Serbar krefjast nýrra kosninga

Fjölmennustu mótmæli gegn stjórnvöldum í áraraðir fóru fram í Belgrad, höfuðborg Serbíu, á sunnudag þegar um 55.000 manns kröfðust kosninga.

Fjögurra manna fjölskylda notar 618 þúsund á mánuði

„Menn mega ekki hafa þær væntingar að hér sé verið að svara öllum spurningum heldur erum við fyrst og fremst að hefja vinnuna,“ sagði Guðbjartur Hannesson velferðarráðherra þegar hann kynnti í gær þrenns konar ný neysluviðmið fyrir Íslendinga.

Treystir ekki réttarkerfi Svía

Geoffrey Robertson, lögmaður Julians Assange, segir að verði Assange framseldur til Svíþjóðar eigi hann á hættu að brotið verði á réttindum hans.

Vill Agnesi á bak við lás og slá

Ingi Freyr Vilhjálmsson, fréttastjóri á DV, krefst þess að Agnes Bragadóttir, blaðamaður Morgunblaðsins, verði dæmd í fangelsi fyrir ærumeiðandi ummæli í sinn garð. Hann telur brotið svo alvarlegt að ekki sé rétt að sú fangelsisrefsing verði skilorðsbundin. Þetta kemur fram í stefnu sem þingfest verður í Héraðsdómi á fimmtudag.

Vottaði unnustunni samúð eftir morðið

Gunnar Rúnar Sigurþórsson, sem játað hefur að hafa orðið Hannesi Þór Helgasyni að bana í ágúst á síðasta ári, sendi unnustu Hannesar samúðarkveðjur og hringdi í hana eftir verknaðinn.

Flugmálastjórn breyti verklagi og efli samkeppni

Afgreiðsla Flugmálastjórnar Íslands á flugréttindum hér á landi raskar samkeppni í áætlunarflugi til og frá landinu, að því er fram kemur í nýrri ákvörðun Samkeppniseftirlitsins.

Sveik út 800 vinnustundir

Svæfingalæknir á sextugsaldri hefur verið dæmdur í eins árs fangelsi fyrir að svíkja 4,7 milljónir króna út úr Tryggingastofnun ríkisins. Níu mánuðir refsingarinnar eru skilorðsbundnir. Læknirinn er dæmdur fyrir að hafa framvísað 265 röngum reikningum þar sem hann krafðist greiðslu fyrir samtals 800 vinnustundir sem lögreglurannsókn sýndi að hann hafði ekki innt af hendi. Hann virðist líka hafa reynt að villa um fyrir lögreglu með því að ljúga því að svæfingaskýrslurnar hefðu allar glatast.

Tugir íbúðarhúsa brunnu til grunna

Ástralskir slökkviliðsmenn börðust við gróðurelda á tveimur stöðum í vestanverðri álfunni í gær. Varpað var vatni á eldana til að reyna að halda þeim í skefjum.

Breskur blaðamaður rekinn frá Rússlandi

Blaðamaður breska blaðsins The Guardian hefur verið rekinn frá Rússlandi. Þetta er í fyrsta skipti frá lokum kalda stríðsins sem breskur blaðamaður hefur verið vísað úr landinu. Luke Harding, sem var fréttaritari Guardian í Moskvu um árabil, hefur að undanförnu skrifað um sendiráðsskjölin sem Wikileaks gerði opinber á dögunum. Á meðal þess sem Harding greindi frá voru ásakanir á hendur Vladimir Putin, forsætisráðherra og fyrrum forseta, á þá leið að Rússland væri orðið að einskonar mafíuríki undir hans stjórn.

Fimm ára verkefni í Malaví á teikniborðinu

Hjálparstarf Þróunarsamvinnustofnun Íslands (ÞSSÍ) undirbýr á þessu ári nýtt fimm ára verkefni í lýðheilsu með héraðsstjórn Mangochi í Malaví. Stefán Jón Hafstein, umdæmisstjóri ÞSSÍ í Malaví, segir hugmyndina þá að Rauði krossinn geti hugsanlega haft hlutverk í verkefninu. Í tilkynningu ÞSSÍ er eftir honum haft að Rauði kross Íslands hafi um nokkurra ára hríð starfað í Malaví og að reynslan af þeim verkefnum þyki góð.

„Svartur kassi hefur verið settur utan um líf mitt"

Julian Assange, stofnandi Wikileaks, kom fyrir rétt í Lundúnum í dag þar sem tekist var á um framsalskröfu sænsks saksóknara sem rannsakar ásakanir tveggja kvenna á hendur honum.

Segja rök þingmanna byggð á vanþekkingu

„Tillögunni er beint gegn starfsemi ORF Líftækni. Þetta eru kaldar kveðjur en við höfum ekki trú á að þessi tillaga verði samþykkt enda byggir hún ekki á vísindalegum rökum heldur á hjávísindum, misskilningi og dylgjum,“ segir dr. Björn Örvar, framkvæmdastjóri ORF Líftækni.

Verði teknir af lífi

Þúsundir manna mótmæla enn á Frelsistorginu í Kairó í Egyptalandi og hafa margir hverjir tjaldað á torginu. Hosni Mubarak, forseti Egyptalands, þráast enn við að segja af sér en þúsundir manna halda enn áfram að krefjast afsagnar hans. Mótmælendur hafa komið sér haganlega fyrir á Frelsistorginu. Margir hafa tjaldað og fólk deilir með sér drykkjum og mat. Mubarak lét sjá sig á fundi með ráðherrum sínum í ríkissjónvarpinu í dag og lofaði að rannsókn yrði hafi á spillingu í stjórnkerfinu og á ásökunum um kosningasvindl.

Framkvæmdastjóra hjá Landsvirkjun boðið forstjórastarf OR

Bjarna Bjarnasyni, framkvæmdastjóra hjá Landsvirkjun, hefur verið boðið starf forstjóra Orkuveitunnar. Frá þessu var greint í kvöldfréttum Ríkissjónvarpsins en ákvörðun um þetta var tekin stjórnarfundi í dag. Af öllum líkindum verður greint formlega frá ráðningunni á morgun. Sextíu manns sóttu um starfið.

Brýnt að draga nemendur í iðngreinar

Vinna þarf frekar að því að draga nemendur inn í námsgreinar sem ekki hafa verið vel sóttar, svo sem iðngreinar. Þetta segir menntamálaráðherra en á sama tíma og um 80% ungs fólks á atvinnuleysisskrá er aðeins með grunnskólapróf vantar fólk inn í iðngreinar.

Sjálfstætt ríki Suður-Súdana verður stofnað

Tæplega 99% Suður-súdönsku þjóðarinnar kýs að aðskilja þjóðina frá Norður-Súdan. Lokatölur í í þjóðaratkvæðagreiðslunni sem fór fram síðustu vikuna í janúar voru birtar í dag. Fyrstu tölur bentu til þess að 99,57% hefðu greitt atkvæði með aðskilnaði.

Sextíu ökumenn stöðvaðir

Sextíu ökumenn voru stöðvaðir í sérstöku umferðareftirliti lögreglunnar um helgina. Þrír þeirra reyndust ölvaðir við stýrið en hinir sömu eiga allir ökuleyfissviptingu yfir höfði sér, að því er fram kemur á vef lögreglunnar.

Mál 12 ára ökumanns tilkynnt til barnaverndar

Hann var ekki hár í loftinu ökumaðurinn sem lögreglan stöðvaði á höfuðborgarsvæðinu um miðjan dag í gær. Sá ók fólksbíl þrátt fyrir að vera aðeins 12 ára en eðli málsins samkvæmt hefur viðkomandi ekki öðlast ökuréttindi.

Féll ofan í ísilagða Reykjavíkurtjörn og drukknaði næstum því

Nítján ára piltur lenti í lífshættu aðfaranótt sunnudags þegar hann ætlaði að stytta sér leið yfir Reykjavíkurtjörn samkvæmt áreiðanlegum heimildum Vísis.

Fimmtán ára fær fjórar milljónir vegna vinnuslyss

Héraðsdómur Reykjavíkur dæmdi í dag Löndun ehf. og Tryggingamiðstöðina til þess að greiða pilti rúmlega fjórar milljónir vegna vinnuslyss sem varð þegar drengurinn var fimmtán ára gamall.

Afgreiðsla Flugmálastjórnar Íslands á flugréttindum raskar samkeppni

Samkeppniseftirlitið hefur í ákvörðun sem birt er í dag komist að þeirri niðurstöðu að afgreiðsla Flugmálastjórnar Íslands á flugréttindum hér á landi raski samkeppni í áætlunarflugi til og frá landinu samkvæmt tilkynningu frá Samkeppniseftirlitinu.

478 slepptu því að gefa stefnuljós: Lögregla herðir eftirlit

Fyrir skömmu gerði Umferðarstofa könnun á notkun stefnuljósa í tveimur hringtorgum á höfuðborgarsvæðinu og kom í ljós að mikið vantar á að þetta mikilvæga öryggis- og upplýsingatæki væri notað með fullnægjandi hætti.

Gunnar Rúnar með tvískiptan persónuleika - afar umdeild röskun

Samkvæmt niðurstöðum Helga Garðars Garðarsson, geðlæknis, þá er Gunnar Rúnar Sigurþórsson, sem banaði Hannesi Þór Helgasyni, með tvískiptan persónuleika. Vísir ræddi við Halldóru Ólafsdóttur, yfirlækni göngudeildar og bráðamóttöku geðdeildar Landspítalans, en hún segist hafa séð örfá tilvik á sínum 25 ára ferli.

Hver rýnihópur fjallar um 6 til 14 hagræðingartillögur

Starf er hafið með rýnihópum foreldra og starfsfólks leikskóla, grunnskóla og frístundaheimila í borginni. Hóparnir munu fara yfir þær hugmyndir sem fram eru komnar um hvernig megi hagræða í rekstri stofnana í lærdómsumhverfi reykvískra barna. Þetta kemur fram í tilkynningu frá leikskóla- og menntasviði Reykjavíkurborgar. Tveir rýnihópar hafa verið settir saman í hverju hverfi borgarinnar, alls tólf hópar. Fulltrúar voru valdir með lagskiptu slembiúrtaki meðal foreldra og starfsfólks. Haft var að leiðarljósi að velja foreldra og/eða starfsfólk frá þeim stofnunum þar sem hugmynd um sameiningu er til umræðu. Einnig var leitast við að velja foreldra sem hefðu mikla reynslu af skólastarfi í hverfinu, ættu t.d börn í leikskólum og grunnskólum og á frístundaheimilum og hefðu þannig snertingu við sem flestar stofnanir. Í rýnihópunum er leitað eftir skoðunum á þeim hugmyndum sem hafa komið fram um sameiningu stofnana í hverju hverfi, eftir greiningu starfshóps, viðtöl við stjórnendur, á hverfafundum og í gegnum ábendingagátt um þetta verkefni. Hver hópur fjallar um 6-14 tillögur, en misjafnt er eftir hverfum hversu margar þær eru og hversu margar stofnanir falla undir þær.

„Leikskólinn er að berjast fyrir lífi sínu“

Samráðsfundur mannauðsstjóra Reykjavíkurborgar með fulltrúum þeirra stéttarfélaga sem eiga starfsmenn í leik- og grunnskólum borgarinnar sem og frístundaheimilum, hófst nú klukkan þrjú. Til fundarins er boðað vegna fyrirhugaðra sameininga hjá skólum og frístundaheimilum borgarinnar.

Morðmálið lagt í dóm

Aðalmeðferð í máli ákæruvaldsins gegn Gunnari Rúnari Sigurþórssyni lauk eftir klukkan eitt í dag og málið var þá lagt í dóm. Ákæruvaldið krefst ítrustu refsingar yfir Gunnari Rúnari sem er sextán ára fangelsi. Verjandi hans krefst hins vegar sýknu á grundvelli 15. greinar almennra hegningalaga, þ.e. á þeirri forsendu að hann hafi verið ófær um að stjórna gerðum sínum sökum geðveiki þegar morðið var framið.

„Dresscode“ á balli Samfés - flegnir bolir bannaðir

Mun strangari reglur um klæðaburð gilda á balli Samfés í ár, Samtaka félagsmiðstöðva. Í bréfi sem stjórn Samfés hefur sent til grunnskólanema og starfsfólks félagsmiðstöðva kemur fram að fjölmargar athugasemdir hafi borist vegna klæðaburðar krakkanna á undanförnum árum. Nú er því brugðist við þeim athugasemdum með ströngum reglum um klæðaburð, svokölluðum „dresscode."

Íslenskur talgervill í smíðum

Blindrafélagið hefur tekið ákvörðun um að hafa forgöngu um smíði á nýjum íslenskum talgervli (Text To Speach Engine eða TTS) sem stenst samanburð við það besta sem þekkist í erlendum málum.

Neytendasamtökin vilja taka upp Skráargatið

Neytendasamtökin hafa ítrekað hvatt til þess að hollustumerkið Skráargatið verði tekið upp á Íslandi. Merkið er valkvætt fyrir framleiðendur og einungis þau matvæli sem eru hollust í sínum flokki mega bera það.

Íslenski hesturinn í einum vinsælasta Facebookleik heims

„Þetta er náttúrulega alveg mögnuð markaðssetning,“ segir Hulda Gústafsdóttir, annar eigandi Hestvits, sem sér meðal annars um útflutning á hestum.

Krefjast lokaðra réttarhalda yfir Þorvarði

Lögmaður Þorvarðs Davíðs Ólafssonar fór fram á að réttarhöld yfir honum yrðu lokuð almenningi en málið var þingfest í Héraðsdómi Reykjavíkur í morgun. Þorvarður er ákærður fyrir tilraun til manndráps þegar hann réðst á föður sinn, tónlistarmanninn Ólaf Þórðarson, í nóvember á síðasta ári.

Grýlukertaviðvörun: Hreinsið snjó og grýlukerti af húsþökum

Lögreglan beinir þeim tilmælum til fólks á höfuðborgarsvæðinu að huga að grýlukertum og snjóhengjum er lafa fram af húsþökum en af þeim getur stafað töluverð hætta.

Svæsið geðrof gerði Gunnar Rúnar ófæran um að stjórna gerðum sínum

Svæsið geðrof varð til þess að Gunnar Rúnar Sigurþórsson varð ófær um að stjórna gerðum sínum, sagði Guðrún Sesselja Arnardóttir, verjandi Gunnars Rúnars, í málflutningi fyrir Héraðsdómi Reykjaness í dag. Máli sínu til stuðnings benti hún á vitnisburð þriggja geðlækna sem hafa borið vitni fyrir dómi. Hún fer frammá sýknu í málinu.

Ný neysluviðmið kynnt í dag

Velferðarráðherra, Guðbjartur Hannesson, kynnir í dag skýrslu um svonefnd neysluviðmið, sem eiga að endurspegla mánaðarleg útgjöld landsmanna. Talið er að niðurstöðurnar geti skipt miklu í viðræðum um endurnýjun kjarasamninga. Áður hafa ýmsir reiknað út neysluviðmið, en niðurstöðurnar hafa verið afar ólíkar, eftir því hver reiknar. Guðbjartur kynnir nýju neysluviðmiðin klukkan þrjú.

Svæfingalæknir í fangelsi fyrir fjársvik

Fimmtíu og fimm ára gamall svæfingalæknir var dæmdur í 12 mánaða fangelsi í Héraðsdómi Reykjavíkur í dag fyrir að svíkja rúmlega fjóra og hálfa milljón króna út úr Tryggingastofnun.

Borgarar njóti sólar við vegg Tollhússins

Gísli Marteinn Baldursson og Hildur Sverrisdóttir, fulltrúar Sjálfstæðisflokksins í umhverfis- og samgönguráði Reykjavíkur, leggja til að bílastæðin sunnan við Tollhúsið í Tryggvagötu verði færð úr sólinni og í skuggann hinu megin götunnar.

Reyndi að smygla rítalíni og rívotríli á hraunið

Kona var handtekin á Litla-Hrauni vegna gruns um að ætla að smygla lyfjum til fanga í fangelsinu í síðustu viku. Hún hafði innan klæða um 200 töflur af rítalíni og rívotríli sem hún hafði framvísað til fangavarðar rétt áður en lögreglumenn komu á staðinn.

Ölvaður ökumaður festi bíl og hringdi á lögguna

Lögreglumenn á Selfossi höfðu hinsvegar í nægu að snúast síðastliðið föstudagskvöld eftir að talsverð snjókoma olli ófærð. Nokkuð var um að leitað væri til lögreglu vegna ökutækja sem sátu föst í snjó.

Opinn fundur um atvinnuleið SA

Samtök atvinnulífsins efna til opins fundar um atvinnuleiðina á miðvikudaginn kemur klukkan 8:30 og stendur fundurinn til klukkan tíu. Fundurinn fer fram á Grand Hótel Reykjavík en atvinnuleiðin er sýn Samtaka atvinnulífsins á leiðina út úr kreppunni.

Deilt um sakhæfi Gunnars Rúnars

Í máli ákæruvaldsins gegn Gunnari Rúnari Sigurþórssyni er aðallega deilt um sakhæfi Gunnars, sagði Sigríður Elsa Kjartansdóttir saksóknari í málflutningi sínum fyrir Héraðsdómi Reykjaness í dag. Vitnaleiðslur báru þessa klárlega merki í dag, enda voru fjögur vitni og þar af þrír geðlæknar. Gunnar Rúnar hefur játað morðið á sig á fyrri stigum þess og vildi ekki bæta neitt við þann framburð í dag.

Gönguskíðabrautir troðnar í Heiðmörk

Gönguskíðabrautir hafa verið troðnar í Heiðmörk og er öll aðstaða eins og best verður á kosið. Í dag er fínasta veður og færi, mikill snjór, logn og sólskin og vel kalt.

Erfiður morgunn fyrir fjölskyldu Hannesar

„Það hefur verið erfitt fyrir þá sem sitja í dómsalnum að hlusta á óhugnanlegar lýsingarnar á morðinu. Ekki síst fyrir fjölskyldu, vini og aðstandendur Hannesar. Þetta hefur verið erfiður morgunn,“ sagði fréttamaðurinn Andri Ólafsson, í viðtali við Bylguna í hádeginu, þar sem hann lýsti andrúmsloftinu í réttarhöldunum yfir Gunnar Rúnari Sigurþórssyni.

Fimmtíu kannabisplöntur í Hafnarfirði

Lögreglan á höfuðborgarsvæðinu stöðvaði kannabisræktun í húsi í Hafnarfirði um helgina. Að sögn lögreglu fundust rúmlega 50 kannabisplöndur auk þess sem hald var lagt á ýmsan búnað sem tengist starfsemi sem þessari.

Bankar og pósthús opin í Kaíró

Bankar, pósthús og bensínstöðvar voru opin í Kairó höfuðborg Egyptalands í dag annan daginn í röð. Þessar stofnanir hafa verið lokaðar meira og minna frá því mótmælin hófust fyrir fjórtán dögum. Mótmælendur halda enn fyrir á Frelsistorginu og hafa margir slegið upp tjöldum og heita því enn að yfirgefa ekki torgið fyrr en Hosni Mubarar forseti er farinn frá völdum. Yfirvöld hafa slakað á útgöngubanni, sem tekið hefur gildi klukkan þrjú á daginn að staðartíma en gildir nú frá klukkan fimm. Það hefur þó takmarkaða þýðingu vegna þess að mótmælendur hafa algerlega hundsað það. Daglegt líf er samt sem áður að verða meira og meira eins og íbúarnir eiga að venjast.

100 unglingar á æskulýðsmóti

Um 100 unglingar á aldrinum 13 til 16 ára og leiðtogar af Norður- og Austurlandi tóku þátt í æskulýðsmóti í Brúarási á Fljótsdalshéraði. Mótið var haldið í Brúarásskólao og þema mótsins var „Með sama hugarfari og Kristur" og vísar til þess að við erum öll ólík, en eitt, að því er fram kemur í tilkynningu. „Höfum margbreytilega hæfileika, sem við eigum að nýta hvert fyrir annað og samfélag okkar. Í þemastund á laugardeginum var fræðsla um mannréttindi, hver við erum, hvað við eigum sameiginlegt og mikilvægi þess að hugsa til þeirra sem njóta ekki mannréttinda.“