Með marijúana í kvennafangelsinu í Kópavogi

Tuttugu og tveggja ára kona var í dag dæmd í átta mánaða óskilorðsbundið fangelsi fyrir fíkniefnalagabrot, þjófnað, fjársvik og umferðarlagabrot. Konan á nokkurn afbrotaferil að baki en á meðal þess sem hún var dæmd fyrir var að hafa marijúana í herbergi sínu í kvennafangelsinu í Kópavogi. Þá stal hún einnig ilmvatni úr apóteki, sveik út vörur fyrir rúmlega 120 þúsund krónur hjá N1, í félagi við annan mann, og keyrði bíl undir áhrifum fíkniefna. Konan játaði brot sín í Héraðsdómi Reykjavíkur í morgun en hún var einnig svip ökuréttindum í tvö ár.

Telja villandi að fjalla um kynhneigð níðingsins

Það er varhugavert að einblína á kynhneigð mannsins sem dæmdur var í síðustu viku fyrir kynferðismök við barn, segir í yfirlýsingu frá Samtökunum ´78. Maðurinn mun hafa greitt barninu, að minnsta kosti einu sinni, fyrir mök.

Orkustefna fyrir Ísland lögð fram

Oddný G Harðardóttir, iðnaðarráðherra lagði í dag fram á Alþingi skýrslu um heildstæða Orkustefnu fyrir Ísland en í stefnuyfirlýsingu ríkisstjórnarinnar frá því í maí 2009 er kveðið á um að mótuð verði stefna þar um. Í tilkynningu frá iðnaðarráðuneyti segir að orkustefnunni sé ætlað að vera grundvöllur og viðmið ákvarðana er varða orkumál og skulu ákvarðanir stjórnvalda jafnan vera í sem bestu samræmi við stefnuna.

Forvirkar rannsóknarheimildir yrðu einskorðaðar við alvarlegustu brotin

Persónuvernd telur að gæta þurfi ítrustu varfærni þegar metið verður hvort lögfesta eigi heimildir um forvirkar rannsóknarheimildir. Beiting slíkra heimilda myndi fela í sér viðamikla skerðingu á friðhelgi einkalífsins. Þetta kemur fram í umsögn Persónuverndar til allsherjar- og menntamálanefndar Alþingis um þingsályktunartillögu um forvirkar rannsóknarheimildir.

Tugir athugasemda gerðar við ástand mannréttinda á Íslandi

Tugir athugasemda voru gerðar við ástand mannréttindamála á Íslandi í reglubundinni yfirferð Mannréttindaráðs Sameinuðu þjóðanna en skýrsla þess efnis var birt í gær. "Þótt mörg ríki lykju lofsorði á stöðu mannréttinda og þá ekki síst í jafnréttismálum, lýstu mörg aðildarríki áhyggjum yfir ástandi fangelsismála, vægum dómum og fáum kærum í kynferðisafbrotamálum, kynbundnu launamisrétti, trúfrelsismálum og seinagangi við að staðfesta alþjóðlega mannréttindasáttmála,“ segir í frétt á heimasíðu upplýsingaskrifstofu SÞ.

Mikið tjón á Madagascar

Hitabeltisstormur gekk yfir eyjuna Madagascar í morgun og náðu vindhviðurnar tæplega tvöhundruð kílómetra hraða þegar verst lét. Veðurfræðingar óttast að tjónið af völdum stormsins gæti verið jafn mikið og árið 1994 þegar 200 manns létust og fjörutíu þúsund misstu heimili sín. Eitt dauðsfall hefur þegar verið staðfest en erfiðlega hefur gengið að ná sambandi við strjábýlli svæði eyjarinnar.

Vill láta rassskella Steingrím

"Ég held að þingforseti ætti að setja hæstvirtan formann VG á kné sér og rasskella hann,“ sagði Gunnar Bragi Sveinsson, þingflokksformaður Framsóknarflokksins, á Alþingi í dag.

Þorsteinn Guðmundsson leitar að konum

Leikarinn góðkunni Þorsteinn Guðmundsson er nú í óða önn að undirbúa kynningarátak Krabbameinsfélagsins, Mottumars. Til stendur að framleiða nýjar auglýsingar þar sem hann verður í hlutverki vinalega mannsins undir teppinu sem hvetur íslenska karlmenn til að læra að þekkja einkenni krabbameins og alla þjóðina til að heita á þá.

Tekur ekki ábyrgð á "klaufalegum misskilningi“ Hjálmars

Bæjarfulltrúi Samfylkingarinnar í Kópavogi segist ekki taka ábyrgð á því sem hann kallar klaufalegan misskilning bæjarfulltrúa Næstbestaflokksins sem leiddi til þess að meirihlutinn riðaði til falls.

Kannast ekki við að kennurum hafi verið sagt upp vegna trúarskoðana

Formaður Félags grunnskólakennara kannast ekki við að kennurum hafi verið sagt upp störfum vegna trúarskoðana. Menntamálaráðherra telur ekki rétt að takmarka málfrelsi kennara með lagasetningu.

Stefna að kosningum um stjórnarskrárfrumvarp í sumar

Stjórnskipunar- og eftirlitsnefnd Alþingis vill að kosið verði um tillögur stjórnlagaráðs samhliða forsetakosningum í sumar. Valgerður Bjarnadóttir, formaður nefndarinnar, lagði tillögu þessa efnis fram á nefndarfundi í morgun og samþykkti meirihluti nefndarinnar það.

Býr í flugstöðinni

Þýskur karlmaður hefur búið í sænskri flugstöð í tvo mánuði. Hann segist ekki vilja fara aftur heim til Þýskalands en hann hafi engan stað til að búa á í Svíþjóð.

Gerir ekki athugasemdir við setu Benedikts í dómnum

Sigríður Friðjónsdóttir ríkissaksóknari hefur ekki gert athugasemdir við setu Benedikts Bogasonar í Hæstarétti í máli ákæruvaldsins gegn Baldri Guðlaugssyni fyrrverandi ráðuneytisstjóra. Þetta segir Sigríður í skriflegu svari við fyrirspurn Vísis. Benedikt og Karl Axelsson, verjandi Baldurs, eru vinir og DV greindi frá því um daginn að þeir hefðu sést opinberlega saman eftir að málið gegn Baldri var dómtekið í Hæstarétti.

ESB fær upplýsingar um íslenska PIP púða

Framkvæmdastjórn Evrópusambandsins hefur verið gert viðvart um háá lekatíðni falsaðra PIP brjóstafyllinga hér á landi. Í tilkynningu frá velferðarráðuneyti segir að Lyfjastofnun hafi sent upplýsingarnar utan en búið er að ómskoða 105 konur hér á landi með slíkar fyllingar og hefur leki greinst í púðum hjá 71 konu eða um 68% þeirra sem hafa verið skoðaðar.

Landsmönnum fjölgaði um 1123

Landsmönnum fjölgaði um 1123, eða um 0,4%, á síðasta ári. Samkvæmt tölum Hagstofunnar voru þeir rétt tæplega 320 þúsund þann 1. janúar síðastliðinn. Konum fjölgaði nokkuð meira en körlum á síðasta ári eða um 0,5% á móti 0,2%.

Tæplega 90% Íslendinga ferðast innanlands

Tæplega níu af hverjum tíu Íslendingum ferðuðust innanlands í fyrra, sem er svipað og árin á undan. Tæplega tveir þriðju aðspurðra ferðuðust til útlanda á árinu 2011, eða 63,3%, en var 56,3% í sambærilegri könnun fyrir ári síðan.

97% studdu Gúrbangúllí

Gúrbangúllí Berdímúkhamedov var endurkjörinn með yfirburðum í forsetakosningum sem fram fóru í Túrkmenistan á sunnudag.

Ísraelar kenna Írönum um

Forsætisráðherra Ísraels sakar írönsk stjórnvöld um að hafa staðið á bak við tvær sprengjuárásir á ísraelskar sendiráðsbifreiðar í gær. Önnur árásin var gerð í Tíblisi, höfuðborg Georgíu, en hin í Nýju-Delhi á Indlandi.

Þjóðin fái að kjósa um stjórnarskrána

Formaður stjórnskipunar- og eftirlitsnefndar vill að drög að nýrri stjórnarskrá verði borin undir þjóðina í sumar. Málið verður að klárast í mars eigi að kjósa samhliða forsetakosningum. Ekki í samræmi við yfirlýsingar varaformanna.

Þingið mun fjalla um rammaáætlun

Svandís Svavarsdóttir umhverfisráðherra sagði að þingheimur muni fá færi til að fjalla um þingsályktunartillögu um rammaáætlun um vernd og nýtingu náttúrusvæða. Málið muni fá þinglega meðferð líkt og önnur.

Virkni lyfs kemur í ljós mun fyrr en áður

Íslenskur vísindamaður, doktor Kristinn B. Gylfason, er einn þriggja vísindamanna við Konunglega Tækniháskólann í Stokkhólmi, sem hlotið hafa 3,8 milljónir sænskra króna í styrk frá Sænska rannsóknaráðinu, jafngildi um 70 milljóna íslenskra króna, til þess að þróa nýja tækni við lyfjarannsóknir. Með nýju tækninni, svokallaðri míkró- og nanótækni, verður hægt að sjá hvernig hver einstök fruma bregst við lyfjagjöf, að sögn Kristins.

Matís þróar vinnslu og veiðar í Tansaníu

Starfsmenn Matís aðstoða íbúa við Tanganyika-vatn í Tansaníu við að nýta fiskmeti betur. Verkefnið er svar stofnunarinnar við niðurskurði í fjárveitingum.

Hefur aldrei verið ákærður

Abu Qatada, rúmlega fimmtugur íslamskur predikari, var í gær látinn laus í Bretlandi eftir áratug í fangelsi. Hann þurfti þó að reiða fram tryggingarfé og þarf að sæta eftirliti, að öllum líkindum með útivistarbanni og ökklabandi til öryggis.

Semja um stofnun jarðvangs á Reykjanesi

Sveitarfélögin Garður, Grindavíkurbær, Reykjanesbær, Sandgerðisbær og Sveitarfélagið Vogar hafa skrifað undir samkomulag um stofnun jarðvangs á Reykjanesi.

Jón Þórarinsson tónskáld látinn

Jón Þórarinsson tónskáld er látinn 94 ára að aldri. Hann var fæddur hinn 13. september 1917.

Hæðnistónn Össurar dregur dilk á eftir sér

Hæðnistónn Össurar Skarphéðinssonar utanríkisráðherra í garð Vigdísar Hauksdóttur þingmanns Framsóknarflokksins á Alþingi í gærdag dró dilk á eftir sér.

Flugu með lík Whitney Houston heim til New Jersey

Flogið var með kistu með líki söngkonunnar Whitney Houston frá Los Angeles til New Jersey í nótt.

Enn hitnar í kolunum í deilunni um Falklandseyjar

Enn hitnar í kolunum í endurvakinni deilu Argentínumanna og Breta um Falklandseyjar. Nú hefur verkalýðsfélag flutningsmanna í Argentínu ákveðið að sniðganga öll bresk skip sem koma til hafnar í Argentínu en hafnarverkamenn í landinu tilheyra þessu verkalýðsfélagi.

Leiðtogar ESB og Kína funda í Bejing

Leiðtogar Evrópusambandsins og Kína funda í Bejing í dag. Skuldakreppan í Evrópu verður aðalumræðuefnið og hvernig Kínverjar geti komið Evrópuríkjum til aðstoðar í þeirri kreppu.

Loðnufrysting hafin í Vestmannaeyjum

Mjög góð loðnuveiði er nú við Hrollaugseyjar vestan við Höfn í Hornafirði og eru mörg skip að veiðum á litlu svæði alveg upp undir ströndinnni.

Danskir karlmenn dauðþreyttir á Valentínusardeginum

Danskir karlmenn eru orðnir dauðþreyttir á umstanginu í kringum Valentínusardaginn sem er í dag, 14. febrúar.

Grikkir meta tjónið og hefja hreinsun

Hátt í hundrað húsa eyðilögðust í óeirðum í Aþenu í fyrrinótt. Fjármálaráðherrar evruríkjanna fagna nýjum niðurskurðaráformum grísku stjórnarinnar, sem fyrir sitt leyti hefur boðað til kosninga í apríl, að fenginni fjárhagsaðstoð.

Furða sig á vægum barnavændisdómi

Lögfræðingur Barnaverndarstofu segir tólf mánaða skilorðsbundinn fangelsisdóm manns sem keypti vændi af fjórtán ára dreng vekja furðu. Mikið tillit er tekið til aðstæðna mannsins sem missti vinnuna og hefur leitað sér hjálpar.

Dæla koltvísýringi ofan í jörðina

Niðurdæling á koltvísýringi við Hellisheiðarvirkjun hófst í lok janúar. Hugmyndin er að þessi gróðurhúsalofttegund bindist basalti í hraunlögum neðanjarðar og varðveitist sem steintegund um alla framtíð.

Santorum á fljúgandi siglingu í prófkjörsslagnum

Rick Santorum er á fljúgandi siglingu í prófkjörsslag Repúblikanaflokksins um hver verði forsetaefni flokksins í kosningunum í haust.

Steingrímur hóflega bjartsýnn á árangur í makrílviðræðum

Steingrímur J. Sigfússon sjávarútvegsráðherra segist í viðtali við netsíðuna Fish-Update, vera hóflega bjartsýnn á viðunandi árangur af fundi strandríkja um makríl, sem hefst í Reykjavík í dag.

Skyndibílar verða jafnvel komnir á göturnar í haust

Bílaleigur, olíufélög og bílaumboð funduðu með fyrirtækjum sem hafa áhuga á að kaupa þjónustu skyndibíla. Aðstandendur verkefnisins segja viðbrögðin hafa verið jákvæð og bílaleigur segja verkefnið spennandi.

Glæpir framdir gegn mannkyni

Navi Pillay, mannréttindafulltrúi Sameinuðu þjóðanna, segir að Sýrlandsstjórn virðist notfæra sér óeiningu í öryggisráði Sameinuðu þjóðanna til þess að herða aðgerðir sínar gegn mótmælendum um allan helming.

Spurt um málfrelsi kennara

Sigmundur Ernir Rúnarsson, þingmaður Samfylkingarinnar, spurði Katrínu Jakobsdóttur, mennta- og menningarmálaráðherra, hvort setja ætti málfrelsi kennara skorður. Tilefni væri til að staldra við þegar grunnskólakennarar töluðu með þeim hætti að gæti verið særandi fyrir nemendur.

Talinn ógna hagsmunum almennings

Héraðsdómur Suðurnesja framlengdi á föstudag gæsluvarðhald yfir rúmlega tvítugum manni sem talinn er hafa veitt öðrum manni alvarlega áverka með hnífi í Kópavogi aðfaranótt 3. febrúar.

Skínandi stígur sviptur leiðtoga

Artemio, leiðtogi hryðjuverkasamtakanna Skínandi stígur, var handtekinn um helgina og fluttur strax á sjúkrahús vegna sára sem hann hlaut þegar til átaka kom við handtökuna.

Bar upp bónorð á verðlaunapallinum

Ólympíumeistari í sundi bað unnustu sinnar eftir að hann hafði tekið við gullpeningi á sundmóti í Missouri í Bandaríkjunum.

Tvíburabræður sýna alheiminn í öllu sínu veldi

Gagnvirkt kort sem tveir 14 ára tvíburabræður hafa sett saman hefur vakið mikla athygli á internetinu. Kortið sýnir alheiminn í öllu sínu veldi, frá hinu minnsta til þess stærsta.

Hefðbundnar ástarjátningar heilla enn

Þó svo að konur og karlar hafi tekið stafrænni tækni með opnum örmum þá eru rómantíkin enn hefðbundin.

Bjargaði lífi 17 ára dóttur sinnar

Sigurbjörg Jóhanna Gísladóttir var aðeins 17 ára þegar hún fékk hjartastopp á heimili sínu fyrir rúmu ári, en þökk sé réttum viðbrögðum föður hennar, Gísla Arnar Gíslasonar, hélt hún lífi. Í Íslandi í dag í kvöld var talað við feðginin og sögðu þau frá því hvernig röð tilviljana varð til þess að Sigurbjörg er á lífi í dag. Einnig var átakanleg upptaka af því þegar móðir Sigurbjargar hringdi í Neyðarlínuna spiluð.