Hnífsstungumaðurinn handtekinn

Lögreglan í Osló handtók í gærkvöldi fertugan karlmann af sómölskum uppruna fyrir hnífsstunguárás í sporvagni í borginni í fyrradag, að því er kemur fram í norska dagblaðinu Aftenposten. Einn lést af sárum sínum og að minnsta kosti tveir særðust lífshættulega. Maðurinn var handtekinn í bænahúsi í gærkvöldi eftir að ábending hafði borist frá fólki úr söfnuðinum. Hann kom í moskuna klukkan tvö eftir hádegið í gær og virtist ekki í andlegu jafnvægi svo hringt var á lögregluna. Maðurinn var útskrifaður af geðdeild Ullevål háskólasjúkrahússins fjórum dögum fyrir árásirnar í fyrradag. Hann stakk sex manns alls sautján sinnum.