Handtekin við hassreykingar á Akureyri

Lögreglan á Akureyri handtók fjögur ungmenni, sem voru að reykja hass í bíl í nótt. Lítilsháttar af hassi fannst í bílnum og var fólkinu sleppt að yfirheyrslum loknum. Ökumaður var einnig tekinn úr umferð á Akureyri í nótt, grunaður um að hafa ekið undir áhrifum fíkniefna.

Fimm ungmenni slösuðust í bílslysi

Fimm ungmenni slösuðust, þar af tvö alvarlega, á mótum Hafnarfjarðarvegar og Nýbýlavegar í Kópavogi um klukkan eitt í nótt.

Gapandi brunarúst kvelur fjölskylduna

„Ósk mín er að gengið sé til þess að rífa þetta hús sem fyrst,“ segir frænka manns sem fórst í eldsvoða á Hverfisgötu í ákalli til Jóns Gnarr borgarstjóra.

Hálfur milljarður í fráveitu Bláa lónsins

HS Orka þarf að fara út í um fimm hundruð milljóna króna framkvæmdir á næstu árum til að veita umframvökva úr Bláa lóninu til sjávar. Eins og fram hefur komið í Fréttablaðinu er yfirborð lónsins orðið of hátt þar sem niðurfallsholur eru stíflaðar og flæðir jafnvel upp á veg á köflum.

Söluskáli hjá Leifsstöð skapi tekjur fyrir Keili

Keilir - miðstöð vísinda, fræða og atvinnulífs hefur óskað eft því við sveitarfélagið Garð að fá allt að fimm þúsund fermetra lóð undir „fjölnota orkustöð" hjá síðasta hringtorginu áður en beygt er inn að Leifsstöð. Hjálmar Árnason, framkvæmdastjóri Keilis, segist sjá fyrir sér þjónustumiðstöð á borð við Staðarskála þar sem leiðirnar í Leifsstöð, Keflavík og Sandgerði mætast.

Ætlaði aldrei að koma aftur heim

Kristján Jóhannsson óperusöngvari ætlaði sér aldrei aftur að koma til Íslands, eftir fjaðrafokið sem varð út af umdeildum styrktartónleikum í Hallgrímskirkju og umtöluðu Kastljósviðtali í framhaldi af því. Þetta er meðal þess sem kemur fram í væntanlegri ævisögu Kristjáns, Il grande tenore, sem Þórunn Sigurðardóttir skráir.

Stærsta seglskip heims

Stærsta seglskip heims sótti Reykjavíkurhöfn heim klukkan níu í gærmorgun. Skipið ber nafnið Sedov og kemur frá Rússlandi og mun dvelja í Reykjavík fram til laugardags. Það er 120 metra langt og 15 metra breitt og verður þar með talið það stærsta í hópi seglskipa af eldri gerð. Hæstu masturstoppar skipsins eru 58 metrar.

Gera kröfu um að fá að velja sér stéttarfélag

Stjórn Félags ráðgjafa og stuðningsfulltrúa (FRS) mótmælir kröfu Sambands íslenskra sveitarfélaga, um að félagar FRS verði skyldaðir til að ganga í starfsmannafélög sveitarfélaga. Um áramótin mun málaflokkur fatlaðra færast frá ríki til sveitarfélaga, en starfsfólk svæðisskrifstofa málefna fatlaðra vill engu að síður halda aðild sinni að stéttarfélaginu SFR.

Árásin mikið áfall fyrir DV

Fréttavefur DV varð fyrir árás tölvuhakkara í fyrradag og þurfti að loka síðunni í kjölfarið. Árásin átti sér stað klukkan 17.40 á miðvikudaginn og var síðunni lokað um hádegi í gær. Forsvarsmenn DV benda þeim notendum síðunnar sem hafa farið þar inn á milli klukkan 17.40 á miðvikudeginum til 11.50 í gær að gæta fyllstu varúðarráðstafana og skanna tölvur sínar fyrir vírusum.

Hverri lundapysju tekið fagnandi

Útlit er fyrir að mjög fáar lundapysjur komist á legg í Vestmannaeyjum í sumar. Egg hafa ýmist verið afrækt eða pysjurnar drepist fljótlega eftir klak í öllum þeim holum sem Náttúrustofa Suðurlands fylgdist með í sumar.

Fjallahjólabraut í Kjarnaskógi

Fyrsta sérhannaða fjallahjólabraut landsins verður vígð á laugardag í Kjarnaskógi við Akureyri. Þriggja kílómetra braut var lögð sumarið 2008 og segir í tilkynningu frá Skógræktarfélagi Eyfirðinga að hún hafi strax orðið vinsæl. Hjólreiðafólk sæki mikið í Kjarnaskóg en umferð gangandi og hjólandi fari ekki alltaf saman.

Geðhjálp vill heildarstefnu

Stjórn Geðhjálpar segist ánægð með stofnun velferðarráðuneytis enda sé það langþráð baráttumál félagsins. Geðhjálp skorar hins vegar á stjórnvöld að bregðast hratt við ábendingum Ríkisendurskoðunar um heildarstefnu í málefnum fatlaðra.

Bifhjól og fólksbíll í árekstri

Karlmaður um fimmtugt var fluttur á slysadeild eftir umferðarslys á Vesturlandsvegi á móts við Korpúlfsstaðaveg um áttaleytið í fyrrakvöld.

Kynjaskekkjan leiðréttist um áramót

Jóhanna Sigurðardóttir forsætisráðherra segist eiga von á að töluverður sparnaður hljótist af þeirri sameiningu ráðuneyta sem gert er ráð fyrir að verði að veruleika á næstu dögum.

Míla segir samning um sameign vanta

Ásakanir Vodafone vegna dráttar á því að fyrirtækið hafið fengið aðgang að svonefndum Nató-ljósleiðara beinast að röngum aðila, að því er fram kemur í yfirlýsingu frá Mílu.

ESB og Icesave ekki fyrirstaða

Ögmundur Jónasson kemur á nýjan leik inn í ríkisstjórnina og tekur við embættum dómsmála-, mannréttinda-, samgöngu- og sveitarstjórnarráðherra. „Ég byggi á starfi forvera minna í starfi og alls þess starfsfólks sem vinnur verkin í þessum ráðuneytum,“ segir Ögmundur.

Bjartari tímar fram undan

Hart slegist um verk hjá Vegagerðinni

Tilboð sem Vegagerðin opnaði í síðustu viku í lagfæringar á Laugarvatnsvegi sýna glöggt hvað verktakamarkaðurinn er sveltur og hungraður í verkefni. Alls bárust 9 tilboð og þau reynust öll langt undir kostnaðaráætlun.

Mun ekki hygla höfuðborgarsvæðinu

Ögmundur Jónasson segir að það skipti ekki máli að ráðherra samgöngumála komi nú fyrsta sinn í áratugi frá höfuðborgarsvæðinu því hann beri ekki síður hag landsbyggðarinnar fyrir brjósti.

Leggst gegn frekari framlögum í Framtakssjóðinn

Stjórn Félags vélstjóra og málmtæknimanna lýsir yfir furðu sinni á fjárfestingum Framtakssjóðs Íslands og telur þær fara langt fram úr samþykktum sjóðsins. Fyrr í vikunni gagnrýndi miðstjórn Bandalag háskólamanna fjárfestingar sjóðsins og lagðist alfarið gegn frekari framlögum lífeyrissjóða félagsmanna sinna til sjóðsins.

Ögmundur hefur ekki ákveðið hvort hann afþakkar ráðherralaun

Ögmundur Jónasson hefur ekki tekið ákvörðun um hvort hann ætli að afsala sér launum ráðherra líkt og hann gerði þegar hann gegndi embætti heilbrigðisráðherra. „Ég hef ekki tekið neina ákvörðun í því efni," segir Ögmundur sem tók í dag við sem samgöngu- og sveitarstjórnarráðherra og dómsmála- og mannréttindaráðherra.

Telur að Ingvi Örn fylgi Árna í nýtt ráðuneyti

Sigurður Kári Kristjánsson, þingmaður Sjálfstæðisflokksins, telur að Ingvi Örn Kristinsson verði á næstunni skipaður ráðuneytisstjóri í efnahags- og viðskiptaráðuneytinu verði Ingvi á annað borð ekki skipaður forstjóri Íbúðalánasjóðs.

Óæskilegt að skipta ráðherrum ört út

Það tekur eitt til tvö ár að læra að verða ráðherra og ekki æskilegt að skipta ört út ráðherrum, segir Gunnar Helgi Kristinsson stjórnmálafræðingur. Ráðherrakapallinn nú snúist hins vegar um að treysta samstarf stjórnarflokkanna með því að hleypa fulltrúa órólegu deildarinnar að ríkisstjórnarborðinu.

Aðstoðarmaður Jóhönnu vill Rögnu á Bessastaði

Hrannar Arnarsson, aðstoðarmaður Jóhönnu Sigurðardóttur forsætisráðherra, vill að Ragna Árnadóttir, fyrrverandi dómsmála- og mannréttindaráðherra, bjóði sig fram til embættis forseta Íslands. Hann segir að Rögnu og Gylfa Magnússonar verði sárt saknað.

Herþotur Bandaríkjahers lentu á Keflavíkurflugvelli í dag

Tíu herþotur Bandaríkjahers, sem til stendur að sinni loftrýmisgæslu hér á næstunni, lentu á Keflavíkurflugvelli í dag. Vélarnar lentu á flugvellinum uppúr hádegi. Þetta eru F-15 þotur, tíu talsins. Þeim fylgir 175 manna lið, hermenn úr Bandaríkjaher, og líka eldsneytisbirgðalið. Þá hafa herflutningavélar einnig komið hingað með búnað.

Heilu stöðuvötnin gufuð upp á hálendinu

Ein stærstu stöðuvötn á miðhálendi Íslands, Kjalvötn, eru horfin. Vatnamælingamaður, sem mælt hefur fjallavötn um áratugaskeið, segist aldrei hafa séð hálendið jafn þurrt og nú, - grunnvatn sé í sögulegu lágmarki.

Skúrarnir við Vesturbæjarskóla fluttir

Ákveðið hefur verið að flytja tvo skúra af lóð Vesturbæjarskóla í Reykjavík og að frístundastarf yngstu bekkja fari fram inni í húsnæði skólans í vetur. Fram kemur í tilkynningu frá Reykjavíkurborg að þetta hafi verið ákveðið í samráði við foreldra, skólastjóra og stjórnendur frístundaheimilis.

Þriðjungur landsmanna býr í sveitarfélögum sem fengu bréf

Um þriðjungur landsmanna býr í þeim sveitarfélögum sem fengu bréf frá eftirlitsnefnd um fjármál sveitarfélaganna vegna slæmrar fjárhagsstöðu.

Hyggja ekki á frama í pólitík

Hvorki Ragna Árnadóttir né Gylfi Magnússon sem létu af ráðherraembætti dag hyggja á frama í pólitík. Gylfi og Ragna settust í ráðherrastól þegar minnihlutastjórn Vinstri grænna og samfylkingarinnar var mynduð í byrjun síðasta árs. Þau gegndu því ráðherraembætti í tæpa 19 mánuði.

Íslenskir strætóbílstjórar í öðru sæti

Norðurlandamót strætisvagnabílstjóra í ökuleikni fór fram um síðustu helgi og hrepptu íslenskir strætisvagnabílstjórar annað sætið í keppninni í ár. Sex keppendur eru í hverju liði og ekur hver keppandi brautina tvisvar.

Nýir ráðherrar komnir með lyklavöld

Lyklaskipti fóru fram í fjórum ráðuneytum seinnipartinn í dag í kjölfar uppstokkunar á ríkisstjórn Jóhönnu Sigurðardóttur sem greint var frá í í morgun.

Styðja gjaldskrárhækkanirnar

Fulltrúar Besta flokksins og Samfylkingarinnar í borgarráði lýstu í dag yfir fullum stuðningi við stjórn Orkuveitu Reykjavíkur í erfiðum verkefnum. Stjórnin Orkuveitunnar samþykkti nýverið að hækka gjaldskrá fyrirtækisins. Fulltrúar VG og Sjálfstæðisflokksins gagnrýndu hækkunina.

Fjölga ferðum til Eyja

Herjólfur mun fara fjórar ferði á degi hverjum í vetur í stað þriggja eins og áður hafði verið ákveðið. Eimskip og Vestmannaeyjabær hafa gert með sér samkomulag þess efnis.

Ekkert samkomulag um skráningu herþotna á Íslandi

Forsætisráðherra og fjármálaráðherra vilja kom á framfæri leiðréttingu vegna frétta í dag um að samkomulag hafi náðst um að samgöngu- og sveitastjórnaráðherra myndi veita Flugmálastjórn heimild til að undirbúa skráningu herþotna hollenska fyrirtækisins ECA program.

Um 20% verðmunur á matarkörfunni

Um 20% eða 2.678 króna verðmunur var á matarkörfunni í lágvöruverslunum þegar verðlagseftirlit ASÍ kannaði verð á höfðuborgarsvæðinu gær. Vörukarfan var ódýrust í Bónus þar sem að hún kostaði 13.547 krónur og dýrust í Kosti, þar sem hún kostaði 16.225 krónur. Karfan var 745 krónum dýrari í Krónunni en í Bónus eða 5% og 1.208 króna munur var á körfunni á milli Nettó og Bónus eða 9%.

Hnífurinn í garðinum ekki morðvopnið

Hnífurinn, sem fannst í Setberginu í Hafnarfirði og Vísir greindi frá í morgun, tengist ekki morðinu á Hannesi Þór Helgasyni sem var myrtur um miðjan ágúst.

Guðbjartur kominn með lyklavöld í heilbrigðisráðuneytinu

Guðbjartur Hannesson, þingmaður Samfylkingarinnar, tók við lyklavöldum í heilbrigðisráðuneytinu af Álfheiði Ingadóttur forvera sínum klukkan hálffjögur í dag. Ragna Árnadóttir mun svo afhenda Ögmundi Jónassyni lykla af dómsmála- og mannréttindaráðuneytinu klukkan fjögur. Svo verða lyklaskipti í efnahags- og viðskiptaráðuneytinu. Því næst verða lyklaskipti í samgönguráðuneytinu og loks í félags- og tryggingamálaráðuneytinu.

Verkefnastjórn yfir Varnamálastofnun skipuð

Utanríkisráðherra hefur skipað verkefnisstjórn til að fara með stjórn Varnarmálastofnunar og bera ábyrgð á daglegum rekstri hennar frá 1. september til áramóta er stofnunin verður lögð niður.

Nýir ráðherrar taka við - myndir

Ögmundur Jónasson, þingmaður VG, og Guðbjartur Hannesson, þingmaður Samfylkingarinnar, tóku við nýjum ráðuneytum á Bessastöðum í dag eins og oft hefur verið sagt frá.

Kristján Möller: Ákveðið á fundi með Steingrími og Jóhönnu

Kristján Möller, fyrrverandi samgöngu- og sveitastjórnarráðherra, segir að ákvörðun um að veita Flugmálastjórn heimild til að hefja undirbúning á skráningu loftfara fyrir hollenska fyrirtækið ECA Program Limited á Keflavíkurflugvelli hafi verið tekin eftir spjall hans við Jóhönnu Sigurðardóttur, forsætisráðherra, og Steingrím J. Sigfússon, fjármálaráðherra og formann vinstri grænna, eftir ríkisstjórnarfund á þriðjudag.

Notendum dv.is bent á að skanna tölvur sínar vegna vírusa

Heimasíða DV varð fyrir fólskulegri árás síðdegis í gær þegar tölvuþrjótar réðust á vefinn. Þeir virðast hafa nýtt sér veikleika í hugbúnaði á vefþjóni sem notaður var til að birta auglýsingar á vefnum.

Loforð um lýðræðisumbætur ekki verið efnd

Þór Saari, þingmaður Hreyfingarinnar, sagði við umræður á Alþingi í dag að loforð um lýðræðisumbætur sem gefnar hefðu verið í aðdraganda alþingiskosninganna á síðasta ári hefðu verið svikin.

Gagnrýnir fyrirætlanir um skattahækkanir

Ríkisstjórnin áformar enn að ráðast í skattahækkanir í haust, á þeim tíma sem ríki allt í kringum okkur eru að fara í þveröfuga átt, sagði Sigmundur Davíð Gunnlaugsson, formaður Framsóknarflokksins, á Alþingi í dag. Hann sagði að ekki væri horft til þess að búa til aðstæður þar sem verðmætasköpun verði meiri.

Skattbyrði láglaunafólks minnkar

Skattbyrðin hjá fólki með tekjur undir 6 milljónir í árstekjur eða minna var lægri við álagningu fyrir árið 2009 en hún var fyrir árið 2008, sagði Steingrímur J. Sigfússon fjármálaráðherra á Alþingi í dag. Steingrímur sagði að þetta þýddi að ríkisstjórninni hefði tekist áætlunarverk sitt með skattkerfisbreytingum. Að hlífa hinum launalægri.

Fundað um Icesave í Hollandi

Samninganefndir Íslendinga, Breta og Hollendinga hittust í Hollandi í dag til að ræða Icesave-málið. Rósa Björk Brynjólfsdóttir upplýsingafulltrúi fjármálaráðuneytisins segir í samtali við Reuters að til standi að funda í dag og á morgun.