Hafa áhyggjur af búfjárbyltingunni

Framleiðsla og neysla á kjöti hefur þrefaldast á síðustu þremur áratugum og allt stefnir í að hún tvöfaldist frá því sem nú er til ársins 2050, að því er fram kemur í nýrri rannsókn sem vitnað er í á vefmiðlinum Science Daily.

Efnahagslífið enn brothætt

efnahagsmál Bankastjórn Seðlabanka Bandaríkjanna ákvað á þriðjudag að halda stýrivöxtum óbreyttum í 0,25 prósentum.

Bæta í sjóðina

Eik Banki í Færeyjum hefur samið við dönsk stjórnvöld um aðgang að ríkistryggðum lánum upp á 9,1 milljarð danskra króna, jafnvirði 209 milljarða íslenskra. Lánið er hluti af stuðningi danskra stjórnvalda við fjármálafyrirtæki. Eik Banki hyggst nýta lánin til að endurfjármagna eldri lán sem eru á gjalddaga á þessu og næsta ári og bæta lausafjárstöðu sína.

Litháar bjóðast til þess að deila ESB reynslu með Íslendingum

Utanríkisráðherra Litháens, Evaldas Ignatavičius, fundaði á dögunum með Elínu Flygering, sem er nýskipaður sendiherra Íslands í Litháen, en í samtali þeirra á milli bauðst utanríkisráðherrann til þess að aðstoða Íslendinga í umsóknarferlinu til ESB.

Segir kröfugreiðslu einsdæmi í gjaldþrotaskiptasögunni

Lögfræðingurinn Sigurður G. Guðjónsson, fékk greidda 200 þúsund króna kröfu í Fons fyrir nokkrum dögum síðan en sjálfur sagði hann í viðtali við Sölva Tryggvason á Skjá einum að það væri einsdæmi í gjaldþrotaskiptasögunni.

Samtök lánþega gagnrýna skjaldborgina harðlega

Talsmaður Samtaka lánþega segist harma auðsýnt máttleysi stjórnvalda við að taka á þeim bráða vanda sem steðjar að íslenskum heimilum og hvetur ríkisstjórnina til að sýna að minnsta kosti mátt til að fara að þeim lögum sem þegar eru sett í landinu.

Innflutningur á vörum verði bannaður ef þær eru unnar í barnaþrælkun

Gylfi Magnússon viðskiptaráðherra telur rök vera fyrir því að banna innflutning á vörum sem framleiddar eru með barnaþrælkun.

Rebekka fékk forræðið yfir tveimur systkinum sínum

Rebekka María Jóhannesdóttir, 23 ára gömul kona, sem missti móður sína síðastliðið haust og föður sinn tveimur árum áður, hefur fengið forræðið yfir systkinum sínum tveimur.

Íslendingur vann 66 milljónir

Íslendingur er 66 milljónum ríkari eftir að hann vann í Víkingalottóinu í kvöld en fyrsta vinningnum deilir hann engu að síður með tveimur öðrum heppnum spilurum frá Danmörku og Noregi.

VG alfarið á móti einkaher- Suðurnesjamönnum til skelfingar

Litlar líkur eru á því að hugmyndir um einkarekinn flugher á Íslandi verði að veruleika ef þingmenn Vinstri Grænna hafa eitthvað um það að segja. Hollenska fyrirtækið á bakvið hugmyndina talar 200 milljarða fjárfestingu hér á landi, en litlar upplýsingar fást um fyrirtækið.

Hægt að skapa 26 þúsund ársverk

Hægt yrði að skapa 26 þúsund ársverk á næstu árum í fjárfestingarverkefnum sem næmu 280 - 380 milljörðum króna á næstu árum, segir framkvæmdastjórn Starfsgreinasambandsins. Atvinnumál voru til umræðu á fundi framkvæmdastjórnarinnar í gær. Þar á bæ krefjast menn

Vinnumálastofnun og ÍSÍ semja um störf fyrir 150 ungmenni

Vinnumálastofnun hefur samið við Íþrótta- og Ólympísamband Íslands um að skipuleggja og stjórna sjálfboðaliðastarfi fyrir um 150 unga atvinnuleitendur á á þessu ári. Samningurinn er hluti af átaki félags- og

Ritstjóri DV hóar í fjárfestahóp

Reynir Traustason, ritstjóri DV, er að safna saman hópi fjárfesta til þess að kaupa DV, fréttavefinn DV.is og Mannlíf. „Ég er að safna saman fjárfestum og ætla þannig að hafa áhrif á það hverjir fá blaðið. Ég sjálfur er inni í því með verulega peninga,“ segir Reynir.

Rektorar áhyggjufullir yfir frekari niðurskurði

Rektorar lýsa yfir þungum áhyggjum sínum af áætlunum um enn frekari niðurskurð til háskólamenntunar í landinu og benda á að opinber framlög til háskólastigsins séu hlutfallslega miklu lægri hér en á hinum

Landlæknisembættið verður 250 ára á morgun

Landlæknisembættið fagnar 250 ára afmæli sínu á morgun. Geir Gunnlaugsson landlæknir segir að gríðarlegur árangur hafi náðst í heilbrigðismálum frá því að embættið var stofnað.

Einkarekinn flugher kallar á mikla undirbúningsvinnu

Semja þarf sérstakar reglugerðir í samgönguráðuneytinu ef hugmyndir hollensks fyrirtækis sem vill skrá 20 herþotur hér á landi og nota þær til heræfinga eiga að verði að veruleika. Um 200 milljarða fjárfestingu er að ræða ef allt gengur eftir.

Sameinast í baráttu gegn einelti

Dagur án eineltis verður haldinn í fyrsta skipti á vegum Reykjavíkurborgar í dag og hefst með táknrænni athöfn á Tjarnarbakkanum klukkan 14. Þar verða nemendur úr nokkrum skólum borgarinnar samankomnir og mun barnakór taka lagið. Viðstaddir fá miða í hönd og verða beðnir um að skrifa jákvæð skilaboð út í samfélagið til að hengja á tré en að því loknu verður efnt til málþings í Ráðhúsinu.

Stjórnir lífeyrissjóða þarf að endurskoða sem fyrst

Það er sorgleg staðreynd að lítil sem engin breyting hafi orðið á stjórnum sex stærstu lífeyrissjóða landsins eftir efnahagshrunið segir Eygló Harðardóttir þingmaður framsóknar. Val á stjórnarmönnum í lífeyrissjóðina sé ólýðræðislegt og það þurfi að endurskoða sem fyrst.

Kynna aðgerðir vegna skuldavanda heimila og einstaklinga

Aðgerðir stjórnvalda vegna skuldavanda heimila og einstaklinga í kjölfar bankahrunsins verða kynntar á blaðamannafundi í Þjóðmenningarhúsinu í dag.

Unglingar keyptu tóbak í 32% tilvika

Unglingar gátu keypt tóbak í 32% tilvika þegar látið var á það reyna í nýrri könnun meðal sölustaða bókas í Hafnarfirði. Tveir unglingar úr 10. bekk fóru á sölustaði undir eftirliti starfsmanna Hafnarfjarðarbæjar og reyndu að kaupa sígarettur. 7 sölustaðir seldu unglingunum tóbak af 22 mögulegum. Ekki var farið inn á staði með vínveitingaleyfi þar sem tóbak er selt.

Segir hagsmuna almennings gætt með listamannalaunum

„Tilgangurinn með listamannalaununum er að efla listsköpun í landinu," segir Oddný G. Harðardóttir, formaður menntamálanefndar Alþingis, um afstöðu almennings til listamannalauna.

Einar K: Varla trúir Jóhanna eigin vitleysu

Einar K. Guðfinnsson, þingmaður Sjálfstæðisflokks, er allt annað en ánægður með þá yfirlýsingu forsætisráðherra að Sjálfstæðisflokkurinn hafi engan áhuga á að koma í veg fyrir undanskot á skatti. Hann segir að flokkurinn vilji ekki standa vörð um skattsvik.

Rúmlega 61% á móti því að ríkið greiði listamannalaun

Um 61,4% eru frekar eða mjög andvígir því að ríkið greiði listamannalaun, samkvæmt niðurstöðum nýrrar skoðanakönnunar MMR.

Stýrivextir lækka of hægt

Jón Steindór Valdimarsson, framkvæmdastjóri Samtaka iðnaðarins, segir að stýrivextir lækki of hægt. Peningastefnunefnd Seðlabanka Íslands hefur ákveðið að lækka vexti bankans um hálf prósentur. Stýrivextir eru nú níu prósent.

Grunur um íkveikju í Sandgerði

Grunur leikur á að kveikt hafi verið í gömlu fiskimjölsverksmiðjunni í Sandgerði í nótt og logaði þar talsverður eldur þegar slökkvilið Sandgerðis kom á vettvang. Óskað var eftir liðsstyrk frá stöðinni í Keflavík, sem sendi mannskap og tvo bíla.

Skýrsla um eða eftir páskana

Stjórnsýsla Skýrslu rannsóknarnefndar Alþingis er að vænta um eða eftir páska, samkvæmt heimildum Fréttablaðsins.

Óvenjumörg sjúkraflug flogin frá Akureyri til Reykjavíkur

Sjúkraflugvél flutti sjúkling frá Akureyri til Reykjavíkur í gær, sem er daglegur viðburður, en óvenju mörg sjúkraflug voru flogin í síðustu viku, eða samtals þrettán. Þar af um helmingur, vegna neyðartilvika.

Tuttugu einkaherþotur undirbúa lendingu á Miðnesheiði

Íslensk stjórnvöld hafa dregið að taka pólitíska ákvörðun um að skrá hér á landi um tuttugu flugvélar hollensk/bandaríska fyrirtækisins E.C.A. Programs, segir Melville ten Cate, forstjóri hollenska fyrirtækisins E.C.A. Programs.

Bankastjóri Landsbankans fær minnst

Birna Einarsdóttir, bankastjóri Íslandsbanka, og Finnur Sveinbjörnsson, bankastjóri Arion banka, eru bæði með rúmar 1,7 milljónir króna í laun á mánuði en Ásmundur Stefánsson, bankastjóri Landsbankans, með rúma 1,1 milljón krónur, samkvæmt upplýsingum Fréttablaðsins.

Blix aðstoði við rannsóknina

Steinunn Valdís Óskarsdóttir vinnur nú að því að fá Hans Blix til landsins til skrafs og ráðagerða vegna rannsóknar á stuðningi Íslendinga við innrásina í Írak. Steinunn er fyrsti flutningsmaður þingsályktunartillögu um rannsóknina. Tillagan er enn í nefnd, en er væntanlega þaðan á næstunni. Þingmenn allra flokka nema Sjálfstæðisflokksins styðja hana.

Deila um viðræðugrundvöll

Enn hafa engir fundir verið haldnir á milli íslensku samninganefndarinnar um Icesave og Breta og Hollendinga. Steingrímur J. Sigfússon fjármálaráðherra segir að erfiðlega hafi gengið að afmarka grundvöllinn fyrir áframhaldandi viðræðum. Ekki standi á Íslendingum.

Útlit á göngum stöðvarinnar verði óbreytt

„Fyrstu athuganir á mögulegum breytingum á húsnæðinu og kostnaði benda til að þær eru innan þeirra marka að áhugi er fyrir hendi að láta reyna á þessar hugmyndir um hótelrekstur í húsnæðinu,“ segir Sigurður Hallgrímsson arkitekt í bréfi sem hann sendir fyrir hönd Icelandair Hotels til borgaryfirvalda um Heilsuverndarstöðina á Barónsstíg.

Breytti áætlun vegna snjóleysis

„Það lá alltaf fyrir að það myndi ráðast af snjólögum hversu langt ég kæmist,“ segir Einar Stefánsson, sem kom til byggða í gærkvöldi eftir fimmtán daga á hálendinu. Hann lagði upp frá Öxi á Austurlandi og ætlaði á þremur vikum að fara á gönguskíðum yfir Ísland endilangt og enda för sína í Hrafnsfirði á Vestfjörðum.

Spyr um bónuskerfi bankanna

Lilja Mósesdóttir, formaður viðskiptanefndar Alþingis, hyggst kalla fulltrúa bankanna og bankasýslu ríkisins á fund nefndarinnar til að spyrja þá út í hugmyndir sem uppi eru innan bankanna um að taka á ný upp bónuskerfi. Þá mun hún einnig lýsa skoðun nefndarinnar á málinu.

Ólík viðbrögð við vanskilum

Sveitarfélögin á höfuðborgarsvæðinu hafa mjög mismunandi hátt á varðandi það hvernig þau nýta þjónustu innheimtufyrirtækja til að sækja vangoldna skatta og gjöld til íbúa sinna.

Stöðva enn nýsmíði Hrafns í Laugarnesi

Framkvæmdir við ný mannvirki á og við lóð Hrafns Gunnlaugssonar, kvikmyndaleikstjóra í Laugarnesi, hafa verið stöðvaðar. Starfsmaður byggingarfulltrúans í Reykjavík fór í vettvangskönnun í Laugarnesið um miðjan febrúar eftir að athugasemd barst embættinu um að hús hefði verið steypt upp í fjöruborðinu neðan við hús Hrafns í Laugarnestanga 65.

Engar skattahækkanir áætlaðar í þriggja ára áætlun borgarinnar

Engar skattahækkanir eru áætlaðar í þriggja ára áætlun borgarstjórnar sem meirihluti Framsóknarflokks og Sjálfstæðisflokks samþykktu á borgarstjórnarfundi í dag. Þá segir í tilkynningu frá borgarstjórn að hvorki er gert ráð fyrir hækkun útsvars né fasteignaskatta en haldið verður uppi atvinnustigi eins og kostur er í höfuðborginni.

Flugvél nefnd eftir Alfreð Elíassyni

Þess var minnst með athöfn á Reykjavíkurflugvelli síðdegis að Alfreð Elíasson, stofnandi Loftleiða, hefði orðið níræður í dag. Flugakademía Keilis heiðraði minningu Alfreðs með því að nefna flaggskip flugflota síns eftir honum en það var Kristjana Milla Thorsteinsson, ekkja Alfreðs, sem afhjúpaði nafnið. Meðal viðstaddra voru samgönguráðherra, gamlir Loftleiðamenn, fjölskylda Alfreðs og helstu forystumenn íslenskra flugmála.

Arion banki gerir samstarfssamning um fjármálalæsi

Arion banki hefur gert samstarfs- og styrktarsamning við Stofnun um fjármálalæsi við Háskólann í Reykjavík til þess að stuðla að betra fjármálalæsi almennings.

Allar greinar smábátaútgerðanna með í úttekt

Jón Bjarnason, sjávarútvegs- og landbúnaðarráðherra hélt fund í morgun með Arthuri Bogasyni, formanni Landssambands smábátaeigenda ásamt Sjöfn Sigurgísladóttur, forstjóra Matís ohf. og Sigurjóni Arasyni, verkfræðingi Matís ohf. Þar varð samkomulag um að Matís ohf. ynni greiningu á nýtingar- og gæðamálum smábátaútgerðanna í samvinnu við Landsamband smábátaeigenda. Markmiðið er skýrt og það er að komið sé með allan afla að landi og jafnframt að ná fram hámarks nýtingu og gæðum hráefnisins að öðru leyti, að fram kemur í fréttatilkynning frá sjávarútvegs- og landbúnaðarráðuneytinu.

Dagur: Ráðhúsið orðið eitt helsta vígi frjálshyggjunnar

Ráðhús Reykjavíkur er orðið eitt helsta vígi frjálshyggjunnar eftir hrun, að mati Dags B. Eggertsson oddvita Samfylkingarinnar í borgarstjórn. Hann segir að í þriggja ára áætlun Reykjavíkurborgar sé gert ráð fyrir að 11% atvinnuleysi haldist óbreytt til 2013 og að athygli veki að borgastjóri boði engin viðbrögð heldur einungis 70% niðurskurði í framkvæmdum borgarinnar næstu þrjú árin.

Þrír teknir undir áhrifum fíkniefna

Um helgina voru þrír ökumenn teknir á höfuðborgarsvæðinu fyrir að aka undir áhrifum fíkniefna. Þetta voru allt karlar, 19-35 ára, en í bíl eins þeirra fundust fíkniefni. Einn þessara ökumanna hafði þegar verið sviptir ökuleyfi.

Forystumenn bankanna kallaðir á fund vegna bónuskerfa

Lilja Mósesdóttir, þingmaður VG og formaður viðskiptanefndar, ætlar að boða fulltrúa bankanna á fund viðskiptanefndar til að ræða hugmyndir um bónusgreiðslur til bankastarfsmanna. Lilja sagði á þingfundi í dag að ótímabært væri að innleiða slíkt kerfi á nýjan leik.

Brýnt að aðskilja sýslumenn og lögreglu

Ragna Árnadóttir, dómsmálaráðherra, telur brýnt að lögregluumdæmum verði fækkað og að þau verði skilin frá embættum sýslumanna. Þetta kom fram í máli ráðherrans í utandagskrárumræðu á Alþingi í dag um þjónustu- og öryggisstig löggæslu á Íslandi.

Landið verði eitt kjördæmi

Nítján þingmenn úr öllum flokkum, utan Sjálfstæðisflokksins, hafa lagt fram frumvarp til stjórnskipunarlaga um að landið verði gert að einu kjördæmi. Fyrsti flutningsmaður er Björgvin G. Sigurðsson, formaður þingflokks Samfylkingarinnar. Frumvarpinu verður dreift á Alþingi í dag og mælt fyrir því í á næstu dögum, að fram kemur í tilkynningu.