Draga á úr nammiáti Íslendinga

Velferðaráðherra segir það komi til greina að setja reglur um stæðir á sælgætisumbúðum, líkar þeim sem yfirvöld í New York hafa þegar samþykkt um drykkjarílát á gosi, til að draga úr neyslu. Þá telur hann þarft að verslanir endurskoði afslátt á sælgæti á laugardögum. Verslunin Víðir losaði sig við nammibarina í dag.

Umbúðir á matvælum hafa vaxið hratt undanfarin ár og holdafar fólks með.

Árið 1976 var fyrst farið að selja flöskur með lítra af kóki og hét þá lítrinn risakók og var hugsaður sem hentug fjölskyldustærð til að nota um hátíðir og í útilegur.

Síðan breyttist neyslumenningin talsvert og samkvæmt rannsókn frá árinu 2006 drekka níu ára börn nú 2,5 lítra á viku og 15 ára unglingar 4 lítra á viku samkvæmt upplýsingum Landlæknisembættisins.

Hins vegar virðast breytingar í farvatninu. Í vikunni samþykkti Krónan að setja upp ráðleggingar um sælgætismagn sem Steinar B. Aðalbjörnsson næringafræðingur hjá Matís hefur unnið að sem og því að koma leiðbeiningunum að í verslunum. Bónus tilkynnti svo í dag þeir myndu einnig setja upp þessar leiðbeiningar. Í Víði var svo ákveðið að henda nammibarnum úr versluninni og setja heilsusamlega vöru í staðinn fyrir sælgætið.

Matthías Eiríksson, kaupmaður í Víði segir þetta viðbrögð við óskum kúnna auk þess sem alltaf hafi staðið til að Víðir stæði framarlega þegar kæmi að ferskvöru á borð við grænmeti og ávexti. Samkeppni í sælgæti félli ekki að markmiðum eigandanna.

Svipaðar vestanhafs. Þar hafa yfirvöld ákveðið að banna sölu á gosdrykkjum í stórum ílátum á veitingahúsum og bíóum en það er gert til að sporna við vaxandi offitu fólks.

Umbúðir hafa áhrif á það hvernig við skynjum magn og það könnuðum við fréttastofunni í dag þegar við fórum í eina þeim fáu sjoppum sem eftir eru sem enn selja sælgæti úr borði og svipuðum pokum og tíðkuðust á tíunda áratug síðustu aldar. Við settum í hann 90 grömm af sælgæti og fórum því næst í Hagkaup og settum sama magn í pokana sem þar eru notaðir.

Þótt sama magn væri í pokunum virtist mikill munur á magninu vegna þess hve stór pokinn úr Hagkaupum er. Guðbjartur Hannesson, velferðaráðherra segir að til greina komi að setja reglur um umbúðir til að stýra neyslu fólks og reyna draga úr afsláttarkjörum á sælgæti eins og tíðkast á laugardögum. Dapurlegt sé til þess að hugsa að nammidagurinn, sem fyrst var hugsaður til að sporna gegn sælgætisáti, hafi snúist upp í andhverfu sína.