Mikið um ölvunar- og fíkniefnaakstur

Ölvaður ökumaður missti stjórn á bíl sínum á Sandgerðisvegi í gærkvöldi með þeim afleiðingum að bíllinn fór út af veginum og valt.

Kostnaðurinn margfaldur eftir nokkur ár

Kostnaður ríkisins er margfalt meiri ef vegir fá að grotna niður. Vegamálastjóri segir viðhald þjóðvega komið niður fyrir lágmarksþröskuld. Vegakerfið er að hrynja undan okkur, segir Ólafur Guðmundsson, fulltrúi EuroRAP á Íslandi.

Varast gullgrafaraástand í ferðaþjónustu

Ör fjölgun ferðamanna hér á landi er verkefni sem nauðsynlegt er að horfast í augu við, að mati Ólínu Þorvarðardóttur, þingmanns Samfylkingar.

Sumarbústaður við Elliðavatn alelda

Slökkviliðsmenn berjast nú við eld í sumarbústað við Elliðavatn, Norðlingaholtsmegin. Samkvæmt upplýsingum frá varðstjóra er bústaðurinn alelda en hann stendur á svokölluðum Selásblett. Enginn hefur fundist inni í bústaðnum. Slökkviliðsmenn reyna nú að verja gróðurinn í kringum bústaðinn. Ein stöð er á staðnum, þar á meðal einn tankbíll með 10 tonn af vatni. Búist er við að slökkvistarf standi yfir eitthvað frameftir kvöldi.

Gekk um íbúðarhverfi vopnaður haglabyssu

Maður á sextugsaldri gekk um íbúðarhverfi í Reykjavík síðdegis í dag vopnaður haglabyssu. Samkvæmt upplýsingum frá lögreglu var sérsveit Ríkislögreglustjóra send á staðinn og var maðurinn afvopnaður. Við nánari athugun kom í ljós að ekki var um raunverulegt skotvopn að ræða heldur eftirlíkingu. Ekki er vitað hvað manninum gekk til, en hann var undir áhrifum áfengis og vart viðræðuhæfur. Hann verður látinn sofa úr sér í kvöld og nótt og síðan yfirheyrður í fyrramálið.

Niðurstöðurnar ekki vonbrigði

Þóra Arnórsdóttir, segir að niðurstaða skoðunarkönnunar þar sem hún mælist með 39 prósent fylgi, ekki vera vonbrigði þrátt fyrir að hún mælist með minna fylgi nú en áður. Það sé gott að mælast með fjörutíu prósent fylgi aðeins einni viku eftir að hún hóf kosningabaráttuna. Þetta kom fram í kosningaþætti Ríkissjónvarpsins í kvöld. Ólafur Ragnar sagði að niðurstöðurnar væru í samræmi við þann meðbyr sem hann hefði fundið fyrir undanfarið. Samkvæmt nýrri skoðanakönnun Capacent Gallup mælist Ólafur með tæplega 46 prósent fylgi og Þóra með 39 prósent. Ari Trausti mælist með rúmlega 9 prósent fylgi en aðrir frambjóðendur minna.

Forsetinn ber ábyrgð á því að landið verði ekki stjórnlaust

Ólafur Ragnar Grímsson, forseti Íslands, sagði í kosningaþætti í Ríkissjónvarpinu í kvöld að Bessastaðir væri síðasta stoppistöðin ef flokkarnir ná ekki að mynda ríkisstjórn í landinu eftir næstu þingkosningar, það gæti hugsanlega gerst þar sem margir flokkar verði í framboði. "Þá er það forsetinn einn sem ber ábyrgð á því að landið verði ekki stjórnlaust.“

Ólafur Ragnar og Þóra hafa langmest fylgi

Ólafur Ragnar Grímsson og Þóra Arnórsdóttir mælast með langmest fylgi af forsetaframbjóðendunum sex, samkvæmt nýrri skoðanakönnun Capacent Gallup.

Fékk viðskiptahugmynd við dauðans dyr

Ungur maður sem var við dauðans dyr segist vilja veita dauðvona fólki huggun með því að gera þeim kleift að taka upp og senda skilaboð til ástvina. Þannig sé ekkert eftir ósagt ef allt fer á versta veg.

Ætlar ekki að láta undan þrýstingi útgerðarmanna

Steingrímur J. Sigfússon, sjávarútvegsráðherra, segir Alþingi muni ekki láta undan þrýstingi útgerðarmanna í kvótamálinu. Meirihluti þingmanna styður frumvarp um hækkun veiðigjalda.

Líklegt að hnakkar verði boðnir til sölu

Tilkynnt var um þrjú innbrot í hesthús í Víðidal í dag og segir lögregla að ekki sé ólíklegt að í framhaldinu bjóði einhverjir illa fengna hnakka og hjálma til sölu. "Reiðtygjum var einnig stolið í tveimur innbrotum í hesthús í Mosfellsbæ á dögunum og því rétt að fólki hafi þetta hugfast ef því býðst að kaupa slíkar vörur.

Draga á úr nammiáti Íslendinga

Velferðaráðherra segir það komi til greina að setja reglur um stæðir á sælgætisumbúðum, líkar þeim sem yfirvöld í New York hafa þegar samþykkt um drykkjarílát á gosi, til að draga úr neyslu. Þá telur hann þarft að verslanir endurskoði afslátt á sælgæti á laugardögum. Verslunin Víðir losaði sig við nammibarina í dag.

Segir mótmælendur á fullu kaupi að klappa fyrir LÍÚ

"Nú hafa útgerðarmenn siglt öllum sínum flota í land og stefnt öllu sínu starfsfólki á fullu kaupi til að standa þarna og hylla sig á Austurvelli,“ segir Ólína Þorvarðardóttir, þingmaður Samfylkingarinnar. Hún var ásamt Einari K. Guðfinnssyni, þingmanni Sjálfstæðisflokksins, gestur í þættinum Reykjavík síðdegis á Bylgjunni í dag.

Brimborg átti ekki rétt á að skila lóðinni

Hæstiréttur telur að Brimborg hafi ekki átt rétt á því að skila lóð sem fyrirtækið hafði fengið afhenta frá Reykjavíkurborg gegn endurgreiðslu lóðagjalda. Dómur Hæstaréttar um þetta var kveðinn upp í dag. Brimborg sótti 25. janúar 2006 um 33 þúsund fermetra lóð við Lækjarmel á Esjumelum í Reykjavík. Á fundi borgarráðs áfrýjanda 16. febrúar 2006 var samþykkt að úthluta stefnda lóðinni og honum tilkynnt það bréflega samdægurs. Þar var tekið fram að lágmarksgatnagerðargjald væri 113 milljónir.

Fjögurra ára nauðgunardómur staðfestur

Hæstiréttur staðfesti í dag fjögurra ára fangelsisdóm yfir tveimur erlendum karlmönnum fyrir hrottalega nauðgun við Reykjavíkurflugvöll í október á síðasta ári. Mönnum er gert að greiða fórnarlambinu 1200 þúsund krónur í miskabætur.

Lánið ekki ólögmætt

Enn einn gengislánadómur féll í Hæstarétti í dag. Þar komst dómstóllinn að þeirri niðurstöðu að þrátt fyrir að lántakendur hefðu fengið lánsfjárhæðina greidda inn á reikning sinn í íslenskum krónum væri engu að síður um lán í erlendum myntum að ræða, en ekki krónulán með gengistryggingu. Lánið var því ekki ólögmætt.

Kveiktu á blysum á Austurvelli

Enn er nokkur fjöldi fólks samankominn á Austurvelli þar sem samstöðufundur vegna fiskveiðistjórnunarfrumvarpsins og auðlindagjaldsfrumvarpsins fóru fram. Nú rétt fyrir klukkan fimm kveiktu menn á blysum til að minna á málstaðinn. Ein kona fékk sár á höfuðið, svo úr blæddi, þegar hún var að mótmæla.

Gróðrarskúr loksins í Reykjavík

Hlé varð á samfelldum níu daga þurrviðriskafla í Reykjavík í dag þegar regndropar tóku að falla laust fyrir klukkan fjögur en síðast rigndi að ráði í borginni fyrr hálfum mánuði. Úrkoman í Reykjavík mældist 0,5 millimetrar á síðustu klukkustund á mælum Veðurstofu,

Ályktun samþykkt - vilja að frumvörpin verði dregin til baka

Ályktun var samþykkt á mótmælum sjómanna og útvegsmanna fyrir stundu þar sem stjórnvöld eru hvött til þess að draga frumvörpin til baka og koma á viðræðum á milli málsaðila.

Allri ábyrgðinni velt yfir á Byr

Jón Þorsteinn Jónsson, fyrrverandi sparisjóðsstjóri Byrs sparisjóðs og Ragnar Zophonías Guðjónsson, fyrrverandi sparisjóðsstjóri voru fundnir sekir um umboðssvik fyrir að hafa veitt fyrirtækinu Exeter Holdings ehf. lán án fullnægjandi veða til að kaupa stofnfjárbréf í sparisjóðinum Byr.

Segir það ígildi Hells Angels að efast um frumvörp ríkisstjórnarinnar

"Það er ígildi Hells Angels að voga sér að efast um gildi frumvarpanna,“ sagði Ólöf Ýr Lárusdóttir, framkvæmdastjóri Vélfags á Ólafsfirði, en hún hvetur almenning til þess að kynna sér kvótafrumvörpin. Það hafi hún gert án aðstoðar LÍÚ eins og hún orðaði það sjálf. Hún sagði ennfremur að henni hefði brugðið við að sjá sama tóninn í öllum þeim umsögnum sem hafa verið gerðar um frumvörpin, "þessi frumvörp eru vanhugsuð og gerð í fljótfærni,“ bætti hún við.

Óvíst um fordæmisgildi dómsins

Ólafur Þór Hauksson, sérstakur saksóknari, var ekki búinn að fá dóm Hæstaréttar í hendur þegar Vísir náði tali af honum í dag. Jón Þorsteinn Jónsson, fyrrverandi stjórnarformaður Byrs, og Ragnar Z. Guðjónsson, fyrrverandi sparisjóðsstjóri, voru dæmdir í fjögurra og hálfs árs fangelsi fyrir umboðssvik.

Sjómenn byrstu sig við mótmælendur

Smávægileg átök áttu sér stað á milli stríðandi fylkinga á mótmælum sjómanna og útvegsmanna á Austurvelli fyrir stundu. Þannig byrstu sjómenn sig við konu og Eiríkur Stefánsson, sem hrópuðu kröftuglega á meðan Árni Bjarnason, forseti Farmanna- og fiskimannasambands Íslands, hélt ræðu. Sjómenn byrstu sig við þau og ýttu við þeim.

Einar K.: Fiskveiðistjórnunarkerfið ekki mannréttindabrot

Einar K. Guðfinnsson, fyrrverandi sjávarútvegsráðherra, fagnar þeirri niðurstöðu mannréttindanefndar Sameinuðu Þjóðanna að fiskveiðistjórnunarkerfi Íslendinga sé ásættanlegt. Áður hafði nefndin ályktað að kerfið bryti gegn mannréttindum en nú hefur málinu verið lokað.

Vélarvana við Engey - aðeins nokkrum metrum frá strandi

Um klukkan hálf tvö í dag barst beiðni um aðstoð frá vélarvana báti sem staddur var norðan við Engey. Björgunarsveitin Ársæll var kölluð út og fór þegar á staðinn á tveimur björgunarbátum. Einnig var Slökkvilið höfuðborgarsvæðisins kallað út. Þegar björgunarsveitin kom að hafði bátinn rekið vestur fyrir eyjuna og var aðeins nokkra metra frá strandi.

Fjögurra og hálfs árs fangelsi í Exeter-málinu

Jón Þorsteinn Jónsson og Ragnar Z. Guðjónsson voru dæmdir í fjögurra og hálf sárs fangelsi í Hæstarétti í dag vegna Exeter málsins. Mál Styrmis var sent aftur í hérað. Héraðsdómur hafði sýknað alla mennina af ákærum en sérstakur saksóknari vísaði því frá.

Segja vinnubrögð útgerðarmanna ámælisverð

ASÍ telur vinnubrögð útgerðarmanna ámælisverð samkvæmt tilkynningu sem sambandið sendi frá sér. Þar segir að vinnustöðvun LÍÚ sé ólögmæt auk þess sem stéttarfélögum hefur verið meinaður aðgangur að fundum sem hafa verið haldnir með starfsfólki útgerðanna.

Nokkur þúsund manns á Austurvelli - bein útsending á Vísi

Áætlað er að nokkur þúsund manns séu komnir saman á Austurvelli þar sem samstöðufundur útgerðarmanna og sjómanna hefst á slaginu fjögur. Fulltrúar útvegsmanna, sjómanna og sveitastjórna á landsbyggðinni munu tala á fundinum. Smelltu á hnappinn horfa á myndskeið með frétt til að sjá útsendinguna.

Ungar einstæðar mæður í mestum vanda

Foreldrar sem þiggja fjárhagsaðstoð eru í meirihluta ungar, einhleypar konur og algengt er að þær hafi ekki menntað sig að loknum grunnskóla. Þetta eru niðurstöður rannsóknar sem Velferðarsvið Reykjavíkurborgar lét gera um aðstæður barnafjölskyldna í Reykjavík.

Áhorfendapallar Alþingis lokaðir á meðan mótmæli standa yfir

Lokað verður fyrir almenning á pöllum Alþingis þegar mótmæli útgerðarmanna og sjómanna standa yfir klukkan fjögur í dag. Þetta staðfestir Helgi Bernódusson, skrifstofustjóri Alþingis.

Hjón ákærð fyrir að ræna apótek

Ákæra gegnum hjónum var þingfest í Héraðsdómi Reykjavíkur í morgun en þau eru ákærð fyrir að hafa rænt apótek í febrúar árið 2009. Konan, sem er um fertugt, er ákærð fyrir að hafa farið inn í apótekið vopnuð hnífi og sprautu, með andlit sitt hulið.

Vísir í beinni frá Austurvelli

Vísir mun sýna beint frá samstöðufundi sem fer fram á Austurvelli klukkan fjögur í dag. Á meðal þeirra sem Adolf Guðmundsson, formaður Landssambands íslenskra útvegsmanna og Árni Bjarnason, forseti Farmanna- og fiskimannasambands Íslands.

70 skip í höfninni

Síðustu skipin eru væntanleg inn í Reykjavíkurhöfn núna á þriðja tímanum, en búist er við því að skipin verði hátt í 70 talsins samkvæmt upplýsingum frá hafnsögumanni.

Sýna samfélagslega ábyrgð með því að taka nammibarinn niður

Eigendur Víðis-verslananna er nú að taka niður síðasta sælgætisbarinn í verslun sinni. Segja þeir með því vilji þeir sýna samfélagslega ábyrgð.

Öll rafræn þjónusta Reykjavíkurborgar lá niðri

Um klukkan tíu í morgun rofnaði ljósleiðari einhvers staðar á milli Tæknigarðs háskólans og Upplýsingatæknimiðstöðvar Reykjavíkurborgar.

Ásta Ragnheiður tók við áskorunum frá sjúkraflutningamönnum

Slökkviliðs- og sjúkraflutningamenn afhentu Ástu Ragnheiði Jóhannesdóttur, forseta Alþingis, undirskriftalista í dag til að hvetja alþingismenn til að styðja þingsályktunartillögu um ætlað samþykki við líffæragjafir. Slökkviliðs- og sjúkraflutningamenn koma iðulega fyrstir á slysstað og þekkja mikilvægi þess að taka ákvarðanir hratt og örugglega þegar mannslíf eru í húfi. Þeir telja að umrædd tillaga gæti flýtt fyrir ákvörðunum þegar bjarga þarf mannslífum, fjölgað líffæragjöfum verulega og stytt langa bið eftir líffærum.

Boðar til mótmæla gegn útgerðarmönnum

Boðað hefur verið til annarra mótmæla klukkan fjögur í dag. Það er Andri Sigurðsson hönnuður sem stendur fyrir mótmælunum en á Facebook, þar sem mótmælin eru auglýst, hafa um 700 manns boðað komu sína. Mótmælin fara því fram samhliða mótmælum útgerðarmanna og sjómanna.

Segir laun sjómanna geta lækkað

Guðmundur Kristjánsson, útgerðarmaður í Brimi, segir að ræða verði laun sjómanna upp á nýtt verði fiskveiðistjórnarfrumvörp stjórnvalda að veruleika. "Ef skip veiðir 10 fiska í dag þá taka sjómenn fjóra fiska og útgerð sex fiska. Ef ríkið ætlar að fara að taka marga fiska þá þarf að ræða skiptinguna upp á nýtt," segir Guðmundur og gefur þannig í skyn að laun sjómanna muni lækka.

Bað Jón afsökunar á ummælum um áfengisdrykkju

Björn Valur Gíslason bað Jón Gunnarsson, þingmann Sjálfstæðisflokksins, afsökunar í morgun á því að hafa sakað hann um að vera drukkinn í þingsal í nótt. Nokkurt uppnám varð í þingsal þegar Björn Valur bar honum það á brýn í nótt að vera undir áhrifum áfengis en Jón neitaði. "Dreg ég því þessi orð mín til baka og bið háttvirtan þingmann afsökunar á þessum orðum mínum,“ sagði Björn Valur.

Æfa viðbrögð við bruna um borð í hvalaskoðunarskipi

Almannavarnanefnd Þingeyinga og embætti Lögreglustjórans á Húsavík standa fyrir sjóslysaæfingu á Skjálfanda og á Húsavík laugardaginn 9. júní nk. í samstarfi við almannavarnadeild ríkislögreglustjóra og Landhelgisgæsluna.

Kona á áttræðisaldri ók bíl á öfugan vegarhelming

Kona á áttræðisaldri lenti í verulegum vandræðum í umferðinni í gær en hún ók bíl sínum á öfugum vegarhelmingi á Hafnarfjarðarvegi. Vegfarandi kom konunni til aðstoðar og hringdi í lögregluna. Laganna verðir fóru strax á vettvang og hjálpuðu konunni að snúa bílnum við. Til öryggis var henni síðan fylgt á fyrirhugaðan áfangastað og gekk það áfallalaust. Samkvæmt upplýsingum frá lögreglunni var konan allsgáð en hún hafði óvart tekið "ranga beygju" með fyrrgreindum afleiðingum.

Valtari á topplista víða um heim

Nýjasta stúdíó plata Sigur Rósar, Valtari, kom út á mánudag. Platan náði strax 1. sæti á íslenska listanum. Platan hefur einnig hlotið góðar viðtökur erlendis. Samkvæmt upplýsingum frá útgefandanum hér á landi, Smekkleysu, hefur hljómsveitin náð sínum besta árangri hingað til á sölulistum í eftirtöldum löndum:

Framsóknarmenn um borð í Fjölni frá Grindavík

„Það er þungt í þeim hljóðið," sagði þingflokksformaður Framsóknarflokksins sem er nú um borð í línubátnum Fjölni SU frá Grindavík ásamt flokkbróður sínum Sigmundi Davíð Gunnlaugssyni, formanns Framsóknarflokksins.

Fundu snáka og fíkniefni í austurborginni

Lögreglan fann tvo kornsnáka við húsleit í íbúð í austurborginni í gær.

Ungmenni tóku út refsinguna með því að hreinsa rusl

Það er óhætt að segja að sveitastjórn Svalbarðarstrandshrepps séu ekki refsiglöð stjórn. Þannig var það sveitarstjórinn sjálfur, Jón Hrói Finnsson, sem kallaði á lögregluna aðfaranótt síðasta laugardags, eftir að þrjú ungmenni brutust inn í sundlaugina á Svalbarðseyri. Í frétt vikublaðsins Akureyri kemur fram að lögreglan hafi handtekið ungmennin eftir dálítið uppþot.