Skráningarnúmer klippt af ógrynni ökutækja

Skráningarnúmer voru klippt af tíu ökutækjum í borginni í gær sökum þess að eigendur þeirra höfðu ekki staðið skil á vátryggingu. Fram kemur á vef lögreglunna að á síðustu vikum og mánuðum hafi lögreglan klippt skrásetningarnúmer af ógrynni ökutækja og er það ýmist vegna þess að þau eru óskoðuð eða ótryggð.

Kærir lausagöngu fola í Laxárdal

Bæjarstjórn Blönduóss hefur kært lausagöngu þriggja vetra graðfola vegna ósæmilegs framferðis hans þegar hann gekk laus í merastóði í Laxárdal í Austur-Húnavatnssýslu í allt sumar.

Gengið á þremur öðrum stöðum en í Reykjavík

Það var ekki aðeins í Reykjavík sem andstæðingar Kárahnjúkavirkjunar efndu til mótmælagöngu í gærkvöld. Þónokkur fjöldi fólks fór um götur Egilsstaða þessara sömu erindagjörða í gær sem út af fyrir sig vekur athygli þar eð efnahagslegur ávinningur virkjanaframkvæmdanna er mestur á Austurlandi.

Síðasti dagur óbeislaðrar Jöklu

Í dag er síðasti dagurinn sem Jökla rennur óbeisluð um sinn forna farveg um Jökuldal og meðfram Jökulsárhlíð. Í fyrramálið er stefnt að því að tappinn verði settur í og lokað fyrir rennsli hennar við Kárahnjúka.

Hvetja til minni fiskneyslu í mannúðarskyni

Dýraverndunarsamtökin World Wildlife Fund eru að hefja herferð þar sem Evrópubúar eru hvattir til að borða minni fisk í eins konar mannúðarskyni.

Árangurstengd laun minna notuð en fyrir þremur árum

Hlutabréfakaup, hlutdeild í hagnaði eða annnars konar árangurstengd laun er minna notuð hér á landi í umbun til stjórnenda en fyrir þremur árum. Þetta eru meðal annars niðurstöður nýrrar rannsóknar á mannauðsstjórnun á vegum Háskólans í Reykjavík.

Íslendingar eignast sína fyrstu herþotu

Íslendingar hafa eignast sína fyrstu herþotu og það gerist við brotthvarf Varnarliðsins. Þotan er þó ekki af nýjustu gerð, heldur er um að ræða F-4 þotu sem sett hefur verið á stall á Keflavíkurflugvelli sem safngripur. Þetta kemur fram á vef Víkurfrétta.

Samfylkingin fundar með bændaforystunni

Þingflokkur Samfylkingarinnar situr nú á fundi með fulltrúum úr stjórn Bændasamtaka Íslands þar sem flokkurinn kynnir þeim tillögur sínar að lækkun matarverðs.

Rafmagnsleysi í Fossvogshverfi í nótt

Hluti Fossvogshverfa, þar á meðal Landspítalinn í Fossvogi, varð rafmagnslaus laust eftir klukkan þrjú í nótt vegna bilunar í jarðstreng. Rafmagn komst á að hluta klukkan fjögur og var að fullu komið inn um tuttugu mínútum síðar. Vararafstöð er á Landspítalanum og starfaði hún hnökralaust á meðan á rafmagnsleysinu stóð

Kristján sækist eftir sæti ofarlega á lista Samfylkingarinnar í Kraganum

Kristján Sveinbjörnsson, bæjarfulltrúi og forseti bæjarstjórnar Álftaness, gefur kost á sér í eitt af efstu sætum í prófkjöri Samfylkingarinnar í Suðvesturkjördæmi. Fram kemur í tilkynningu frá honum að hann hafi lengi starfað að sveitarstjórnarmálum á Álftanesi en áður í Kópavogi.

Sigríður stefnir aftur á þing fyrir Samfylkinguna

Sigríður Jóhannesdóttir, kennari og fyrrverandi þingmaður, hefur ákveðið að bjóða sig fram í 2.-3. sæti í prófkjöri Samfylkingarinnar í Suðurkjördæmi fyrir komandi þingkosningar. Prófkjörið fer fram þann 4. nóvember.

Verð hækkar hér á landi en lækkar annars staðar á Norðurlöndum

Íslenski farsímamarkaðurinn einkennist af fákeppni og þá hefur verð til til neytenda hækkað hérlendis frá árinu 2002 á meðan það hefur lækkað annars staðar á Norðurlöndum. Þetta er meðal meginniðurstaðna skýrslu þar sem bornir voru saman farsímamarkaðir á Norðurlöndum.

Vilja breytingar á tollum, sköttum og vörugjöldum sem allra fyrst

Stjórn Heimdallar, ungra sjálfstæðismanna í Reykjavík, hvetur ríkisstjórnina til að ráðast í breytingar á fyrirkomulagi vörugjalda, virðisaukaskatts, tolla og annarra innflutningshafta á íslenskum matvörumarkaði og tryggja að þær breytingar nái að ganga í gegn sem allra fyrst.

Skjálftahrina undan Reykjanesi

Vel á þriðja tug jarðskjálfta hafa orðið undan Reykjanesi í nótt og í morgun. Allir voru þeir minni en 3 á Richter. Hrinan kemur í framhaldi af talsverðri hrinu nærri Bárðarbungu í gær og fyrradag, þar sem öflugasti skjálftinn mældist 3,8 á Richter á sunnudagskvöld. Að sögn veðurstofunnar bendir þó ekkert til þess að eldgos sé hafið eða að hefjast á Vatnajökli.

15 ára féll af torfæruhjóli

15 ára piltur slasaðist þegar hann féll af torfæruhjóli skammt frá Flúðum, og var hann fluttur með sjúkrabíl á Slysadeild Landssítalans, þar sem gert var að sárum hans. Hann tognaði, marðist og handleggsbrotnaði. Lögregla þakkar það mjög góðum hlífðarbúnaði piltsins að ekki fór verr, en hann hefur réttindi til að aka hjólinu utan vega á æfingasvæðum.

Byggð á landfyllingu hafnað á Seltjarnarnesi

Skipulagsnefnd Seltjarnarness hafnaði hugmyndum fasteignafélagsins Klasa um hátt í fjögur þúsund manna byggð á landfyllingu, sem gerð yrði við sunnanvert Nesið, og NFS greindi frá á sunnudag.

Heilsufarsupplýsingar áfram á Íslandi

Bandaríski herinn hefur ekki á brott með sér þær heilsufarsupplýsingar sem safnað hefur verið í herstöðinni, meðal íslenskra starfsmanna, síðustu ár og áratugi. Vefur Víkurfrétta hefur þetta hefur traustum heimildum.

Um eitt hundrað starfsmenn Varnarliðsins án vinnu

Eitt hundrað og fimm starfsmenn Varnarliðsins á Keflavíkurflugvelli, sem hætta stöfum á föstudaginn, eru ekki komnir með aðra vinnu. Fréttavefur Víkurfrétta greinir frá þessu en þar segir að um sé að ræða 61 karl og 44 konur. Stærsti hópurinn sé fólk á aldrinum 40 til 59 ára.

Riðusmit greindist í kind á bæ í Flóa

Riðusmit hefur verið staðfest í kind á bænum Syðri-Velli í Flóa. Frá þessu er greint á fréttavefnum Sudurland.is. Riðusmit hefur aldrei fyrr komið upp í Flóa eða á Skeiðum. Á milli fimmtíu og sextíu kindur eru á bænum og verða þær allar felldar auk þess sem sýni verða tekin úr sláturfé á Skeiðum og í Flóa.

Engar forsendur til að hætta við virkjunarframkvæmdir

Framkvæmdir við Kárahnjúkavirkjun halda áfram eins og samþykkt var í upphafi og mótmæli hafa ekki áhrif á hana. Þetta segir Sigurður Arnalds, talsmaður Landvirkjunar, en þúsundir manna söfnuðust saman í kvöld á Austurvelli til að fara fram á að fyllingu Hálslóns verði frestað.

Um ellefu þúsund manns á Austurvelli

Þátttakendur í Jökulsárgöngu Ómars Ragnarssonar segja um ellefu þúsund manns séu á Austurvelli en hópurinn gekk þangað frá Hlemmi. Ómar hóf ræðu sína þegar hópurinn kom á Austurvöll. Ómar sagði marga segja að þeir sem berðust á móti fyllingu Hálslón væru fallnir á tíma en það væri greinilega misreikningur.

Tvö til þrjú þúsund manns í Jökulsárgöngu í Reykjavík

Tvö til þrjú þúsund manns eru nú að ganga niður Laugarveginn í átt að Austurvelli. Gengið er til stuðnings hugmyndum Ómars Ragnarssonar um að fresta fyllingu Hálslóns við Kárahnjúkastíflu. Gangan hófst klukkan átta en einnig er gengið á Ísafirði, Akureyri og á Héraði.

Um hundrað og þrjátíu skjálftar við Kistufell

Um hundrað og þrjátíu jarðskjálftar hafa fundist við Kistufell, norðaustan í Bárðarbungu, frá því á sunnudagskvöld. Virknin virðist hins vegar vera í rénun. Stærstu skjálftarnir urðu á sunnudagskvöld 3,8 á richter og í nótt fylgdu margir skjálftar á stærðarbilinu einn til þrír.

Úrvalsvísitalan hækkar

Úrvalsvísitala Kauphallar Íslands hefur hækkað um 14,6% á þriðja fjórðungi ársins. Úrvalsvístalan er nú 6.275,3 stig en aðeins eru þrír dagar eftir af þessum þriðja fjórðungi.

Stjórnmálasamband milli Íslands og Svartfjallalands

Valgerður Sverrisdóttir, utanríkisráðherra, og Miodrag Vlahovic, utanríkisráðherra Svartfjallalands, undirrituðu í dag yfirlýsingu um stofnun stjórnmálasambands milli ríkjanna tveggja.

Vill sannleiksnefnd til að rannsaka njósnir

Steingrímur J. Sigfússon, formaður vinstri grænna, vill að sett verði á laggirnar sérstök sannleiksnefnd til að rannsaka símhleranir og leyniþjónustustarfsemi á Íslandi.

Fagna brottför hersins

Stjórnarandstaðan fagnar því heilshugar að herinn sé á förum. Formenn Samfylkingar og Vinstri grænna telja hins vegar alvarlega ágalla á samningum við Bandaríkjamenn.

Gengið til styrktar hugmyndum Ómars

Boðað hefur verið til fjöldagöngu í kvöld klukkan átta í Reykjavík, Ísafirði og á Akureyri. Gangan í Reykjavík leggur af stað frá Hlemmi og endar á Austurvelli en gengið er til stuðnings hugmyndum Ómars Ragnarssonar um að fresta fyllingu Hálslóns.

Íbúðalánasjóður ekki lagður niður

Íbúðalánasjóður verður ekki lagður niður en ríkisábyrgð á húsnæðislánum verður víkjandi á næstu árum, ef tillögur stýrihóps ná fram að ganga.

Aukin framlög Íslendinga til þróunarsamvinnu

Valgerður Sverrisdóttir, utanríkisráðherra, sagði í ræðu sinni á allsherjarþingi Sameinuðu þjóðanna í dag að Íslendingar öxluðu ábyrgð með auknum framlögum til þróunarsamvinnu. Hún lagði einnig áherslu á stöðu kvenna og barna.

Taka bíla af ökuníðingum?

Sigurður Helgason hjá Umferðarstofu vill skoða þann möguleika að dæma bíla af mönnum sem verða uppvísir að ofsaakstri.

Telur enga þörf á áframhaldandi varnarsamstarfi

Steingrímur J. Sigfússon, formaður Vinstri-grænna, telur enga þörf á áframhaldandi varnarsamstarfi og er á móti því að Bandaríkjamönnum sé heitið aðstöðu hér á landi til heræfinga eða annarra umsvifa á næstu árum.

SBV gagnrýnir niðurstöðu stýrihóps félagsmálaráðherra

Samtök banka og verðbréfafyrirtækja (SBV) harma niðurstöðu stýrihóps félagsmálaráðherra sem skilaði af sér tillögum um aðkomu ríkisins að húsnæðislánamarkaði. Hópurinn leggur til að komið verði á fót heildsölubanaka sem sinni fjármögnun íbúðarlaána sem síðan yrðu veitt í gengum banka og sparisjóði.

Jökulsárganga Ómars Ragnarssonar kl. 20:20

Bein útsending verður frá Jökulsárgöngu Ómars Ragnarssonar á Vísi.is. Gangan fer frá Hlemmi að Austurvelli klukkan 20:00 en útsending hefst um tuttugu mínútum síðar. Göngur fara einnig fram á Akureyri, Ísafirði og á Héraði.

Sekt og svipting skotvopnaleyfis fyrir veiðilagabrot

Karlmaður var í Héraðsdómi Austurlands í dag dæmdur til að greiða 70 þúsund króna sekt og var sviptur skotvopnaleyfi í eitt ár vegna ólöglegra veiða. Maðurinn var ákærður fyrir að hafa brotið veiðilög með því að hafa skotið sex grágæsir og eina heiðagæsir innan sveitarfélagsins Hornafjarðar þrátt fyrir að fuglarnir væru friðaðir.

14 ára tekinn á mótorkrosshjóli

Nokkuð er kvartað yfir akstri mótorkrosshjóla og ein slík barst lögreglunni í Reykjavík í gær. Hún kannaði málið og skömmu síðar birtust tvö þannig ökutæki en ökumenn þeirra reyndu að aka á brott. Lögreglan náði öðrum þeirra og reyndist ökumaðurinn vera réttindalaus en hann er 14 ára.

Lagt til að stofnaður verði heildsölubanki

Stýrihópur um framtíðarstefnumótun um hlutverk og aðkomu stjórnvalda að íbúðalánamarkaðnum leggur til að stofnaður verði nýr Íbúðabanki sem sinni fjármögnun íbúðarlána sem síðan yrðu veitt í gengum banka og sparisjóði. Þetta kemur fram í lokaáliti stýrihópsins sem félagsmálaráðherra kynnti á blaðamannafundi í dag.

Barnaþing á Breiðholtsdegi

ÍE stefnir fyrrv. starfsmönnum og keppinaut fyrir upplýsingastuld

Íslensk erfðagreining hefur höfðað mál í Bandaríkjunum gegn fimm fyrrverandi starfsmönnum fyrirtækisins og bandarískum samkeppnisaðila fyrir stuld og misnotkun á eigum félagsins og margvísleg brot á ráðningarsamningum.

Atli Gíslason fer fram í Suðurkjördæmi

Atli Gíslason, hæstaréttarlögmaður og varaþingmaður Vinstrihreyfingarinnar - græns framboðs, hefur ákveðið að taka áskorun kjördæmisráðs VG í Suðurkjördæmi og gefa kost á sér í fyrsta sæti framboðslistans. Þetta kemur fram í tilkynningu sem hann sendi frá sér fyrir stundu.

Vill að Akureyrarflugvöllur verði lengdur

Aðalfundur Eyþings, Sambands sveitarfélaga í Eyjafirði og í Þingyejarsýslum, leggur áherslu á að lenging Akureyrarflugvallar verði forgangsmál við næstu endurskoðun samgönguáætlunar. Ályktun þessa efnis var samþykkt á aðalfundi sambandsins um helgina.

Mótmælir harðlega uppsögn Hilmars Arnar

Félagsfundur Organistadeildar FÍH lýsir yfir fullum stuðningi við Hilmar Örn Agnarsson dómorganista í Skálholti og störf hans í þágu Skálholtsstaðar og Þjóðkirkjunnar. Þetta kemur fram í tilkynningu frá félaginu.

Forsætisráðherra fundar með utanríkismálanefnd

Geir H. Haarde forsætisráðherra situr nú á fundi með utanríkismálanefnd og gerir henni grein fyrir niðurstöðum samningaviðræðna Íslendinga og Bandaríkjamanna um brottflutning Varnarliðsins. Geir fundaði í hádeginu með fulltrúum stjórnarandstöðuflokkanna en greint verður frá niðurstöðunum opinberlega á blaðamannafundi klukkan 4 síðdegis.

Ríkisstyrkt flug til Vestmannaeyja boðið út

Ríkisstjórnin samþykkti í morgun tillögu Sturlu Böðvarssonar um að undirbúa útboð á ríkisstyrktu áætlunarflugi milli Reykjavíkur og Vestmannaeyja í framhaldi af því að Landsflug tilkynnti á föstudaginn var að félagið myndi hætta áætlunarflugi frá og með 25. september.

Verkefni flutt frá dómsmálaráðuneyti til sýslumanna

Dómsmálaráðherra kynnti á ríkisstjórnarfundi í morgun frumvarp til laga um flutning verkefna frá dóms- og kirkjumálaráðuneyti til sýslumannsembætta.