Aukin nýskráning ökutækja milli ára

Fyrstu 102 daga ársins 2008 hafa 6.955 ökutæki verið nýskráð miðað við 5.999 eftir jafnmarga skráningardaga í fyrra, segir Umferðarstofa.

Meðallaun á almennum vinnumarkaði 368 þúsund krónur

Regluleg laun á almennum vinnumarkaði voru að meðaltali 303 þúsund krónur á mánuði árið 2007.

Atvinnuleysið 2,3 prósent á fyrsta ársfjórðungi

Atvinnuleysi á fyrsta ársfjórðungi ársins nam 2,3 prósentum samkvæmt samantekt Hagstofu Íslands. Þannig mældist það 2,5 prósent hjá körlum og 2,2 prósent hjá konum.

Aflaverðmæti skipa dregst saman um milljarð á milli ára

Aflaverðmæti íslenskra skipa nam 4,7 milljörðum króna í janúar síðastliðnum og dróst saman um rúman einn milljarð á milli ára. Þetta kemur fram í frétt Hagstofunnar.

Prófessor segir auglýsingar til barna vera misnotkun

Prófessor í félagsfræði segir auglýsingar sem beint er til barna vera misnotkun. Formaður Samtaka auglýsenda segir börn stýra innkaupum heimila og auglýsendur finni alltaf leiðir, verði bannað að auglýsa í barnatímum. Betra sé að auka auglýsingalæsi barna.

Spyr um kostnað heilbrigðiskerfis vegna slysa á Reykjanesbraut

Guðný Hrund Karlsdóttir, varaþingmaður Samfylkingarinnar í Suðurkjördæmi, hefur lagt fram fyrirspurn á Alþingi þar sem hún spyr dómsmálaráðherra hvað það myndi kosta að hafa lögreglubifreið við eftirlit á Reykjanesbraut allan sólarhringinn alla daga vikunnar.

Leita enn að stolnum rafmagnslyftara

Lögreglan á Suðurnesjum leitar enn að appelsínugulum rafmagnslyftara, sem stolið var úr fiskverkunarhúsi í Sandgerði um helgina.

Slökkviliðsmenn björguðu roskinni konu á Akureyri

Slökkviliðsmenn á Akureyri komu roskinni konu til hjálpar í gærkvöldi, áður en hún skaðaðist af reyk, sem lagði um íbúð hennar og fram á stigagang fjölbýlishússins.

Vopnað rán í söluturni við Grettisgötu

Vopnað rán var framið í söluturni við Grettisgötu um klukkan hálf tólf í gærkvöldi og er ræninginn ófundinn.

Segir sjálfstæðismenn nú fylgjandi útrás REI

Borgarfulltrúi Framsóknarflokksins segir sjálfstæðismennina sem sett hafi allt upp í loft í október vegna útrásarverkefna Orkuveitu Reykjavíkur nú fara fremsta í flokki við að fylgja þeirri stefnu sem samræmdist ekki grundvallarlíffsýn þeirra fyrir rétt fimm mánuðum og sprengdi þáverandi meirihluta.

Framúrkeyrsla á fjárlögum algerlega óviðunandi

Gunnar Svavarsson, formaður fjárlaganefndar Alþingis, segir að það sé algerlega óviðunandi þegar ríkisstofnanir fara fram úr fjárlögum.

Davíð vildi ekki ljóð eftir Matthías Johannessen

Vegna óánægju með leiðaraskrif Morgunblaðsins um vígslu Ráðhúss Reykjavíkur lét Davíð Oddsson skipta út gluggarúðu í Ráðhúsinu með ljóði eftir Matthías Johannessen þáverandi ritstjóra Morgunblaðsins.

Bálskotin á elliheimilinu Grund

„Ég varð strax hrifin af honum þegar ég sá hann," segir kona á níræðisaldri um kærasta sinn sem hún kynntist á elliheimilinu Grund. Þau eru óaðskiljanleg í dag.

Ekkert óeðlilegt við mun á efnahagsspám

Fjármálaráðherra segir ekkert óeðlilegt við verulegan mun á efnahagsspám fjármálaráðuneytisins og Seðlabankans.

Segja borgarstjóra liggja flatan fyrir auðmönnum

Hallargarðurinn er í eigu almennings og borgaryfirvöld eiga að hafa fullan og óskoraðan rétt til að sinna honum eins og öðrum opnum svæðum borgarinnar án íhlutunar einkaaðila.

Kennslustofur eins og vígvellir

Kennslustofur grunnskólanna eru oft á tíðum eins og vígvellir og kennarar flosna upp úr störfum sínum vegna vanlíðunar.

Fengu fíkniefnahund að gjöf

Síðastliðinn fimmtudag fékk lögreglan í Vestmannaeyjum fíkniefnahundinn Lunu formlega að gjöf frá Kiwanisklúbbnum Helgarfelli.

Gola er komin í leitirnar

Hundurinn Gola er komin í leitirnar og dvelur nú í góðu yfirlæti á dýraspítala. Hún týndist í dag eftir að keyrt var á hana á Hafnarfjarðarveginum. Eigendur hennar sögðu hana vera mikið slasaða og höfðu miklar áhyggjur af henni.

Vilja fallbyssu á Skagaströnd fyrir tyllidaga

Sveitarstjórn Skagastrandar samþykkti á fundi sínum í dag að styrkja áhugahóp um hálfa milljón króna til þess að kaupa fallbyssu frá Danmörku.

Halli HA enn óleystur samkvæmt Ríkisendurskoðun

Halli á rekstri Háskólans á Akureyri hefur ekkert minnkað á milli áranna 2006 og 2007 samkvæmt skýrslu Ríkisendurskoðunar um framkvæmd fjárlaga í fyrra.

Flóttamaður vann mál gegn ríkinu

Tæplega þrítugur karlmaður, Mamadou Daillo, vann í dag mál sem hann höfðaði gegn Útlendingastofnun og íslenska ríkinu. Maðurinn er frá Máritaníu og kom hingað til lands frá Amsterdam árið 2004.

Hart tekist á í borgarstjórn um Fríkirkjuveg 11

Í borgarstjórn Reykjavíkur var í dag tekist á um söluna á Fríkirkjuvegi 11. Borgarfulltrúar VG lýstu þeirri skoðun sinni að hætta eigi við fyrirhugaða sölu á húsinu til Björgólfs Thors Björgólfssonar. Þeir minntu á afstöðu Ólafs F. Magnússonar borgarstjóra sem stóð gegn sölunni á sínum tíma og undruðust að hann væri búinn að skipta um skoðun.

Vilja aðgerðir strax til að vernda kaupmátt

Framkvæmdastjórn Starfsgreinasambands Íslands segir að grípa þurfi tafarlaust til aðgerða til vernda kaupmátt launafólks.

Kompás í kvöld: LUKOIL á bak við olíuhreinsistöð

Rússneskir sérfræðingar í olíuiðnaði sem Kompás ræðir við í þættinum í kvöld telja líklegast að risaolíufyrirtækið LUKOIL tengist áformum um að reisa olíuhreinsistöð á Vestfjörðum.

Flutningabíll sat fastur undir göngubrú

Flutningabifreið með byggingarkrana á palli keyrði undir göngubrú við Reykjanesbraut um þrjú leytið í dag. Sat bíllinn þar fastur í nokkra stund.

Plank í gæsluvarðhaldi til 6. maí

Premyslaw Plank, sem grunaður um aðild að manndrápi og er eftirlýstur í heimalandi sínu, var úrskurðaður í gæsluvarðhald til 6. maí í Héraðsdómi Reykjavíkur í dag.

Sett ráðuneytisstjóri tímabundið

Þorsteinn Geirsson, ráðuneytisstjóri dóms- og kirkjumálaráðuneytisins, hefur óskað eftir leyfi frá störfum til 1. ágúst 2008 vegna veikinda.

Ríkisendurskoðun ráðalaus frammi fyrir framúrkeyrslu stofnana

Fjórðungur liða á fjárlögum var með halla í árslok 2007 samkvæmt skýrslu Ríkisendurskoðunar um framkvæmd fjárlaga í fyrra og ársáætlanir ársins 2008.

Matur er mannsins megin

Matarsjúkdómar og hættur tengdar þeim er einn þeirra málaflokka sem krufnir verða til mergjar á ráðstefnunni Matur, öryggi og heilsa sem Matís og Matvælastofnun standa sameiginlega að á Hótel Hilton Nordica á morgun.

Tilbúinn að ræða flutning lögreglu á Höfn yfir í Suðurkjördæmi

Björn Bjarnason dómsmálaráðherra er tilbúinn að ræða þá hugmynd að lögreglan á Höfn í Hornafirði verði fremur hluti af lögregluliði Suðurlands en Austurlands ef það er vilji heimamanna og lögreglu að tengjast lögreglustjóra innan sama kjördæmis. Þetta kemur fram í svari hans við fyrirspurn Bjarna Harðarsonar, þingmanns Framsóknarflokksins, um löggæslu á Austurlandi.

Saksóknari í Póllandi segist hafa sannanir fyrir sekt Plank

Fulltrúi saksóknara í Bydgoszcz í Póllandi segist hafa órækar sannanir fyrir því Premyslaw Plank sé sekur um hrottalegt morð sem framið var í borg síðasta sumar.

18 mánuðir fyrir að rjúfa endurkomubann

28 ára gamall Lithái var í Héraðsdómi Reykjavíkur í dag dæmdur í 18 mánaða fangelsi fyrir að rjúfa endurkomubann sem Útlendingastofnun setti hann í árið 2006.

Tíðinda að vænta í skattlagningu á eldsneyti á næstunni

Tíðinda er að vænta í tillögum nefndar fjármálaráðherra sem skipuð var til þess að endurskoða skattlagningu hins opinbera á olíu og bensín. Þetta kom fram í máli Þórunnar Sveinbjarnardóttur umhverfisráðherra í fyrirspurnartíma á Alþingi í dag.

Kompás í kvöld: Sömu aðilar og fyrir tíu árum

Fyrir áratug, í tíð Finns Ingólfsonar þáverandi iðnaðarráðherra, var kannaður möguleiki á því að reisa hér olíuhreinsistöð. Aðallega var horft til Reyðarfjarðar en áformunum var ýtt útaf borðinu þegar ákveðið var að einbeita sér að áliðju og stórvirkjun.

Enginn ágreiningur um að auka gjaldeyrisforða

Ingibjörg Sólrún Gísladóttir utanríkisráðherra segir undirbúning hafinn að því að styrkja gjaldeyrisforða Seðlabankans en niðurstaða sé ekki fengin í það mál. Ráðherra segir ekki ágreining um málið við Seðlabankann en spurning sé hvenær og hvernig forðinn verði aukinn.

Að minnsta kosti 1200 teknir af lífi á síðasta ári

Að minnsta kosti 1.200 einstaklingar voru teknir af lífi árið 2007 og ríkisvaldið tekur marga aðra til viðbótar af lífi með leynd í löndum eins og Kína, Mongólíu og Víetnam. Þetta kemur fram í fréttatilkynningu frá Íslandsdeild Amnesty International.

Brýnt að tryggja aðgengi banka að ódýru lánsfé

Fjármálaráðuneytið segir í nýrri þjóðhagsspá sinni til næstu fimm ára að brýnt sé að Seðlabankinn, hið opinbera og bankarnir sjálfir stígi nauðsynleg skref til að tryggja að kostnaður við fjármögnun erlendis frá endurspegli betur stöðu íslenskra fjármálafyrirækja og hagkerfisins í heild.

Telur að undirskrift bróður á erfðaskrá hafi verið fölsuð

Maður á Akureyri telur sig hafa orðið af stórfé þar sem undirskrift á erfðaskrá bróður hans hafi verið fölsuð. Líknarfélög missa vænan spón úr aski sínum ef þetta reynist rétt.

Trúaði trúbadorinn hýsti bæði morðingja og flóttamann

Pólverjarnir Slawomir Sikora, sem myrti tvo mafíósa í Póllandi, og Premyslaw Plank sem sjálfur er grunaður um að vera mafíósi og handtekinn var í gær grunaður um óupplýst í Póllandi voru þar til nýlega báðir leigjendur hjá Guðlaugi Laufdal athafnamanni.

Segja röngum verðmerkingum stríð á hendur

Röngum verðmerkingum í verslunum verður sagt stríð á hendur. Neytendasamtökin segja alltof algengt að verðupplýsingar í verslunum séu rangar og að verð í hillu sé annnað en verð við kassa.

Ákæra í átta liðum

Sælgætisþjófnaður, ræktun kannabisplantna, ítrekaður akstur undir áhrifum fíkniefna og tilraun til að smygla fíkniefnum inn í fangelsið í Kópavogi er meðal þess sem tæplega fertugum karlmanni er gefið að sök í ákæru sem þingfest var í gær við Héraðsdóm Reykjavíkur.

Sjötíu þúsund bílar á þremur árum

Það lætur nærri að 70 þúsund bílar hafi verið fluttir inn til landsins á árunum 2005-2007 og nýjum íbúðum fjölgaði um 10.300 á sama tíma. Hins vegar fjölgaði landsmönnum um tæplega 20 þúsund manns á sama tímabili.

Hluti Fífuhvammsvegar lokaður í tvær nætur vegna framkvæmda

Fífuhvammsvegur milli Dalvegar og Reykjanesbrautar verður lokaður frá klukkan 19 í kvöld og fram til klukkan níu í fyrramálið vegna steypuvinnu við brú. Sama á við annað kvöld samkvæmt verktakanum sem vinnur að verkinu.

Segir eftirlaunafrumvarpið ekki þurfa slímsetu í þingnefnd

Ögmundur Jónasson, þingmaður Vinstri - grænna, segir að eftirlaunafrumvarp Valgerðar Bjarnadóttur, varaþingmanns Samfylkingarinnar, þurfi ekki neina slímsetu í þingnefnd.

Ákærður fyrir vörslu kókaíns

Í gær var þingfest ákæra í Héraðsdómi Reykjavíkur á hendur manni á þrítugsaldri sem gefið er að sök að hafa haft í vörslum sínum í söluskyni 30,88 grömm af kókaíni sem lögregla fann við leit.