Enn haldið sofandi í öndunarvél eftir bílslys

Ökumanni jeppa sem slasaðist í árekstri jeppans, rútu og sendibíls á Suðurlandsvegi í gærmorgun er enn haldið sofandi í öndunarvél á gjörgæsludeild.

Vill nýjan meirihluta í Reykjavík

Fyrrverandi formaður Sjálfstæðisflokksins segir að þörf sé á nýjum borgarstjórnarmeirihluta. Þetta kemur fram í leiðara sem Þorsteinn Pálsson ritar í Fréttablaðið í dag.

Elsti Íslendingurinn látinn

Þuríður Samúelsdóttir, sem var elsti Íslendingurinn, lést 2. Ágúst, 105 ára og 42 daga gömul. Útförin fór fram í gær í kyrrþey, að hennar eigin ósk.

Blair óskaði eftir stuðningi Íslands við innrásina í Írak

Íslenskir ráðamenn samþykktu ósk breskra stjórnvalda um stuðning við innrásina í Írak degi áður en Bandaríkjamenn birtu lista yfir hinna viljugu þjóða.

Brotist inn í dansskóla

Brotist var inn í dansskóla í Lágmúla 9 í Reykjavik um hálffjögurleytið í nótt. Það var öryggisvörður sem tilkynnti lögreglu um innbrotið. Þegar lögregla kom á vettvang var innbrotsþjófurinn enn á staðnum og hafði hann ekki náð að stela neinu.

Skaftárhlaup í rénun

Rennsli í Skaftá hefur lækkað ört í nótt. Sjálfvirkar mælingar Vatnamælinga Orkustofnunar benda til að hlaupið hafi náð hámarki í rúmum 390 rúmmetra á sekúndu laust eftir miðnætti, en fór svo niður i um 370 rúmmetra í nótt. Áður en hlaup hófst var meðalrennslið um 150 rúmmetrar á sekúndu.

Tveir úrskurðaðir í áframhaldandi gæsluvarðhald í hnífsstungumáli

Gæsluvarðhald yfir tveimur af þremenningunum sem úrskurðaðir voru í gæsluvarðhald vegna hnífstunguárásar á Hverfisgötu, föstudaginn fyrir verslunarmannahelgi, var í kvöld framlengt til fimmtudags.

Formaður Samiðnar segir tilboð ekki hafa verið metin rétt

Finnbjörn A. Hermannsson, formaður Samiðnar, krefst þess að Reykjavíkurborg rökstyðji hvers vegna hún tók tilboði litháíska verktakafyrirtækisins Adakris í byggingu Sæmundarskóla í Grafarholti. Þetta kom fram í tíufréttum Sjónvarpsins.

Jákvæður sandsílaleiðangur

Talsverð aukning var í magni sílis miðað við árin 2006 og 2007 og má rekja hana að langmestu leyti til eins árs sílis af 2007 árgangi ef marka má niðurstöður nýlegan sandsílaleiðangur Hafrannsóknastofnunnar.

Nýlegar hækkanir ekki faldar á bakvið kaupauka

Toyota á Íslandi býður nú upp á sérstakan sólarlandaferðakaupauka upp á 550 þúsund með flestum seldum bifreiðum. Kaupaukinn kemur þó nokkuð ankannalega fyrir sjónir með tilliti til þess bifreiðar umboðsins hækkuðu um 5% í verði þann 1. ágúst síðastliðinn. Úlfar Steindórsson, forstjóri Toyota á Íslandi, segir að þetta tvennt tengist á engan hátt saman og því sé ekki verið að fela hækkanirnar á bakvið kaupaukann.

Ríkið skuldar Impregilo hátt í tvo milljarða

Skuldir íslenska ríkisins við ítalska verktakafyrirtækið Impregilo nálgast tvo milljarða króna. Þar af er hálfur milljarður vegna dráttarvaxta. Skattgreiðendur sitja uppi með tapið segir lögmaður Impregilo.

Utanríkisráðherra vinnur að samstarfi Ísafjarðar og A-Grænlands

Möguleikar Vestfjarða sem þjónustumiðstöð fyrir atvinnustarfsemi og auðlindanýtingu á Austur-Grænlandi og ný störf á Ísafirði á vegum utanríkisráðuneytisins voru á meðal þess sem Ingibjörg Sólrún Gísladóttir utanríkisráðherra ræddi við sveitastjórnarmenn á Vestfjörðum í heimsókn sinni til Ísafjarðar í dag, samkvæmt tilkynningu utanríkisráðuneytisins.

Hefur miklar áhyggjur af fjölskyldu sinni í Georgíu

Íslensk kona, sem er frá Georgíu hefur miklar áhyggjur af fjölskyldu sinni þar. Hún segir skelfilegt hvernig allt hefur farið en vonast til að stríðinu ljúki sem fyrst.

Enn bið á vegaúrbótum

Til stendur að bjóða út fyrsta áfanga í tvöföldun Suðurlandsvegar næsta vor en leiðin milli Selfoss og Hveragerðis verður þó látin bíða.

Umhverfisráðherra boðar til opins fundar á Húsavík

Þórunn Sveinbjarnardóttir umhverfisráðherra hefur boðað til opins fundar í Borgarhólsskóla á Húsavík annað kvöld klukkan 20.

Eldur í bíl í þriggja bíla árekstri við Skeiðarbrú

Þriggja bíla árekstur varð á sjötta tímanum við Skeiðarbrú, á mótum Skeiðarvogs og Miklubrautar.

Löggan eltist við hest í Hafnarfirði

Hestur veldur nú usla í Hafnarfirði en svo virðist sem hann hafi sloppið úr gerði fyrir ofan bæinn.

Lifir í ótta eftir að nálgunarbanni var hafnað

Kona sem var beitt afar grófu líkamlegu og kynferðislegu ofbeldi af sambýlimanni sínum í rúmlega þrjú ár er mjög ósátt við niðurstöðu Hæstaréttar frá því fyrir helgi, að sögn Gunnhildar Pétursdóttur, lögfræðings hennar.

Báru brenndan dreng þrjá kílómetra

Tíu ára drengur sem brenndist annars stigs bruna á fæti á göngu í Reykjadal ofan við Hveragerði í síðustu viku var borinn þriggja kílómetra leið að sjúkrabíl.

Skemmdir unnar á vinnuvélum í malarnámu

Talið er að kveikt hafi verið í vinnuvél í malarnámu við Lambafell á Suðurlandi um helgina og leitar lögregla sökudólgsins.

Lestur á Morgunblaðinu dregst saman

Lestur á Morgunblaðinu heldur áfram að dragast saman samkvæmt nýrri könnun Capacent á lestri dagblaða.

Fannst látin í Glerá

Lögreglan á Akureyri ásamt Slökkviliði Akureyrar og Björgunarsveitinni Súlum hófu leit að konu á tólfta tímanum í dag eftir að tilkynnt hafði verið um að hennar væri saknað.

Íslendingum ráðið frá því að ferðast til Georgíu

Utanríkisráðuneytið ræður Íslendingum eindregið frá því að ferðast til Georgíu vegna ófriðarástandsins þar.

Bílstjórinn bjargaði því sem bjargað varð

Bílstjórinn í rútunni sem lenti í hörðum árekstri við jeppa á Suðurlandsvegi brást hárrétt við og forðaði frekara slysi. Þetta segir Sigríður Ásta Hallgrímsdóttir, starfsmannastjóri Kynnisferða, félagsins sem á rútuna.

Austurríska leiðin í höndum allsherjarnefndar

Björn Bjarnason segir ákvörðun um það hvort að austurríska leiðin, þar sem lögreglan fengi vald til að fjarlægja ofbeldismenn af heimilum, verði tekin upp hér á landi vera í höndum allsherjarnefndar.

Suðurlandsvegur opnaður á ný eftir slys

Búið er að opna Suðurlandsveg á ný en veginum var lokað eftir alvarlegt umferðarslys á móts við Kirkjuferju á milli Hveragerðis og Selfoss um hálftíu í morgun.

Rannsókn lokið á handrukkuninni í Heiðmörk

Rannsókn er lokið á máli er snetir handrukkun í Heiðmörk í lok júlí. Þrír menn voru handteknir í tengslum við árás á ungan mann sem tekinn var af heimili sínu í Hafnarfirði og keyrt með hann upp í Heiðmörk þar sem hann var laminn illa.

Umferðartafir á Hafnarfjarðarvegi í dag og á morgun

Umferðartafir verða á Hafnarfjarðarvegi til suðurs frá Fossvogi að Álftanesvegi í dag og fram á morgundaginn.

Ástarvikan í fimmta sinn í Bolungarvík

Ástarvikan var sett í Bolunungarvík í fimmta sinn í gær. Tilgangur hennar er að fjölga bæjarbúum og standa vonir til þess að nokkur ástarvikubörn líti dagsins ljós að níu mánuðum liðnum.

Segir Björn standa í vegi fyrir austurrísku leiðinni

Dómsmálaráðherra hefur komið í veg fyrir að austurríska leiðin verði tekinn upp hér landi, að mati Kolbrúnar Halldórsdóttur. Úrræðið felur í sér að fbeldismaður er fjarlægður af heimili sínu.

Vandi að finna urðunarstað fyrir mengaðan botn Tjarnarinnar

Erfitt er að finna urðunarstað fyrir mengaðan botn Tjarnarinnar að sögn Egils Arnar Jóhannessonar formanns, heilbrigðisnefndar Reykjavíkurborgar. Fundað var í nefndinni síðastliðinn fimmtudag þar sem staða mengunarmála Tjarnarinnar var kynnt sem og tillögur að úrlausnum.

Leita tilboða í borun á háhitaborholum

Landsvirkjun óskar í dag eftir tilboðum í borun á allt að tuttugu og fimm háhitaborholum á Norðausturlandi.

Líklega farið fram á áframhaldandi varðhald í hnífstungumáli

Lögreglan á höfuðborgarsvæðinu fer að líkindum fram á áframhaldandi gæsluvarðhald yfir einum þremenninganna sem handteknir voru fyrir helgi vegna hnífstunguárásar á Hverfisgötu föstudaginn fyrir verslunarmannahelgi.

Haldið sofandi í öndunarvél eftir bílslys

Einum þeirra sem slösuðust í alvarlegu bílslysi á Suðurlandsvegi á móts við Kirkjuferju á milli Hveragerðis og Selfoss um klukkan hálfttíu í morgun er haldið sofandi í öndunarvél á gjörgæsludeild. Þrír voru fluttir á slysadeild í Reykjavík eftir slysið, en hinir tveir eru ekki alvarlega slasaðir, að sögn vakthafandi læknis á slysadeild Landspítalans.

Íbúðalánasjóður lækkar vexti

Íbúðalánasjóður hefur ákveðið frá og með deginum í dag að lækka vexti af íbúðalánum sínum í kjölfar útboðs á íbúðabréfum.

Segir ESB-aðild treysta fullveldi

Aðild að Evrópusambandinu og upptaka evru treystir fullveldi Íslands, að sögn Jóns Sigurðssonar fyrrverandi formanns Framsóknarflokksins.

Ljósmæður greiða atkvæði um verkfallsaðgerðir

Atkvæðagreiðsla hófst í morgun um verkfallsaðgerðir Ljósmæðrafélags Íslands sem gripið verður til náist ekki samkomulag um nýjan kjarasamning við ríkið.

Alvarlega slasaðir eftir bílslys

Alvarlegt umferðarslys varð á Suðurlandsvegi á móts við Kirkjuferju á milli Hveragerðis og Selfoss um klukkan hálfttíu.

Rafmagnslaust í Fossvogi

Rafmagnslaust er í hluta Fossvogs þessa stundina. Tíu mínútur fyrir níu í morgun bilaði háspennulínu í hverfinu sem orsakar rafmagnsleysið. Verið er að vinna að biluninni. Að svo stöddu er ekki vitað hvenær rafmagn kemst aftur á í hverfinu.

Þúsund tonn á þessu kvótaári

Netabáturinn Bárður SH frá Arnarstapa, sem er svonefndur hraðfiskibátgur í stærri kantinum, hefur borið rúmlega þúsund tonn að landi á þessu kvótaári, sem er að ljúka.

Skaftárhlaup í rénun

Skaftárhlaupið, sem hófst í gær virðist vera í rénun og telst þá til lítilla hlaupa í ánni. Meðal rennsli í henni er um 150 rúmmetrar á sekúndu, en fór upp í 364 rúmmetra í gærkvöldi.

Steyptist ofan í Jökulsá á Dal

Franskur ferðamaður á fimmtugsaldri var útskrifaður af heilsugæslustöðinni á Egilsstöðum í gærkvöldi eftir að hafa sloppið ótrúlega vel úr hremmingum, sem hann lenti í fyrr um kvöldið.

Litlar breytingar á Skaftárhlaupi

Litlar breytingar hafa orðið á hlaupinu í Skaftá frá því sem var í dag, að sögn Guðmundar Inga Ingasonar, lögreglumanns á Kirkjubæjarklaustri. Hann segir að áin bæti þó við sig hægt og bítandi en líklegast verði þetta ekki mjög stórt hlaup þar sem aðeins rann úr öðrum sigkatlinum undir jökli.

Metanstrætóar gætu sparað tugmilljónir

Forsvarsmenn Strætó Bs skoða nú hvort hægt verði að fjölga strætisvögnum sem knúnir eru með metani í stað díselolíu. Með metanvögnum gætu tugir milljóna króna sparast í eldsneytiskostnað á ári.

Fólk yfirgefur sumarbústaði í Skaftárdal

Skaftá líkist nú Ólgusjó og óx í ánni um meter á aðeins tveimur tímum í morgun að sögn lögreglunnar á Kirkjubæjarklaustri. Hlaup í Skaftá tekur yfirleitt um hálfan sólarhring að ná hámarki. Rennsli árinnar við Sveinstind mældist um 300 rúmmetrar á sekúndu í morgun, þar sem meðalrennsli er í kringum fimmtíu rúmmetrar.