Samverustund fyrir syrgjendur

Haldin verður sérstök samverustund fyrir syrgjendur til að undirbúa þá fyrir jólahátíðina í Grensáskirkju á fimmtudaginn. Margir tengja jól og aðventu við samverustundir með fjölskyldu og ástvinum og söknuður þeirra sem misst hafa ástvini er því oft sár á þessum tíma.

Stórlega hefur dregið úr hraðaakstri á Suðurlandsvegi

Stórlega hefur dregið úr hraðakstri á Suðurlandsvegi undanfarna daga, svo tíðindum sætir, að sögn lögreglunnar á Selfossi.

Slapp ómeidd út út brennandi húsi á Akureyri

Roskin kona komst ómeidd út úr brennandi húsi sínu við Oddeyrargötu á Akureyri um klukkan tólf í gærkvöld og náði að gera nágrönnum sínum viðvart sem líka forðuðu sér út.

Undirrita viljayfirýsingu um sjálvirka neyðarhringingu úr bílum

Samgönguráðuneytið, ND á Íslandi ehf. og Neyðarlínan hafa undirritað viljayfirlýsingu um að vinna sameiginlega að því að hérlendis verði unnt að taka upp sjálfvirka hringingu úr bílum í Neyðarlínuna ef slys verður og þróa notkun Saga-hugbúnaðarkerfisins vegna innheimtu veggjalda og eftirlits með hvíldarákvæðum í umferðarlögum.

Listi Samfylkingarinnar í Suðurkjördæmi samþykktur

Kjördæmisþing Samfylkingarinnar í Suðurkjördæmi hefur samþykkt lista flokksins í kjördæminu fyrir komandi þingkosningar

Notkun sýklalyfja eykst

Heildarnotkun sýklalyfja hér á landi jókst um 6% milli áranna 2004 og 2005. Talið er að rekja megi aukninguna að einhverju leyti til inflúensu sem geisaði í upphafi ársins 2005 og lagðist þungt á landsmenn.

Hætta á fjölgun berklasmita á Íslandi

Óttast er að tíðni berkla komi til með að aukast hér á landi með inngöngu Rúmeníu og Búlgaríu í Evrópusambandið. Tíðni berkla er há í þessum löndum og skapar það ákveðin vandamál.

Dagur íslenskrar tónlistar í dag

Dagur íslenskrar tónlistar verður haldinn hátíðlegur í dag og af því tilefni verður kynntur til sögunnar nýr Tónskáldasjóður 365. Við athöfn á Hótel Borg klukkan tólf verður jafnframt íslenskur tónlistarmaður heiðraður fyrir frábæran árangur á erlendri grundu.

Sýknaður af skaðabótakröfu vegna slyss

Héraðsdómur Reykjaness sýknaði í dag húsasmíðameistara af ríflega 3,3 milljóna króna skaðabótakröfu byggingverkamanns sem slasaðist við störfum á vegum meistarans haustið 2001.

Lést á Vesturlandsvegi

Maðurinn sem lést í bílslysi á Vesturlandsvegi á sunnudagskvöld hét Ágúst Bjarnason, til heimilis að Esjugrund 33 á Kjalarnesi. Hann var 28 ára, ókvæntur og barnlaus. Hann bjó áður ásamt fjölskyldu sinni að Kirkjubæjarbraut 4 í Vestmannaeyjum.

Stekkjastaur til byggða - munið skóinn

Börn að aldri og börn í anda eru búin að leggja sitt fínasta skótau (eða sitt stærsta) út í glugga til þess að taka við gjöfum frá fyrsta jólasveininum sem kemur til byggða í kvöld. Stekkjastaur kemur fyrstur, eins og verið hefur frá því að elstu menn muna. Bændur ættu einnig að líta til með fjárhúsum sínum, því alkunna er að staurstífur sveinninn sækir í ærnar.

Ekkert GSM-samband á Gemlufallsheiði

Ekkert GSM-samband er á Gemlufallsheiði þar sem rúta valt 40 metra í hávaðaroki og hálku í morgun, að því er segir í frétt á fréttavef Bæjarins besta. Þar er rætt við upplýsingafulltrúa Símans, sem segir það ekki hlutverk Símans að sinna neyðarsambandi, slíkt sé á ábyrgð ríkisstjórnarinnar. NMT-samband er á heiðinni, eins og víðast hvar á þjóðvegum.

Ljósaþjófur stelur jólunum í Keflavík

Nokkrir íbúar í Keflavík hafa orðið fyrir því að undanförnu að perum er stolið úr ljósaseríum sem settar eru upp fyrir jólin, að því er fréttavefur Víkurfrétta greinir frá. Þar segir meðal annars frá fólki sem býr á jarðhæð í blokk og hefur gefist upp á að lýsa upp skammdegið eftir að perur hafa horfið úr seríunni í tvö ár í röð.

Umhverfisráðherra dregur úrskurð langt fram yfir lögboðinn frest

Umhverfisráðherra er kominn rúmlega hálft ár fram yfir lögbundinn tveggja mánaða frest, sem hann hafði til að úrskurða um hvort brúa megi Gufufjörð og Djúpafjörð á sunnanverðum Vestfjörðum. Sveitarstjóri Vesturbyggðar segir Vestfirðinga orðna langþreytta á að bíða eftir að ráðherra komi undan feldi. Ráðuneytisstjóri segir von á úrskurði öðru hvoru megin við áramót.

Kviknaði í nýjum bíl á Ísafirði

Lögregla og slökkvilið á Ísafirði slökktu eld þar sem skíðlogaði í vélarhúsi fólksbíls á hringtorginu á Ísafirði um sex-leytið í kvöld. Ekki er vitað hvers vegna eldurinn kviknaði, enda bíllinn spánnýr en hann er mikið skemmdur. Lögregla segir hann ekki hafa spólað í hálku að því marki að kviknað hefði getað í honum. Enginn slasaðist í brunanum.

Grýla sendir Stekkjastaur til byggða

Grýla og Leppalúði brugðu sér í bæinn í gær í leit að jólakettinum. Þau fundu hann í Þjóðminjasafninu þar sem fjöldi barna var saman kominn til að bera hjónin ógurlegu augum. Í kvöld geta krakkar sett skóinn út í glugga, því í nótt kemur Stekkjastaur, fyrstur jólasveina, til byggða. Jólakötturinn hitti krakkana fyrst í Þjóðminjasafninu og það var eftirvænting í hópnum þegar Leppalúði birtist.

Báru skotheld vesti vegna líflátshótana

Allir lögreglumenn, á vakt í miðborginni um helgina, báru skotheld vesti og sérstakar kylfur vegna margítrekaðra líflátshótana. Hótanirnar eru teknar alvarlega, en þær berast í kjölfar þess að maður lést í vörslu lögreglu í lok nóvember.

Sýndu enga biðlund á slysstað

Ótrúleg óþolinmæði og dónaskapur vegfarenda mætti lögreglumönnun og þeim sem komu fyrstir á vettvang að banaslysi sem varð á Vesturlandsvegi í gær. Fólk ók jafnvel í gegnum vettvanginn áður en lögregla kom á staðinn.

Beint samband milli barnabóta og barnafátæktar

Útgjöld til barnabóta hafa lækkað um helming, sem hlutfall af vergri þjóðarframleiðslu, bæturnar hafa líka lækkað að raungildi. Ástandið hér er til skammar fyrir íslenskt samfélag, segir sviðsstjóri innanlandssviðs Rauða krossins. Tekjutenging barnabóta er afar fátíð í heiminum. Ísland eitt norðurlandanna skerðir barnabætur ef tekjur foreldra fara yfir ákveðin viðmiðunarmörk. Þau eru 60 þúsund krónur á mánuði. Það er langt undir lágmarkslaunum á vinnumarkaði.

Rannsókn á hlerunum lokið

Í dag lauk meðferð hlerunarmálsins hjá Sýslumanninum á Akranesi, þegar niðurstöðurnar voru sendar til Ríkissaksóknara. Að sögn sýslumannsins á Akranesi er rannsókn lokið og voru 12 manns yfirheyrðir, en Jón Baldvin Hannibalsson og Árni Páll Árnason voru kallaðir fyrir í tvígang. Yfirheyrslurnar voru allar teknar upp á myndband til að viðhafa nákvæmari vinnubrögð, en þeirri aðferð er beitt í æ ríkari mæli, og þykir mikilvæg þegar upplýsingar eru viðkvæmar.

Grund vill lögreglurannsókn á grein í Ísafold

Stjórn öldrunarheimilisins Grundar hefur farið fram á að lögreglan rannsaki hvort blaðamaður og ritstjóri tímaritsins Ísafoldar hafi gerst brotleg við lög, vegna greinar sem birtist í öðru tölublaði tímaritsins. Blaðamaðurinn réði sig sem starfsmann á Grund án þess að upplýsa um væntanleg greinaskrif.

Tekist á um hæfi yfirmanna hjá embætti Ríkislögreglustjóra

Lögmenn Baugs fullyrtu í Héraðsdómi í dag að Ríkislögreglustjóri, saksóknari Efnahagsbrotadeildar og yfirlögregluþjónn hefðu allir gert sig ótrúverðuga með yfirlýsingum um sakborninga í Baugsmálinu. Á móti var því haldið fram að fjölmiðlar hefðu snúið út úr orðum embættismanna Ríkislögreglustjóra.

Sakfelldir fyrir utanvegaakstur í Hlíðarfjalli

Héraðsdómur Norðurlands eystra sakfelldi í dag tvo menn fyrir utanvegaakstur og sektaði annan þeirra um 25 þúsund krónur en frestaði ákvröðun um refsingu hins um tvö ár svo framarlega sem hann heldur skilorð.

Vægi íslensku bankanna í Úrvalsvísitölu eykst

Íslensku bankarnir vega nærri þrjá fjórðu í Úrvalsvísitölu Kauphallarinnar á fyrri helmingi næsta árs sem er meiria en í núgildandi vísitölu. Þetta kemur í Vegvísi Landsbankans.

Tekist á um hæfi Ríkislögreglustjóra til rannsóknar

Tekist var á um það í Héraðsdómi Reykjavíkur í dag hvort embætti Ríkislögreglustjóra væri hæft til að rannsaka skattamál fimm manna tengdum Baugi vegna yfirlýsinga yfirmanna hjá embættinu í fjölmiðlum.

Þróunarfélag mun láta meta tjón

Nýstofnað Þróunarfélag Keflavíkurflugvallar ehf. mun láta taka út hversu mikið tjónið varð í byggingum á Keflavíkurflugvelli vegna vatns- og frostskemmda fyrr í vetur.

Sambandslaust á slysstað

Hvorki GSM samband eða talstöðvarsamband var við sjúkrabíla sem hlúðu að slösuðum þegar áætlunarbíll fór út af Gemlufallsheiði á Vestfjörðum í morgun.

Bíll sem stolið var á Akranesi fannst í Mosfellsbæ

Ungur maður lenti í heldur óskemmtilegri reynslu síðastliðinn föstudag á Akranesi. Þá brá hann sér inn á bensínstöð í bænum en skildi bílinn sinn eftir í gangi fyrir utan. Einhver notfærði sér það því bíllinn var horfinn þegar maðurinn kom aftur út. Eigandinn fann bílinn þó sjálfur tveimur dögum síðar en þá var hann í Mosfellsbæ.

Fluttu inn 6,5 kíló af amfetamíni

Réttað var yfir tveimur Litháum í Héraðsdómi Reykjavíkur dag en þeir fluttu samtals inn til landsins sex og hálft kíló af amfetamíni í lok sumars.

Söfnuðu 600 þúsund krónum fyrir SKB

Styrktarfélag krabbameinssjúkra barna fékk í síðustu viku 600 þúsund króna styrk frá Tax Free á Íslandi sem safnast hefur á síðustu fjórum árum.

Heildarafli um 345 þúsund tonnum minni en á sama tíma í fyrra

Heildarafli ársins 2006 var í lok nóvember um 1.250.000 tonn sem er 345 þúsund tonnum minni afli en á sama tíma í fyrra samkvæmt nýjum tölum Fiskistofu.

Hvalaskoðun fái það vægi sem henni beri

Hvalir og hvalaðskoðun eru meðal þess sem erlendum ferðamönnum er efst í huga eftir dvöl sína á Norðurlandi samkvæmt könnun sem fyrirtækið Rannsóknir og ráðgjöf ferðaþjónustunnar vann fyrir Ferðamálaklasa Norðurlands.

Samið um uppbyggingu annars áfanga Skuggahverfis

Undirritað hefur verið samkomulag milli 101 Skuggahverfis hf. og Íslenskra aðalverktaka hf. um uppbyggingu annars áfanga Skuggahverfisins.

Eiginkona kínversks verkamanns sem slasaðist komin til landsins

Eiginkona kínverska verkamannsins, sem slasaðist alvarlega við Kárahnjúkavirkjun fyrir rúmum hálfum mánuði, er komin hingað til lands til að fylgjast með manni sínum. Honum er enn haldið sofandi á gjörgæsludeild.

Einelti og nautnasýki í Latabæ

Latibær hefur notið gífurlegra vinsælda síðustu misseri og farið sigurför um heiminn. Nú eru hins vegar byrjaðar að heyrast gagnrýnisraddir og ásakanir um að þættirnir hvetji jafnvel til eineltis. Dagný Kristjánsdóttir prófessor hefur skrifað um þættina og gagnrýnt þá harðlega. Hún segir neikvæða mynd af börnum lagða til grundvallar sögunni og sakleysi þeirra spillt með sykri og nautnasýki þrátt fyrir að boðskapurinn sé ekki neikvæður eða ofbeldisfullur.

Framúrakstur talinn orsök banaslyss

Nær fullvíst þykir að framúrakstur hafi verið orsök banaslyssins sem varð á Vesturlandsvegi undir kvöld í gær. Framúrakstur var einnig orsök banaslyssins á Suðurlandsvegi fyrir rúmri viku, þar sem tveir létust.

Sýknaður af ákæru um líkamsárás á fyrrverandi unnustu

Karlmaður var í dag sýknaður í Héraðsdómi Reykjavíkur af ákæru um líkamsárás á fyrrverandi unnustu sína. Maðurinn var ákærður fyrir að hafa í október á síðasta ári ráðist á konuna á göngustíg í Víðidal í Reykjavík.

Kostnaður VG við forval 1,2 milljónir króna

Forval Vinstrihreyfingarinnar - græns framboðs á höfuðborgarsvæðinu kostaði hreyfinguna rúma 1,2 milljónir króna samkvæmt tilkynningu sem barst frá flokknum í morgun.

Samkeppniseftirlitið samþykkir samruna Íslandspósts og Samskipta

Samkeppniseftirlitið telur ekki ástæðu til að aðhafast neitt vegna kaupa Íslandspósts á öllu hlutafé Samskipta ehf. og Samskipta-merkinga ehf.

Farþegum um Leifsstöð fjölgar

Farþegum um Flugstöð Leifs Eiríkssonar fjölgaði um rúmlega 15% í nóvember miðað við sama tíma í fyrra. Farþegar sem leið áttu um flugstöðina voru 133 þúsund í ár en 116 þúsund á sama tíma í fyrra.

78 kærðir fyrir akstur undir áhrifum fíkniefna

78 ökumenn hafa verið kærðir fyrir akstur undir áhrifum ávana- og fíkniefna á landinu öllu frá því að ný lög þar að lútandi tóku gildi síðastliðið vor.

Tvítug kona kærði nauðgun á Selfossi

Tæplega fertugur karlmaður er grunaður um að hafa naugað rúmlega tvítugri stúlku á Selfossi aðfaranótt laugardagsins. Konan og maðurinn höfðu verið á skemmtistað á Selfossi og farið heim saman til konunnar.

Fagna strandflutningum

Stjórn Neytendasamtakanna fagna því að skipafélag sé að hefja strandflutninga á vörum á ný, þar sem strandflutningar skipafélaganna koma til með að létta á umferðarþunga stórra flutningabíla og auka öryggi á þjóðvegum.

Náin tengsl milli jafnréttis kynjanna og velferðar barna

Náin tengsl eru á milli jafnréttis kynjanna og velferðar barna samkvæmt nýrri skýrslu Barnahjálpar Sameinuðu þjóðanna, UNICEF, sem gefin er út á 60 ára afmæli samtakanna.

Fólksbíl ekið á miðju-vegrið

Fólksbíl var ekið á miðju-vegrið Suðurlandsvegar á tveir-plús-einn vegkafla í Svínahrauni á níunda tímanum í kvöld. Lögreglan á Selfossi kom á staðinn og aðstoðaði ökumanninn, sem kenndi sér þó einskis meins eftir óhappið, að sögn lögreglunnar á Selfossi. Bílinn þurfti aftur á móti að fjarlægja með dráttarbíl. Hálka var ekki teljandi þarna, að sögn lögreglu en gekk á með éljum.