Fórnarlömb stríðsátaka flýja til Íslands

Konum í Kólumbíu er nauðgað og þær búa við mikla neyð í því stríðsástandi sem þar geysar. Í mörgum tilfellum hafa þær enga fyrirvinnu og þurfa að afla allra nauðsynja fyrir sig og börn sín án hjálpar.

Stendur ekki til að einkavæða allar orkulindir

Ekki stendur til að einkvæða allar orkulindir og ekki selja Orkuveitu Reykjavíkur til einkaaðila. Þetta kom fram í máli Geirs H. Haarde, forsætisráðherra, í fyrirspurnatíma á Alþingi í dag.

Segir borgarstjóra ljúga um kaupréttarsamninga

Svandís Svavarsdóttir, fulltrúi Vinstri - grænna í stjórn OR, staðfestir í samtali við Vísi að kaupréttarsamningar vegna REI hafi verið lagðir fram á fundi stjórnar Orkuveitu Reykjavíkur á miðvikudag í síðustu viku. Þetta er þvert á það sem Vilhjálmur Þ. Vilhjálmsson borgarstjóri hefur haldið fram. Á fundinum tekin var ákvörðun um samruna Reykjavik Energy Invest og Geysis Green Energy.

REI - Hvað, hvenær, hvernig ... og hver

Saga Reykjavik Energy Invest er stutt en afar átakamikil síðustu daga. Miklar deilur spruttu upp innan borgarstjórnar vegna ákvörðunar um sameiningu REI og Geysir Green Energy. Farið hefur verið fram á að borgarstjóri og fulltrúi framsóknarflokks í borgarstjórn víki úr borgarstjórn vegna málsins. Stjórnarformaður Orkuveitur Reykjavíkur var látinn fjúka og borgarstjóri er sagður ljúga.

Ökuþór dæmdur til að greiða 200 þúsund krónur í sekt

Karlmaður var í Héraðsdómi Norðurlands eystra í dag dæmdur til að greiða 200 þúsund krónur í sekt vegna ítrekaðra umferðarlagabrota. Maðurinn keyrði meðal annars án ökuréttinda og þá var hann tekinn með fíkniefni í sínum vörslum.

Almennar lækkanir í Kauphöllinni í dag

Hlutabréf lækkuðu almennt í Kauphöll Íslands þegar hún opnaði í morgun. Þegar klukkan sló tólf hafði gengi Atlantic Petrolium lækkað mest eða um 6,19 prósent en gengi bréfa 365 lækkaði um 1,1 prósent, Össurar um 0,93 prósent og Atorku um 0,7 prósent.

Birtist Paul McCartney óvænt vegna friðarsúlu?

Friðarsúla Yoko Ono verður tendruð í Viðey þegar klukkuna vantar átta mínútur í átta í kvöld í beinni útsendingu á Stöð tvö. Mikil spenna ríkir um það hvort Sir Paul McCartney birtist óvænt og verði með þeim Ringo Starr, Sean Lennon og Oliviu Harrison við athöfnina og heiðri þannig minningu John Lennons á fæðingardegi hans, en Lennon hefði orðið 67 ára í dag.

Mótmæla gjaldtöku í Hvalfjarðargöngum

Samgönguráðherra fékk í dag undirskriftalista með rúmlega eitt þúsund nöfnum fólks sem mótmælir gjaldtöku í Hvalfjarðargöngum.

Hægt að vera góður Evrópubúi utan ESB

Forsætisráðherra hrósar Evrópusambandinu vegna aðgerða í umhverfismálum en ítrekar um leið þá afstöðu af hægt sé að vera góður Evrópubúi utan sambandsins.

Glitnir hvorki játar né neitar að bankinn hafi áhuga á REI-hlut

Oddviti Samfylkingarinnar í borginni furðar sig á því að meirihlutinn hafi stofnað til brunaútsölu á eignarhlut Orkuveitunnar í REI í bakherbergjum Sjálfstæðisflokksins. Talsmaður Glitnis hvorki játar því né neitar að bankinn hafi þegar lýst áhuga á að kaupa hlut Orkuveitunnar í REI.

Næstbest að búa á Íslandi

Ísland er í öðru sæti á lista bandaríska tímaritsins Reader's Digest yfir þær þjóðir þar sem best þykir að búa. Listinn er byggður á könnun bandaríska umhverfishagfræðingsins Matthew Kahn sem náði til 141 lands.

Toppskarfur í útrýmingarhættu við Íslandsstrendur

Toppskarfur við Íslandsstrendur stefnir í útrýmingarhættu og flestir aðrir sjófuglar á norðurslóðum eru á hröðu undanhaldi. Þetta kemur fram í drögum að skýrslu um fuglalíf á norðurslóðum.

Þrír varamenn taka sæti á Alþingi í dag

Þrír varamenn taka sæti á Alþingi í dag þar á meðal Guðmundur Steingrímsson sonur Steingríms Hermannssonar, fyrrverandi forsætisráðherra. Guðmundur segist ætla láta að sér kveða á þeim tíma sem hann mun sitja á þingi.

Enn von um Paul McCartney í Viðey

Friðarsúla Yoko Ono verður tendruð í Viðey þegar klukkuna vantar átta mínútur í átta í kvöld í beinni útsendingu á Stöð tvö. Mikil spenna ríkir um það hvort Sir Paul McCartney birtist óvænt og verði með þeim Ringo Starr, Sean Lennon og Oliviu Harrison við athöfnina og heiðri þannig minningu John Lennons á fæðingardegi hans, en Lennon hefði orðið 67 ára í dag.

HV vill fimm meistaranámsleiðir á fimm árum

Fimm alþjóðlegar námsleiðir á meistarastigi, frumgreinanám í samstarfi við Háskólann í Reykjavík og sumarnámskeið í íslensku fyrir erlenda skiptinema eru meðal hugmynda sem Háskólasetur Vestfjarða vinnur að til framtíðar.

Ógöngur Vilhjálms borgarstjóra

Vilhjálmur Þórmundur Vilhjálmsson borgarstjóri hefur ekki átt sjö dagana sæla í embætti. Á meðal umdeildra verkefna hans er að gera útigangsmenn að nágrönnum leikskólabarna og gefa fjárhættuspilafyrirtæki 20 milljónir króna á silfurfati.

Hörð mótmæli VG á Akranesi

Vinstrihreyfingin – grænt framboð á Akranesi hefur sent frá sér ályktun þar sem mótmælt er harðlega þeim ólýðræðislegu vinnubrögðum sem viðgengist hafa innan Orkuveitu Reykjavíkur og almenningur hefur orðið vitni að síðustu daga og vikur.

Dönsk kvikmynd hlýtur kvikmyndaverðlaun Norðurlandaráðs

Danska kvikmyndin Listin að gráta í kór hlýtur Kvikmyndaverðlaun Norðurlandaráðs árið 2007. Frá þessu var greint í dag.

Útgjöld til félagsverndar aukast um 12 milljarða

Heildarútgjöld til félagsverndar jukust um nærri sex prósent á milli áranna 2004 og 2005, eða úr 210 milljörðum í 222 milljarða. Þetta leiða tölur Hagstofunnar í ljós.

Björn biðst undan því að vera bendlaður við REI

Björn Bjarnason, dómsmálaráðherra, biðst undan því á bloggsíðu sinni að nafn hans sé „nefnt í tengslum við þessar uppákomur hjá OR og REI síðustu daga.“ Björn Ingi Hrafnsson benti á það í Kastljósi Ríkisútvarpsins að Björn hafi setið í stjórn Orkuveitunnar þegar ákvörðanir voru teknar um ENEX.

Heimdellingar fagna sátt og samstöðu í borgarstjórn

Heimdallur, félag ungra sjálfstæðismanna í Reykjavík lýsir yfir ánægju með þá „sátt og samstöðu sem náðst hefur í meirihluta borgarstjórnar Reykjavíkur. Stjórn félagsins fagnar þeirri niðurstöðu að stefnt skuli að sölu á hlut Orkuveitu Reykjavíkur í REI.

Pólitísk spilling einkennir REI málið

Bjarni Harðarson, þingmaður Framsóknarflokksins í Suðurkjördæmi segist ekki vera andsnúinn sameiningu REI og Geysis green energy eða útrás íslenskra orkufyrirtækja yfirleitt. Hann segist hins vegar gera athugasemdir við feril málsins sem einkennist af pólitískri spillingu að hans mati. Bjarni segir að sala ríkisins á hlut sínum í Hitaveitu Suðurnesja hafi verið mistök sem séu að reynast dýrkeypt.

Íslendingar eiga að losa sig við jarðefnaeldsneytið

Ef eitthvert land í heiminum ætti að geta skipt úr jarðeldsneyti fyrir aðra og betri kosti er það Ísland. Þetta segir prófessor við tækniháskólann í Colorado.

Menningarhúsið á Akureyri klætt stuðlabergi

Þrjú þúsund tonna stuðlabergsklæðning sem þekja mun menningarhúsið á Akureyri hefur vakið mikla athygli. Svo gæti farið að stuðlabergið yrði að tískufyrirbrigði.

Grunaðir um skjalabrot og brot á vinnulöggjöf

Grunur leikur á að GT verktakar og Nordic Construction Line hafi gerst sek um skjalabrot og brot gegn vinnulöggjöfinni. Málið er komið inn á borð ríkislögreglustjóra.

Gefum friðnum tækifæri

Friðarsúla Yoko Ono verður tendruð á morgun á afmælisdegi Johns Lennon. Bítillinn Ringo Starr verður viðstaddur sem og Olivia Harrison, ekkja bítilsins George Harrisons. Ekki er útilokað að Paul McCartney verði viðstaddur athöfnina.

Ákvörðun Ólafs veltur á stuðningi þjóðarinnar

Ólafur Ragnar Grímsson, forseti Íslands, segir að það hvort hann hafi stuðning þjóðarinnar til að sinna forsetaembættinu eins og hann hefur gert hingað til muni hafa áhrif á það hvort hann bjóði sig fram til endurkjörs á næsta ári.

Björn Ingi undrast að Vilhjálmur hafi ekki vitað af kaupréttarsamningum

Björn Ingi Hrafnsson, segir að það komi sér verulega á óvart að Vilhjálmur Þ. Vilhjálmsson, borgarstjóri hafi ekki vitað af þeim kaupréttarsamningum sem gerðir voru í tengslum við sameiningu REI og Geysir green energy. Hann bendir á að Haukur Leóson, stjórnarformaður Orkuveitunnar og stjórnarmaður í REI sé náinn samstarfsmaður Vilhjálms.

Dagur segir fráleitt að selja REI

„Sú þrautalending borgarstjórnarflokks Sjálfstæðisflokksins að ætla að selja hlut Orkuveitunnar í Reykjavik Invest er fráleit. Hún felur í sér að borgarbúar og eigendur Orkuveitunnar verði af þeirri margföldun í verðgildi fyrirtækisins sem spáð hefur verið á næstu arum,“ segir Dagur B. Eggertsson, oddviti Samfylkingarinnar í borginni.

Dorrit vísar fréttaflutningi DV á bug

Dorrit Moussaieff fosetafrú segist vera særð og móðguð yfir fréttaflutningi DV í dag. Þar er sagt að Dorrit hafi verið ein af styrktaraðilum verðlauna sem Ólafur Ragnar Grímsson, forseti, hafi veitt viðtöku 23. september sl.

Harður árekstur á Akureyri

Harður árekstur varð á gatnamótum Þingvallastrætis og Vallargerðis á Akureyri, rétt fyrir klukkan fjögur í dag. Jeppi og fólksbifreið sem voru að koma úr gagnstæðri átt rákust saman. Að sögn lögreglunnar á Akureyri var enginn fluttur á slysadeild en ökumaður fólksbílsins kenndi eymsla í hálsi.

Sátt um að halda völdum í Reykjavík

Svandís Svavarsdóttir, borgarfulltrúi Vinstri - grænna, segir að sáttaniðurstaða sjálfstæðismanna í málefnum Reykjavik Energy Invest sé sátt um áframhaldandi völd í Ráðhúsinu í Reykjavík og að viðhalda völdum Framsóknarflokksins í borginni.

Haukur kemur af fjöllum

Haukur Leósson, fráfarandi stjórnarformaður Orkuveitu Reykjavíkur, kom af fjöllum þegar fréttastofa innti hann eftir viðbrögðum við því að borgarstjórnarflokkur Sjálfstæðisflokksins hygðist láta hann víkja vegna málefna Reykjavik Energy Invest.

Sýknaður af utanvegaakstri við smölun

Héraðsdómur Norðurlands eystra sektaði í dag karlmann um áttatíu þúsund krónur fyrir að aka á óskráðu vélhjóli við smölun. Hann var hins vegar sýknaður af ákæru um utanvegarakstur.

Björgólfur hafnar því að hafa þrýst á borgarstjóra vegna REI

Björgólfur Guðmundsson hafnar því að hafa þrýst á Vilhjálm Þ. Vilhjálmsson um að flýta sameiningu Reykjavík Energy Invest og Geysis Green Energy

Grunaður granni segist saklaus í Hringbrautarmálinu

38 ára gamall karlmaður hefur verið úrskurðaður í viku gæsluvarðhald vegna andláts manns á fimmtugsaldri á Hringbraut. Maðurinn lá í blóði sínu heima fyrir þegar lögreglan kom á vettvang á sunnudag og var úrskurðaður látinn í gærkvöld. Hinn grunaði, sem er nágranni þess látna, hefur lýst yfir sakleysi sínu í málinu.

Orkuveita Reykjavíkur dregin út úr REI á næstu mánuðum

Orkuveita Reykjavíkur verður dregin út úr Reykjavik Energy Invest á næstu mánuðum og Haukur Leósson hættir sem stjórnarformaður Orkuveitunnar.

Sátt í sjónmáli hjá sjálfstæðismönnum

Heimildir fréttastofu Vísis herma að sátt hafi náðst um málefni Reykjavík Energy Invest á fundi borgarfulltrúa Sjálfstæðisflokksins sem nú stendur yfir í Ráðhúsinu.

Gæsluvarðhaldskrafa lögð fram yfir Hringbrautarmanninum

Lögreglan er nú að leggja fram kröfu fyrir Héraðsdómi Reykjavíkur um gæsluvarðhald yfir manninum sem handtekinn fyrir líkamsárás í gær.

Engin ný tilfelli af e.coli

Engin ný tilfelli af E.coli bakteríusýkingu hafa komið upp en fimm hafa greinst með sýkinguna. Bakterían er mjög skæð og afar sjaldgæft er að hún greinist hér á landi.

Ragnar Hall flytur mál Svandísar

Ragnar H. Hall hæstaréttarlögmaður hefur tekið að sér að flytja mál Svandísar Svavarsdóttur, fulltrúa Vinstri - grænna í stjórn Orkuveitu Reykjavíkur, vegna eigendafundar Orkuveitunnar þar sem tilkynnt var um samruna Reykjavik Energy Invest og Geysi Green Energy.

Vilja björgunarþyrlu á Hornafirði

Bæjarstjórn Hornafjarðar vill að björgunarþyrla Landhelgisgæslunnar verði staðsett á Hornafirði. Bæjarstjórnin segir að Hornafjarðarflugvöllur sé mikilvægur hlekkur í björgunar- og öryggisþjónustu í landinu.

Kreppuástand meðal sjófuglategunda í Norðurhöfum

Kreppuástand ríkir meðal nokkurra sjófuglategunda á víðáttumiklu svæði í Norðurhöfum, þar meðal hjá fýl, ritu, kríu, langvíu og lunda.

Langþreyttir á manneklu, álagi og lágum launum

Aðaltrúnaðarmaður hjúkrunarfræðinga á Landspítalanum segir þá orðna langþreytta vegna manneklu, álags og lágra launa. Hún segir launastefnu hins opinbera í hjúkrunar- og umönnunarstörfum út í hött.

Byrgisstúlka vinnur sjálfboðavinnu í sunnudagaskóla

Ólöf Ósk Erlendsdóttir, sem vakti athygli í fyrravetur, þegar hún sakaði Guðmund Jónsson í Byrginu um níðingsverk, starfar nú í sjálfboðavinnu í sunnudagaskóla í Grafarvogskirkju.