til að flytjast til Ísraels og fá þeir góða styrki til að koma sér upp heimili.

ESB brýtur alþjóðalög

Niðurgreiðslur Evrópusambandsins til sykurframleiðanda innan landamæra sambandsins standast ekki alþjóðleg verslunarlög. Þetta er niðurstaða úrskurðanefndar Alþjóða viðskiptastofnunarinnar.

Auglýst eftir hirðfífli

Opinber stofnun í Bretlandi, sem hefur varðveislu staða með menningarsögulegt gildi á sinni könnu, hefur auglýst eftir starfskrafti í stöðu hirðfífls ensku krúnunnar. Ekkert hirðfífl hefur verið starfandi í Bretlandi í rúmlega 350 ár.