Trylltur maður olli næstum flugslysi

Brasilísk farþegaþota neyddist til þess að lenda eftir að einn farþegi trylltist og réðist að ástæðulausu á flugmenn vélarinnar og setti alla farþegana í stórhættu. Samkvæmt AP fréttastofunni komst maðurinn inn í flugstjórnarklefann þar sem hann réðist án fyrirvara á flugmennina.

Listamaðurinn fékk sjö verðlaun

Franska myndin Listamaðurinn fékk flest verðlaun á Bafta hátíðinni í kvöld, eða sjö talsins. Þar á meðal var hún valin besta myndin, en fékk jafnframt verðlaun í flokknum besti leikstjórinn, og besti leikari í aðalhlutverkum.

Grammy-verðlaunin haldin í skugga andláts Whitney Houston

Grammy verðaunahátíðin verður haldin í kvöld í skugga sviplegs fráfalls söngdívunnar Whitney Houston. Söngkonan lést á á hóteli í Los Angeles í gær eins og kunnugt er.

Fyrri stofnfundur Breiðfylkingarinnar haldinn í dag

Í dag var haldinn stofnfundur Breiðfylkingarinnar sem fulltrúar Hreyfingarinnar, Frjálslynda flokksins og fleiri aðila standa að. Margrét Tryggvadóttir, þingmaður Hreyfingarinnar, segir nú hópinn kanna hvort hægt verði að hefja samstarf undir formerkjum nýs stjórnmálaafls.

Rúmur meirihluti vill Ólaf Ragnar áfram

Rúmur meirihluti þjóðarinnar vill að Ólafur Ragnar Grímsson gefi aftur kost á sér í forsetaembættið. Þetta sýnir ný könnun Stöðvar 2 og Fréttablaðsins.

Flestir vildu að Blár Ópal myndi vinna: "Leiðinlegt fyrir sigurlagið“

"Það er skrýtið að þetta hafi ekki verið skýrara,“ segir Ingólfur Þórarinsson, eða Ingó Veðurguð eins og hann er oftast kallaður, en hann samdi lagið Stattu upp ásamt Axel Árnasyni.

Fimm ára stúlku bjargað úr snjóflóði - lá grafin í tíu klukkustundir

Fimm ára gamalli stúlku var bjargað eftir að hún lenti í snjóflóði ásamt fjölskyldu sinni í Suður-hluta Kosovo í gær. Alls létust níu í snjóflóðinu, þar á meðal foreldrar stúlkunnar. Flóðið féll á lítið afskekkt þorp í Kosovo sem heitir Restelica, en níu heimili eyðilögðust í flóðinu. Allir hinir látnu eru skyldir stúlkunni.

Hundur fastur í neti - tækjabíll frá slökkviliðinu kallaður til

Lögreglan á höfuðborgarsvæðinu var tilkynnt um hund sem væri fastur í netadræsum við Ægisgarð um klukkan hálf ellefu í morgun.

Átta handteknir fyrir að slátra villtum dýrum

Lögreglan í Bangkok í Tælandi handtók átta manns fyrir að slátra villtum dýrum. Í raun var um slembilukku að ræða en lögreglan sá mann í Norðausturhluta borgarinnar koma út úr verslun með blóðugar hendur.

Aðstoðarmaður forseta Kongó látinn - fjármálaráðherrann slasaður

Aðstoðarmaður forseta Kongó, Augustin Katumba Mwanke, lést þegar einkaflugvél sem hann var í ásamt öðrum fjármálaráðherra landsins, brotlenti í borginni Bukavu fyrr í dag.

Tæplega 80 þúsund atkvæði greidd í Eurovison

Alls voru greidd 79 þúsund atkvæði í Eurovision keppninni sem var sýnd á RÚV í gærkvöldi. Upplýsingar um það hvernig atkvæðin féllu eru ekki gefnar upp að svo stöddu, en samkvæmt upplýsingum frá RÚV voru dómnefndin og almenningur nokkuð samhljóma í vali sínu.

Kafteinn klúður: Myndband sýnir aðgerðarleysi skipstjórans

Myndband sem sýnir viðbrögð skipstjóra skemmtiferðaskipsins Costa Concordia, sem strandaði við Ítalíu um miðjan janúar, hefur nú verið birt. Á myndbandinu sést að skipstjórinn lætur sér fátt um finnast og fyrirskipar ekki rýmingu skipsins fyrr en löngu eftir að það strandaði.

Beit lögregluþjón

Karlmaður beit lögregluþjón til blóðs í morgun. Maðurinn var stöðaður á Laugaveginum rétt rúmlega átta í morgun grunaður um ölvunarakstur.

Huglausa ljónið féll niður hlera í miðri sýningu

"Samkvæmt öllum myndum og rannsóknum ætti hann að sleppa ótrúlega vel,“ segir leikarinn og leikstjórinn Bergur Þór Ingólfsson sem leikstýrir leiksýningunni Galdrakarlinn í Oz sem er sýnd í Borgarleikhúsinu.

Opið í Böggvistaðafjalli og í Oddsskarði

Lokað er í Bláfjöllum í dag vegna veðurs en þar er bæði hvasst og Blautt. Sömu sögu er að segja af Hlíðarfjalli en þar á að athuga með opnun klukkan tíu. Ef allt gengur að óskum verður upp þar til klukkan fjögur.

Romney sigraði í Maine fylki

Mitt Romney, sigraði í forkosningu repúblikanaflokksins í Maine fylki í Bandaríkjunum í gær. Romney hlaut þrjátíu og níu prósent atkvæða en Ron Paul var í öðru sæti með þrjátíu og sex prósent, þá var Rick Santorum með átján prósent og Newt Gingrich með sex prósent en hvorugur þeirra háði mikla kosningabaráttu í fylkinu.

Grunur leikur á að Whitney hafi drukknað í baðkari

Grunur leikur á að söngdívan Whitney Houston hafi drukknað í baðkari á hóteli sínu þar sem hún fannst látinn. Þannig greinir vefsíða The Daily Mail frá því að lífvörðurinn hennar hafi fundið hana andvana.Reynt var að endurlífga Whitney í 20 mínútur áður en gefist var upp.

Fannst látin á hótelherbergi

Bandaríska söng- og leikkonan Whitney Houston er látin, 48 ára að aldri. Hún fannst látin á hótelherbergi í Los Angeles.

Settist upp í lögreglubíl og braut bílrúðu

Ölvaður og æstur maður var handtekinn við krá í Hafnarfirði eftir að hann braut rúðu í lögreglubifreið samkvæmt upplýsingum frá lögreglunni á höfuðborgarsvæðinu.

Whitney Houston látin

Söngkonan Whitney Houston er látin, 48 ára að aldri. Talskona hennar staðfestir þetta í samtali við Associated Press. Dánarorsök liggur ekki fyrir. Whitney var ein dáðasta söngkona heims og hlaut fjölda verðlauna fyrir söng sinn. Hún átti lengi við vímuefnavanda að stríða og fór síðast í meðferð í fyrra.

Býður ástföngnum pörum að skoða skolphreinsistöð

Viltu gera eitthvað nýtt á Valentínusardeginum? Hvað með að bjóða makanum í skolphreinsistöðina í New York?

Mundu eftir mér sigraði í Evróvisjón

Það var lagið Mundu eftir mér sem sigraði í Evróvisjón í kvöld. Það var Greta Salóme Stefánsdóttir sem samdi lagið og texta en hún átti einnig annað lag sem komst í úrslitaþáttinn. Hún flutti lagið einnig ásamt Jóni Jósepi Snæbjörnssyni, eða Jónsa.

Norður-kóreskir harmonikkuspilarar fara sigurför um heiminn

Norski tónlistarmaðurinn Morten Traavik gerði skemmtilega menningarlega uppgötvun þegar hann birti myndband af Norður-kóreskum harmonikkuleikurum spila slagarann Take me on með norsku hljómsveitinni A-ha. Milljónir hafa horft á harmonikkuspilarana spila lagið sem þau lærðu á tveimur dögum.

Rokkarar heimtuðu hættulegt rauðvín

Nokkrir aðdáendur hljómsveitarinnar Motörhead mótmæltu ákvörðun vínbúðarinnar um að leyfa ekki sölu á víni merkt sveitinni, fyrir utan Vínbúðina í Skeifunni í dag.

Fórnarlambið á Þórshöfn með mikla höfuðáverka

Rúmlega sjötugur karlmaður liggur þungt haldinn á gjörgæsludeild sjúkrahússins á Akureyri eftir alvarlega líkamsárás sem hann varð fyrir á heimili sínu á Þórshöfn í nótt.

Óvíst hvaða lög sprengjumaðurinn braut

Karlmaður á áttræðisaldri hefur játað að hafa komið sprengjunni fyrir skammt frá Stjórnarráði Íslands. Óvíst er hvaða refsingu hann á yfir höfði sér en svo gæti farið að hann fái einungis sekt. Innanríkisráðherra segir eftirlit hafa verið aukið við ákveðna staði eftir atvikið.

Búist við hríðarveðri seint í kvöld

Það hvessir af suðri seint í köld og hlýnar heldur. Á hæstu fjallvegum um landið vestanvert er búist við hríðarveðri frá því seint í kvöld og nótt, en slyddu og rigningu í byggð - og eins norðanlands með morgninum. Á norðanverðu Snæfellsnesi er spáð byljóttum vindi í nótt og hviðum allt að 30-35 m/s.

Fimm sagt sig af lista Kópavogsbúa vegna óánægju

Fimm hafa sagt sig úr Y-lista Kópavogsbúa eftir að Rannveig Ásgeirsdóttir myndaði meirihluta með Framsóknarflokknum og Sjálfstæðisflokknum í Kópavogi á fimmtudaginn. Alls áttu tólf manns sæti á listanum, sem á aðeins einn mann í bæjarstjórn.

Fagna byltingarafmæli með því að boða til mótmæla

Ár er liðið frá því Hosni Mubarak, forseti Egyptalands, hrökklaðist frá völdum eftir mótmæli Egypta á Frelsistorginu í Kaíró.

Útigangsmenn hrelldu börn á Klambratúni

Lögreglan á höfuðborgarsvæðinu fékk tilkynningu um að útigangsmenn hefði verið ofstopafullir og verið ógnandi við fólk sem gekk um Klambratúnið á milli tvö og þrjú í dag. Meðal annars hrelldu þeir börn sem urðu skelfd og burtu í grát. Mennirnir voru farnir þegar lögreglan kom á vettvang.

Ætlaði að slökkva á brunaboðanum en ræsti innbrotsboðann í staðinn

Hann var óheppinn iðnaðarmaðurinn sem var að störfum á Kleppsspítala í morgun. Lögreglu bárust bæði bruna og innbrotsboð frá spítalanum rétt fyrir klukkan tólf í dag. Í ljós kom að iðnaðarmaður var við vinnu sína þegar brunaboðinn fór af stað.

Blaðamenn breska blaðsins The Sun handteknir

Breska götublaðið The Sun er í uppnámi eftir að lögreglan í Lundúnum handtók fimm blaðamenn hjá blaðinu á heimilum þeirra í morgun. Blaðamennirnir, eru á aldrinum 40 til 60 ára gamlir og meðal þeirra eru yfirmenn blaðsins.

Hershöfðingi myrtur í Sýrlandi

Byssumenn skutu og myrtu sýrlenskan hershöfðingja fyrir utan heimili hans í Damascus, höfuðborg Sýrlands, nú í morgun. Ekki er vitað hverjir voru að verki en árásin er talinn verða til þess að átökin í Sýrlandi, sem hafa aðallega átt sér stað í borginni Homs, munu færast nær höfuðborginni.

Skyndihjálparmaður Íslands bjargaði dóttur sinni

Rauði kross Íslands hefur valið Gísla Örn Gíslason sem skyndihjálparmann ársins 2011 fyrir að sýna hárrétt viðbrögð á neyðarstundu þegar dóttir hans fór í hjartastopp á heimili þeirra þann 29. janúar 2011. Gísli tók við viðurkenningu Rauða krossins í göngugötunni í verslunarmiðstöðinni Smáralind kl. 14:00 í dag á hátíðardagskrá Neyðarlínunnar og samstarfsaðila um 112-daginn.

Játar að hafa rænt barni fyrir 23 árum og alið upp sem sitt eigið

Ann Pettway hefur játað að hafa rænt nítján daga gömlu stúlkubarni af spítala í Harlem árið 1987 og alið upp sem eigin dóttur. Málið vakti heimsathygli á síðasta ári þegar greint var frá því að Caralina White hefði leyst eigin ráðgátu, þegar hún uppgötvaði, 23 ára gömul að henni hefði verið rænt í æsku.

Játning í sprengjumálinu

Karlmaður á áttræðisaldri hefur játað að hafa komið sprengju fyrir skammt frá Stjórnarráði Íslands fyrir tæpum tveimur vikum. Maðurinn var einn að verki. Málið telst upplýst og hefur manninum verið sleppt úr haldi.

Braust inn til manns á áttræðisaldri og misþyrmdi hrottalega

Rúmlega sjötugur karlmaður liggur þungt haldinn á sjúkrahúsinu á Akureyri eftir alvarlega líkamsárás sem hann varð fyrir á heimili sínu á Þórshöfn í nótt. Karlmaður á þrítugsaldri braust inn til hans og misþyrmdi honum hrottalega samkvæmt upplýsingum frá lögreglunni á Húsavík.

Aukin þyngd sjúklinga hækkar kostnað vegna lyfja

Aukin þyngd sjúklinga hefur hækkað kostnað Landspítalans vegna lyfja síðustu misseri. Munað getur nokkrum milljónum á einstökum lyfjameðferðum eftir þyngd fólks. Framkvæmdastjóri á spítalanum segir mikilvægt að huga að forvörnum þar sem þær geti sparað mikið.

Ætlaði að drepa Obama

Tuttugu og tveggja ára maður frá Úsbekistan hefur játað að hafa skipulagt að drepa Barack Obama forseta Bandaríkjanna. Maðurinn hefur búið í Bandaríkjunum undanfarin ár og var handtekinn í leynilegri aðgerð lögreglu til að komast yfir ólögleg skotvopn og sprengjur eftir því sem Sky News fréttastofan hefur eftir bandaríska dómsmálaráðuneytinu.

Saudí-Arabar vilja að ályktun gegn Sýrlandi verði samþykkt

Saudí-Arabar reyna nú að fá Allsherjarþing Sameinuðu þjóðanna til að samþykkja ályktun þar sem þess er krafist að látið verði af átökum og ofbeldi í Sýrlandi og að Bashar al-Assad víki úr stóli forseta.

Karlmaður stunginn og svo færður í fangageymslu

Karlmaður var stunginn í nótt í Hafnarfirði og handtók lögreglan fjóra menn vegna málsins. Hnífaárásin reyndist ekki lífshættuelg. Fíkniefni fundust á einum manninum og voru þeir svo allir færðir í fangageymslur. Þá var fórnarlambið einnig handtekið eftir að búið var að gera að sárum hans á slysadeild.

Ákvörðun um gæsluvarðhald tekin í dag

Lögreglan tekur ákvörðun um það síðar í dag hvort að krafist verði gæsluvarðahalds yfir karlmanni á áttræðisaldri sem handtekinn var í gær vegna sprengjumálsins.

112-dagurinn haldinn í dag - vélmenni og sprengjubíll í Smáralindinni

112-dagurinn verður haldinn um allt land í dag. Markmið dagsins er að kynna neyðarnúmerið og þá margvíslegu aðstoð sem almenningur hefur aðgang að í gegnum þjónustuna.

Færð og aðstæður: Hálka víða á Suðurlandi

Hálkublettir eru á Hellisheiði og Þrengslum en snjóþekja á Lyngdalsheiði, en hálkublettir eru víðast hvar á Suðurlandi. Hálka er í Kringum Vík.

Fíkniefnasali á Menntavegi og grillaðir unglingar í Gvendargeisla

Lögreglan hafði afskipti af fjórum unglingum við Gvendargeisla um klukkan hálf tólf í gærkvöldi. Grunur vaknaði um kannabisreykingar. Við leit fann lögreglan hassblandað tóbak á einum unglingnum. Málið var afgreitt á vettvangi, en vegna aldurs var haft samband við forráðamenn og barnavernd látin vita um aðstæður.