Fleiri fréttir

Heimaey fékk stærsta síldarkast sögunnar

Fjölveiðiskipið Heimaey frá Vestmannaeyjum fékk risakast af síld upp á tvö þúsund tonn í Breiðafirði í fyrradag, sem er að líkindum stærsta kast sem íslenskt skip hefur fengið til þessa.

Spáir stormi fram eftir deginum

Veðurstofan spáir stormi , eða 18 til 23 metrum á sekúndu með morgninum og fram eftir degi en síðan snýst vindur í norðanátt síðdegis. Fyrstu tvær ferðir Herjólfs falla niður.

Færeyingar þurfa að bíða enn lengur

Færeyingar þurfa að bíða lengur en áætlað var eftir því að úrslit fáist í dýrustu olíuborun í sögu eyjanna. Borun holunnar, sem hófst þann 17. júní, átti að taka 4-5 mánuði og vera lokið núna um miðjan nóvember. Statoil hefur nú upplýst að verklokum seinki og að borað verði til áramóta og hugsanlega lengur.

Hlunnindagreiðslur heitt efni

Tvær þingsályktunartillögur hafa verið lagðar fyrir Kirkjuþing 2012 er varða hlunnindi presta af kirkjujörðum.

Krefjast afnáms verðtryggingar

Alþingi á að tryggja tafarlaust afnám verðtryggingar á lánsfé og að gildandi lög um neytendavernd séu virt. Þetta kemur fram í ályktun sem var samþykkt á borgarafundi Hagsmunasamtaka heimilanna í Háskólabíói í fyrrakvöld.

Öryggisráðið hélt neyðarfund um Gaza

Öryggisráð Sameinuðu þjóðanna hélt neyðarfund í nótt vegna stöðunnar á Gaza í framhaldi af því að Ísraelsmenn felldu þar herstjóra Hamas ásamt lífvörum hans í loftárásum í gærdag. Loftárásir Ísraelsmanna héldu áfram í nótt.

Fjöldi Dana hefur ekki lengur efni á að jarða ættingja sína

Sveita- og bæjarstjórnir í Danmörku þurfa í sívaxandi mæli að standa straum af kostnaði við jarðarfarir þegna sinna. Annaðhvort finnast engir ættingjar eða þá að ættingjarnir segjast einfaldlega ekki hafa efni á jarðarförinni.

Fordæmir árásir Ísraela á Gasa

„Þetta eru váleg tíðindi,“ segir Össur Skarphéðinsson utanríkisráðherra um tugi árása sem Ísraelsmenn gerðu á Gasaströndina í Palestínu í gær. Yfirmaður herafla Hamas-samtakanna var meðal fallinna og þau hétu grimmilegum hefndum.

Fámennt í þingsölum vegna prófkjörsslaga

Þingnefndarformaður kvartar yfir því að illa gangi að manna nefndarfundi og atkvæðagreiðslur um mikilvæg mál. Þingmenn séu uppteknir í prófkjörum. Skrifstofustjóri Alþingis segir eðlilegt að prófkjörin taki tíma hjá þingmönnum.

Xi Jinping nýr leiðtogi í stað Hu Jintao

Hu Jintao, forseti Kína, lét í gær af embætti leiðtoga Kommúnistaflokksins í Kína. Reiknað var með að hann segði sig úr fleiri embættum, þar á meðal sem yfirmaður herráðsins.

Framkvæmdastjórinn sakaður um frændhygli, sjálftöku og bókhaldsóreiðu

Ýmislegt bendir til að fjárhagserfiðleika og óráðsíu innan Eirar megi rekja mörg ár aftur í tímann í framkvæmdastjórastíð séra Sigurðar Helga Guðmundssonar sem lét af starfi á síðasta ári. Meðal annars lét séra Sigurður Helgi Eir greiða fyrir flugfarseðla dóttur sinnar og fjölskyldu hennar.

Nefsprey getur komið í veg fyrir framhjáhald

Niðurstöður nýlegrar rannsóknar gefa til kynna að boðefnið oxytocin, sem oft hefur verið kallað "ástarhormónið," gæti alfarið komið í veg fyrir framhjáhald.

Þjóðarátak um atvinnusköpun

Í dag voru kynntar hugmyndir að átaki fyrir það fólk sem missir rétt til atvinnuleysisbóta vegna þess að það hefur verið atvinnulaust lengur en í fjögur ár. Frá byrjun september og fram til ára móta missa um 400 manns þennan rétt, um áramót bætast svo 1.500 manns við og seinna árinu 2013 bætast svo 1.800 við. Samtals er því um að ræða 3300 manns.

Húsnæði Listaháskóla Íslands handónýtt

Húsnæði Listaháskóla Íslands að Sölvhólsgötu er ótækt fyrir þá starfsemi sem þar fer fram að mati nemenda. Reglur um brunavarnir og aðgengi eru þverbrotnar, loftræsting er ónýt og hljóðeinangrun lítil sem engin. Sextán nemendur í dansdeild skólans deila fjórum sturtum en eini strákurinn notar skáp sem búningsklefa.

Krefst upplýsinga um kostnað við málaferlin

Ásmundur Einar Daðason segir að það sé óvenjulegt að forstjóri ríkisstofnunar krefjist hærri launa á meðan hann er við störf hjá stofnuninni. Hann lagði fram fyrirspurn á Alþingi í gær um það hver kostnaður Seðlabanka Íslands af málaferlum Más Guðmundssonar seðlabankastjóra gegn bankanum hefði verið. Már stefndi bankanum vegna kjaraskerðingar sem hann varð fyrir þegar laun þeirra sem heyra undir kjararáð voru lækkuð. Ásmundur spurði líka hvort seðlabankastjóri myndi endurgreiða bankanum þann kostnað.

Séra Sigurður segist ekki hafa brotið af sér

"Ég hafna því alfarið að störf mín þar hafi orkað tvímælis. Því fagna ég því ef gerð verður úttekt á rekstri hjúkrunarheimilisins. Hún mun væntanlega leiða í ljós hvort eitthvað hafi verið athugavert við störf mín sem framkvæmdastjóri eða við störf stjórnar heimilisins á þessum tíma," segir séra Sigurður Helgi Guðmundsson, fyrrverandi stjórnarformaður Hjúkrunarheimilisins Eirar. Hann sendi frá sér yfirlýsingu í dag.

ASÍ ætlar í mál við ríkið

Alþýðusamband Íslands ætlar að höfða mál gegn íslenska ríkinu vegna skattlagningar á lífeyrisréttindi launafólks á almennum vinnumarkaði. ASÍ segir að þessi skattlagning brjóti gróflega gegn jafnræðisreglu stjórnarskrárinnar og því sé óhjákvæmilegt annað en að miðstjórn ASÍ láti reyna á lögmæti hennar fyrir dómstólum. Jafnframt hvetur miðstjórn ASÍ lífeyrissjóðina til að skoða lögfræðilega hvort forsendur eru fyrir því að fá dómstóla til að skera úr um ágreining varðandi samkomulag fjármálaráðherra við lífeyrissjóðina frá því í febrúar um þátttöku þeirra í sérstökum gjaldeyrisútboðum Seðlabanka Íslands.

Ung stúlka datt og rotaðist

Ung stúlka datt af reiðhjóli í Keflavík í fyrradag og rotaðist. Töluverð hálka var á götum bæjarins þegar óhappið varð. Lögregla og sjúkralið á Suðurnesjum voru kvödd á slysstað. Stúlkan var ekki með öryggishjálm þegar hún datt, samkvæmt upplýsingum frá lögreglunni. Hún var flutt með sjúkrabifreið á Heilbrigðisstofnun Suðurnesja. Þar var ákveðið að flytja hana á Landspítalann vegna höfuðáverka sem hún hafði hlotið við fallið.

Öryrkjar sóttu 28 milljóna króna vinning

Það voru lukkuleg hjón sem komu til Íslenskrar getspár með vinningsmiða uppá rúmar 28 milljónir og að vonum í skýjunum með vinninginn. Miðinn var keyptur í Aðalbraut í Grindavík og er annar af tveimur vinningsmiðunum sem fyrsti vinningur kom á síðasta laugardag, eftir því sem fram kemur á vef Íslenskrar getspár.

Eðlilegt að fólk velti kostnaðinum fyrir sér

Guðmundur Magnússon, formaður Öryrkjabandalags Íslands, segir það sé hluti af starfi bandalagsins að fara í auglýsingaherferðir, eins og þá sem var farið í í gær í sambandi við gjörning á Austurvelli þar sem markmiðið var að vekja athygli á fáttækt í landinu. Hann segist ekki vera með það á hreinu hver kostnaðurinn í sambandi við gjörninginn sé.

Flutti inn kókaín en fór svo í meðferð

Karlmaður á fertugsaldri var dæmdur í fjögurra mánaða skilorðsbundið fangelsi í Héraðsdómi Reykjavíkur í dag fyrir að flytja inn tæplega 120 grömm af kókíni hingað til lands. Hann kom hingað til lands með flugi frá Lundúnum í janúar á þessu ári. Við ákvörðun refsingar leit dómari til þess að eftir gæsluvarðhaldsvist hafi hann farið í áfengismeðferð og leitað sér hjálpar. Kvaðst hann hafa verið í rugli, eins og það er orðað í dómnum, og innflutningurinn hafi tengst því.

Síbrotamaður dæmdur fyrir leigubílasvindl

Karlmaður játaði í dag að hafa framið fjölmörg brot fyrr á árinu. Hann fékk meðal annars leigubílstjóra til að aka sér frá Mjóddinni í Reykjavík að Heiðarskóla í Reykjanesbæ í ágúst síðastliðnum, án þess að greiða fyrir þá ferð. Ferðin kostaði rúmar 16 þúsund krónur. Þá stal hann brennivínsflösku úr Vínbúðinni í Reykjanesbæ nokkrum dögum síðar.

Sjö mánaða fangelsi fyrir kókaínsmygl

Rúmlega þrítugur karlmaður var í dag dæmdur í sjö mánaða fangelsi fyrir að hafa flutt inn tæplega tvö hundruð grömm af kókaíni frá Danmörku til Íslands í apríl á þessu ári. Kókaínið var með 70 prósent styrkleika sem unnt var að framleiða um 650 grömm af efni úr.

Hlakkar til að fara á Hróarskeldu

Orri Páll Dýrason, trommuleikari í Sigur Rós, segist vera farinn að hlakka til þess að spila á Hróarskeldunni á næsta ári. Tilkynnt var í morgun um fyrstu hljómsveitirnar sem hafa staðfest mætingu og er Sigur Rós ein þeirra. Þetta er í fyrsta sinn í sjö ár sem Sigur Rós spilar á hátíðinni. "Já, það er mjög langt síðan við höfum verið þar," segir Orri Páll sem segir jafnframt að það sé alltaf gaman að vera á hátíðinni.

Miklir óvissuþættir fyrir hendi

Þórarinn G. Pétursson, aðalhagfræðingur Seðlabankans, segir að staða efnahagsmaála hér á landi sé í stórum dráttum sú sama og bankinn hafi spáð strax eftir hrunið fyrir rúmum fjórum árum. Verðbólgan sé ennþá há og miklir óvissuþættir séu enn fyrir hendi. Peningastefnunefnd Seðlabanka Íslands ákvað í morgun að hækka stýrivexti um 0,25 prósentustig og eru stýrivextir nú sex prósent. Verðbólga mældist í október síðastliðnum 4,2 prósent.

Þúsundir mótmæla víða í Evrópu

Þúsundir launþega, víða að úr Evrópu, taka þátt í verkföllum og opinberum mótmælum í dag til þess að mótmæla auknu atvinnuleysi og niðurskurði á fjárlögum víða í ríkjum.

Um 1000 bókatitlar gefnir út

Mögulegt er að yfir 1000 bókatitlar verði teknir í sölu í verslunum Eymundsson á árinu. Nú þegar 40 dagar eru til jóla hefur verslunin tekið á móti 859 titlum, þar af eru 272 barnabækur og 587 bækur fyrir fullorðna. Talið er líklegt að um 100-150 titlar eigi enn eftir að berast í hús.

Magnús Jóhannesson til Norðurskautsráðsins

Á fundi embættismannanefndar Norðurskautsráðsins, sem fram fer í Haparanda í Norður-Svíþjóð í dag, var Magnús Jóhannesson valinn framkvæmdastjóri fastaskrifstofu ráðsins sem stofna á í Tromsø Noregi á næsta ári.

Brotist inn í 20 spilakassa á Ránni

Brotist var inn á veitingastaðinn Rána í Keflavík aðfararnótt mánudags. Hinir óboðnu gestir brutust jafnframt inn í alla spilakassana á staðnum, á annan tug talsins Verksummerki þykja benda til þess að þeir sem þarna voru að verki hafi notað barefli. Lögreglan á Suðurnesjum rannsakar málið og biður þá, sem kunna að geta veitt upplýsingar, að hafa samband við lögregluna í síma 420-1800.

Mál Styrmis tekið fyrir í dag

Mál Styrmis Þórs Bragasonar, fyrrverandi forstjóra MP banka, verður tekið fyrir í Héraðsdómi Reykjavíkur klukkan hálftólf í dag. Styrmir er einn þeirra þriggja sem ákærðir voru í Exetermálinu svokallaða. Hinir tveir fengu fjögurra og hálfs árs fangelsi í Hæstarétti, en Hæstiréttur vísaði máli Styrmis aftur í hérað.

Sigur Rós spilar á Hróarskeldu í fyrsta sinn í sjö ár

Hljómsveitin Sigur Rós mun koma fram á Hróarskelduhátíðinni næsta sumar í fyrsta skipti síðan árið 2006. Forsvarsmenn hátíðarinnar tilkynntu í morgun fyrstu hljómsveitirnar sem munu koma fram þar næsta sumar. Þá tilkynnti hátíðin einnig að danska hljómsveitin Volbeat, Kvelertak frá Noregi og hljómsveitin Goat frá Svíþjóð munu einnig koma fram. Hátíðin verður haldin 29. júní-7. júlí næsta sumar og hefst miðasala 1. desember næstkomandi.

Kveiktu upp í arninum - slökkviliðið mætti á staðinn

Slökkviliðinu barst tilkynning rétt fyrir klukkan átta í morgun um að mikill reykur bærist frá þaki íbúðarhúsnæðis í vesturbæ Reykjavíkur. Dælubílar fóru á staðinn en þegar þangað var kominn reyndist ekki um neinn eld að ræða. Íbúar í húsinu höfðu nefnilega kveikt upp í arninum enda farið að kólna í veðri. Það var nágranni sem sá þykkan svartan reyk upp úr skorsteininum og hringdi á slökkvilið.

Fjöldi sykursjúkra muni tvöfaldast

Alþjóðaheilbrigðismálastofnunin telur að 346 milljónir manna um allan heim séu sykursjúkir. Þessi tala mun líklega meir en tvöfaldast fyrir 2030 ef ekki er að gert. Á hverju ári látast 3.4 milljónir manna vegna of hás blóðsykurs. Nærri 80% þeirra sem látast af völdum sykursýki búa í mið- eða lágtekjuríkjum.

Sjá næstu 50 fréttir

Mest lesið