Frábært á meðal fallega fólksins á Íslandi

Ben Stiller segir að það sé frábært að vera á Íslandi þar sem sólin sest aldrei og fólkið er fallegt. Hann spjallaði um Ísland þegar hann var gestur í spjallþætti Jimmy Kimmel í gær.

Hönnunarsamkeppni um útilaug við Sundhöllina

Borgarráð samþykkti á fundi sínum í morgun tillögu um hönnunarsamkeppni um útfærslu útilaugar við Sundhöll Reykjavíkur. Hugmyndir um útilaug hafa um nokkurt skeið verið til skoðunar hjá Reykjavíkurborg og mun samkeppnin taka mið af þeirri vinnu.

Innovit kyndir undir áhuga ungs fólks á sjávariðnaði

Innovit fékk nýverið styrk frá Norrænu nýsköpunarmiðstöðinni til að vera umsjónaraðili verkefnis sem nefnist Nordic Innovation Marine Marketing Project (Norrænt nýsköpunarverkefni í markaðssetningu sjávarútvegs). Innovit mun fá til liðs við sig samstarfsaðila af öllum Norðurlöndunum.

Getur ekki séð ósamræmi hjá Hæstarétti

Bryndís Hlöðversdóttir, rektor Háskólans á Bifröst, getur ekki séð að Hæstiréttur sé ósamkvæmur sjálfum sér þegar hann ákveður að ógilda ekki forsetakosningarnar öfugt við stjórnlagaþingskosningarnar á sínum tíma.

Allt að verða klárt í Ólympíuþorpinu

Nú fer allt að verða klappað og klárt fyrir Ólympíuleikana í London, enda verða þeir settir á morgun. Íslensku keppendurnir hafa verið að týnast þangað hver á fætur öðrum að undanförnu.

Litli pokinn í skókössum bannaður

Neytendastofa hefur lagt bann við markaðssetningu á vörum sem innihalda dímetýlfúmarat (DMF). Íslenskir neytendur þekkja efnið helst sem innihald lítilla poka sem festir eru innan í ný húsgögn eða sett í kassa hjá vöru, t.d. skókassa. Þannig er efnið notað til að koma í veg fyrir að húsgögn, skór eða aðrar vörur mygli þegar þær eru fluttar frá hitabeltislöndum, t.d. Kína og öðrum ríkjum Asíu.

Segir gullgrafaraæði í ferðaþjónustu

Mikil aukning hefur verið í útgáfu ferðaskipuleggjendaleyfa á síðasta ári að sögn Ernu Hauksdóttur, framkvæmdastjóra Samtaka ferðaþjónustunnar. Ferðamálaskrifstofa náði á dögunum þeim áfanga að gefa út 500. leyfið á landinu.

Íslenskum geitum fjölgar

Geitum á Íslandi hefur fjölgað á síðustu árum. Síðustu fimm ár hafa 300 geitur bæst í geitastofn landsins sem nú telur átta hundruð dýr.

Fiskar í Kleifarvatni sagðir í andarslitrum

„Það er eitthvað mikið að ske þarna og mikið að,“ segir stangveiðimaðurinn Guðmundur Falk á spjallsvæði vefsins veidi.is þar sem hann gerir stöðuna í lífríkinu í Kleifarvatni að umtalsefni.

Veðurblíðan dregur úr hraðakstri

Minna hefur verið um hraðakstur á helstu ferðamannaleiðum suðvestanlands í sumar en undanfarin sumur, að mati lögreglumanna.

Íslendingar mega ekki sigla með frönsku lúxusskipi hér við land

Íslenskir ferðamenn eru einu ferðamennirnir í heiminum sem ekki mega sigla með eina farþegaskipinu, sem stundar reglubundnar strandsiglingar við Ísland á sumrin.

Yfir 600 laxar úr Elliðaánum

Veiðin í Elliðaánum fór yfir 600 laxa á morgunvaktinni á þriðjudag. Dálítið hefur hægt á veiðinni síðari hluta júlímánaðar eftir frábært gengi fram að því.

Hafnar kröfu um ógildingu

Innanríkisráðuneytið hefur úrskurðað að ekkert sé athugavert við ráðningu Mýrdalshrepps á systursyni oddvita hreppsins sem landvarðar við Dyrhólaey. Systursonurinn var ráðinn án auglýsingar og til þriggja mánaða. Ábúandi einnar jarðarinnar sem á land í Dyrhólaey kærði ráðninguna.

Fleiri konur í hópi hákarla en í fyrra

Þorsteinn Hjaltested landeigandi greiddi hæsta skatta í fyrra annað árið í röð. Þrettán af 50 hákörlum á lista ríkisskattstjóra eru konur. Hákarlarnir 50 greiða samtals rúman 3,1 milljarð króna í opinber gjöld. Upphæðin hækkar á milli ára.

Gúmmítékkar fjölmennir á Akureyri

Um það bil 70 áhangendur tékkneska fótboltaliðsins Mladó Bolislov, sem komu til Akureyrar í gær til að styðja lið sitt í leiknum við Þór í Evrópukeppninni á Akureyri í kvöld, þver brutu allar hefðir um fótboltabullur.

Björgunarskip kemur með línubátinn til hafnar fyrir hádegið

Björgunarskip Landsbjargar frá Rifi á Snæfellsnesi er væntanlegt til heimahafnar um tíu leitið með rúmlega hundrað tonna línubát í togi, eftir að báturinn fékk veiðarfærin í skrúfuna í fyrrinótt og varð vélarvana.

Appelsínuguli dagurinn í gær

lAppelsínuguli dagurinn er nú haldinn 25. dag hvers mánaðar til höfuðs ofbeldi gegn konum. UNiTE heitir herferð framkvæmdastjóra Sameinuðu þjóðanna og UN Women. Þá er skorað á fólk hvarvetna í heiminum að klæðast appelsínugulu.

Rannsóknarleyfi í Stóru Laxá gefið út

Orkustofnun hefur veitt Landsvirkjun rannsóknarleyfi vegna áætlana um virkjun í Stóru Laxá. Iðnaðarráðherra vill að um óflokkuð landsvæði gildi það sama og svæði í biðflokki. Best væri ef hið opinbera stæði fyrir rannsóknum.

Óttast að fé rústi skógrækt í Þórsmörk

Landgræðslustjóri og Skógrækt ríkisins óttast að sauðfé sem rekið er á Almenninga álpist inn í Þórsmörk og eyðileggi áratuga starf við skógrækt. Bændur telja að Skógræktinni beri að girða svæðið af.

Jóhannes í Bónus verður Jóhannes í Iceland á laugardaginn

Jóhannes Jónsson kaupmaður segist ætla að halda áfram að bjóða upp á lægsta vöruverð á Íslandi, eins og hann hefur gert í tuttugu ár, í nýrri verslun sinni Iceland. Áætlað er að búðin opni á laugardaginn.

Tveggja ára á leið í sína fjórðu hjartaaðgerð

Þrátt fyrir að vera einungis tveggja og hálfs árs hefur Matthildur Haraldsdóttir gengist undir þrjár stórar hjartaaðgerðir og er útlit fyrir að sú fjórða verði gerð á næstu dögum. Vinir hafa tekið höndum saman og stefna á að halda styrktartónleika í tveimur löndum.

Fimm skattahæstu greiddu samtals 680 milljónir í opinber gjöld

Fimm skattahæstu einstaklingar landsins greiða samtals yfir sexhundruð og áttatíu milljónir króna í opinber gjöld. Það er níutíu milljónum meira en í fyrra.

Tveir danskir spilarar fá 60 milljónir

Tveir Danir voru með allar tölurnar réttar í Víkingalottóinu í kvöld og fær þeir tæpar 60 milljónir króna í sinn hlut. Tveir Íslendingar voru með fjórar jókertölur í réttri röð og fá þeir 100 þúsund krónur á mann.

Konan komin um borð í björgunarsveitarbíl

Konan sem slasaðist á fæti á gönguleiðinni milli Reykjahlíðar og Kröflu er komin um borð í björgunarsveitarbíl sem mun flytja konuna á Heilsugæsluna á Mývatni. Konan er ekki alvarlega slösuð.

Fatlaðir þurfa að skera upp herör

Úrskurður Hæstaréttar á kröfu öryrkja er hrollvekjandi. Þetta segir formaður Örykjabandalagsins, en kröfu fatlaðra um ógildingu forsetakosninganna var vísað frá í dag. Lögmaður bandalagsins segir fatlaða þurfa að skera upp herör.

Intouchables að slá öll met - 35 þúsund hafa séð myndina

"Það er í raun ómögulegt að sjá hvar þetta endar en miðað við stöðuna í dag og ganginn í þessu, er sennilegt að hún fari yfir 50 þúsund manns og fari yfir 60 þúsund manns í aðsókn," segir Ísleifur B. Þórhallsson, oft kallaður Ísi hjá Græna Ljósinu, um velgengni frönsku myndarinnar Intouchables sem hefur slegið í gegn hjá landanum á síðustu vikum.

Sækja slasaða konu

Björgunarsveitin Stefán við Mývatn hefur verið kölluð út vegna slasaðrar konu á gönguleiðinni frá Reykjahlíð að Kröflu. Konan er slösuð á fæti, en veður á svæðinu er gott og er hún vel útbúin.

Allt verði gert til að þrýsta á um vopnahlé í Sýrlandi

Borgarastyrjöld í Sýrlandi bitnar helst á óbreyttum borgurum en nú þegar er talið að um tuttugu þúsund manns hafi fallið í átökum stríðandi fylkinga, segir í ályktun samstöðufundar með almenningi í Sýrlandi. Fundurinn lýsir yfir hryggð sinni vegna þess hörmungarástands sem nú ríkir í Sýrlandi og stuðningi sínum með almenningi í landinu.

Hundrað áhrifamestu konur landsins

Jóhanna Sigurðardóttir, forsætisráðherra, Ásta Ragnheiður Jóhannesdóttir, forseti Alþingis og Agnes Sigurðardóttir, nýkjörinn biskup Íslands eru efstar á lista yfir 100 áhrifamestu konur landsins árið 2012. Tímaritið Frjáls Verslun birti listann í nýju tölublaði í síðustu viku.

Álfheiður mun líklega ekki sitja þegar Ólafur setur þing

Álfheiður Ingadóttir, þingmaður Vinstri Grænna, býst ekki við því að hún sitji undir ræðu Ólafs Ragnars Grímssonar, forseta, þegar hann setur Alþingi í haust. Þrátt fyrir það segist hún bera slíka virðingu fyrir forsetaembættinu sem slíku að hún muni sitja undir því þegar forsetinn verður settur í embætti 1. ágúst.

Ólafur og Katrín verða viðstödd setningu Ólympíuleikanna

Ólafur Ragnar Grímsson, forseti Íslands, og Katrín Jakobsdóttir menntamálaráðherra verða viðstödd setningu Ólympíuleikanna, sem hefjast í London á föstudag.

Ekki nóg af íslenskum sveppum á landinu

Flúðasveppir anna ekki eftirspurn Íslendinga eftir ferskum sveppum. Nú eru hollenskir og pólskir sveppir víða í verslunum.

Dópaður innbrotsþjófur gripinn glóðvolgur

Brotist var inn í heimahús í austurborginni í morgun, en engu var stolið. Innbrotsþjófurinn sást hlaupa á brott frá vettvangi. Sá grunaði fannst nokkru seinna, en hann var undir áhrifum fíkniefna. Hann var handtekinn og fluttur á lögreglustöðina við Hverfisgötu þar sem hann gistir nú í fangaklefa. Tekin verður skýrsla af viðkomandi þegar víman er runnin af honum.

Telja alvarlegt að Valitor hóti almenningi

Talsmenn Wikileaks og Datacell segja Valitor hóta almenningi með því að segja að ef það fari að niðurstöðu héraðsdóms um að því beri að opna fyrir greiðslugátt fyrir kreditkort til DataCell setji það þjónustu við viðskiptavini í hættu. Fyrirtækið eigi þá á hættu að vera útilokað frá viðskiptum við erlendar kortasamsteypur.

Strandveiðimenn óttast lágt fiskverð

Strandveiðimenn á Vesturlandi eru óánægðir með fyrirkomulag strandveiða fyrir verslunarmannahelgina og búast við að það skili sér í lágu fiskverði. Þeir vilja að veiðarnar byrji á öðrum degi.

Illa gengur að manna við grunnskólann á Ísafirði

Bæjarráð Ísafjarðarbæjar hefur hafnað öllum umsóknum um starf námsráðgjafa við Grunnskólann á Ísafirði. Þetta var í annað sinn sem starfið var auglýst til umsókna.

Niðurstöður kosninganna sigur fyrir lýðræðisþróun

Niðurstöður forsetakosninganna eru sigur fyrir lýðræðisþróun á Íslandi frekar en persónulegur sigur minn, sagði Ólafur Ragnar Grímsson, forseti Íslands, í samtali við frönsku sjónvarpsstöðina France 24. Viðtalið var birt í dag. Í viðtalinu þverneitaði hann því að forsetaembættið á Íslandi væri einungis táknrænt. Það hefði verið skipað þannig frá upphafi að forsetinn ætti að vera mótvægi ef þjóðin væri óánægð með ákvarðanir sem þingið tæki.

Bæjarins Bezta torg opnar

Opnunarhátíð verður á torginu framan við pylsubar Bæjarins Bestu á föstudag. Hönnunarhópurinn Rúmmetri (M3) hefur unnið að breytingum á torginu og stendur fyrir hátíðinni í dag.

Umdeildar umferðareyjar teknar niður

Vegagerðin hefur ákveðið að taka niður umdeildar umferðareyjar í þéttbýlishliðum inn í þjóðgarðinn á Þingvöllum. Vegagerðin viðurkennir að hafa gert mistök og biðst afsökunar á þeim. Þéttbýlishliðin verða áfram en með annarri útfærslu. Umræddar umferðareyjar vöktu nokkra furðu eftir að myndir tóku að birtast á Netinu. Vegagerðin er staðráðin í því að vinna áfram af krafti að umferðaröryggismálum, jafnt í þjóðgarðinum á Þingvöllum sem annarsstaðar.

Hæstiréttur að búa til nýja meginreglu?

Ragnar Aðalsteinsson, lögmaður öryrkjanna þriggja sem kærðu forsetakosningarnar, er harður á því að Hæstiréttur sé í ákvörðun sinni að víkja frá fordæmi sem hann setti þegar hann ógilti stjórnlagaþingskosningarnar á sínum tíma.

Kröfum um ógildingu forsetakosninganna hafnað

Hæstiréttur hefur synjað kröfu þriggja öryrkja og Ástþórs Magnússonar um ógildingu forsetakosninganna. Þetta kemur fram í tveimur ákvörðunum Hæstaréttar sem fjölmiðlar fengu sendar fyrir stundu.

Gagnaverið í Keflavík meðal umhverfisvænustu á heimsmælikvarða

Gagnaver Verne Global sem stendur að Ásbrú í Reykjanesbæ var valið eitt af 100 bestu sjálfbærnilausnum til framtíðar á umhverfisráðstefnunni Sustania Ríó +20 sem fram fór í síðasta mánuði.

Braut kajak sinn nálægt Látrabjargi

Hollenskur kajakræðari var hætt kominn þegar hann náði landi rétt við Látrabjarg. Enginn vissi af ferðum hans fyrr en hjón í sumarbústað sáu til hans þar sem hann reri í vonskuveðri í átt að mestu hættuslóðum við Íslandsstrendur.

Bændur höfðu ekki leyfi til að beita sauðfé í Þórsmörk

Komið er í ljós að bændurnir úr Rangárþigni eystra, sem nýverið slepptu fé til beitar á viðkvæma afrétti í grennd við Þórsmörk, höfðu ekki leyfi sveitarstjórnar til þess, eins og þeir héldu fram við Fréttastofu í gær.

Björgunarskip á leið að vélarvana 100 tonna línuveiðibáti

Björgunarskip Landsbjargar frá Rifi er nú á leið að rúmlega hundrað tonna línuveiðibáti, með sjö manna áhöfn, sem er vélarvana um 80 sjómílur vestur af Breiðafirði, eftir að báturinn fékk veiðarfærin í skrúfuna í nótt.