Dýr dropinn

Verð á bensínlítra á stöðvum með fullri þjónustu er komið yfir 160 krónur, eftir fjögurra króna hækkun hjá stóru olíufélögunum í gær. Lítrinn kostar nú röskar 156 krónur í sjálfsafgreislu og svo er hann heldur ódýrari á mannlausu stöðvunum.

Bankaræningja enn leitað

Lögregla leitar enn mannsins, sem framdi vopnað rán í útibúi Landsbnkans við Bæjarhraun í Hafnarfirði í gærmorgun. Rannsóknadeild lögreglunnar var í gærkvöldi að vinna úr ýmsum vísbendingum, sem bárust í gær, en ekki liggur fyrir hvort einhver ákveðinn liggur undir grun.

Ók of hratt á ótryggðum bíl

Lögreglumenn frá Selfossi stöðvuðu í gær bíl, eftir að hann hafði mælst á 129 kílómetra hraða. Fyrir það fær ökumaðurinn 70 þúsund króna sekt. Þegar lögreglumenn voru að gera skýrslu um málið í nótt kom í ljós að bíllinn var auk þess ótryggður.

Engin lausn í sjónmáli í flugmannadeilu

Engin lausn er í sjónmáli í kjaradeilu Icelandair og flugmanna hjá félaginu. Síðasti samningafundur var stuttur og árangurslaus, en nýr fundur hefur verð boðaður í næstu viku.

Augljós pólitísk ráðning á sérkjörum

Dagur B. Eggertsson oddviti Samfylkingarinnar í borgarstjórn segir ráðningu Jakobs Frímanns Magnússonar í starf framkvæmdarstjóra miðborgar vera augljósa pólitíska ráðningu á sérkjörum. Hann segir borgarfulltrúa Sjálfstæðisflokksins þurfa að axla ábyrgð í þessu máli þar sem borgarstjóri sitji í skjóli þeirra.

Ekkert að frétta af bankaræningjanum

Samkvæmt upplýsingum frá lögreglu nú í kvöld hefur hún ekki haft hendur í hári bankaræningjans sem réðst inn í útibú Landsbankans í Hafnarfirði í morgun.

Laun Jakobs umtalsvert hærri en gengur og gerist í Ráðhúsinu

Svandís Svavarsdóttir, borgarfulltrúi Vinstri – grænna, segir laun Jakobs Frímanns Magnússonar hjá borginni í starfi framkvæmdarstjóra miðborgar umtalsvert hærri en gangi og gerist hjá verkefnastjórum í Ráðhúsinu.

Jakob Frímann með tæpar 900 þúsund á mánuði

Jakob Frímann Magnússon fær rúmar 860.000 krónur á mánuði fyrir störf sín á vegum borgarinnar. Jakob er formaður hverfisráðs miðborgar og er nýráðinn framkvæmdarstjóri miðborgar. Þetta kom fram í kvöldfréttum Sjónvarps nú fyrir stundu.

Sakar Stöð 2 um stjórnmálastarfsemi

Ingibjörg Sólrún Gísladóttir formaður Samfylkingarinnar og utanríkisráðherra segir flokkinn enn beita sér fyrir því að lífeyriskjörum æðstu ráðamanna verði breytt, en vill ekki svara því hvort það gerist fyrir þinglok í vor.

Borgarstjóri einn í flugvallarmálinu

Borgarstjóri er hornreka innan borgarstjórnar í afstöðu sinni til flugvallarins í Vatnsmýri. Könnun Stöðvar 2 meðal borgarfulltrúa leiðir í ljós að eini maðurinn sem vill flugvöllinn áfram í Vatnsmýri, skilyrðislaust, er æðsti maður borgarinnar.

Sóltún fékk of háar greiðslur að mati Ríkisendurskoðunar

Með rangri skráningu á heimilismönnum fékk hjúkrunarheimilið Sóltún mun hærri greiðslur úr ríkissjóði en heimilið átti rétt á, að mati Ríkisendurskoðunar.

Össur ánægður með umsókn Stefáns Pálssonar

Össur Skarphéðinsson er ánægður með umsókn Stefáns Pálssonar herstöðvarandstæðings um stöðu forstjóra Varnarmálastofnunnar. Í nýlegri bloggfærslu segir Össur hana forvitnilegustu og frábærustu umsókn ársins.

Eiturefnaóhapp á athafnasvæði í Vogunum

Slökkvilið höfuðborgarsvæðins var kallað út nú á fimmta tímanum að athafnasvæði N1 við Kleppsmýrarveg en þar hafði orðið eiturefnaóhapp.

Staðfestir gæsluvarðhald vegna Keilufellsmáls

Hæstiréttur staðfesti í dag gæsluvarðhaldsúrskurð héraðsdóms yfir manni sem grunaður er um að hafa verið í hópi manna sem réðst að öðrum hópi í húsi í Keilufelli þann 22. mars.

Tveir létu greipar sópa í sumarbústaðahverfi

Tveir karlmenn voru í Héraðsdómi Reykjavíkur í dag dæmdir í tveggja mánaða fangelsi fyrir ýmis brot, þar á meðal nytjastuld og þjófnað.

Hefur fengið nokkrar ábendingar um ræningja

Lögreglan á höfuðborgarsvæðinu hefur fengið nokkrar ábendingar um mann sem rændi útibú Landsbankans í Hafnarfirði í morgun í kjölfar þess að hún birti mynd af honum.

Samskipti ríkisstjórnar og Seðlabankans í föstum skorðum

Samskipti ríkisstjórnarinnar og Seðlabankans eru í föstum skorðum og hafa verið þéttari og meiri að undanförnu vegna ástands á fjármálamörkuðum sagði forsætisráðherra í fyrirspurnartíma á Alþingi í dag. Þar sakaði hann formann Vinstri - grænna um að leggja fram fyrirspurn í kjaftasögustíl.

Greinir frá svari við áliti mannréttindanefndar SÞ fyrir þinglok

Einar K. Guðfinnsson sjávarútvegs- og landbúnaðarráðherra stefnir að því að kynna svar ríkisstjórnarinnar við áliti mannréttindanefndar Sameinuðu þjóðanna um íslenska fiskveiðistjórnunarkerfið á Alþingi áður en þingfundum lýkur í vor.

Þórhallur með 90 þúsund krónur umfram Sigrúnu

Þórhallur Gunnarsson, dagskrárstjóri Ríkissjónvarpsins og ritstjóri Kastljóss, hefur um 90 þúsund krónum hærri mánaðarlaun en Sigrún Stefánsdóttir dagskrárstjóri Ríkisútvarpsins.

Sektaður fyrir að reykspóla á bensínstöð

Héraðsdómur Suðurlands dæmdi í dag karlmann til þess að greiða eitt hundrað þúsund krónur í sekt og svipti hann ökuréttindum í tvo mánuði fyrir að reykspóla í tvígang á bílaplani bensínstöðvar í september í fyrra.

Samningur um meðferðargang á Litla Hrauni

Björn Bjarnason, dóms- og kirkjumálaráðherra, og Guðlaugur Þór Þórðarson, heilbrigðisráðherra, undirrituðu í dag samning sem tryggir fé til að standa undir rekstri við sérstakan meðferðargang í fangelsinu á Litla-Hrauni þar sem fangar sem kjósa svo fá hjálp við að vinna sig út úr vítahring andfélagslegs hugarfars, afbrotahegðunar og vímuefnamisnotkunar.

Saka stjórn um að keyra sjúkratryggingafrumvarp í gengum þingið

Þingmenn stjórnarandstöðunnar gagnrýndu á Alþingi í dag að taka ætti til umfjöllunar frumvarp um sjúkratryggingar sem meðal annars gerir ráð fyrir nýrri Sjúkratryggingastofnun. Málið væri of viðamikið til þess að hægt væri að ræða það vel á þeim sjö þingdögum sem eftir væru.

Lögregla birtir myndir af ræningja

Leit að manni sem rændi útibú Landsbankans við Bæjarhraun í Hafnarfirði hefur enn engan árangur borið. Lögregla hefur því ákveðið að birt mynd af honum.

Yfirlýsing frá Kristni Hrafnssyni fréttamanni Kompáss

Vísi hefur borist yfirlýsing frá Kristni Hrafnssyni fréttamanni Kompáss. „Starfsmaður almannatengslafyrirtækisins Kynning og markaður (KOM) hafði samband við Kompás í gær og sendi í kjölfarið frá sér yfirlýsingu sem sögð er í nafni Haraldar Johannessen,

Bíða svara frá ríkisstjórninni um efndir í stjórnarsáttmála

Fulltrúar BSRB og ríkisstjórnarinnar munu hittast á fundi á ný í næstu vikum til þess að ræða kjara- og efnahagsmál.

Yfirlýsing frá HR vegna meints kynferðisafbrotamanns

Háskólinn í Reykjavík hefur fengið staðfestingu á því að starfsmaður skólans sitji í gæsluvarðhaldi. Viðkomandi starfsmaður hefur verið leystur undan starfsskyldum sínum við skólann frá og með 11. apríl.

Plank kærir dómsmálaráðuneytið

Premyzlaw Plank hefur kært þá ákvörðun dómsmálaráðuneytisins að fallast á beiðni pólskra yfirvalda um að Plank verði framseldur til Póllands. Þar er hann grunaður um hrottalegt morð.

Grunaður kynferðisafbrotamaður kenndi í barnaskóla

Háskólakennarinn sem grunaður er um kynferðisbrot gegn sjö börnum starfaði sem kennari við grunnskóla á landsbyggðinni fyrir fimm árum síðan.

Eldur í gámaflutningabíl

Slökkvilið höfuðborgarsvæðisins var kvatt að Garðatorgi laust fyrir hádegi vegna elds í gámaflutningabíl.

Flogið til útlanda fyrir fáeina þúsundkalla

Íslendingar eiga að geta komist til meginlands Evrópu á fáeina þúsundkalla í sumar. Þýskt lággjaldaflugfélag ætlar í sumar að selja flug frá Keflavík til Kölnar á lægra verði en Íslendingar eiga að venjast.

Tekið á móti kóngafólki með lúðrablæstri

Hólmarar flýttu vorhreingerningunni í ár og voru búnir að sópa og snurfusað allan danska bæinn þegar dönsku krónprinshjónin komu þangað í heimsókn um ellefuleytið.

Breyta þarf skipulagi almannatrygginga til að bæta kjör

Breyta þarf skipulagi almannatrygginga og skerðingarreglum til að bæta lífeyriskjör almennings að mati Stefáns Ólafssonar, prófessors við Háskóla Íslands og stjórnarformanns Tryggingastofnunar. Fjölþjóðleg ráðstefna um lífeyriskerfi framtíðarinnar fer nú fram í Háskóla Íslands.

Fjölmargar heilbrigðisstofnanir á Vesturlandi sameinaðar

Til stendur að sameina heilbrigðisstofnanirnar í Ólafsvík, á Grundarfirði, í Borgarnesi, Búðardal, á Reykhólum og í Stykkishólmi undir eina stofnun. Þetta kom fram í svari heilbrigðisráðherra við fyrirspurn Kristins H. Gunnarssonar, þingflokksformanns Frjálslynda flokksins.

Bera mest traust til fjölmiðla

Áhrifavaldar á Íslandi bera meira traust til fjölmiðla en til stjórnvalda og viðskiptalífsins. Í nýrri könnun Capacent Gallup mældist traust til fjölmiðla 69%, til stjórnvalda 67% og til viðskiptalífsins 60%.

Vill kanna kosti þess að sameina TR og Vinnumálastofnun

Jóhanna Sigurðardóttir félags- og tryggingamálaráðherra hefur ákveðið að kanna kosti þess að setja á fót nýja stofnun velferðar- og vinnumála með því að samþætta starfsemi Tryggingastofnunar ríkisins og Vinnumálastofnunar.

Þyrla Landhelgisgæslunnar tekur þátt í leit að ræningja

Ein af þyrlum Landhelgisgæslunnar, TF-EIR, tekur nú þátt í leitinni að karlmanni á þrítugsaldri sem rændi útibú Landsbankans við Bæjarhraun í Hafnarfirði í morgun.

Gerólíkar skýringar á evrustuðningi

Niðurstaða úr skoðanakönnun á stuðningi við upptöku evru og Evrópusambandsaðild kemur Katrínu Jakobsdóttur, þingmanni VG, ekki á óvart.

Nýtt ferjutilboð Eyjamanna í kjölfar viðræðna

„Þetta mjatlast. Við funduðum í gær uppi í Ríkiskaupum og þar óskuðu Ríkiskaup eftir formlegu tilboði,“ sagði Elliði Vignisson, bæjarstjóri í Vestmannaeyjum

Tyrkir hafa áhuga á samstarfi í orkumálum

Mehmet Hilmi Güler, orku- og auðlindaráðherra Tyrklands, lýsti yfir áhuga á samstarfi við Íslendinga í orkumálum á fundi sem hann átti með Össuri Skarphéðinssyni iðnaðarráðherra í iðnaðarráðuneytinu í morgun.

Rændi banka við hliðina á sýslumanni

Upptökur úr eftirlitsmyndavél á húsi sýslumannsins í Hafnarfirði er meðal þess sem skoða á í tengslum við rán í útibúi Landsbankans við Bæjarhraun 16 í morgun. Sýslumaður er í næsta húsi við bankann.

Ránið hálftilgangslaust því peningar eru ekki aðgengilegir

„Það slasaðist enginn og við erum ánægð með það því það er mikilvægast í svona málum," segir Atli Atlason, framkvæmdastjóri starfsmannasviðs Landsbankans, um vopnað rán sem framið var í útibúi bankans í Bæjarhrauni í Hafnarfirði í morgun. Þar ruddist ungur maður inn og ógnaði starfsfólki með hnífi og hafði einhverja fjármuni á brott með sér.

Rændi banka vopnaður hnífi

Vopnað rán var framið í útibúi Landsbankans í Bæjarhrauni laust eftir að útibúið var opnað í morgun.

BRSB fundar með ráðherrum í hádeginu

Fulltrúar BSRB funda í hádeginu með fjórum ráðherrum ríkisstjórnarinnar í Stjórnarráðinu. Þetta kemur fram á heimasíðu bandalagsins.

Gistináttum fjölgar um rúm sjö prósent á milli ára

Heildarfjöldi gistinátta á Íslandi var 2,6 milljónir í fyrra sem er um 7,6 prósenta aukning frá fyrra ári. Þetta kemur fram í Gistiskýrslum Hagstofu Íslands fyrir árið.

Hólmarar taka á móti krónprinshjónunum

Hólmarar flýttu vorhreingerningunni í ár og hafa sópað og snurfusað allan danska bæinn, áður en dönsku krónprinshjónin koma þangað í heimsókn í dag. Búið er að sópa allar götur og gangstéttir og íbúar hafa hreinsað í görðum sínum.