Fernt flutt á sjúkrahús

Fjórir voru fluttir á sjúkrahús í Reykjavík eftir harðan árekstur þriggja bíla við Blástein á Vesturlandsvegi síðdegis í gær. Fólkið var ekki talið alvarlega slasað.

Skipulagi ekki fylgt

Þrátt fyrir að markmið í skipulagsmálum höfuðborgarsvæðisins séu skýr er erfitt að uppfylla þau, segir Þorsteinn Víglundsson forstjóri BM Vallár þjónustufyrirtækis á byggingarmarkaði.

Íslenski hesturinn sló í gegn

Íslenski hesturinn sló sannarlega í gegn á stórsýningu og keppni í Bretlandi, að sögn Jónasar R. Jónssonar umboðsmanns íslenska hestsins. Íslensku sýningarnar fengu frábær viðbrögð hjá þúsundum áhorfenda, sem voru undrandi á hæfileikum hestanna.

Láta ekki svelta sig

"Kennarar munu aldrei verða sveltir til hlýðni," sagði Jón Pétur Zimsen grunnskólakennari á baráttufundi kennara á Ingólfstorgi í gær. Um 3.000 kennarar mættu í kröfugöngu frá Hlemmi og á fundinn.

Lífvörður drottningar járnaður

Gremja í garð sigursælla Íslendinga á hestasýningu á Englandi leiddi til þess að flytja þurfti einn lífvarða bretadrottningar burt í járnum. Atvikið varð eftir sýninguna þar sem Íslendingar sköruðu fram úr og hlutu nafnbótina "Star of the Show" eða Stjörnur sýningarinnar.

Búið að ná sambandi við mennina

Lögreglan er búin að ná sambandi við mennina þrjá, sem réðust á fréttastjóra DV á ritstjórn blaðsins í gær og tóku hann meðal annars kverkataki þannig að á honum sá og höfðu í hótunum við starfsfólk. Lögregla boðaði alla mennina til skýrslutöku í dag, en enginn þeirra var handtekinn í gær, sem bendir til þess að lögregla hafi aðeins náð símasambandi við þá.

Fundur í gangi

Samningafundur í kennaradeilunni stóð hjá ríkissáttasemjara til klukkan 11 í gærkvöldi og var þá nýr fundur boðaður í morgun og hófst hann klukkan 9. Samningamenn hafa ekkert tjáð sig eftir fundinn í gærkvöldi.

Slapp naumlega undan ofsaakstri

Maður slasaðist þegar hann kastaði sér frá bíl, sem ekið var á ofsahraða eftir Mýrargötu, skammt frá Slippnum í Reykjavík laust fyrir klukkan tíu í gærkvöldi. Maðurinn var á leið yfir götuna þegar bíllinn birtist skyndilega og sló ekkert af þrátt fyrir að maðurinn væri á götunni, og greip maðurinn þá til þess ráðs að kasta sér frá upp á líf og dauða.

Hefst við í stolnum bílum

Húsnæðismál ungs manns eru í uppnámi eftir að lögreglan hafði afskipti af ólöglegum og óvenjulegum búferlaflutningum hans. Það hófst með því að maðurinn fannst sofandi í bíl á bílastæði uppi í Breiðholti. Kom í ljós að bíllinn var stolinn og annar stolinn bíll fannst skammt frá þar sem bílnum, sem maðurinn fanst sofandi í, hafði verið stolið.

Slapp vel úr veltu

Ökumaður, sem var á ferð undir Eyjafjöllum undir kvöld í gær, slapp lítið meiddur þegar fjárflutningavagn, sem hann dró, tókst á loft í vindhviðu. Við það kom mikill hnykkur á bílinn og hann skekktist á veginum með þeim afleiðingum að bæði vagn og bíll ultu út af veginum og stór skemmdust.

Krufning kostar 95 þúsund

Það getur kostað sitt að leita sér lækninga á spítala. Sjúklingar geta þurft að reiða fram þúsundir á þúsundir ofan. Þeir sem oftast þurfa til læknis fá afslátt. Fólk sem ekki er sjúkratryggt á Íslandi þarf að borga allt að þrettán hundruð þúsund krónur fyrir aðgerð. </font /></b />

Nefbrotin lögga þorir ekki að kæra

Lögreglumaður þorði ekki að kæra Jón Trausta Lúthersson sem barði hann í Leifsstöð í desember. Ástæðan var að annar vítisengill hafði hótað börnum lögreglumannsins. Yfirmaður lögreglumannsins segist hafa lagt hart að honum að kæra. Jón Trausti er sá sem réðst á fréttastjóra DV í gær.

Sjómenn langþreyttir á þófinu

Sjómenn segjast fara að verða langþreyttir á samningaþófi sínu við LÍÚ, en fertugasti samningafundurinn hófst hjá Ríkissáttasemjara í morgun og deilendur voru ekki bjartsýnir fyrir hann. Samningar sjómanna, annarra en vélstjóra, hafa verið lausir frá áramótum og var viðræðum vísað til Ríkissáttasemjara strax í febrúar.

Fundurinn stendur enn

Samningafundur í kennaradeilunni stóð hjá ríkissáttasemjara til klukkan 11 í gærkvöldi. Boðað var til nýs fundar í morgun og hófst hann klukkan níu og stendur enn yfir. Samningamenn hafa ekkert tjáð sig eftir fundinn í gærkvöldi.

Skatttekjur hækkuðu mest á Íslandi

Skattekjur, sem hlutfall af þjóðartekjum, hækkuðu langmest á Íslandi í fyrra af OECD ríkjunum þrjátíu, sem eru ríkustu lönd heims. Samkvæmt samantekt OECD hækkaði skatturinn hér á landi úr rétt rúmum 38 prósentum í upp í rúm 40% og næst mest í Tyrklandi, eða úr 31% upp í tæp 33%.

Ætla að gefa lögreglu skýrslu

Mennirnir þrír, sem frömdu húsbrot á ritstjórn DV í gær, hafa allir heitið því að gefa lögreglunni skýrslu um málið, eftir að lögreglan náði í þá símleiðis í gærkvöldi. Þeir réðust á fréttastjóra DV inni á ritstjórn blaðsins í gær og tóku hann meðal annars kverkataki þannig að á honum sá, og höfðu í hótunum við starfsfólk.

Gott að búa við eigin nöldur

Þingmenn lýstu á Alþingi í dag þungum áhyggjum af því að stóreignamenn væru að kaupa upp jarðir og kenndu nýjum jarðalögum um. Landbúnaðarráðherra segir nýja tíma í uppsiglingu. Hann var gagnrýndur fyrir að svara ekki spurningum um málið, en ráðherra sagði gott að búa við nöldrið sitt.

SUS á móti kaupum Símans

Samband ungra Sjálfstæðismann hefur sent frá sér ályktun í ljósi kaupa Símans á ráðandi hlut í Skjá Einum, þar sem hvatt er til einkavæingar Símans og að ríkið dragi sig úr rekstri fjölmiðla.

Moska á Íslandi fyrir 700 múslima

Múslimar á Íslandi hafa enn ekki fengið úthlutað lóð undir mosku þótt tæp fjögur ár séu liðin frá umsókninni. Salmann Tamini, forstöðumaður Félags múslima á Íslandi, segir ekkert liggja á en vonast þó til að framkvæmdir hefjist innan árs. Múslimar hérlendis voru um 300 árið 2000. Salman segir þá vera að minnsta kosti 700 í dag. Nánar í DV í dag.

Dómsmálaráðuneytið fór ei að lögum

Dómsmálaráðuneytið fór ekki að lögum þegar það bannaði unnustu fanga á Litla hrauni að heimsækja unnusta sinn, að mati Umboðsmanns Alþingis. Fanginn kvartaði undan úrskurði ráðuneytisins, sem staðfesti úrskurð Fangelsismálastofnunar um að banna unnunstunni heimsóknir.

Búnir að gefa skýrslu

Mennirnir þrír sem réðust á fréttastjóra DV í gær og gengu berserksgang á ritstjórn blaðsins fóru til lögreglu í dag og gáfu skýrslu um atburði gærdagsins. Fréttastjórinn lagði fram kæru gegn mönnunum í morgun.

Hafnaði kröfum um þjóðlendumörk

Hæstiréttur hafnaði í dag kröfu íslenska ríkisins um að mörk þjóðlendu næði inn fyrir landsvæði sem eigendur tiltekinna jarða í Árnessýslu kröfðust viðurkenningar á. Hæstiréttur staðfesti úrskurð óbyggðanefndar að svokallaður Framafréttur eins og hann er afmarkaður í úrskurði nefndarinnar, teljist til þjóðlendu.

Ekki lagaheimild fyrir takmörkunum

Hæstiréttur komst í dag að þeirri niðurstöðu að íslenska ríkið hefði ekki haft lagaheimild til að setja takmarkandi skilyrði fyrir sjóflutningum fyrir varnarliðið á Keflavíkurflugvelli. Atlantsskip höfðaði mál gegn ríkinu, þar sem deilt var um skilyrði sem forvalsnefnd utanríkisráðuneytisins setti fyrir þátttöku í útboði fyrir varnarliðið.

Krónur og brýr án endurgreiðslu

Tannlæknar segja óréttlátt að Tryggingastofnun taki ekki þátt í niðurgreiðslu á tannkrónum og brúm fyrir eldri borgara, að sögn Gunnars Leifssonar, formanns upplýsinganefndar. Yfirtryggingatannlæknir hafi bent á að því þurfi að breyta. Það hefur þó ekki gerst enn.

Veglegur styrkur til daufblindra

Daufblindir geta auðveldlega einangrast. Nú hafa þeir fengið myndarlegan styrk, sem hjálpar þeim að taka betur þátt í því sem er að gerast í samfélaginu.

Nálgast samkomulag um sorp

Heldur hefur þokast í átt til samkomulags milli sveitarstjórnar Ölfuss og stjórnar Sorpstöðvar Suðurlands, að sögn Hjörleifs Brynjólfssonar oddvita sveitarstjórnar Ölfuss.

Hæsta álagnings tannlæknis 103%

Hæsta álagning sem vitað er til að tannlæknir noti er 103% umfram gjaldskrá heilbrigðisráðherra. Meðaltalshækkun er 15 - 20%. Tryggingayfirtannlæknir segir að gjaldskrána þurfi að hækka oftar en gert hefur verið. </font /></b />

Tvær vikur í næsta fund

Fundi launanefndar sveitafélaga og forsvarsmanna kennara í Karphúsinu var slitið nú á sjötta tímanum. Mikið bar á milli deiluaðila og var ákveðið að ekki skyldi fundað aftur fyrr en að tveim vikum liðnum.

Ekkert svar frá ríkissaksóknara

"Ríkissaksóknari á að fylgjast með því að þeim sem afbrot fremja verði beittir lögmætum viðurlögum," segir Ragnar Aðalsteinsson hæstaréttarlögmaður. En vélhjólamaður brákaði lögreglumann á nefi í Leifsstöð í desember síðastliðinn. Hvorki lögreglumaðurinn né embætti sýslumannsins á Keflavíkurflugvelli kærðu vélhjólamanninn.

Vitni óttast axarmanninn

Börkur Birgisson, 25 ára Hafnfirðingur, er ákærður af ríkissaksóknara fyrir tilraun til manndráps en til vara fyrir stórfellda líkamsárás. Börkur sló mann nokkrum sinnum í höfuðið með öxi á veitingastaðnum A. Hansen í Hafnarfirði í lok ágúst. Börkur neitar sök í þessari ákæru eins og í sex öðrum líkamsárásum sem hann er einnig ákærður fyrir.

Kom konu ekki undir læknishendur

Rúmlega þrítugur maður hefur verið ákærður af Ríkissaksóknara fyrir brot gegn lífi og limum með því að hafa ekki komið ungri konu undir læknishendur þegar hún veiktist lífshættulega.

Íhuga að kæra vélhjólamann

Jóhann R. Benediktsson, sýslumaður á Keflavíkurflugvelli, segir rétt að lögreglumaður undir hans stjórn hafi ekki kært vélhjólamann sem brákaði á honum nefið í handalögmálum sem urðu þegar maðurinn var handtekinn í desember síðastliðnum. "Ástæðan er að honum stóð stuggur af þessum mönnum," segir Jóhann.

Skattbyrði eykst mest á Íslandi

Skattbyrði á Íslandi hefur í valdatíð núverandi stjórnarflokka aukist margfalt meira en í nokkru öðru ríki Vesturlanda. Meðan skattbyrði í flestum iðnríkjum hefur verið að léttast hefur hún snarþyngst á Íslandi.

Engin undanþága vegna fatlaðra

Þroskaþjálfar starfandi við Nesskóla í Neskaupstað og Grunnskólann á Reyðarfirði fá ekki heimild til að aðstoða tvö fötluð börn í bæjarfélögunum, þar sem hætta er talin á að þeir gangi inn á verksvið kennara.

Vill verslun á sama stað og Nóatún

Matvöruverslunarfyrirtæki er nú að kanna hvort það geti fengið heimild til reksturs verslunar á sama svæði í Grafarholti og Nóatún rekur nú verslun. Júlíus Vífill Ingvarsson, lögfræðingur hjá lögmannstöfunni Lögvernd, segist ekki geta sagt hvaða fyrirtæki sé um að ræða.

Ekki brot á jafnræðisreglu

Að synja fyrirtæki um leyfi til að reka verslun á svæði þar sem Nóatún rekur verslun í Grafarholti er ekki brot á jafnræðisreglu að sögn Steinunnar Valdísar Óskarsdóttur, formanns skipulags- og bygginganefndar Reykjavíkur.

Skaupinu sleppt

Fjöldi Íslendinga kýs að verja áramótunum í útlöndum, fjarri áramótabrennum og skaupi, að ógleymdum ávörpum helstu höfðingja þjóðarinnar. Það er enda háttur sumra að vilja frið og ró fremur en skarkala eða slark, þó vissulega geti glaumur og gleði ríkt í öðrum löndum en á Íslandi.

Búist við að þorskeldi margfaldist

Framleidd voru sex þúsund tonn af eldisfiski í fyrra. Samkvæmt nýrri skýrslu um stöðu og framtíðaráform í íslensku fiskeldi er gert ráð fyrir að framleiðslan verði fimmtán þúsund tonn árið 2006.

Beðið eftir strætó á klósettinu

Vegfarendur í Reykjavík hafa eflaust sumir tekið eftir því að búið er að "innrétta" tvenn strætisvagnabiðskýli á sérstakan hátt.

Eldvarnir til sveita í ólestri

Ríflega 600 sláturlömb drápust í eldsvoða á bænum Knerri í vikunni. Brunamálastjóri segir að brunavarnir í sveitum séu ekki nógu góðar en slökkviliðsstjóri kveðst ekki hafa tök á að sinna lögbundnu eftirliti.

Stjórnarskrárbundinn réttur

Það er fráleitt að halda því fram að ákvörðun um að virða gildandi skipulagsskilmála í Grafarvogi valdi lóðarhöfum við Fossaleyni fjárhagslegu tjóni. Þetta segir í minnisblaði frá Jónasi Þór Þorvaldssyni, framkvæmdastjóra Stoða hf., sem er lóðarhafi í Spönginni.

Heyið ofhitnaði

Allt bendir til að svonefnd íkviknun hafi orðið í heyi í hlöðunni á Knerri. Að sögn Björns Karlssonar brunamálastjóra getur slíkt gerst í massa sem hefur mikið rúmmál en lítið flatarmál og súrefni kemst að.

Borgin sker niður framlög

Tónlistarskólar í Reykjavík horfa fram á mikinn rekstrarvanda auki Reykjavíkurborg ekki fjárframlög sín til þeirra að sögn Sigursveins Kr. Magnússonar, formanns Samtaka tónlistarskóla í Reykjavík.

Kaup bújarða gagnleg þróun

Guðni Ágústsson, landbúnaðarráðherra segir enga ástæðu til að grípa til aðgerða vegna kaupa auðmanna á bújörðum og samþjöppun framleiðsluréttar. "Við megum ekkert gera til að stöðva þessa þróun sem er á margan hátt mjög gagnleg" sagði landbúnaðarráðherra í utandagskrárumræðum á Alþingi.

Um 5 þúsund fyrirmæli frá Brussel

Á þeim tíu árum sem liðin eru frá því að EES-samningurinn tók gildi hafa hátt á fimmta þúsund lög og reglugerðir Evrópusambandsins öðlast gildi á Íslandi. "Ólýðræðislegasti alþjóðasamningur sem um getur," segir Eiríkur Bergmann Einarsson, sérfræðingur í Evrópumálum. </font /></b />