Ísraelar opnuðu landamærin

Ísraelski herinn hefur opnað landamærin á milli Egyptalands og Gaza-svæðisins og leyfði fimmtán hundruð Palestínumönnum sem voru strandaðir í Egyptalandi að snúa heim. Landamærunum var lokað fyrir þremur vikum vegna gruns um að palestínskir uppreisnarmenn væru að smygla vopnum frá Egyptalandi. Strandaðir Palestínumenn höfðust í og við landamærastöð í Egyptalandi og egypski Rauði krossinn dreifði matvælum til fólksins. Ísrael opnaði landamærin eftir mikinn þrýsting frá Sameinuðu Þjóðunum, Evrópusambandinu og egypskum stjórnvöldum.