Tveir mánuðir þar til ákvörðun verður tekin um ákæru

Að minnsta kosti tveir mánuðir eru í að Ríkissaksóknari taki ákvörðun um hvort ákæra verði gefin út í máli Egils Einarssonar, betur þekktum sem Gillzenegger, og unnustu hans, en þau voru kærð fyrir nauðgun á síðasta ári.

Segir Landsbankamenn hafa viljað færa Icesave í dótturfélag

"Ég held að það hafi verið vilji frá bankanum að gera þetta,“ sagði Jón Þorsteinn Oddleifsson frá Landsbankanum aðspurður um það hvort til hafi staðið að færa Icesave innistæðurnar í Bretlandi úr útibúi yfir í dótturfélag.

Kona barin ítrekað með áhaldi í háskólanum á Hólum

Nemandi í háskólanum á Hólum var fluttur með sjúkrabíl á sjúkrahús í Reykjavík á sunnudagsmorgun eftir alvarlega líkamsárás á nemendagörðum skólans. Nemandinn, sem er kona á þrítugsaldri, var barin ítrekað í andlitið með áhaldi en árásarmaðurinn hefur játað á sig verknaðinn.

Rolex-ræningi á leið til landsins í dag - von á hinum síðar

Pólverji sem grunaður er um rán í úraverslunin Michelsen á Laugavegi í október í fyrra er væntanlegur til landsins í dag en hann var ásamt félaga sínum sem einnig er grunaður í málinu handtekinn í Sviss í síðasta mánuði. Margrét Unnur Rögnvaldsdóttir hjá Ríkissaksóknara segir að farið verði fram á gæsluvarðhald yfir manninum um leið og hann kemur til landsins. Síðan tekur við rannsókn á þætti mannsins í ráninu.

Seðlabankinn fékk ekki upplýsingar um krosseignatengsl

Fjármálaeftirlitið neitaði að láta Seðlabankann hafa upplýsingar um einstaka lántakendur bankanna í aðdraganda hrunsins vegna bankaleyndar. Af þessum sökum gat Seðlabankinn ekki áttað sig á krosseignatengslum í bankakerfinu. Þetta sagði Tryggvi Pálsson, framkvæmdastjóri fjármálasviðs Seðlabankans, þegar hann bar vitni fyrir Landsdómi í dag.

Fjárdrátturinn í HÍ nemur 8 til 9 milljónum - málinu vísað til lögreglu

Talið er að fjárdráttur háttsetts starfsmanns Háskóla Íslands sem vísað hefur verið frá störfum nemi um átta til níu milljónum á fimm ára tímabili. Málinu hefur verið vísað til lögreglu. Þetta staðfestir Kristín Ingólfsdóttir rektor háskólans í samtali við fréttastofu.

Tryggvi vísar orðum Ingibjargar Sólrúnar á bug

Tryggvi Pálsson, framkvæmdastjóri fjármálasviðs Seðlabanka Íslands, hafnar því alfarið að Seðlabankinn hafi haldið frá minnisblöðum í aðdraganda bankahrunsins.

Fyrrverandi bankastjórar í djúpri afneitun

"Fyrrverandi bankastjórar sem halda því fram að þeir hafi mögulega getað lifað af eru í mjög djúpri afneitun," sagði Tryggvi Pálsson, ritari samráðshóps um fjármálastöðugleika og forstöðumaður fjármálasviðs Seðlabankans, fyrir Landsdómi í dag.

Fæðingum fækkaði nokkuð í fyrra miðað við árið á undan

Fæðingum á árinu 2011 fækkaði örlítið ef miðað er við árið á undan. Á síðasta ári fæddust 4.496 börn en árið á undan voru börnin 4.907. Fæðingartalan í fyrra er þó svipuð og meðaltal undanfarinna áratuga og er 2011 árgangurinn í 26. sæti miðað við stærð ef litið er allt aftur til ársins 1951, að því er fram kemur í frétt hjá Hagstofunni.

Strax merki um vandamál árið 2003

Það er þumalputtaregla að ef banki eykur útlán um meira en 15 prósent á ári, þá er það merki um of mikla áhættu. Þetta sagði Tryggvi Pálsson, sem var ritari samráðshóps um fjármálastöðugleika, þegar hann bar vitni í Landsdómi í dag. Tryggvi sagði að íslensku bankarnir hefðu vaxið miklu meira en þetta. Bankarnir hefðu einkum vaxið á árunum 2003 – 2004 og þá hefði ör vöxtur þeirra strax verið farinn að valda þeim vandræðum.

Einungis konur kosnar í stjórn Samstöðu

Einungis konur voru kosnar í stjórn Samstöðu- flokks lýðræðis og velferðar, gjarnan kennd við Lilju Mósesdóttur, á fundi aðildarfélags flokksins í Reykjavík í gærkvöldi.

Allur loðnuflotinn kominn inn á Faxaflóa

Loðnuflotinn er nú allur kominn inn á miðjan Faxaflóa og þó nokkur skip eru á landleið eftir veiðar úr nýrri torfu í gær.

Björgunarsveitir kallaðar út til leitar að týndum Pólverja

Björgunarsveitir voru kallaðar út í nótt til að leita að manni í bíl, sem virtist vera í vandræðum einhvernstaðar á norðvestanverðu landinu.

Sameining bankanna var áhugamál JP Morgan

Lárus Welding, fyrrverandi forstjóri Glitnis, sagði fyrir Landsdómi í gær að viðbrögð Seðlabankans í aðdraganda "Glitnishelgarinnar“ hafi verið "gríðarleg vonbrigði“. Seðlabankinn tók 75% hlut í Glitni þá helgi sem markaði upphaf hins formlega bankahruns á Íslandi.

Verðið hækkaði mest í verslunum Bónuss

Vörukarfa ASÍ hefur hækkað um 21 til 55 prósent frá því í apríl 2008 og mest hjá lágvöruverðsverslunum. Framkvæmdastjóri Bónuss dregur niðurstöðurnar í efa. Verð á mat- og drykkjarvörum hefur hækkað um 38 prósent á tímabilinu.

Fernt felldi Kaupþing

Fyrrverandi starfandi stjórnarformaður Kaupþings sagði fjórar ástæður fyrir falli Kaupþings, og að yfirtakan á Glitni væri ekki ein þeirra. Hann var látinn sverja drengskaparheit fyrir Landsdómi að kröfu verjanda Geirs H. Haarde og er sá eini sem hefur gert slíkt í réttarhöldunum.

Rannsókn á Íbúðalánasjóði tefst til hausts

Stjórnsýsla Rannsóknarnefnd Alþingis, sem gert var að rannsaka starfsemi Íbúðalánssjóðs frá árinu 2004 til ársloka 2010, náði ekki að ljúka starfi sínu á tilsettum tíma þar sem verkefnið reyndist mun umfangsmeira en í fyrstu var talið.

Átti að minnka kerfið 2006 til 2007

Grípa hefði átt til aðgerða til að minnka íslenska bankakerfið á seinni hluta ársins 2006, ef vilji var fyrir hendi að gera það. Fundargerðir Seðlabanka voru einhliða upplifun þeirra sem þær rituðu á atburðum sem þeir vildu að hefðu átt sér stað. Þetta sagði Sigurjón Þ. Árnason fyrir Landsdómi í gær.

Er að vinna fyrir sérstakan saksóknara

Stefán Svavarsson var innri endurskoðandi Seðlabanka Íslands um þriggja ára skeið. Hann lét af störfum árið 2008. Hann taldi ekki ástæðu til að hafa áhyggjur af eignum bankanna á þeim tíma. Þeir hefðu sýnt góða afkomu, verið með mjög góða eiginfjárstöðu og reikningar þeirra áritaðir af alþjóðlegum endurskoðunarfyrirtækjum, sagði hanní vitnaleiðslum í gær. Í reikningunum hefði auk þess komið fram að þeir væru gerðir í samræmi við alþjóðlega reikniskilastaðla. Ef innviðir eignasafna bankanna hefðu verið slæmir hefði engin leið verið fyrir þann sem las reikninga þeirra að átta sig á því.

Ársæll kom gögnum til DV

Ársæll Valfells, lektor við viðskiptafræðideild Háskóla Íslands, kom gögnum um Guðlaug Þór Þórðarson þingmann frá Fjármálaeftirlitinu til DV. Lögreglurannsókn fer nú fram vegna málsins.

Viðmið um framboð varhugaverð

„Það er margt til bóta í frumvarpinu en jafnframt margt í óvissu.“ Þetta segir Lárus Ólafsson, lögfræðingur hjá Samtökum verslunar og þjónustu, SVÞ, um frumvarp um breytingu á úthlutun tollkvóta á landbúnaðarvörum.

Frumvarp um breytingar á gjaldeyrishöftum samþykkt á Alþingi

Umræðu um herðingu á gjaldeyrishöftum á Alþingi er lokið. Frumvarpið var samþykkt með 25 atkvæðum gegn 12 , það voru þó 3 sem greiddu ekki atkvæði.

Greiða atkvæði um fumvarp um gjaldeyrishöft eftir miðnætti

Gengið verður til þriðju umræðu um frumvarp um breytingar á gjaldeyrishöftum á Alþingi eftir miðnætti í nótt.

Júpíter og Venus eiga stefnumót saman

Tvær björtustu plánetur sólkerfisins, Júpíter og Venus, skína nú skærar í vesturhimni. Síðustu daga hafa pláneturnar nálgast hvor aðra hratt og næstu daga munu þær eiga náið stefnumót saman.

Páskagull verður tekinn til sölu í Vínbúðum

ÁTVR og Ölgerðin hafa komist að samkomulagi um sölu á bjórnum Páskagull. Í sameiginlegri tilkynningu kemur fram að merkingum á bjórnum verði breytt.

Fjárdráttur í Háskóla Íslands

Háttsettum starfsmanni Háskóla Íslands hefur verið vikið frá störfum en maðurinn er grunaður um fjárdrátt. Ekki liggur fyrir um hve miklar upphæðir ræðir en málið mun vera í rannsókn. Heimildir fréttastofu herma að grunur leiki á að fjárdrátturinn nái aftur til ársins 2007.

Kláminu um að kenna?

Móðir unglingsstúlku segir að nauðganir í samböndum séu staðreynd. Dóttir hennar upplifði ofbeldi af þessu tagi í fjögur ár - frá því að hún var 14 til 18 ára.

Gríðarlegir tekjuhagsmunir undir í rammaáætlun

Samorka telur að ríkisstjórnin sé út frá pólitískum forsendum að stöðva allt að átján virkjunarkosti í rammaáætlun með því að víkja frá faglegum niðurstöðum verkefnisstjórnar. Stjórnvöld gætu með þessu útilokað virkjanir sem gætu skilað nærri sextíu milljarða króna raforkusölutekjum á ári.

Japanskir skiptinemar minntust hamfara á Háskólatorgi

Japanskir skiptinemar og nemendur við Háskóla Íslands minntust hamfaranna í Japan á Háskólatorgi í dag. Þeir segja Japani vera mjög þakkláta Íslendingum fyrir stuðning og samúð eftir að jarðskjálftinn reið yfir. Jóhanna Margrét Gísladóttir.

Leitast eftir að loka á glufu í gjaldeyrishöftunum

Nú stendur yfir umræða á Alþingi um herðingu á gjaldeyrishöftunum þar sem leitast er eftir að loka á gjaldeyrisútflæði í gegnum glufu á höftunum. Búist er við að frumvarpið verði samþykkt í kvöld. Greiningaraðili segir breytinguna minnka traust erlendra aðila.

Götur Reykjavíkur fá andlitslyftingu

Reykjavíkurborg mun veita hundrað milljónum króna aukalega til gatnaframkvæmda í borginni í sumar. Margar götur eru komnar í slæmt ástand eftir vetrarþunga og lítið viðhald.

Hundar greina krabbamein með mikill nákvæmni

Gunnar Bjarni Ragnarsson, krabbameinslæknir á LSH, var gestur í útvarpsþættinum Reykjavík Síðdegis í dag. Hann ræddi um hæfileika hunda til að greina krabbamein.

Skýrslutökum lokið í dag

Skýrslutökum er lokið í dag í máli saksóknara Alþingis gegn Geir Haarde. Sex vitni komu fyrir dóminn og var Ingibjörg Sólrún Gísladóttir, fyrrverandi formaður Samfylkingarinnar fyrst þeirra.

Ætluðu með Icesave til fleiri landa

Til stóð að hefja innlánasöfnun á Icesave-reikningum víðar en í Bretlandi og Hollandi eftir því sem tíminn leið. Björgólfur Guðmundsson, fyrrverandi stjórnarformaður Landsbankans, fullyrti þetta þegar hann gaf skýrslu fyrir Landsdómi í dag.

Vonast til að frumvarp um hert gjaldeyrishöft verði að lögum í kvöld

Nú síðdegis eða í kvöld verður lagt fram frumvarp til breytinga á lögum um gjaldeyrishöft og er gert ráð fyrir að það fái hraðferð í gegnum þingið og verði orðið að lögum þegar markaðir opna í fyrramálið. Samkvæmt heimildum fréttastofu er markmiðið með frumvarpinu að reyna að hefta það að erlendir eigendur húsnæðisbréfa geti tekið út bæði afborganir og vexti af bréfunum í erlendri mynt.

Lögreglan lýsir eftir kerru

Lögreglan á höfuðborgarsvæðinu lýsir eftir kerru sem var stolið frá Búagrund á Kjalarnesi á tímabilinu 8. - 10. mars sl. Þeir sem geta gefið upplýsingar um hvar kerran er niðurkomin eru vinsamlegast beðnir um að hafa samband við lögregluna í síma 444-1180 eða senda tölvupóst á netfangið abending@lrh.is Þess má jafnframt geta að undanfarið hafa lögreglu borist nokkrar tilkynningar um kerruþjófnað og því ættu kerrueigendur að leita leiða til að geyma þær með öruggum hætti, ef þess er nokkur kostur.

Sigurjón: Sameiningarhugmyndir Hreiðars vonlausar

Hugmyndir Hreiðars Más Sigurðssonar um sameiningar í bankakerfinu á árinu 2008 voru vonlausar að mati Sigurjóns Árnasonar, fyrrverandi forstjóra Landsbankans. Sigurjón sagði þetta fyrir dómi í dag.

Landsdómur: Sjöunda samantekt - myndskeið

Fréttamennirnir Þorbjörn Þórðarson og Breki Logason fylgjast með framvindu mála í Landsdómi í beinum sjónvarpsútsendingum á Vísi í allan dag.

Gunnar Andersen bað Ársæl um að senda gögn til DV

Ársæll Valfells, lektor við Háskóla Íslands, segir að hann hafi verið milligöngumaður þegar gögn láku frá Landsbankanum en Gunnar Andersen fyrrverandi forstjóri Fjármálaeftirlitsins hefur verið kærður til lögreglu vegna þess. Gögnin vörðuðu fjármál Guðlaugs Þórs Þórðarsonar alþingismanns. Ársæll segir í yfirlýsingu sem hann sendi frá sér að maður nokkur hafi bankað á dyrnar hjá sér og beðið sig um að skila sendingu til Gunnars Andersen.

Falsaður þúsundkall í Elko

Falsaður þúsund króna seðill fannst við uppgjör í verslun Elko á Leifsstöð um helgina. Að sögn lögreglu virðist um einangrað tilvik vera að ræða. Engu að síður biður lögreglan á Suðurnesjum fólk um að vera vakandi fyrir hugsanlegum "prettum af þessu tagi“ eins og það er orðað.

Hamborgaraóðir Íslendingar - 27 þúsund borgarar seldir

Það er óhætt að segja Íslendingar séu sjúkir í hamborgara ef marka má eftirspurnina í hamborgara frá veitingastaðnum Metró. Um 24 þúsund hamborgarar hafa selst á vefsíðunni hópkaup.is í dag en þar er hægt að kaupa hamborgara á 99 krónur í staðinn fyrir 350 krónur. Tilboðið gildir í 24 klukkutíma og lýkur á miðnætti. Í október í fyrra var samskonar tilboð í gangi á síðunni og þá seldust yfir 40 þúsund hamborgarar eða um fjögur og hálft tonn á einum sólarhring.

Ölvaður túristi stal póstbíl á Leifsstöð

Póstbíl var stolið þar sem hann stóð í gangi fyrir utan Flugstöð Leifs Eiríkssonar á laugardagsmorguninn síðastliðinn. Í tilkynningu frá lögreglu segir að bílstjórinn hafi brugðið sér inn í Leifsstöð með dagblöð og þegar hann kom til baka var bíllinn horfinn.

Of seint að minnka bankana 2008

Hafi menn haft áhuga á þvi að minnka íslenskt bankakerfi, þá átti það átti að gerast á seinni hluta ársins 2006 og á árinu 2007. Þetta sagði Sigurjón Þ. Árnason, fyrrverandi bankastjóri Landsbankans, fyrir Landsdómi í dag.

Töldu að Landsbankinn gæti staðið af sér þjóðnýtingu Glitnis

Sérfræðingar Landsbankans töldu að bankinn gæti staðið af sér þá lækkun hlutabréfaverðs sem yrði á bankanum ef ríkissjóður tæki yfir 75% hlut í Glitni. Þetta fullyrti Halldór J. Kristjánsson, annar bankastjóra Landsbankans, þegar hann var spurður út í málið í dag.

Söngvakeppni í skugga mannréttindabrota

Nokkrum mánuðum áður en Aserbaídsjan vann Söngvakeppni evrópskra sjónvarpsstöðva síðastliðið vor flúðu hundruð friðsæmra mótmælenda undan ofbeldi lögreglu í miðborg Bakú, höfuðborg landsins. Í tilkynningu frá Amnesty International segir að 125 milljónir manna fylgist með söngvakeppninni sem fer fram í Bakú í maí næstkomandi en samtökin segja að keppnin fari fram í skugga mannréttindabrota þar sem friðsamir mótmælendur séu handteknir og beittir ofbeldi og blaðamönnum sé hótað og rænt. Amnesty krefst þess að allir samviskufangar í Aserbaídsjan verði tafarlaust leystir úr haldi.