Ókeypis hafragrautur og lýsi á morgnana

„Þegar fjármunir eru af skornum skammti skiptir máli að hugsa út fyrir rammann," segir Ragnheiður Linda Skúladóttir, forstöðurmaður Hringsjár sem er náms- og starfsendurhæfing fyrir fólk sem vill komast aftur út á vinnumarkaðinn eftir hlé vegna sjúkdóma, slysa eða annarra áfalla.

Frábært færi í Bláfjöllum

Opið er á skíðasvæðunum í Bláfjöllum og í Hlíðarfjalli á Akureyri í dag. Í Hlíðarfjalli verður opið frá klukkan 13 - 19. Vindhraðinn í fjallinu er tveir metrar á sekúndu og frostið um tíu gráður.

50 þúsund fyrir upplýsingar: Auglýst eftir árásarmanni

Gestur á kosningaballi stúdentahreyfingarinnar Vöku aðfaranótt föstudags kastaði glasi inn á dansgólfið með þeim afleiðingum að tvær stúlkur slösuðust. Önnur hlaut alvarleg meiðsl af árásinni og brotnuðu meðal annars fimm tennur.

Fór að huga að morði eftir gerð YouTube myndbandsins

Hugmynd Gunnars Rúnars Sigurþóssonar um að losna við Hannes Þór Helgason virðist hafa sprottið upp eftir að hann setti myndband á YouTube með ástarjátningu til hennar til unnustu Hannesar. Þetta kom fram í máli Tómasar Zoega geðlæknis sem gerði yfirmat á Gunnari Rúnari Sigurþórssyni ásamt Kristni Tómassyni geðlækni.

HS Orka hækkar verð á raforku

Þann 1. janúar síðasliðinn hækkaði HS Orka verð á raforku samkvæmt upplýsingum sem finna má á vef Orkuvaktin.

Lúkas lifir í dómsölum - þurfti að endurflytja málið

Fyrsta dómsuppsaga í meiðyrðamáli, sem Helgi Rafn Brynjarsson hefur höfðað, verður á næsta fimmtudag. Lúkasarmálið er eitt undarlegasta fréttamál sem upp hefur komið á síðari árum. Það snérist um hundinn Lúkas sem hvarf sumarið 2007 en af einhverjum ástæðum bitu nokkrir bloggarar það í sig að Helgi Rafn ætti einhvern hlut að máli.

Hvar eru Alessia og Livia?

Mikil leit stendur nú yfir víða um heim að sex ára gömlum tvíburasystrum. Lögreglan í þremur ríkjum leitar nú að stúlkunum en faðir þeirra rændi þeim af heimili þeirra í Sviss á dögunum. Hann framdi síðan sjálfsmorð með því að stökkva fyrir lest og enginn veit hvar stúlkurnar eru niðurkomnar. Alþjóðalögreglan Interpol hefur lýst eftir stúlkunum, sem heita Alessia og Livia, og þyrlur og leitarhundar hafa verið notaðar til að kemba svæðið í kringum Puglia á Ítalíu, en faðirinn lést þar.

Djúpstæð sektarkennd vegna morðsins

Gunnar Rúnar Sigurþórsson þroskaðist eðlilega sem ungt barn en varð fyrir hörmulegu áfalli þegar faðir hans svipti sig lífi. Þetta sagði Helgi Garðar Garðarsson geðlæknir sem gerði geðrannsókn á Gunnari Rúnari eftir að hann var handtekinn vegna morðsins á Hannesi Þór Helgasyni í ágúst. Helgi Garðar bar vitni í dómnum í morgun. Helgi Garðar telur Gunnar Rúnar vera ósakhæfan og vill að hann sæti öryggisgæslu.

Eldrauður Landspítali í þriðja sinn

Landspítalinn við Hringbraut er nú í þriðja sinn lýstur upp í rauðum lit til að minna á forvarnir hjá konum vegna hjarta- og æðasjúkdóma. Hjarta- og æðasjúkdómar eru algengasta dánarorsök kvenna á Íslandi líkt og annarsstaðar í heiminum. GoRed átakið miðar að því að fræða konur um áhættuþætti og einkenni hjarta- og æðasjúkdóma og hvernig draga má úr líkum á þessum sjúkdómum.

Innfæddir tóku yfir lúxushótel á Páskaeyju

Lögeglan á Páskaeyju, sem er undan ströndum Chile í Suður Ameríku, lét í nótt til skarar skríða gegn hópi innfæddra sem höfðu tekið sér bólfestu í lúxushóteli einu á eyjunni og haldið þar til frá því í ágúst á síðasta ári.

Erlend matargerð bönnuð í írönsku sjónvarpi

Íranska útvarpsráðið hefur ákveðið að banna eina ákveðna tegund af sjónvarpsþáttum, nefnilega matreiðsluþætti sem kenna landsmönnum að elda mat frá öðrum löndum.

Ætlar að bregða búi vegna Funamálsins

Steingrímur Jónsson, bóndi í Efri-Engidal, sér enga framtíð í áframhaldandi búskap í Efri-Engidal eftir að niðurstöður mælinga Matvælastofnunar staðfestu díoxínmengun í mjólk, kjöti og fóðri á bænum.

Gunnar Rúnar svarar engu - víkur úr dómsal

Gunnar Rúnar Sigurþórsson svarar engum spurningum við aðalmeðferð sem nú stendur yfir þar sem hann er ákærður fyrir að hafa orðið Hannesi Þór Helgasyni að bana. Lögmaður Gunnars, Guðrún Sesselja Arnardóttir, tilkynnti við upphaf aðalmeðferðarinnar í morgun að hann myndi nýta sér rétt sinn til að svara engum spurningum heldur aðeins staðfesta lögregluskýrslur. Gunnar Rúnar óskaði eftir að víkja úr dómsal á meðan aðalmeðferðin stendur yfir, utan þess þegar hann staðfestir lögregluskýrslur, og var orðið við þeirri beiðni. Að þessu loknu var gert stutt hlé á þinghaldi en næst á dagskrá er skýrslutaka af geðlæknum.

Fullur bíll af ungmennum hafnaði úti í sjó

Fullur bíll af ungmennum hafnaði úti í sjó á laugardagskvöldinu á Eskifirði. Fimm manns voru í bílnum og þurfti að flytja tvo á sjúkrahús og tvo á heilsugæslu. Samkvæmt upplýsingum frá lögreglunni á Eskifirði þá mjaðmagrindabrotnaði stúlka sem var farþegi í bílnum.

Aguilera klúðraði þjóðsöngnum á Super Bowl

Söngkonan Christina Aguilera hefur beðist afsökunar á frammistöðu sinni á Super Bowl þar sem hún klúðraði bandaríska þjóðsöngnum. Super Bowl er sá íþróttaviðburður sem hvað flestir Bandaríkjamenn fylgjast með en söngur Christinu þótti tilgerðarlegur á köflum auk þess sem hún gleymdi textanum.

Réttað yfir Gunnari Rúnari: Fullt út úr dyrum í héraðsdómi

Aðalmeðferð fer nú fram í máli saksóknara gegn Gunnari Rúnari Sigurþórssyni sem játað hefur að hafa orðið Hannesi Þór Helgasyni að bana í Hafnarfirði í ágúst í fyrra.

Enn barist á landamærum Tælands og Kambódíu

Enn kom til átaka í morgun á milli herja Kambódíu og Tælands en síðustu fjóra daga hafa bardagar geisað á landamærum ríkjanna. Stórskotahríð og vélbyssuskothríð heyrðist í morgun nálægt merkilegu klaustri frá elleftu öld og segja Kambódíumenn að byggingin hafi skemmst í átökunum.

Fjórhjólamenn í ógöngum við Esjurætur

Tveir menn á fjórhjólum óskuðu eftir aðstoð björgunarsveita eftir að hafa fest hjólin úti í á, skammt frá Tröllafossi við Esjurætur undir kvöld í gær. Þeir óðu krapaða og ískalda ánna í land, og kólnaði mikið við það.

Assange tekur til varna í London

Málflutningur hefst í dag í London í máli Julians Assange en sænska ríkið vill fá hann framseldan þangað vegna ásakana um kynferðisbrot. Lögmaður Assange segir að Svíar hafi ekki haft rétt til þess að gefa út handtökuskipun á hendur Assange á sínum tíma vegna þess að engar ákærur hafa verið gefnar út á hendur honum. Lögmaðurinn mun einnig grípa til varna á grundvelli mannréttinda að því er fram kemur á BBC en Assange óttast að verða framseldur áfram til Bandaríkjanna verði hann á annað borð sendur til Svíþjóðar.

Gary Moore er allur

Gítarleikarinn heimsfrægi Gary Moore er látinn, 58 ára að aldri. Moore hóf ferilinn með írsku rokksveitinni Thin Lizzy en öðlaðist síðan heimsfrægð með sólóplötunni Still got the blues árið 1990. Moore fannst látinn á hótelherbergi á Costa del Sol í gær en óljóst er um dánarorsök.

Ekkert lát á hamförum í Ástralíu - nú eru það kjarreldar

Miklir kjarreldar geisa nú í Vestur Ástralíu, nálægt borginni Perth og hafa um 40 hús orðið eldinum að bráð. Eldarnir brenna á tveimur stöðum og mikill vindur gerir slökkviliðsmönnum erfitt fyrir.

Dregur úr skjálftum við Bárðarbungu

Heldur virðist hafa dregið úr skjálftahrinunni í norðanverðum Vatnanjökli, en á síðasta sólarhring mældust þar tveir skjálftar yfir þrjá á Richter og þónokkrir vægari skjálftar.

Bónusvídeóræningjar náðust á Akureyri

Þrír piltar, átján og nítján ára, hafa játað að hafa rænt verslun Bónusvídeós í Lóuhólum á þriðjudagskvöldið var.

Kjósa um verkfall í dag

Það skýrist í kvöld hvort starfsmenn átta fiskimjölsverksmiðja á Austurlandi og í Vestmannaeyjum boða til verkfalls eftir viku, en kosningar um það verða í verksmiðjunum í dag.

Gæslumenn snöggir til

Kallað var á þyrlu Landhelgisgæslunnar síðdegis í gær til að sækja veikann mann, sem hafði fengið hjartaáfall í grennd við Árnes í Gnúpverjahreppi.

Mildi að ekki fór verr þegar jeppi rann af stað

Mannlaus jeppi, sem ekki var í gangi, rann allt í einu af stað, tók stefnuna þvert yfir götuna, þar yfir gangstétt og steyptist svo niður snarbratta hlíð sunnan og ofan við Akureyrarkirkju á tíunda tímanum í gærkvöldi.

Ekki algengt að uglur stilli sér upp fyrir fólk

„Þetta var mjög gaman og afar sérstakt. Ég varð rosalega hissa að sjá ugluna sitja í rólegheitum svona nálægt okkur,“ segir Anna Björg Kristbjörnsdóttir, íbúi í Gerðhömrum í Grafarvogi. Önnu brá heldur betur í brún um þrjúleytið í gærdag þegar hún kom heim til sín og sá branduglu hvíla sig á grindverki hjá heimili hennar. „Við lögðum bílnum og röltum að henni, en hún var mjög spök og lét sér hvergi bregða. Við vorum líklega í um tveggja metra fjarlægð frá henni og hún flaug ekki í burtu fyrr en ljósmyndari Fréttablaðsins smellti af henni myndum. Þá höfum við líklega farið aðeins of nálægt,“ segir Anna.

Hissa á áfrýjun í máli Glitnis

Kim Landsman, lögmaður meirihluta stefndu í Glitnismálinu í New York, furðar sig á þeirri ákvörðun slitastjórnarinnar að áfrýja frávísunarúrskurði dómarans ytra. Þetta kemur fram í yfirlýsingu frá Landsman.

Efast um hæfi sitt í landsdóm

Landsdómur Dögg Pálsdóttir hæstaréttarlögmaður hefur sent forseta landsdóms bréf þar sem hún bendir á mögulegt vanhæfi sitt til setu í dómnum. Þetta kom fram í fréttum Stöðvar 2 í gær.

Viðræður um umbætur

Kaíró, AP Omar Suleiman, varaforseti Egyptalands, fundaði í gær í fyrsta skipti með forystumönnum stjórnarandstöðunnar og mótmælahreyfingarinnar sem risið hefur upp í landinu.

Bræðslumenn greiða atkvæði um verkfall

Samninganefnd AFLs starfsgreinafélags og Drífanda stéttarfélags starfsmanna í fiskimjölsverksmiðjum hefur slitið viðræðum við Samtök atvinnulífsins um nýjan kjarasamning. Í kjölfarið verður boðað til atkvæðagreiðslu meðal starfsmanna um verkfall sem gæti hafist um miðja næstu viku.

„Bjarni Ben stjórnar Sjálfstæðisflokknum í dag“

Almannatengill segir Bjarna Benediktsson hafa styrkt stöðu sína sem formaður Sjálfstæðisflokksins með því að hafa tekið ákvörðun gegn gömlu valdaklíkunni í flokknum. Ljóst sé nú, að það sé formaðurinn sem þar ráði ríkjum.

HIV smit mest á meðal sprautufíkla

Tuttugu og fjórir greindust með HIV smit hér á landi á síðasta ári sem er metfjöldi. Nýr sérútbúinn sjúkrabíll Rauða krossins mun auka þjónustu við sprautufíkla verulega, en smitum meðal þeirra hefur fjölgað mest.

Formlegum viðræðum slitið - atkvæðagreiðsla á morgun

„Það fer fram atkvæðagreiðsla á morgun, við metum það þannig að þeir hafi engan vilja til að semja, það er það sem okkur finnst vera koma út úr þessu," segir Sverrir Mar Albertsson í samninganefnd starfsmanna í loðnubræðslu.

Misnotaði ungan dreng á Íslandi

Fjörutíu og sjö ára gamall Bandaríkjamaður var handtekinn á föstudaginn grunaður um að hafa misnotað fjóra unga drengi. Hluti af brotum mannsins munu hafa átt sér stað á íslandi.

Hafa komist að samkomulagi

Stjórnvöld í Egyptalandi hafa náð samkomulagi við leiðtoga stjórnarandstöðunnar um að koma á fót sérstakri umbótanefnd sem mun meðal annars hafa það hlutverk að endurskoða stjórnarskrá landsins. Þá hafa stjórnvöld einnig fallist á að sleppa öllum mótmælendum úr fangelsi.

Darraðardans við Lækjargötu

Óöld var í þjóðlífinu í byrjun árs 2009. Þremur mánuðum áður hafði almenningur horft upp á spilaborgina sem kallaðist fjármálakerfi hrynja til grunna og fannst ekkert hafa gerst síðan. Þolinmæðin gagnvart ráðþrota ríkisstjórn var á þrotum. Fólkið kallaði „vanhæf ríkisstjórn“ og krafðist kosninga en forystumenn stjórnarflokkanna hlustuðu ekki. Þegar Alþingi kom úr jólaleyfi 20. janúar loguðu eldar á Austurvelli en innandyra sagði Geir H. Haarde að aðgerðir úr áætlunum fyrir heimili og fyrirtæki væru smátt og smátt að koma til framkvæmda.

Fjölmennasti Super Bowl frá upphafi

Nú styttist óðum í stærsta sjónvarpsviðburð Bandaríkjanna en klukkan hálf tólf í kvöld hefst hinn árlegi Super Bowl leikur. Í ár mætast Pittsburgh Steelers og Green Bay Packers í Cowboys höllinni í Dallas. En undirbúningurinn hefur ekki gengið slysalaust fyrir sig. Búist er við 110 þúsund manns á völlinn.

Árekstur á Bústaðavegi

Tveir bílar sem skullu saman á gatnamótum Bústaðavegar og Kringlumýrarbrautar í dag er óökufærir og þurfti dráttarbíl til að draga þá í burtu. Bílarnir lentu saman um klukkan hálf tvö í dag en enginn slasaðist alvarlega í árekstrinum.

Fimmtíu þúsund undirskriftir gætu haft áhrif á afstöðu Bjarna

Formaður Sjálfstæðisflokksins hefur ekki gert upp við sig hvort Icesave-samningurinn eigi að fara í þjóðaratkvæðagreiðslu. Hann segir þó að vissulega hefði það áhrif á afstöðu sína ef fram kæmu 50 þúsund undirskriftir líkt og með fyrri samning. Þingmenn og fyrrum ráðherrar flokksins vilja að þjóðin eigi síðasta orðið.

Mikilvægt að hefjast handa við atvinnuuppbyggingu

Það er mikilvægt að hefjast sem fyrst handa við atvinnuppbyggingu í Þingeyjarsýslu og til þess ætti að nýta orkuna á svæðinu. Þetta segir formaður Samfylkingarinnar í Þingeyjarsýslu. Hann mótmælir algjörri friðun Gjástykkis.

Hundruð þurft að flýja heimili sín

Skógareldar geisa nú í nágrenni Perth í Ástralíu. Fjöldi húsa hefur eyðilagst og enn fleiri hafa neyðst til að yfirgefa heimili sín.

Reyna að bregðast við áhlaupi á bankakerfið

Viðræður hefjast milli stjórnarandstöðuafla og varaforseta Egyptalands í dag. Ástandið í landinu er viðkvæmt, en Seðlabanki landsins hefur dælt hátt í hundrað milljörðum í banka landsins til að bregðast við áhlaupi á bankakerfið.

Jarðskjálftar í Vatnajökli í nótt

Allmargar skjálftar mældust við Bárðabungu rétt sunnan við Kistufell á Vatnajökli í nótt. Sá stærsti mældist 2,6 á richter samkvæmt upplýsingum frá skjálftafræðingi veðurstofunnar.

Sprengjuhótun í Moskvu

Þrjár lestarstöðvar voru rýmdar í Moskvu í morgun eftir að lögreglunni barst sprengjuhótun í gegnum síma. Við inngang einnar lestarstöðvarinnar fannst grunsamleg taska en við nánari skoðun reyndist ekki vera sprengja í henni.