Asnaeyru rædd á Alþingi í dag

Ákvörðun Alcoa að hætta við álver á Bakka varð tilefni snarpra orðaskipta á Alþingi í dag þar sem þingmenn ríkisstjórnarinnar tókust á um það við stjórnarandstöðuna hver hefði dregið hvern á asnaeyrunum í málinu.

Höfði opinn almenningi

Borgarstjórn Reykjavíkur samþykkti á fundi sínum í dag að Höfði við Borgartún verði hafður almenningi til sýnis með reglubundnum hætti. Útbúið verði efni, miðað við þarfir ferðamanna, með upplýsingum um sögu hússins þar sem hlutverki þess í fundi leiðtoga Bandaríkjanna og Sovétríkjanna árið 1986 verði m.a. gerð góð skil. Sérstök áhersla verði lögð á að vernda húsið og láta það halda svipmóti sínu og virðuleika þrátt fyrir aukna notkun. Innheimtur verði aðgangseyrir, sem standa skal undir kostnaði.

Ólafur Ragnar: Málatilbúnaður Jóhönnu rakalaus tilraun til íhlutunar

Í bréfi sem Ólafur Ragnar Grímsson, forseti Íslands, sendi Jóhönnu Sigurðardóttur forsætisráðherra á síðasta ári, segir að tilhneiging forystumanna ríkisstjórna á undanförnum árum og áratugum að fara út fyrir eðlileg valdmörk sín.

Guðrún Ebba þarf ekki að fyrirgefa föður sínum - Erindið í heild sinni

Guðrún Ebba Ólafsdóttir finnur ekki lengur hjá sér þörf til að fyrirgefa föður sínum sem misnotaði hana kynferðislega. Hún gerði lengi þá kröfu til sín að hún fyrigæfi honum, því það væri í samræmi við hið guðlega orð.

Hefur þú séð Nubiu Silvu?

Lögreglan á Hvolsvelli lýsir eftir Nubiu Silva 15 ára stúlku. Nubia er um 160 cm á hæð, dökkhærð og grannvaxin. Nubia fór frá heimili sínu þann 11. október síðastliðinn. Ekki er vitað með vissu hvernig hún er klædd en lögreglan hefur upplýsingar um að hún sé á höfuðborgarsvæðinu. Þeir sem hafa upplýsingar um ferðir Nubiu eru vinsamlegast beðnir að hafa samband við lögregluna á Hvolsvelli í síma 488 4110.

Blóðugur innbrotsþjófur staðinn að verki

Innbrotsþjófur var staðinn að verki við að brjótast inn á hárgreiðslustofu á Grensásveginum í morgun. Samkvæmt upplýsingum frá lögreglunni á höfuðborgarsvæðinu var tilkynnt um grunsamlegar mannaferðir inni á hárgreiðslustofunni en starfsfólk var ekki mætt til vinnu þegar maðurinn braust þar inn. Hann skar sig á hönd þegar hann braut gler til að komast inn á stofuna og var því blóðugur þegar lögreglumenn komu á staðinn. Maðurinn, sem er góðkunningi lögreglunnar, var í annarlegu ástandi og verður yfirheyrður síðar í dag þegar víman er runnin af honum.

Vitnaleiðslum lokið í Baugsmáli

Vitnaleiðslum í skattahluta Baugsmálsins lauk nú rétt eftir klukkan tvö í dag. Alls voru níu vitni leidd fyrir dóminn. Þar af voru fimm fyrir hádegi en fjögur nú eftir hádegi. Þeirra á meðal var Anna Þórðardóttir endurskoðandi, sem meðal annars annaðist skattframtöl fyrir Tryggva Jónsson, fyrrverandi framkvæmdastjóra Baugs, á árunum 2000 til ársins 2002.

Snörp jarðskjálftahrina norður af Siglufirði

Snörp skjálftahrina varð norður af Siglufirði frá klukkan tíu í morgun til hálf tólf. Nokkrir skjálftar um þrír að stærð mældust á svæðinu en samkvæmt upplýsingum frá Veðurstofu Íslands er ekki óalgengt að skjálftar mælist á þessu svæði. Engar tilkynningar hafa borist frá fólki um að skjálftarnir hafi fundist.

Segir pólitík hafa ráðið úrslitum um brotthvarf Alcoa

Það er pólítísk niðurstaða sem veldur því að Alcoa hættir við álver á Húsavík, að mati forseta bæjarstjórnar Norðurþings, sem segir þetta afleiðingu af stefnu núverandi ríkisstjórnar.

Michelsen býður eina milljón króna í fundarlaun

Frank Michelsen, eigandi úra- og skargripaverslunarinnar sem rænd var í gær, býður fundarlaun hverjum þeim sem geta gefið upplýsingar um ránið. Komi vísbending sem leiði til þess að málið verði upplýst og ránsfengurinn endurheimtur, fær sá hinn sami milljón króna fundarlaun. Þetta kemur fram í fréttatilkynningu frá eigandanum.

Jón Ásgeir skipti sér ekki af skattskilunum

Stefán Hilmarsson, sem var endurskoðandi fyrir fjárfestingafélagið Gaum og Baug þegar félögin voru stofnuð, segist hafa séð um skattskýrslugerð fyrir Jón Ásgeir Jóhannesson persónulega á þeim tíma líka. Stefán bar vitni við aðalmeðferð skattahluta Baugsmálsins í morgun. Stefán sagði að hann og Ragnar Þórhallsson hafi annast framtalsgerð fyrir Jón Ásgeir Jóhannesson saman. Jón Ásgeir hafi ekki sjálfur skipt sér af þeirri framtalsgerð.

Lögreglan braut ekki lög við innkaup

,,Ég hef sannfærst um að embætti ríkislögreglustjóra hafi farið að lögum í innkaupum sínum. Sú mynd sem dregin hefur verið upp í fjölmiðlum af embættinu er ómakleg og röng. Hins vegar eru þessi mál almennt ekki í nógu góðum farvegi og því eru tilteknir þættir þeirra teknir til sérstakrar skoðunar," segir Ögmundur Jónasson innanríkisáðherra, í tilkynningu frá Innanríkisráðuneytinu, um innkaup ríkislögreglustjóra á tólum og tækjum fyrir lögregluna.

Vopnað rán á Laugavegi: Þekkir þú manninn á myndinni?

Lögreglan á höfuðborgarsvæðinu leitar enn manna sem frömdu vopnað rán í úraverslun á Laugavegi í Reykjavík á ellefta tímanum í gærmorgun.

Sautján ára stúlka framvísaði fölsuðum skilríkjum á veitingastað

Það var mikið að gera hjá lögreglunni í Vestmannaeyjum í vikunni sem leið og þá sérstaklega um helgina en nokkuð var um útköll vegna ölvunaróláta.

Fjögur og hálft tonn af hamborgurum seldust á 24 tímum

"Já, ég held að ég verði bara að vera heiðarlegur og segja að þetta fór fram úr okkar björtustu vonum," segir Árni Þór Árnason, framkvæmdastjóri Hópkaupa.is sem seldu yfir 40 þúsund hamborgara frá Metró á vefsíðu sinni í gær. Tilboðið var í gangi í 24 klukkutíma en með því var hægt að kaupa ostborgara á 99 krónur í staðinn fyrir 350 krónur.

Veist þú um Ólaf Þóri?

Lögreglan á höfuðborgarsvæðinu lýsir eftir Ólafi Þóri Guðjónssyni, 16 ára. Ólafur er grannvaxinn og 175 sm á hæð. Ekki er vitað um klæðaburð hans en síðast er vitað um ferðir hans í Kópavogi þann 7 október síðastliðinn. Lögreglan telur líklegt að hann geti verið á Selfossi og eru þeir sem geta gefið upplýsingar um ferðir Ólafs eru beðnir um að hafa samband við lögregluna í síma 444-1000.

Ræningjarnir enn ófundnir

Ræningjarnir þrír, sem létu greipar sópa um úraverslum Michelsen við Laugaveg í Reykjavík í gærmorgun eru enn ófundnir, eftir því sem fréttastofan kemst næst.

Fjölmenni á borgarafundi í Hveragerði

Fjölmenni var á borgarafundi í Hveragerði í gærkvöldi þar sem jarðvísindamenn og talsmenn Orkuveitu Reykjavíkur fjölluðum um skjálftavirkni, sem orðið hefur vegna niðurdælingu á vatni frá Hellisheiðarvirkjun.

Lagði sig í hættu við að stela miklu af klósettpappír

Kona á miðjum aldri virðist hafa lagt sig í nokkra hættu í nánast mannskaðaroki í gærkvöldi, við að stela miklu af klósettpappír úr stórum flutningavagni, sem fauk aftan úr dráttarbíl undir Ingólfsfjalli í gærmorgun.

Verulega dregur úr vindi víðast hvar

Verulega dró úr vindi víðast hvar á landinu undir morgun nema enn er hvasst sumstaðar suðaustan- og austanlands.

Ræddi ekki mál Guðrúnar Ebbu

„Því miður hafa verið og eru menn sem skreyta sig skikkju kristinnar trúar til að svala ofbeldisfýsn og valdalosta, eins og dæmin sanna. Það er ekki allt geðfellt sem sjá má í ásjónu trúarinnar,“ sagði Karl Sigurbjörnsson biskup í predikun sinni í Reyðarfjarðarkirkju á sunnudag.

Nýtir reynslu sína af hármissi á nýrri stofu

Sigríður Einarsdóttir hárgreiðslumeistari hefur opnað hárgreiðslustofu þar sem áhersla er lögð á alhliða þjónustu við konur sem misst hafa hárið vegna krabbameinsmeðferðar. Sigríður hefur sjálf glímt við bráðahvítblæði og þekkir hármissinn af eigin raun.

Saga íslensku kirkjunnar því miður ekki einsdæmi

Hin langa saga íslensku kirkjunnar og tengsl hennar við kynferðisbrot er, eins og flestir vita, ekki einsdæmi og mörg önnur lönd hafi svipaðar sögur að segja af leiðtogum innan sinna kirkna. Þetta segir Dr. Marie M. Fortune, prestur og stofnandi FaithTrust Institute.

Krafa um að dælingu verði hætt

Hvergerðingar krefjast þess að niðurdælingu jarðhitavökva frá Hellisheiðarvirkjun verði hætt, sagði Aldís Hafsteinsdóttir, bæjarstjóri í Hveragerði, í viðtali við Fréttablaðið í gærkvöldi. Hún var þá stödd á fjölmennum íbúafundi á Hótel Örk sem Orkuveita Reykjavíkur efndi til. Tilefnið eru skjálftahrinur síðustu vikna sem hafa valdið íbúum í Hveragerði óþægindum og ugg.

Fortíðin lifnaði við á Íslandsviku í Sóltúni

„Það er ótrúlega gefandi og gaman að bregða svona á leik," segir Anna Birna Jensdóttir, forstöðumaður Hjúkrunarheimilisins Sóltúns, þar sem Íslenskir dagar voru á dagskrá í síðustu viku.

Tveir kaflar samningsins líklega kláraðir á morgun

Búist er við að tveimur köflum í aðildarviðræðum Íslands við Evrópusambandið verði lokað strax eftir að þeir verða opnaðir á ríkjaráðstefnu sambandsins á miðvikudag. Þetta segir Stefán Haukur Jóhannesson, aðalsamningamaður Íslands.

Alcoa nýtti ekki forskotið á aðra

Viðbrögð Katrínar Júlíusdóttur iðnaðarráðherra við yfirlýsingu Alcoa í gær eru að ákvörðunin hafi ekki komið sér á óvart. Ákvörðunin skýri línurnar og nú sé að ljúka viðræðum við önnur fyrirtæki sem áhuga hafa á að nýta orkuna til atvinnuuppbyggingar. Hún telur ekki aðalatriði hvaða fyrirtæki það verður svo lengi sem regluverkinu í landinu sé fylgt, umhverfismál séu í hávegum höfð og störf skapist fyrir fólkið á svæðinu.

Kort af leið ræningjanna - Þaulskipulagðir á þremur bílum

Þrír grímuklæddir menn vopnaðir byssum rændu fokdýrum Rolex-úrum úr verslun Michelsen úrsmiða í gær. Frank Michelsen segist viss um að skoti hafi verið hleypt af. Ránið var þaulskipulagt og svo virðist sem ræningjarnir hafi notast við þrjá stolna bíla.

Vilja þjóðaratkvæðagreiðslu um Atlantshafsbandalagið

Allir þingmenn VG, nema Steingrímur J. Sigfússon formaður og Jón Bjarnason, vilja að þjóðaratkvæðagreiðsla um áframhaldandi aðild Íslands að Atlantshafsbandalaginu fari fram. Samkvæmt þingsályktunartillögunni, sem þingmennirnir hafa lagt fram ásamt Birgittu Jónsdóttur og Atla Gíslasyni vilja þau að þjóðaratkvæðagreiðslan fari fram fyrir mitt næsta ár.

Varar við fordómum gagnvart stjórnmálamönnum

„Grundvallaratriðið í þessu öllu saman er að ef við ætlum að búa til þjóðfélag þar sem pólitíkusar, eða allir sem taka þátt í stjórnmálastarfi eru dæmdir út frá því einu lendum við í verulegum vandræðum,“ sagði Höskuldur Þórhallsson, þingmaður Framsóknarflokksins, vegna háværrar umræðu um ráðningu Páls Magnússonar sem forstjóra Bankasýslu ríkisins.

Alcoa verðlagt burt og orkan tekin í annað

Alcoa er endanlega hætt við álver á Húsavík. Þessi ákvörðun var kynnt sveitarstjórnarmönnum fyrir norðan nú síðdegis. Forstjóri Alcoa segir Landsvirkjun hvorki bjóða næga orku né á samkeppnishæfu verði við nágrannaríki eins og Bandaríkin, Kanada og Noreg.

Kæra borgina vegna ákvörðunar um trúmál

Sóknarnefnd Grafarvogskirkju vill að reglur Reykjavíkurborgar, sem banna trúar- og lífsskoðunarfélögum að stunda starfsemi sína innan leik og grunnskóla, verði felldar úr gildi en nefndin ætlar að leggja fram stjórnsýslukæru vegna málsins.

Skotum hleypt af í ráninu

Mennirnir sem réðust inn í úraverslunina Michelsen á Laugavegi í morgun hleyptu af alvöru byssu inni í versluninni þegar þeir voru að ræna hana. Þetta telur Frank Úlfar Michelsen, eigandi búðarinnar.

Tveir menn grunaðir um að hafa nauðgað stúlku sem fékk með þeim far

Tveir menn sitja nú í gæsluvarðhaldi grunaðir um að hafa nauðgað konu sem fékk far með þeim á sunnudagsmorgun. Konan leitaði strax á neyðarmóttöku vegna nauðgana á Landspítalanum í Fossvogi og kærði svo mennina til lögreglu. Mennirnir, sem eru af erlendu bergi brotnir, voru handteknir í gær og í kjölfarið úrskurðaðir í vikulangt gæsluvarðhald vegna rannsóknarhagsmuna. Lögreglan verst allra frétta af málinu en rannsóknin er á byrjunarstigi.

Herjólfur fer í Þorlákshöfn

Ferjan Herjólfur siglir til Þorlákshafnar á fimmtudag en nú er unnið hörðum höndum að dýpkun í Landeyjahöfn og eru dýpkunarskipin Skandía og Perlan eru þar við dælingar. Í tilkynningu frá Eimskipi segir að stefnt sé að því að mæla dýpi hafnarinnar á miðvikudag eða fimmtudag. Af þeim sökum hefur verið ákveðið að festa siglingar í Þorlákshöfn á fimmtudaginn en bíða með ákvörðun um framhaldið þar til niðurstöður mælinga liggja fyrir. Farþegum er bent á að fylgjast með ferðunum á herjólfur.is og á Facebook-síðu ferjunnar.

Framsókn kynnir „plan b“

Framsóknarmenn hafa lagt fram svokallað „plan b“ til að hefja sókn í atvinnumálum og koma á stöðugleika í efnahagsmálum. Meðal tillagna er að afnema verðtryggingu í skrefum og einfalda skattakerfið.

Meint brot ná allt til ársins 1998

Skýrslutökum yfir Tryggva Jónssyni, fyrrverandi forstjóra Baugs, í Héraðsdómi Reykjavíkur er lokið. Tryggvi er einn þriggja einstaklinga sem ákærður í er skattahluta Baugsmálsins, en aðalmeðferð í málinu fer fram í dag.

Kvennó nýtir sér Miðbæjarskólann

Kvennaskólinn í Reykjavík hefur tekið í notkun gamla Miðbæjarskólann sem ríkið keypti af borginni á síðasta ári. Húsið var tekið til gagngerra breytinga í samstarfi við húsafriðunarnefnd áður en skólinn tók við aðstöðunni. Á heimasíðu Reykjavíkurborgar segir að almenn ánægja ríki meðal nemenda og kennara með breytingarnar.

Bifreiðin á Hringbrautinni tengist ekki ráninu - mennirnir enn ófundnir

Mennirnir þrír sem voru handteknir á Hringbrautinni um klukkan ellefu í morgun tengjast vopnuðu ráni á Laugavegi ekki. Þetta segir varðstjóri hjá lögreglunni á höfuðborgarsvæðinu.

Skýrslur teknar af sakborningum í dag

"Ég hef aldrei talið vísvitandi rangt fram til skatts," sagði Tryggvi Jónsson, fyrrverandi forstjóri Baugs, við aðalmeðferð skattahluta Baugsmálsins sem fram fer í Héraðsdómi Reykjavíkur í dag.

Mjög hvasst undir Ingólfsfjalli - vörubíll fauk útaf

Vörubíll með tengivagni fauk út af veginum undir Ingólfsfjalli á tólfta tímanum. Ökumaður bílsins slapp ómeiddur. Tengivagninn er gjörónýtur en óvíst er með skemmdir á bílnum. Ekki verður farið í að koma honum aftur upp á veg fyrr en lægir.

Ræningjarnir ganga enn lausir

Ræningjarnir sem frömdu rán í úraversluninni Michelsen í morgun ganga enn lausir. Þrír menn réðust inn í úraverslunina um klukkan hálf ellefu í morgun. Mennirnir voru allir með leikfangabyssur og barefli en bifreið sem þeir notuðu við verkið fannst stuttu síðar í Þingholtunum og voru þrjár leikfangabyssur í henni.

Vopnaðir lögreglumenn handtóku þrjá menn á Hringbraut

Þrír menn voru handteknir á gatnamótum Njarðargötu og Hringbrautar nú fyrir stundu en talið er að þeir tengist vopnuðu ráni sem var framið í Michelsen úraverslun í morgun. Varðstjóri hjá lögreglunni vildi þó ekki staðfesta að mennirnir séu þeir sem frömdu ránið - rannsókn sé í enn í fullum gangi. Sérsveit ríkislögreglustjóra aðstoðar við aðgerðir lögreglunnar.

Ógnuðu starfsfólki með byssum

Vopnað rán var framið í Michaelsen úraverslun á Laugavegi um klukkan hálf ellefu í dag. Samkvæmt upplýsingum frá lögreglu komu þrír menn, sem allir voru vopnaðir skambyssum, inn í verslunina og tæmdu þar hillur með dýrum úrum.

Aðalmeðferð í skattahluta Baugsmálsins

Aðalmeðferð hófst í morgun í skattahluta Baugsmálsins. Í málinu eru þrír einstaklingar ákærðir fyrir skattalagabrot, persónulega og í rekstri fyrirtækja. Ákærðu eru þau Jón Ásgeir Jóhannesson, Kristín Jóhannesdóttir og Tryggvi Jónsson. Þá beinist ákæran einnig gegn fjárfestingafélagið Gaumur, að því er fram kemur í dagskrá héraðsdóms.