Tugir kílóa af fíkniefnum teknir í íslenskri höfn

Karlmaður á fimmtugsaldri var handtekinn í Leifsstöð í nótt grunaður um að vera höfuðpaur í umfangsmesta fíknefnamáli ársins. Hann er annar maðurinn sem er handtekinn vegna málsins sem hefur verið til rannsóknar í marga mánuði og snýst um innflutning á verulegu magni af fíkniefnum.

Landsmóti æskulýðsfélaga kirkjunnar lokið

Landsmóti æskulýðsfélaga kirkjunnar lauk með messu í Selfosskirkju í dag. Þar voru 500 unglingar og leiðtogar. Þau komu frá landinu öllu og voru einskonar þverskurður af kirkjunni. Séra Óskar Hafsteinn Óskarsson, prestur í Selfosskirkju, prédikaði í messunni. Herra Karl Sigurbjörnsson heiðraði mótið með nærveru sinni í gær.

Tannheilsan verst á Íslandi

Tannheilsa Íslendinga er mun verri en annarra Norðurlandabúa þrátt fyrir að tannlæknar séu hlutfallslega fleiri á Íslandi. Ungmenni hér á landi fá fjórfalt fleiri skemmdir en danskir jafnaldrar þeirra.

Úrskurði gerðardóms enn frestað

Gerðardómur í deilu Norðuráls og HS Orku vegna álversins í Helguvík hefur frestað úrskurði sínum um einn mánuð, en vonast hafði verið eftir niðurstöðu nú um þessi mánaðamót. Fresturinn er að ósk dómaranna, sem telja deilumálið um orkusamninginn það viðamikið að þeir þurfi lengri tíma.

Karlmaður skarst á höfði

Karlmaður á fimmtugsaldri skarst á höfði og í andliti þegar hann ók á bryggjupolla við Grindavíkurhöfn síðdegis í dag. Hann var fluttur með sjúkrabíl á slysadeild. Bíllinn sem hann ók er talinn ónýtur.

Brutust inn og stálu fötum fyrir 1,2 milljónir

Fötum að verðmæti 1,2 milljónir króna var stolið úr fataversluninni Allir krakkar aðfaranótt laugardagsins. Þá var sjóðsvél í versluninni tæmd.

Jóhanna fundar með forsætisráðherra Dana

Jóhanna Sigurðardóttir forsætisráðherra mun funda með Helle Thorning-Schmidt, nýjum forsætisráðherra Danmerkur, eftir helgi. Fundurinn fer fram í tengslum við þing Norðurlandaráðs sem fer fram í vikunni.

Þröskuldar ófærir

Leiðin um Þröskulda á Vestfjörðum er ófær og er þar mjög slæmt veður. Viljum við benda vegfarendum á þessari leið að fara Ennishálsinn og um strandir en sú leið er greiðfær.

Garðfuglaskoðun hefst í dag

Í dag hefst árviss garðfuglaskoðun Fuglaverndar þar sem landsmenn eru hvattir til að skoða og skrá fjölda og tegundir fugla í görðum sínum.

Neyðarvistunin var yfirfull þegar unglingarnir voru handteknir

Neyðarvistunin á Stuðlum var yfirfull í gærkvöld þegar þrír unglingar voru handteknir og gistu fangageymslur lögreglunnar. Ástæðan er sú að taka þurfti á móti einum af þeim einstaklingum sem hafði strokið af meðferðarheimilinu í Háholti. Unglingarnir komust yfir lykla eins starfsmannsins í gær og þegar þeir áttu að fara í ró ákváðu þeir að ráðast til atlögu. Starfsmenn reyndu að stöðva þá en þegar það gerðist tóku unglingarnir í sundur sófa sem er á Stuðlum og bjuggu sér til vopn úr honum. Þegar starfsmennirnir sáu að þeir réðu ekki við aðstæður ákváðu þeir að kalla til lögreglu.

Niðurstaða Hæstaréttar kom ekki á óvart

Niðurstaða Hæstaréttar á föstudaginn kemur ekki á óvart, að mati Guðlaugs Þórs Þórðarsonar, þingmanns Sjálfstæðisflokksins. Hæstiréttur staðfesti á föstudaginn þá niðurstöðu Héraðsdóms Reykjavikur að neyðarlögin frá 6. október 2008 stæðust stjórnarskrá. Innlán í gamla Landsbankanum og Glitni skyldu teljast forgangskröfur umfram kröfur lánadrottna og hluthafa í bankanum.

Fólkaflokkurinn og Sambandsflokkurinn sigruðu

Fólkaflokkurinn og Sambandsflokkurinn sigruðu í kosningum til færeyska lögþingsins í gær. Báðir flokkarnir fengu átta þingmenn og bættu við sig fylgi frá síðustu kosningum. Nýi flokkurinn, Framsókn, fékk tvo þingmenn. Jafnaðarflokkurinn tapaði fylgi og fékk sex menn líkt og þjóðveldisflokkurinn sem tapaði fimm prósenta fylgi frá síðustu kosningum. Sjálfstýriflokkurinn fékk einn mann og Miðflokkurinn einn.

Players lokað í nótt

Lögreglan lokaði veitingastaðnum Players um þrjúleytið í nótt. Þegar staðnum var lokað hafði hann yfirfyllst af fólki. Töluverður hópur unglinga undir tilskyldum aldri hafði safnast fyrir inni á staðnum þegar honum var lokað. Eftir að staðnum var lokað safnaðist fólkið saman fyrir utan hann og kom margsinnis til stympinga þar fyrir utan sem lögreglan þurfti að hafa afskipti af.

Þrír vistmenn á Stuðlum handteknir

Þrír unglingar sem vistaðir eru á meðferðarheimilinu Stuðlum, sem Barnaverndastofa rekur, voru handteknir rétt fyrir miðnætti og færðir í fangageymslur eftir að slagsmál brutust út á Stuðlum. Starfsmenn Stuðla munu ekki hafa ráðið við ástandið og því var ákveðið að kalla til lögregluna. Unglingarnir, sem eru fimmtán og sextán ára gamlir, eru enn í haldi lögreglunnar. Ákveðið verður síðar í dag, í samráði við barnaverndaryfirvöld hvað gert verður í málum unglinganna.

Lottóspilari 17 milljónum ríkari

Einn heppinn lottóspilari var með allar tölur réttar í lottóútdrætti kvöldsins. Hann fær um 17,4 milljónir í sinn hlut. Lottóspilarinn keypti miðann á Olísstöðinni á Höfn í Hornafirði. Sjö spilarar voru með 4 réttar Jokertölur í réttri röð. Hver og einn fær 100 þúsund krónur í sinn hlut.

Fjöldi fólks skoðaði Þór

Fjöldi fólks hefur lagt leið sína niður að höfn til þess að skoða varðskipið Þór sem kom til landsins í vikunni. Landhelgisgæslan áætlar að um fimm þúsund manns séu búnir að skoða skipið. Um 3500 manns lögðu leið sína niður að Miðbakka Reykjavíkurhafnar í dag þar sem varðskipið liggur við bryggju. Þrátt fyrir rigningu lét fólk það ekki á sig fá og stóð um stund í biðröð eftir að komast um borð. Skipið verður áfram opið til sýnis milli klukkan 13 og 17 á morgun.

Staða Íslendinga sterkari í Icesave deilunni

Lögmaður sem sat í Icesave samninganefndinni telur að staðfesting neyðarlaganna fyrir Hæstarétti í gær styrki málstað Íslendinga og dragi úr áhættu ef illa fer í Icesave málinu fyrir EFTA dómstólnum.

Hanna ferju í staðin fyrir Herjólf

Eimskip hefur látið hanna nýja ferju sem gæti hentað betur en Herjólfur til siglinga á millli Vestmannaeyja og Landeyjarhafnar. Herjólfur er of djúpristur, tekur á sig of mikinn vind, á erfitt með strauminn og hentar að ýmsu öðru leyti illa til siglinga. Eimskip, sem er rekstraraðili Herjólfs, óskaði eftir nýju hönnuninni eftir að Vegagerðin bað fyrirtækið um að leita að nýrri ferju sem gæti gagnast betur til siglinga á milli lands og Eyja en Herjólfur.

Ég skrifa alvöru bókmenntir

Útlendingar spyrja mig stundum hvort ég dragi ekki upp óþarflega dökka mynd af Íslendingum í mínum bókum,“ segir Arnaldur Indriðason rithöfundur, sem hefur sérhæft sig í sögum af glæpum. „Ég hef svarað því til að Íslendingar séu fullfærir um að sjálfir og þurfi enga hjálp frá mér í þeim efnum,“ bætir hann við og hlær.

Vara ferðamenn við að kaupa hvalkjöt í Leifsstöð

Erlendir ferðamenn sem kaupa hvalkjöt í Leifsstöð og taka það með sér heim brjóta gegn alþjóðlegu viðskiptabanni með hvalaafurðir og gætu lent í fangelsi. Þetta kemur fram í umfjöllun þýska dagblaðsins Bild um málið.

Steingrímur endurkjörinn formaður

Steingrímur J. Sigfússon fjármálaráðherra var endurkjörinn formaður Vinstri hreyfingarinnar - græns framboð á landsfundi flokksins í dag. Steingrímur hlaut tæplega 77% atkvæða. Tveir voru í framboði auk Steingríms, Margrét Pétursdóttir og Þorvaldur Þorvaldsson. Margrét hlaut 15,7% atkvæða og Þorvaldur hlaut 7,6% atkvæða. Alls greiddu 208 atkvæði í kosningunum og voru 10 seðlar auðir eða ógildir.

Nýjar eftirlitsmyndavélar settar upp í Reykjavík

Reykjavíkurborg ætlar að verja 6,5 milljónum til þess að endurnýja myndavélakerfið í miðborg Reykjavíkur. Jón Gnarr borgarstjóri lagði fram tillögu þessa efnis á borgarráðsfundi á fimmtudaginn, sem var samþykkt.

Katrín verður varaformaður VG áfram

Kosningu er lokið til formanns VG og er verið að telja atkvæði. Búast má við því að niðurstaða liggi fyrir klukkan korter í eitt. Þrír eru í framboði. Þá hefur verið lýst yfir framboðum í embætti varaformanns, ritara og gjaldkera flokksins og er einn maður í framboði til hvers embættis. Katrín Jakobsdóttir býður sig fram til varaformanns, Sóley Tómasdóttir til ritara og Hildur Sveinsdóttir til gjaldkera.

Segja sig úr VG

Lilja Mósesdóttir og Atli Gíslason hafa ákveðið að segja sig úr VG. Lilja er ósátt við margt innan flokksins og hyggst stofna nýtt stjórnmálaafl.

Enn skelfur í Mýrdalsjökli

Þrír skjálftar urðu nærri Goðabungu í Mýrdalsjökli á tíunda tímanum í morgun. Sá snarpasti var 3,6 á Richter, en hann var töluvert djúpur eða á 5,9 kílómetra dýpi, samkvæmt mælum Veðurstofunnar. Annar var 2,4 á Richter og sá þriðji var 1,9 á Richter. Hinir tveir síðarnefndu voru öllu grynnri en sá fyrsnefndi. Töluverð virkni hefur verið á svæðinu undanfarnar vikur og mánuði.

Rjúpnaskyttur komust til byggða

Björgunarmenn úr björgunarsveitunum Brák og Heiðari fundu á tólfta tímanum í gær, skammt frá Hreðavatni, tvær rjúpnaskyttur sem leitað hafði verið að allt kvöldið. Þeir voru slæptir og þreyttir en eftir smá hressingu treystu þeir sér til að ganga með björgunarmönnunum í bíla sem biðu þeirra ofan við Hreðavatn. Gönguferðin var um ein og hálf klukkustund og voru björgunarmenn komnir heim til sín um þrjúleytið, samkvæmt upplýsingum frá björgunarsveitamönnum.

Um 500 unglingar á landsmóti hjá kirkjunni

Um 500 unglingar og leiðtogar eru samankomnir á landsmóti æskulýðsfélaga kirkjunnar sem var sett á Selfossi í gærkvöld. Karl Sigurbjörnsson, biskup Íslands, setti landsmótið og þakkaði unglingunum fyrir gott starf og góðan hug.

Stunginn í hálsinn

Þrir unglingar, tveir piltar og ein stúlka, réðust óboðnir inn í teiti í Mosfellsbæ í gærkvöld. Þegar gestir í teitinu hugðust vísa þeim þeim út brást annar pilturinn við með því að lemja einn gestinn með steikarpönnu í andlitið. Hinn pilturinn tók upp hníf og stakk einn gestinn í hálsinn. Ekki hafa fengist upplýsingar um ástand hinna slösuðu.

Eldhætta af lúpínu í byggð

"Það er ekki spurning um hvort heldur hvenær það verður stórbruni þar sem lúpínan vex í miklu magni,“ segir Jón Gunnar Ottósson, forstjóri Náttúrufræðistofnunar Íslands. "Ég veit ekki hvort fólk áttar sig á hættunni.“

Sveppi í bíó og reiðhjól í vinning

Sjálfur Sveppi mun mæta á sérstaka sýningu á Algjörum Sveppa og töfraskápnum á morgun, 30. október, kl. 12 í Kringlubíói. Bíómiðinn gildir sem happdrætti og verða reiðhjólin sem Sveppi og félagar hjóla á í myndinni í vinning.

Mikill hugur í rjúpnaskyttum

Rjúpnaveiðitímabilið hófst í gær og eru leyfðar veiðar í alls níu daga fram til 27. nóvember. Rjúpnaskyttur fjölmenna í veiðiverslanir og birgja sig upp af skotum og öðrum nauðsynjum.

Ísland staðurinn til að heimsækja 2012

Ferðaþjónusta Ísland og Reykjavík eru mest spennandi ferðamannastaðir heims árið 2012. Þetta er mat lesenda efnis frá fyrirtækinu Lonely Planet, sem er stærsti útgefandi ferðatengds efnis í heiminum. Stutt er síðan bandaríska tímaritið National Geographic valdi Ísland einnig mest spennandi áfangastaðinn 2012.

Fyrirmæli voru ekki framkvæmanleg

Ákvörðun Reykjavíkurborgar um að afturkalla að hluta byggingarleyfi vegna breytinga við íbúðarhús á Laufásvegi hefur verið ógilt af úrskurðarnefnd skipulags- og byggingarmála.

Ótvíræður árangur hjá ríkisstjórninni

Sjöundi landsfundur Vinstri grænna hófst á Akureyri í gær. Steingrímur J. Sigfússon, formaður flokksins, flutti setningarræðu þar sem hann leit yfir hið pólitíska svið.

Þjónusta sérfræðilækna muni hækka um 15% á næsta ári

Guðbjartur Hannesson velferðarráðherra segir að nauðsynlegt sé að geta gert kröfu á sérfræðilækna um hvar þeir starfi á landinu og hvernig þeir hagi sínu starfi. Sérfræðilæknar hafa verið samningslausir frá 1. apríl síðastliðnum.

Sannkölluð bylting í öryggismálum

Varðskipið Þór kom til hafnar í Reykjavík í gær. Koma skipsins boðar nýja tíma fyrir öryggismál í íslenskri landhelgi. Þór hefur tvöfalt meiri dráttargetu en gömlu skipin, Týr og Ægir, og hefur á að skipa mengunarvarnarbúnaði af fullkomnustu gerð.

80 prósent einstæðra foreldrar eiga erfitt með að ná endum saman

Einstæðir foreldrar hér á landi standa margir fjárhagslega illa en um áttatíu prósent þeirra eiga erfitt með að ná endum saman samkvæmt nýrri Lífskjararannsókn.

Segir marga vini og ættingja Bjarna Ben fara á landsfundinn

Á fundi fulltrúaráðs þriggja sjálfstæðisfélaga í Garðabæ í gærkvöldi lagði Auður Finnbogadóttir, sjálfstæðismaður í Garðabæ, fram tillögu um að hún myndi taka sæti á landsfundinum, sem haldinn verður í næsta mánuði, í staðinn fyrir Þóru Margréti Baldvinsdóttur, eiginkonu Bjarna Benediktssonar, formanns flokksins.

Hefði heldur betur sett strik í reikninginn ef lögin væru felld

"Þetta er stór áfangi fyrir okkur. Skárra væri það nú,“ sagði Steingrímur J. Sigfússon, fjármálaráðherra í viðtali við Reykjavík Síðdegis á Bylgjunni í dag þar sem hann var inntur viðbragða vegna úrskurðar Hæstaréttar um neyðarlögin. Hæstiréttur staðfesti dóm Héraðsdóms Reykjavíkur, þar sem úrskurðurinn var sá að lögin halda.

Pottur gleymdist á eldavél

Slökkviliðið á Höfuðborgarsvæðinu var kallað út fyrir stundu vegna tilkynningar um eld í íbúð á Háaleitisbrautinni. Í ljós kom að pottur hafði gleymst á eldavél og þurfti að reykræsta íbúðina. Því er ekki jafn mikil hætta á ferð og í fyrstu var talið.

Bjarni fagnar dómi Hæstaréttar en minnir á mál Geirs

Bjarni Benediktsson formaður Sjálfstæðisflokksins segir ljóst að nú verði ekki bornar frekari brigður á lögmæti neyðarlaganna fyrir dómstólum hér á landi. Bjarni minnir þó á að enn sé lokið landsdómsmálinu gegn Geir H. Haarde, fyrrverandi forsætisráðherra, en hann mælti fyrir neyðarlögunum á sínum tíma.

Fimm mánaða skilorð fyrir vörslu barnakláms

Karlmaður var dæmdur í fimm mánaðar fangelsi í héraðsdómi reykjaness í dag fyrir húsbrot og líkamsárás. Maðurinn ruddist í heimildarleysi inn í íbúðarhús með því að brjóta rúðu í útidyrahurð með tréskafti af exi og opna svo hurðina. Maðurinn réðst síðan á fyrrum tengdaföður sinn og hrinti honum þannig að hann féll á hurðarkarm, með þeim afleiðingum að hann hlaut tvo skurði á enni og einn skurð á nefrót. Maðurinn játaði brot sitt fyrir dómi en hann hefur þrisvar sinnum áður verið gerst sekur um hegningarlagabrot.

Rauði krossinn kaupir tvöþúsund svefnpoka

Rauði kross Íslands hefur varið 6 milljónum króna úr neyðarsjóði sínum til kaupa á um 2200 svefnpokum fyrir fórnarlömb jarðskjálftans í Tyrklandi á dögunum. Tugþúsundir manna eru heimilislausir eftir jarðskjálftann og vetur eru harðir á þessum slóðum, og því nauðsynlegt að koma sem flestum í skjól í bráðabirgðahúsnæði eða tjöldum.

Ríkisstjórnin segir að óvissunni hafi verið eytt

Ríkisstjórnin fagnar niðurstöðu Hæstaréttar frá því í dag þegar ljóst varð að neyðarlögin svokölluðu standa. Í tilkynningu frá ríkisstjórninni segir að með dómum Hæstaréttar hafi „óvissu um mikilvægt grundvallaratriði verið eytt.“

Stolnu Rolex-úrin líklega sett í sölu

„Ég er alveg ákveðinn í að veita þau ef einhver kom með ábendingu, en ég veit það ekki fyrr en rannsókn lögreglu er lokið,“ segir Frank Michelsen úrsmiður á Laugavegi en vopnað rán var framið í verslun hans í síðustu viki.