Tekjur kvenna hækka meira

Tekjur kvenna hér á landi hækkuðu meira en tekjur karla á síðasta ári. Meðalatvinnutekjur Íslendinga árið 2003 voru 2 milljónir 636 þúsund krónur. Þetta kemur fram á heimasíðu Hagstofu Íslands.

Sómabáturinn fannst

Sómabátur, sem datt úr sjálfvirku kerfi Tilkynningaskyldunnar, fannst fyrir tæpri klukkstund norðvestur af Snæfellsnesi.

Féll í Reykjavíkurhöfn

Maður féll í Reykjavíkurhöfn fyrir skömmu. Lögregla og sjúkralið var á leiðinni á staðinn síðast þegar fréttist. Ekki er vitað hvort maðurinn hafi stokkið sjálfviljugur í sjóinn eður ei.  

Heimili fyrir veik og fötluð börn

Fyrsta hátíðin á nýju heimili Rjóðurs, hjúkrunarheimilis fyrir langveik og fötluð börn, var haldin í dag. Þar voru skemmtiatriði af besta tagi, farið í leiki og spilað á gítar. Rjóðrið er fyrsta heimili sinnar tegundar hér á landi. Börnin dvelja þar skamma hríð svo að fjölskyldur þeirra fái hvíld.

Ranglega dæmd fyrir kynferðisbrot

Áfrýjunardómstóll í Færeyjum þarf að taka upp mál færeyskra hjóna sem dæmd voru í fangelsi fyrir sifjaspell. Börnin, sem hafa búið hér á landi undanfarin ár, hafa viðurkennt að hafa haft hjónin fyrir rangri sök. Stjúpmóðirin býr einnig hér á landi hún hefur verið ákærð fyrir að beita börnin ofbeldi.

Tundurdufl í togara

Landhelgisgæslan eyddi í gær bresku tundurdufli úr seinna stríði sem komið hafði í vörpuna á Brettingi. Sprengjan hafði fallið niður í fiskmóttökuna en þar gerðu sérfræðingar gæslunnar hana óvirka áður en togarinn lagðist að bryggju á Seyðisfirði. Duflið var svo flutt á afvikinn stað þar sem sprengiefnið, tæplega 230 kíló af TNT, var brennt.

Tíu fíkniefnamál á Hellu

Tíu fíkniefnamál hafa komið upp í tengslum við Landsmót hestamanna á Gaddstaðaflötum við Hellu frá því í gær. Að sögn lögreglunnar á Hvolsvelli er sá fjöldi mála og það magn, sem lagt hefur verið hald á, áhyggjuefni. Lögreglan hefur til að mynda lagt hald á 41 gramm af hvítu efni sem talið er vera kókaín eða amfetamín. Auk þess hefur nokkuð verið tekið af hassi og hylkjum með glærum vökva sem ætla má að séu deyfi- eða sljóvgunarlyf.

Grjótregn í Reykjavík

Skæðadrífa grjóthnullunga kastaðist yfir húsið við Borgartún 7, þar sem m.a. Ríkiskaup og Vegagerðin eru til húsa, þegar sprengt var fyrir grunni í götunni. Þetta er í annað sinn á stuttum tíma sem starfsmenn ríkis og borgar fá grjóthnullunga úr grunninum inn á borð til sín. Sprengistjórinn segir þetta mistök.

Rannsaka misnotkun á heyrnarlausum

Formaður Félags heyrnarlausra hefur farið fram á opinbera rannsókn á því hversu stór hópur barna var beittur kynferðislegu ofbeldi í heimavistarskóla fyrir heyrnarlausa.

„Spuni er að vera maður sjálfur“

Franskur spunasnillingur er staddur hér á landi. Í dag fengu tónleikagestir í Hallgrímskirkju að heyra hvað gerist þegar slíkur snillingur leikur kunnuglegt stef af fingrum fram.

Röng sök

Börn færeyskra hjóna sem komu hingað til lands árið 2000 og voru tekin af foreldrum sínum viðurkenna að hafa borið móður sína og stjúpföður rangri sök.

Grjóthnullungum rigndi

Fjórar rúður brotnuðu í húsi Ríkiskaupa og lítill fólksbíll skemmdist þegar sprenging byggingaverktaka við Borgartún fór úrskeiðis. Ekki er óalgengt að slíkt gerist og því reynt að sprengja þegar umgangur er lítill.

Skortir matvæli

Mikið álag hefur verið á starfsemi Fjölskylduhjálparinnar undanfarna daga þar sem hún er eina félagið sem nú hjálpar efnalitlum fjölskyldum.

Albatros á áætlun

Skemmtiferðaskipið Albatros er komið aftur til landsins á áætlun. Skipið varð fyrir neðarsjávarskemmd í síðustu ferð og gistu farþegarnir í Reykjavík tveimur dögum lengur en áætlað var

Skortur á matvælum

<font face="Helv">Mikið álag hefur verið á starfsemi Fjölskylduhjálparinnar undanfarna daga þar sem hún er eina félagið sem nú hjálpar efnalitlum fjölskyldum.</font><font face="Helv"></font>

Albatros á áætlun

Skemmtiferðaskipið Albatros er komið aftur til landsins á áætlun. Skipið varð fyrir neðarsjávarskemmd í síðustu ferð og gistu farþegarnir í Reykjavík tveimur dögum lengur en áætlað var.

Fannst á siglingu

Slysavarnafélagið Landsbjörg, björgunarsveitir og þyrla Landhelgisgæslunnar voru kölluð út á þriðja tímanum í gær vegna báts sem dottið hafði út úr sjálfvirku tilkynningarskyldunni

Framsókn ætlar ekki að gefa eftir

Það skýrist í kvöld hvort stjórnarflokkarnir ná samkomulagi um frumvarp til laga um þjóðaratkvæðagreiðslur. Svo virðist sem mikið beri í milli. Framsóknarmenn vilja alls ekki fara yfir 30 prósenta mörkin.

Enn ríkir óvissa

Formenn Sjálfstæðisflokks og Framsóknarflokks reyna að ná samkomulagi um þátttökuskilyrði í þjóðaratkvæðagreiðslu. Ríkisstjórnarfundur í dag. Þingmenn Framsóknar harðir á sínu.

Rúmra tveggja ára hitatími

Hitinn í Reykjavík hefur nú verið fyrir ofan meðallag í 27 mánuði samfellt. Samkvæmt upplýsingum frá Veðurstofu Íslands mældist hitinn í júní 10,5 stig sem er 1,5 stigum ofan meðallags. Alls voru 199 sólskinsstundir í höfuðborginni í mánuðinum sem er um 38 stundum meira en í meðalári. Úrkoman var 10 prósent undir meðallagi.

Sextán hrefnur hafa veiðst

Sextán hrefnur hafa veiðst síðan hrefnuveiðar í vísindaskyni voru hafnar á ný í síðasta mánuði, samkvæmt upplýsingum frá Hafrannsóknastofnuninni. Ekki er enn vitað hvenær veiðunum lýkur en heimilað hefur verið að veiða 25 dýr á árinu.

Fjölmenni á Landsmóti hestamanna

Átta þúsund manns eru komnir á Landsmót hestamanna á Gaddstaðaflötum við Hellu til að fylgjast með þeim átta hundruð hestum sem keppa á mótinu í ár. Mótið er það viðamesta sem haldið hefur verið hingað til; hrossin eru góð og gestir láta vel af mótinu.

Ósammála um leyfisveitingu

Ólafur Helgi Kjartansson, sýslumaður á Selfossi, neitar að hafa veitt Gunnars majónes leyfi til þess að reisa þriggja metra háa majónesdós við Suðurlandsveg, rétt vestan Þjórsár.

Viðbótarhúsnæði fyrir skólana

Bæta á við húsnæði þriggja framhaldsskóla til að koma öllum nýnemum að í haust. Til meiri vandræða í húsnæðismálefnum framhaldsskólanna horfir að ári verði ekki byggt við skólana.

Annir hjá lögreglunni á Suðurlandi

Miklar annir eru hjá lögreglunni á Suðurlandi en þangað liggur nú straumurinn frá borginni. Þar segjast menn vera viðbúnir öllu þessa helgi. Ríkislögreglustjóri hefur lagt til mannafla og tækjabúnað en öflugar öryggismyndavélar eru notaðar við löggæslu á landsmótssvæðinu á Gaddstaðaflötum.

Vill rannsókn á kynferðisbrotum

Berglind Stefánsdóttir, formaður Félags heyrnarlausra, vill að fram fari opinber rannsókn á hversu stór hópur heyrnarlausra barna hafi verið misnotaður kynferðislega.

Flugstöð Leifs Eiríkssonar stækkar

Nýr þúsund fermetra innritunarsalur var formlega tekinn í notkun í Flugstöð Leifs Eiríkssonar í dag. Nýi salurinn verður bylting fyrir farþega og starfsfólk í flugstöðinni að sögn Höskuldar Ásgeirssonar, forstjóra flugstöðvarinnar.

Majonesdós í bága við lög

Risastór majonesdós við vegkantinn í Villingaholtshreppi brýtur í bága við lög um náttúruvernd og byggingar að mati sýslumannsins á Selfossi. Skiptir þá engu hvort dósin er talin minnisvarði eða auglýsing fyrir majones.