Lánið ekki ólögmætt

Enn einn gengislánadómur féll í Hæstarétti í dag. Þar komst dómstóllinn að þeirri niðurstöðu að þrátt fyrir að lántakendur hefðu fengið lánsfjárhæðina greidda inn á reikning sinn í íslenskum krónum væri engu að síður um lán í erlendum myntum að ræða, en ekki krónulán með gengistryggingu. Lánið var því ekki ólögmætt.

Rökstuðningur dómsins fyrir þessari niðurstöðu er ferþættur. Í fyrsta lagi ber skuldabréfið yfirskriftina „Skuldabréf í erlendum gjaldmiðlum". Í öðru lagi er lánsfjárhæðin fyrst tilgrein í erlendum gjaldmiðlum og síðan jafnvirðið í íslenskum krónum. Í þriðja lagi eru vextir skuldarinnar í samræmi við að um erlent lán sé að ræða. Í fjórða lagi var skilmálabreyting lánsins nefnd „Skilmálabreyting skuldabréfs í erlendum myntum".

Þegar á þetta var litið var niðurstaðan sú að um lán í erlendum myntum væri að ræða. Skuldararnir nutu því ekki góðs af því að um ólögmæta gengistryggingu væri að ræða, þrátt fyrir að þeir hefðu í raun fengið 10,2 milljón íslenskar krónur inn á reikning sinn.