Guðjón endurkjörinn - Magnús fékk 15 atkvæði

Guðjón Arnar Kristjánsson var endurkjörinn sem formaður Frjálslynda flokksins á landsþingi flokksins sem fer fram í Stykkishólmi í dag. Mótframbjóðandi hans og fráfarandi varaformaður flokksins, Magnús Þór Hafsteinsson, hlaut 15 atkvæði en Guðjón fékk 83 atkvæði. Einn seðill var ógildur.

Lífeyrissjóðum verði heimilt að eiga og reka íbúðarhúsnæði

Fimm þingmenn Samfylkingarinnar ætla að leggja fram á Alþingi frumvarp um breytingu á lögum um skyldutryggingu lífeyrisréttinda og starfsemi lífeyrissjóða. Helgi Hjövar, fyrsti flutningsmaður frumvarpsins, segir að með breytingunum sem lagðar eru til í frumvarpinu verði lífeyrissjóðum heimilað að eiga og reka íbúðarhúsnæði.

Mannslát í Slippnum fyrir 24 árum skoðað á nýjan leik

Valtýr Sigurðsson, ríkissaksóknari, hefur falið lögreglu að rannsaka betur einstaka þætti í láti Einars Þórs Agnarssonar og Sturlu Steinssonar sem fundust látnir í bíl við Daníelsslipp 1. mars 1985. Tvívegis var fjallað um mál þeirra í fréttaskýringaþættinum Kompási á seinata ári. Haft er eftir Valtý í Morgunblaðinu í dag að ný gögn kalli á nánari skoðun.

Eldur kom upp í Heilbrigðistofnun Vestmannaeyja

Allt tiltækt slökkvilið Vestmannaeyja var kallað að Heilbrigðisstofnun Vestmannaeyja laust eftir klukkan tólf í dag eftir að slökkviliðinu barst tilkynning um eldur væri laus í byggingunni. Í ljós kom að spennir hafði sprungið í ljósi á þriðju hæð. Lykt barst um húsið en enginn eldur var laus og ekkert tjón varð.

Arnbjörg slapp með skrekkinn í bílslysi

Þingflokksformaður sjálfstæðisflokksins slapp með skrekkinn þegar hún lenti í bílslysi á brúnni yfir Jökulsá á fjöllum í gær. Mikil hálka var á brúnni og lenti bíll hennar á öðrum sem kom úr gagnstæðri átt. Báðir bílarnir eru ónýtir en farþegarnir sluppu ómeiddir að mestu. Slæmar aðstæður voru til ferðalaga um land allt og voru björgunarsveitir kallaðar í fjölmörg verkefni.

Sigmundur Davíð: AGS blandar sér í íslensk stjórnmál

Framsóknarmenn undrast áfellisdóm formanns sendinefndar Alþjóðgjaldeyrissjóðsins yfir hugmyndum þeirra um 20 prósent niðurfellingu skulda. Formaður framsóknarflokksins sakar stjórnvöld um að beita sér í málinu.

Gunnar Bragi: Sterkur listi

Gunnar Bragi Sveinsson, sigurvegarinn í póstkosningu Framsóknarflokksins í Norðvesturkjördæmi, er afar ánægður með niðurstöðuna í kosningunni. Hann segir að framsóknarmenn hafi stillt upp sterkum lista.

Stútur endaði í Kópavogslæk

Nóttin var heldur róleg hjá lögreglunni á höfuðborgarsvæðinu og lítið af fólki í miðbænum. Rétt eftir klukkan fimm í morgun barst lögreglu tilkynning um bifreið sem lent hafði út af Hafnarfjarðarvegi og í Kópavogslæk. Ökumaður mun ekki hafa slasast en hann er grunaður um ölvun.

Enn snjóflóðahætta í Bolungarvík

Veðurstofan ákvað samráði við lögreglustjórann á Vestfjörðum að lýsa yfir hættustigi á reit 4 í Bolungarvík seinnipartinn í gær. Sú rýming heldur sér þangað til annað verður ákveðið, að sögn lögreglunnar á Vestfjörðum.

Úrslit ráðast í fjölmörgum prófkjörum

Landslagið fyrir komandi Alþingiskosningar mun skýrast um helgina en þá fara fram átta prófkjör í fjórum kjördæmum. Úrslit í prófkjörum sjálfstæðisflokks í Reykjavík, Suðurkjördæmi og Suðvesturkjördæmi ættu að liggja fyrir í kvöld. Tveir vilja fyrsta sætið í Reykjavík, Illugi Gunnarsson og Guðlaugur Þór Þórðarson.

Sævar Ciesielski ætlar í framboð

Sævar Ciesielski, sem fékk þyngsta dóminn í Geirfinnsmálinu svokallaða, hefur ákveðið að stofna nýtt framboð. ,,Ég fékk listabókstafinn N. N stendur fyrir námsmenn." Sævar segist hafa verið úthlutað bókstafnum í dómsmálaráðuneytinu.

Hellisheiði opnuð á nýjan leik

Nýjustu fréttir af færðinni eru þær að Hellisheiði hefur verið opnuð en þar er krapi og hálka er á Sandskeiði og í Þrengslum. Á Vestfjörðum er ófært um Hálfdán, Mikladal, Kleifaheiði og á Klettshálsi er stórhríð og ekkert ferðaveður.

Ríkið verður að hækka skatta

Ríkið hefur fáa aðra kosti í stöðunni en hækka skatta til að mæta útgjaldaaukningu og tekjutapi vegna bankahrunsins. Þetta kom fram í setningarræðu Guðjóns A. Kristjánssonar, formanns Frjálslynda flokksins, á Landsfundi flokksins í Stykkishólmi í morgun.

2000 hafa kosið hjá Samfylkingunni í Reykjavík

Í gærkvöldi höfðu rúmlega 2000 manns kosið í prófkjöri Samfylkingarinnar í Reykjavík sem lýkur í dag. Á kjörskrá eru rúmlega 8 þúsund félagar í Samfylkingarfélögunum í borginni. 19 frambjóðendur, þar af 5 sitjandi þingmenn, takast á um 8 sæti í prófkjörinu.

Gunnar Bragi efstur - Kristni H. hafnað

Gunnar Bragi Sveinsson, oddviti Framsóknarflokksins í Skagafirði, varð efstur í póstkosningu flokksins í Norðvesturkjördæmi en atkvæði voru talin í gærkvöldi. Kristinn H. Gunnarsson sem nýverið gekk í Framsóknarflokkinn á nýjan leik úr Frjálslynda flokknum varð ekki meðal fimm efstu.

Jeppa ekið útaf Vatnsleysustrandarvegi

Rétt eftir miðnætti var jeppabifreið ekið út af Vatnsleysustrandarvegi. Tveir voru í bifreiðinni og eru meiðsli talin minniháttar. Að sögn lögreglu á Suðurnesjum er bifreiðin mikið skemmd.

Annasamt hjá björgunarsveitum

Annasamt var hjá fjölmörgum björgunarsveitum í gærkvöldi og eftir miðnætti vegna veðurs. Hellisheiðinni, Sandskeiði og Þrengslunum var lokað í gærkvöldi og í nótt.

Víða ófært vegna óveðurs

Ófært er um Hellisheiði, Bröttubrekku og Víkurskarð vegna veðurs. Þá er óveður á Reykjanesbraut, Kjalarnesi og undir Hafnarfjalli, að fram kemur í tilkynningu frá Vegagerðinni.

Annríki hjá björgunarsveitum

Mikið annríki er hjá björgunarsveitum á Suðurlandi og höfuðborgarsvæðinu þessa stundina. Björgunarsveitir eru að störfum á sjö bílum á Hellisheiði og í Þrengslum þar sem fjöldi bifreiða situr fastur. Tveir björgunarsveitabílar aðstoða vegfarendur milli

Fólki ráðlagt að vera ekki á ferli

Hjálparsveit skáta í Hveragerði og björgunarsveitin Mannbjörg í Þorlákshöfn eru nú í óða önn að ferja fólk af Hellisheiði en fjöldi bifreiða situr þar fastur. Björgunarsveitir af höfuðborgarsvæðinu munu einnig fara til aðstoðar á heiðinni. Búið er að loka Hellisheiði vegna ófærðar.

Frakkarnir komnir í snjóbíl

Frakkarnir tveir sem björgunarsveitir Slysavarnafélagins Landsbjargar aðstoðuðu vegna vandræða sem þeir lentu í á Sprengisandi eru komnir í snjóbíl hjá björgunarsveitamönnum. Ferðalangarnir voru á leið í Nýjadal en veður er mjög vont á svæðinu og misstu þeir misst frá sér tjald sem þeir

Gunnar Bragi efstur - Kristinn H. kemst ekki á blað

Gunnar Bragi Sveinsson, oddviti Framsóknarflokksins í Skagafirði, er efstur í póstkosningu flokksins í Norðvesturkjördæmi þegar búið er að telja 1250 atkvæði af 1539. Kristinn H. Gunnarsson sem nýverið gekk í Framsóknarflokkinn á nýjan leik úr Frjálslynda flokknum er ekki meðal fimm efstu.

Hellisheiðin lokuð

Hellisheiði er nú lokuð vegna ófærðar. Nokkrar bifreiðar eru fastar á heiðinni og eru björgunarsveitir að vinna að því að aðstoða það fólk. Lögreglan biður þá sem eru fastir í bifreiðum sínum um að halda kyrru fyrir þar til aðstoð kemur.

Útvarpsstjóri tók ekki við glæsilegum pallbíl

„Þetta er með ólíkindum, hann hljóp í felur," sagði Ástþór Magnússon sem ætlaði að gefa Páli Magnússyni, sjónvarpsstjóra RÚV, nýjan bíl klukkan tvö í dag.

Vonskuveður í nótt og í fyrramálið

Núna strax í kvöld má búast við austanstormi við suður- og suðausturströndina með hviðum í námunda við fjöll upp á meira en 35 m/s ásamt snjókomu eða slyddu, en þó rigningu allra syðst á landinu.

Tíu árekstrar vegna hálku

Talsverð hálka er á götum Reykjavíkurborgar í kvöld og hafa orðið 10 árekstrar vegna hálku. Samkvæmt upplýsingum frá lögreglunni hafa þó engin alvarleg óhöpp orðið.

Björgunarsveitir aðstoða tvo Frakka

Björgunarsveitir Slysavarnafélagins Landsbjargar eru nú á leið til aðstoðar tveimur Frökkum sem eru í vandræðum á Sprengisandi.

Tveir bílar eyðilögðust í hörðum árekstri

Harður árekstur varð á brúnni yfir Jökulsá á Fjöllum við þjóðveg 1 um klukkan 11 í dag. Skullu þar jeppi og fólksbifreið saman vestarlega á brúnni. Betur fór en á horfðist og virtust allir hafa sloppið án alvarlega meiðsla. Bílarnir skemmdust mikið og eru líklega ónýtir.

Greiða sér arð í stað þess að hækka laun starfsmanna

Stjórn HB Granda leggur til að hluthöfum verði greiddur arður, sem myndi duga til að greiða öllu fiskvinnslufólki félagsins launahækkun, sem tekin var af því um mánaðamótin, í átta ár. Stjórnarmenn í HB Granda eru einnig stærstu eigendur fyrirtækisins, sem skilaði ríflega tveggja milljarða hagnaði í fyrra.

Flestir vilja Bjarna

Mikill meirihluti vill að Bjarni Benediktsson verði formaður Sjálfstæðisflokksins samkvæmt nýrri könnun Stöðvar 2 og Fréttablaðsins. Guðlaugur Þór fengi aftur á móti fæst atkvæði af þeim sem nefndir voru.

Lögregla haldlagði 100 kannabisplöntur til viðbótar

Lögreglan á höfuðborgarsvæðinu lagði í dag hald á 100 kannabisplöntur. Talið er að málið tengist þremur öðrum húsleitum sem hafa verið gerðar undanfarna daga, en þá voru um 800 plöntur gerðar upptækar.

Dómsmálaráðherra kynnti sér starfsemi Landhelgisgæslunnar

Dómsmálaráðherra, Ragna Árnadóttir kynnti sér í dag starfsemi Landhelgisgæslunnar ásamt Þorsteini Geirssyni ráðuneytisstjóra, Skúla Þór Gunnsteinssyni lögfræðingi, Jóni Magnússyni skrifstofustjóra auk Elísabetu Jónasdóttur upplýsingafulltrúa.

Rýming húsa vegna snjóflóðahættu á Bolungarvík

Veðurstofan í samráði við lögreglustjórann á Vestfjörðum hefur lýst yfir hættustigi á reit 4 í Bolungarvík og er rýming að hefjast.

Drep í brjóstum vegna stórreykinga

Héraðsdómur Reykjavíkur sýknaði ríkið af skaðabótakröfu konu sem fékk drep og sýkingu í brjóstin eftir að hún gekkst undir brjóstaminnkunaraðgerð.

Nítján sækja um FME - Vilhjálmur Bjarna á meðal umsækjenda

Nítján manns sóttu um starf forstjóra Fjármálaeftirlitsins en umsóknarfrestur rann út 11. mars. Á meðal umsækjenda má finna nokkur kunn nöfn úr þjóðlífinu á borð við Vilhjálm Bjarnason, lektor og Helga Magnús Gunnarsson, saksóknara efnahagsbrota. Athygli vekur einnig að af nítján umsækjendum eru aðeins tvær konur, Þær Tamara Lísa Roesel og Sigrún Helgadóttir.

Mikilvægt skref stigið í málefnum fatlaðra

Ásta R. Jóhannesdóttir, félags- og tryggingamálaráðherra, segir mikilvægt skref hafa verið stigið til hagsbóta fyrir fatlaða í dag þegar undirrituð var viljayfirlýsing ríkisstjórnarinnar og Sambands íslenskra sveitarfélaga um flutning málaflokksins til sveitarfélaganna árið 2011. Stefnt er að því að ljúka samkomulagi um framkvæmdina á þessu ári.

Utankjörfundaratkvæðagreiðsla hefst 14. mars

Utankjörfundaratkvæðagreiðsla vegna Alþingiskosninganna sem boðaðar eru 25. apríl 2009 hefst við embætti sýslumannsins í Reykjavík þann 14. mars næstkomandi og er opin á skrifstofutíma á milli kl. 9:00 - 15:30 virka daga. Um helgar er opið frá kl. 12:00 - 14:00. Þetta kemur fram í tilkynningu frá Sýslumanninum í Reykjavík.

Fleiri nefna Guðlaug en Illuga í fyrsta sætið

Stuðningsmenn Guðlaugs Þórs Þórðarsonar létu framkvæma könnun um stuðning við fyrsta sætið í prófkjöri Sjálfstæðisflokksins. Þar kemur fram að 45% sögðust ætla að kjósa Guðlaug en 35% Illuga Gunnarsson sem einnig býður sig fram í fyrsta sætið.

Þjónusta við fatlaða færist til sveitarfélaga

Ríkisstjórn Íslands og Samband íslenskra sveitarfélaga hafa undirritað viljayfirlýsingu um tilfærslu þjónustu við fatlaða frá ríki til sveitarfélaga árið 2011. Stefnt er að því að ljúka samkomulagi um framkvæmdina á þessu ári. Heildarkostnaður þjónustu við fatlaða sem ríkið sinnir nú nemur um 10 milljörðum króna á ári.

LOGOS vann að yfirtöku Baugs á Mosaic

LOGOS lögfræðistofa vann að yfirtöku Baugs Group á Mosaic Fashion Ltd. að andvirði 406 milljóna punda sem voru með stærri kaupum á Íslandi í ágúst 2007. Stefán Hilmar Hilmarsson fjármálastjóri Baugs segir að kaupin hafi farið í gegnum Kaupþing sem hafi m.a séð um afskráningu úr Kauphöll. Lögmaður segir engan vafa mega ríkja um hvort skiptastjóri hafi unnið fyrir þrotafélag.

Ætlar að gefa útvarpsstjóra nýjan bíl

Lýðræðisshreyfingin, með Ástþór Magnússon í farabroddi, ætla að gefa Páli Magnússyni, útvarpstjóra RÚV, nýja bifreið klukkan tvö í dag. Gjöfin verður afhent við höfuðstöðvar Ríkisútvarpsins í Efstaleyti. Ekki er ljóst hverskonar bifreið um er að ræða.

Lögmenn LOGOS ekki vanhæfir í Baugsmáli

Gunnar Sturluson faglegur framkvæmdarstjóri lögmannsstofunnar LOGOS telur stofuna ekki vanhæfa til þess að fjalla um málefni Baugs Group. Erlendur Gíslason einn af eigendum stofunnar var skipaður skiptastjóri Baugs í morgun. Hann segir 55 lögfræðinga starfa hjá stofunni og þó einn starfsmaður sem starfi hjá LOGOS í London hafi eitt sinn unnið fyrir Baug geri það stofuna ekki vanhæfa.

HB Grandi greiðir út arð en hækkar ekki laun starfsfólks

Stjórnendur HB Granda, sem komust hjá því að greiða fiskverkafólki sínu umsamda launahækkun um síðustu mánaðamót, ætla hinsvegar að greiða sjálfum sér 184 milljónir króna af rösklega tveggja milljarða króna gróða af rekstri síðasta árs. Verkalýðsforingi segir þetta örgustu móðgun við verkafólkið.

Lögmaður LOGOS skipaður skiptastjóri Baugs

Erlendur Gíslason lögmaður og einn af eigendum lögfræðistofunnar LOGOS var í morgun skipaður skiptastjóri í þrotabúi Baugs Group. Lögfræðistofan annaðist lagalega ráðgjöf og almenna lögmannaþjónustu við Baug áður en félagið fór í þrot.

Sniglarnir: Hafna ásökunum þingkonu

„Sniglar taka enga pólitíska afstöðu og flokkspólitík kemur okkur ekkert við," segir formaður Sniglanna Ólafur Ingi Hrólfsson, sem vísar ásökunum Helgu Sigrúnar Harðardóttur, þingkonu Framsóknarflokksins, alfarið á bug.