Dapurt á gulldepluveiðum

„Það má sennilega best orða þetta með því að segja að það er ákaflega rólegt yfir þessum veiðum. Við drögum trollið allan daginn og megum þakka fyrir að ná 100 tonna afla. Í gær fengum við reyndar ekki nema 60 tonn og það er ekki viðunandi árangur,“ sagði Arnþór Hjörleifsson, skipstjóri á Lundey NS, í viðtali á heimasíðu HB Granda.

Bíleigandi sýknaður af kröfum Lýsingar

Fjármögnunarfyrirtækið Lýsing tapaði í dag máli í héraðsdómi sem það höfðaði gegn viðskiptavini sem gert hafði kaupleigusamning við fyrirtækið. Samningurinn að hluta til í erlendri mynt með gengistryggingu og krafðist Lýsing þess að maðurinn greiddi fyrirtækinu rúmar 466 þúsund krónur auk dráttarvaxta en stefndi taldi að samningurinn sem gerður var í upphafi hafi verið ólögmætur.

Fjölmenni á stofnfundi Sjálfstæðra Íslendinga

Fjölmenni var á stofnfundi Sjálfstæðra Evrópumanna í Þjóðmenningarhúsinu í dag. Á heimasíðu hinna nýstofnuðu samtaka segir að færri hafi komist að en vildu og eru stofnfélagar um 200.

Stúlka féll sex metra og lenti á bíl

Lítil telpa, þriggja til fjögurra ára gömul, féll eina sex metra út um glugga á húsi í Þingholtunum á sjötta tímanum í kvöld. Að sögn lögreglu lenti hún á bifreið sem stóð fyrir neðan gluggan og hefur sennilega tekið af henni mesta fallið. Hún mun vera í rannsókn á slysadeild en að sögn lögreglu virtist hún hafa sloppið ótrúlega vel miðað við hve hátt fall var um að ræða.

Jóhanna: Óþolandi að útrásarvíkingar fái sérstaka meðferð

Forsætisráðherra segir að stóreignamenn sem stóðu að útrásinni og sæti rannsókn, ættu að sýna sóma sinn í að halda sig til hlés þar til rannsókn á orsökum efnahagshrunsins sé lokið. Það sé óþolandi ef þeir fái sérstaka meðhöndlun í bankakerfinu með stórfelldum afskriftum en haldi samt fyrirtækjum sínum.

Kreppa áfram spýti ríkisstjórnin ekki í lófana

Mikið atvinnuleysi, léleg lífskjör og versnandi velferðarkerfi verða hlutskipti Íslendinga um langa framtíð nema ríkisstjórnin spýti í lófana, segja Samtök atvinnulífsins. Þau gagnrýna stjórnvöld harðlega fyrir dugleysi og rangar ákvarðanir og segja að fimm prósenta árlegan hagvöxt þurfi til að vinna þjóðina út úr kreppunni.

Kísilver í Þorlákshöfn komið á fleygiferð

Samningsdrög við erlent fyrirtæki um kísilver í Þorlákshöfn voru lögð fyrir stjórn Orkuveitu Reykjavíkur í dag og er stefnt að undirritun á mánudag.

Icesave-viðræður hefjast eftir helgi

Samningaviðræður við Breta og Hollendinga vegna Icesave hefjast í næstu viku. Leiðtogar stjórnarflokkanna vonast til að þær geti tekið skamman tíma. Forsætisráðherra segir ólíðandi að endurskoðun efnahagsáætlunar Íslands hjá Alþjóðagjaldeyrissjóðnum dragist á langinn vegna Icesave og þeim skilaboðum hafi verið vandlega komið áleiðis til Breta, Hollendinga og Evrópusambandsins.

Yfirdrifnar aðgerðir hjá lögreglunni í Tækniskólanum

Menntamálaráðherra segir aðgerðir lögreglunnar í Tækniskólanum í gær, þar sem leitað var að fíkniefnum með aðstoð hunda, yfirdrifnar og ekki eigi að ala á ótta í forvarnarstarfi. Hún ætlar að taka málið upp við stjórnendur framhaldsskólanna en aðfarir sem þessar hafa viðgengist í framhaldsskólakerfinu.

Móðir drengs: Óskiljanlegt að lögreglumaðurinn hafi verið sýknaður

Móðir drengs sem lögreglumenn handtóku og skildu eftir glænepjulega klæddan í Örfirisey seint um nótt um miðjan vetur í fyrra segir óskiljanlegt að héraðsdómur hafi sýknað í málinu. Hún segir að lögregla verði að endurskoða vinnubrögð sín.

Tugmilljónagreiðslur án útboðs

Stuðningsmaður Gunnars I. Birgissonar fyrrverandi bæjarstjóra Kópavogs, sem gegnir starfi skoðunarmanns reikninga bæjarins fyrir hönd Sjálfstæðismanna, fékk rúmlega sjötíu milljónir króna frá bænum fyrir ýmis hönnunar-og eftirlitsstörf á árunum 2003 til 2008. Ekkert þessara verka var boðið út.

Ja.is besti íslenski vefurinn

Ja.is var valinn besti íslenski vefurinn á Íslensku vefverðlaunum sem Samtök vefiðnaðarins stóðu fyrir í dag. Katrín Júlísdóttir, Iðnaðarráðherra afhenti verðlaunin við athöfn sem haldin var í Hugmyndahúsi háskólanna og voru veittar viðurkenningar fyrir framúrskarandi vefi í 10 flokkum. Í tilkynningu frá samtökunum segir að alls hafi borist yfir 100 tilnefningar til verðlaunanna að þessu sinni, en þetta er í níunda skipti sem Íslensku Vefverðlaunin eru haldin.

Skorað á Birnu bankastjóra að mæta á Austurvöll

Samtökin Nýtt Ísland skora á Birnu Einarsdóttir bankastjóra að mæta og taka til máls á tíunda kröfufundi vetrarins Austurvelli á morgun. Í tilkynningu frá samtökunum segir að þau hafi sótt Birnu heim í Íslandsbanka í vikulegum bílalána mótmælum síðastliðinn þriðjudag.

Handtekin fyrir að stelast í þvottavél

Karl og kona voru í gær handtekin fyrir að þvo þvott. Ástæða afskipta lögreglu af þvottafólkinu var sú að þau voru við iðju sína í ókunnugu húsi og án heimildar húsráðanda.

Utankjörfundaratkvæðagreiðsla hafin í Höllinni

Utankjörfundaratkvæðagreiðsla vegna þjóðaratkvæðagreiðslu 6. mars 2010 er nú hafin í Laugardalshöll og er opið alla daga frá kl. 10:00 - 22:00.

Þjóðfundur á Sauðárkróki

Þjóðfundur verður haldinn á morgun, laugardaginn 13. febrúar, í Fjölbrautaskóla Norð-Vesturlands á Sauðárkróki.

Húsleitir í Lúxemborg - enn verið að yfirheyra starfsmenn

Um fjörtíu lögregluþjónar í Lúxemborg leituðu í bankanum Banque Havilland sem áður var Kaupþing í Lúxemborg. Húsleitirnar, sem hafa staðið í nokkra daga, voru gríðarlega umfangsmiklar en sérstakur saksóknari auk fjögurra fulltrúa embættisins tóku einnig þátt í leitinni.

Rauði krossinn sendir fleiri hjálparstarfsmenn til Haítí

Sex íslenskir hjálparstarfsmenn eru á leið til Haíti nú um helgina að beiðni Alþjóða Rauða krossins. Mánuður er nú liðinn frá því jarðskjálftinn mikli reið þar yfir, og hefur Alþjóða Rauði krossinn hækkað neyðarbeiðni sína úr 12 milljörðum íslenskra króna í 25 milljarða.

Utanríkisráðherra hittir nýjan stækkunarstjóra ESB

Össur Skarphéðinsson utanríkisráðherra átti í dag fund með Stefan Füle, sem tók í vikunni við stöðu framkvæmdastjóra stækkunarmála í nýrri framkvæmdastjórn Evrópusambandsins. Þetta kom fram í tilkynningu frá utanríkisráðuneytinu.

Húsleitir standa yfir í Banque Havilland í Lúxemborg

Húsleitir standa nú yfir í Banque Havilland í Lúxemborg, sem áður var dótturfélag Kaupþings í Lúxemborg, vegna rannsóknar á málefnum tengdum Kaupþingi.

Ekki sektaðir fyrir að rjúfa trúnað í mansalsmálinu

Dómari Héraðsdóms Reykjaness féllst ekki á að sekta Fréttamenn Stöðvar 2, Breka Logason og Andra Ólafsson, fyrir að greina frá því sem gerðist í lokuðum réttarhöldum í mansalsmálinu svokallaða.

Ungir vinstri grænir mótmæla niðurskurði geðlyfja

Stjórn Ungra vinstri grænna hefur sent frá sér ályktun þar sem fyrirhugaðri skerðingu á niðurgreiðslu geðlyfja er mótmælt og lýsir félagið jafnframt yfir þungum áhyggjum vegna þeirra afleiðinga sem það kann að hafa í för með sér.

Stefnir í harðann prófkjörsslag í Kópavogi

Bæjarstjóri Kópavogs, varabæjarfulltrúi Sjálfstæðisflokksins og bæjarfulltrúi flokksins hafa sent frá sér stuðningsyfirlýsingu þar sem þau segjast styðja Ármann Kr. Ólafsson til forystu í prófkjöri Sjálfstæðismanna sem verður haldið 20. febrúar.

Staða Icesave-viðræðna skýr í lok næstu viku

Jóhanna Sigurðardóttir, forsætisráðherra, segir að það sé óeðlilegt að þeir sem sæti rannsókn sérstaks saksóknara fái fyrirgreiðslur og afskriftir áður en niðurstaða fæst í rannsókn viðkomandi mála. Þá sagði hún einnig á fundinum að Icesave-málið ætti að vera orðið skýrt í lok næstu viku.

Prófessor strunsaði út úr viðtali á Útvarpi Sögu

„Ég var sko ekkert dónaleg við hann,“ segir Arnþrúður Karlsdóttir, útvarpsstjóri Útvarps Sögu, en hagfræðiprófessorinn Þórólfur Matthíasson gekk út úr viðtali hjá henni í morgun eftir að hún krafði hann svara varðandi Icesave.

Byggðastofnun fær 3,6 milljarða - hálfur milljarður í ferðamannastaði

Ríkisstjórnin tilkynnti í hádeginu að eigið fé Byggðastofnunnar yrði aukið um 3,6 milljarða í þeim tilgangi að styðja við atvinnuuppbyggingu. Ríkisstjórnin fundaði í morgun en situr nú á blaðmannafundi í Stjórnaráðinu.

Frítt inn á öll söfn í kvöld

Frítt er inn á öll söfn höfuðborgarsvæðisins í kvöld, en Safnanóttin svokallaða verður formlega sett klukkan sjö á túninu við tjarnarbrúna. Að setningu lokinni tekur við ljósagjörningur bandaríska listamannsins Bill Fitzgibbons. Hann mun lýsa upp öndvegissúlur Ráðhússins og tónlistarmaðurinn Sverrir Guðjónsson skapar tónmynd við verkið.

Finnur á fundi viðskiptanefndar

Fundur viðskiptanefndar Alþingis þar sem fjallað er um verklagsreglur bankanna stendur nú yfir. Finnur Sveinbjörnsson, bankastjóri Arion banka er meðal gesta á fundinum en viðskiptanefnd krefst svara um hvaða reglur gildi um skuldameðferð og aðkomu eigenda að fjárhagslegri endurskipulagninu fyrirtækja sinna. Málefni Haga og Samskipa, félags Ólafs Ólafssonar, hafa verið mikið í umræðunni og eru væntanlega á meðal þeirra mála sem tekin verða fyrir á fundinum.

Byko blekkti neytendur - sektað um 10 milljónir

Neytendastofa hefur sektað Byko um 10 milljónir króna fyrir að brjóta gegn þeim lagaákvæðum og reglum sem gilda um útsölur. Það er hæsta stjórnvaldssekt sem Neytendastofa getur beitt.

Flugmenn Icelandair samþykkja kjarasamning

Flugmenn Icelandair samþykktu nýgerðan kjarasamning við flugfélagið í atkvæðagreiðslu sem lauk á miðnætti á miðvikudag. Áður höfðu þeir boðað til verkfalls í byrjun febrúar en ekkert varð af því eftir að samningaviðræður hófust á nýjan leik.

Sophia Hansen dæmd í skilorðsbundið fangelsi

Sophia Hansen var dæmd í 6 mánaða fangelsi skilorðsbundið til tveggja ára fyrir að bera rangar sakir á Sigurð Pétur Harðarson. Dómurinn féll fyrir stundu í Héraðsdómi Reykjavíkur en hún mætti ekki sjálf.

Þorleifur: Ég hefði getað valið orð mín betur

Þorleifur Gunnlaugsson, borgarfulltrúi Vinstri grænna, segir að hann hafi getað val orð sín betur í atburðarásinni sem hófst í kjölfar forvals flokksins um síðustu helgi. Við hafi tekið tilfinningaþrungið ferli og ásakanir gengið á víxl.

Leik- og grunnskóli undir sama þaki í Úlfarsárdal

Borgarráð samþykkti einróma á fundi sínum í gær að stofna skóla í Úlfarsárdal sem sameinar undir einu þaki leikskóla og grunnskóla ásamt frístundastarfi fyrir börn frá eins árs aldri til tólf ára. Áherslur í starfseminni verða listir og lýðheilsa, umhverfismennt og læsi.

Steingrímur: Stefnt að viðræðum í næstu viku

Steingrímur J. Sigfússon, fjármálaráðherra, vonast til þess að nýjar viðræður við Breta og Hollendinga í Icesavedeilunni hefjist í næstu viku. Það sé þó ekki frágengið. Staðan í málinu sé ákaflega viðkvæm og aðstæðurnar brothættar. Þetta kom fram í viðtali á Rás 2 í morgun.

Strákagöng lokuð í dag

Vegurinn um Strákagöng á Siglufjarðarvegi verður lokaður í dag milli klukkan tíu og eitt vegna viðgerða, að fram kemur í tilkynningu frá Vegagerðinni.

Man ekki eftir jafn ömurlegu máli á 30 ára starfsferli

Barnaverndastofa er að undirbúa sérstaka meðferð fyrir börn sem hafa sætt líkamlegu ofbeldi á heimilum og börn sem hafa orðið vitni að heimilisofbeldi.

Brot á umgengnisrétti verði refsiverð

Úrræði skortir fyrir foreldra sem fá ekki að umgangast börnin sín eins og umgengnisréttur kveður á um. Þetta er mat Maríu Júlíu Rúnarsdóttur lögfræðings sem kynnti meistararitgerð sína um foreldrafirringu á ráðstefnu um umgengnistálmanir og innrætingu eftir skilnað sem haldin var í vikunni.

Klám er til sölu í vefgátt Vodafone

Upplýsingatækni Í farsímavefgáttinni Vodafone Live er að finna klám til sölu. Af stóru farsímafélögunum er Vodafone enn sem komið er eitt um að bjóða slíkt efni. Öll bjóða félögin hins vegar upp á tengingu við internetið og hvaðeina sem þar er að finna.

Óvíst með fjármagn og orku fyrir kísilinn

Fjármögnun er ekki að fullu lokið og orkusölusamningar liggja ekki fyrir vegna kísil­málmverksmiðju í Helguvík. Áformað er að hefja framkvæmdir við byggingu verksmiðjunnar í sumar.

Samningurinn nær óbreyttur

Jón Bjarnason, sjávarútvegs- og landbúnaðarráðherra, og Jacob Vestergaard, starfsbróðir hans í Færeyjum, hafa gengið frá fiskveiðisamningi Íslendinga og Færeyinga fyrir árið 2010. Samningurinn er nær óbreyttur milli ára.

Barnaverndarmálum fjölgar milli ára

Tilkynningum til barnaverndarnefnda fjölgaði um 16,3 prósent fyrstu níu mánuði síðasta árs, miðað við sama tíma í fyrra.

Verðum að líta til Japans

Mikilvægt er að stjórnvöld marki leiðina úr kreppunni og móti framtíðarsýn fyrir landið, að sögn Kolbeins Björnssonar, kennara í japanskri hagsögu við Háskóla Íslands.

Sjálfstæðisflokkurinn og VG mælast stærstir

Sjálfstæðisflokkurinn mældist stærstur í könnun sem Frjáls verslun gerði fyrir vefsvæðið Heimur dagana 5. - 10. febrúar. Sjálfstæðisflokkurinn mældist með um 35% fylgi,

Kjörstjórn VGR segir af sér

Kjörstjórn Vinstri grænna í Reykjavík hefur ákveðið að víkja sæti eftir prófkjörið sem fór fram um helgina.

Svavar segir dóminn áfall fyrir íslenskt samfélag

Dómur Hæstaréttar Íslands þar sem lögbann yfir Ístorrent var staðfest er áfall fyrir frjáls skráarskipti á Íslandi og íslenskt samfélag, segir Svavar Lúthersson, eigandi Istorrent, í tilkynningu sem hann sendi fjölmiðlum.