Síamstvíburar aðskildir

Tveggja ára gamlir síamstvíburar frá Indónesíu voru aðskildir á sjúkrahúsi á Filippseyjum í dag. Að sögn lækna heilsast tvíburunum vel en þeir voru undir skurðarhnífnum í ríflega sautján klukkustundir. Tuttugu ættingjar tvíburanna biðu með eftirvæntingu á sjúkrahúsinu en þeir höfðu komið frá borginni Silay á Filippseyjum. Læknar þurftu að endurbyggja hauskúpu drengjanna eftir að þeir voru aðskildir en búist er við að þeir muni ná sér fljótlega. Einn læknanna sem framkvæmdu aðgerðina, dr. James T. Goodrich, útskýrir hér aðgerðina fyrir blaðamönnum.