Spá Veðurstofu Íslands um öskufall

Sunnudagur: Vestanátt beinir gosmekki yfir Mýrdalsjökul. Búast má við öskufalli í Meðallandi og á Mýrdalssandi. Snýst í norðanátt í nótt, með öskufalli suður af Mýrdalsjökli.

Geta náð í eignir fram til 2012

Hægt verður að rifta færslu eigna til skyldmenna í kringum bankahrunið allt að fjögur ár aftur í tímann í stað tveggja að hámarki gangi frumvarp um breytingar á lögum um gjaldþrotaskipti eftir. Helgi Hjörvar, þingmaður Samfylkingarinnar, mælti fyrir málinu í nóvember í fyrra og var það afgreitt úr allsherjarnefnd Alþingis á föstudag.

Vongóðir um flug til Norðurlandanna í dag

Milljónir flugfarþega eru enn strandaglópar vegna ösku frá eldstöðinni í Eyjafjallajökli. Askan hafði engin áhrif á þotur sem flugu tilraunaflug yfir meginlandi Evrópu í gær. Mikill þrýstingur er á flugmálayfirvöld að aflétta flugbanni.

Skuldaði 18% af eiginfé Kaupþings

Ólafur Ólafsson var með stærstu hluthöfum Kaupþings allt frá einkavæðingu Búnaðarbankans árið 2003. Bankinn lánaði honum háar fjárhæðir þegar hlutabréfaverð hrundi.

Staða Íbúðalánasjóðs verri en búist var við

Íbúðalánasjóður tapaði 3,2 milljörðum króna í fyrra og stendur eiginfjárhlutfall hans í þremur prósentum. Þetta er verri niðurstaða en búist var við, að sögn Guðmundar Bjarnasonar, forstjóra sjóðsins. Heildarútlán sjóðsins námu 757 milljörðum í lok árs.

Gosstrókurinn er lægri en óróinn eykst

Gosvirkni í eldstöðinni á Eyjafjallajökli var minni í gær en áður og fór gosmökkurinn ekki jafn hátt og síðustu daga. Gosóróinn óx hins vegar, og er mjög erfitt að ráða í þýðingu þessara breytinga, segir Páll Einarsson, prófessor í jarðeðlisfræði við Háskóla Íslands.

Icelandair inn fyrir Bakkavör

Icelandair Group tekur sæti Bakkavarar Group í Úrvalsvísitölunni í dag. Ákveðið var á hluthafafundi Bakkavarar í marslok að taka félagið af markaði og gera það að einkahlutafélagi. Síðasti dagur félagsins sem skráð hlutafélag var á föstudag.

Óvíst hvenær umferð verður hleypt á veginn

Verktakar luku í gær við bráðabirgðaviðgerð á þjóðvegi 1, hringveginum, við Markarfljótsbrú en ekki hefur verið ákveðið hvenær vegurinn verður opnaður fyrir almennri umferð. Einnig var gert við varnargarða sem verja veginn og brúna yfir Markarfljót.

Vinsælli en Churchill

Nick Clegg, leiðtogi Frjálslyndra demókrata á Bretlandi, er vinsælasti stjórnmálamaður Bretlands þessa dagana. Samkvæmt skoðanakönnun dagblaðsins Sunday Times nýtur hann auk þess meiri vinsælda en Winston Churchill, þáverandi forsætisráðherra, gerði árið 1945.

Telja flugbannið allt of víðtækt

Milljónir manna þurftu að breyta ferðaáætlunum sínum í dag þar sem flugsamgöngur voru enn lamaðar vegna öskudreifingar. Evrópsk flugfélög, sem hafa sent mannlausar farþegaþotur í reynsluflug án sýnilegs tjóns, efast um flugbannið og telja það allt of víðtækt.

Ríkisstjórn bankahrunsins burt

Viðskiptasiðfræðingur segir að allir þeir sem sátu í ríkisstjórn í aðdraganda hrunsins og sitja ýmist sem ráðherrar eða þingmenn í dag ættu að axla ábyrgð. Til að vinna traust almennings að nýju væri eðlilegast fyrir þá að stíga til hliðar. Stjórnmálafræðingur setur spurningamerki við það að þingmenn víki einungis tímabundið frá þingstörfum. Helga Arnardóttir.

Icelandair fellir niður flug og breytir áætlun

Icelandair hefur ákveðið að fella niður flug til Kaupmannahafnar á morgun, mánudag en hefur sett þess í stað upp aukaflug til Osló þar sem veittar hafa verið flugheimildir. Jafnframt hefur flug til Helskinki verið fellt niður, en þess í stað sett upp aukaflug til Tampere í Finnlandi þar sem opið er fyrir flug, en auk þess verður flogið til Stokkhólms á morgun. Þetta kemur fram í fréttatilkynningu frá flugfélaginu.

Viðgerð á veginum við Markarfljót lokið

Viðgerð á hringveginum við Markarfljót er lokið en vegurinn verður þó ekki opnaður fyrir almenna umferð að svo stöddu. Neyðarflutningur verður því áfram háður leyfi lögreglu og almannavarna.

Ótímabært að spá fyrir um endalok gossins

Töluvert hefur dregið úr virkni eldstöðvarinnar undir Eyjafjallajökli. Ekki er hins vegar orðið tímabært að spá fyrir um endalok þess. Meira en 700 tonn af gosefni ruddust upp úr gígnum á hverri einustu sekúndu fyrstu þrjá sólarhringana.

Átta íbúafundir haldnir í vikunni

Átta fundir verða haldnir með íbúum í grennd við Eyjafjallajökul næstu daga. Á fundunum verða yfirvöld og almannavarnanefnd í héraði, ásamt dýralækni, veðurfræðingi, jarðvísindamanni og fleiri sérfræðingum og fulltrúum stofnana sem koma að málum.

Lausn Icesave deilunnar enn nátengd samstarfinu við AGS

Í nýrri viljayfirlýsingu íslenskra stjórnvalda við Alþjóðagjaldeyrissjóðinn er því heitið að Bretum og Hollendingum verði að fullu endurgreiddur kostnaðurinn vegna Icesave-reikninganna. Lausn á Icesave virðist því enn nátengd áframhaldandi samstarfi við sjóðinn.

Er Hrafn lordinn af Laugarnestanga?

Reykjavíkurborg hefur gefið Hrafni Gunnlaugssyni frest til morguns til að fjarlægja muni utan lóðarmarka hans við Laugarnestanga. Hrafn segir þetta lögleysu. Hann segist jafnframt hafa álfa- og huldufólk með sér og að hið mjúka muni sigra hið harða. Fréttastofa Stöðvar 2 heimsótti Hrafn í Laugarnestangann í dag. Hægt er að horfa á fréttina hér.

Þúsundir vottuðu forsetahjónunum virðingu sína

Þúsundir manna voru við útför pólska forsetans Lech Kaczynski í Kraká í Póllandi í dag. Fjölmargir þjóðarleiðtogar komust ekki í útförina þar sem flugsamgöngur lágu niðri að mestum hluta vegna eldgossins í Eyjafjallajökli. Þeir sem komust ekki voru m.a Obama Bandaríkjaforseti, Nicolas Sarkozy forseti Frakklands, Angela Merkel Kanslari Þýskalands og fjölmargir aðrir frá Norðurlöndunum og víðar. Eingöngu þjóðarleiðtogar í nágrannaríkjum Póllands komust í útförina.

Minni gosvirkni

Gosvirkni í Eyjafjallajökli hefur verið minni í dag en áður. Gosmökkurinn fer lægra, öskumyndun er minni og litlar fréttir af hafa borist af öskufalli. Mökkur er bæði yfir Mýrdals- og Eyjafjallajökli en aska nær ekki niður í byggð. Þetta kemur fram í tilkynningu frá samhæfingarstöð almannavarna í Skógarhlíð.

Iceland Express hyggst fljúga til Evrópu á morgun

Iceland Express stefnir að flugi til Kaupmannahafnar, Berlínar, Tenerife og Alicante á morgun, mánudag. Stefnt er að því, að Kaupmannahafnarvélin fari í loftið í fyrramálið, og Alicante, Tenerife og Berlín eftir hádegið. Félagið hefur hins vegar aflýst öllu flugi til London á morgun.

Fimm handteknir í annarlegu ástandi við Skautahöllina

Fimm einstaklingar voru handteknir í annarlegu ástandi við Skautahöllin í Reykjavík í hádeginu í dag. Hópurinn hafði áður ekið utan í bifreið við Bústaðaveg og bensíndælu á bensínstöð í Álfheimum. Í framhaldinu hóf lögregla leit af bifreiðinni en barst skömmu síðar tilkynning um hóp af fólki í annarlegu ástandi og læti fyrir utan Skautahöllina í Laugardal.

Hrygningarsvæðum virðist ekki stafa hætta af hlaupvatninu

Fyrstu niðurstöður Hafrannsóknarstofnunar benda til þess að hrygningarsvæðum þorsks og annarra mikilvægra fisktegunda stafi ekki hætta af hlaupvatninu við ósa Markarfljóts vegna eldgossins í Eyjafjallajökli.

Reyna að fljúga til og frá Skandinavíu

Icelandair stefnir að flugi til og frá Skandinavíu og Bandaríkjunum á morgun, en aflýsir flugi til Bretlands og meginlands Evrópu.

Í lagi með neysluvatn Eyjamanna

Reglulega eru tekin sýni úr neysluvatni Eyjamanna en vatnsleiðslur til Vestmannaeyja liggja um Landeyjasand skammt frá Markarfljóti. Ekkert athugavert hefur komið fram í vatninu, samkvæmt upplýsingum sem fengust hjá samhæfingarstöð almannavarna.

Allt grátt

„Það er náttúrulega allt grátt og það var skelfilegt að koma út," segir Heiða Björg Scheving, á bænum Steinum, þegar hún lýsir því hvernig var að koma út í morgun. Frá því að eldgosið hófst í Eyjafjallajökli í síðustu viku hefur mikið öskufall verið á svæðinu.

Lýst eftir 13 ára stúlku

Lögreglan leitar enn að Emilíönu Andrésardóttur, 13 ára stúlku, sem strauk frá meðferðarheimilinu Stuðlum á fimmtudag. Það eru því komnir fjórir dagar sem hún hefur ekki skilað sér. Það eina sem til hennar hefur spurst er að til hennar sást á Akureyri á föstudagskvöld.

Reyna að opna veginn við Markarfljót í kvöld

Stefnt er að því að opna Hringveginn við Markarfljót í kvöld. Vinna síðustu daga við viðgerðina á veginum og varnargörðum hefur gengið vel og styttist í að hægt verði að flytja neyðarakstur af gömlu brúnni yfir á þá nýju og þar með um Hringveginn. Þetta kemur fram á vef Vegagerðarinnar.

Rafmagn datt út á Litla Hrauni

Rafmagn datt út í skamma stund víða Suðurlandi klukkan rúmlega hálf tvö í dag, þar á meðal í fangelsinu á Litla-Hrauni. Samkvæmt upplýsingum sem fengust hjá lögreglunni á Selfossi flaug álft á rafmagnsstreng norður af fangelsinu sem varð til þess að strengurinn féll til jarðar. Út frá því komst eldur í sinu sem leiddi síðan til þess að rafmagn sló út á stóru svæði.

Telur að Bjarni eigi að segja af sér

Jón Baldvin Hannibalsson, fyrrverandi utanríkisráðherra, telur að Bjarni Benediktsson eigi að segja af sér formaður Sjálfstæðisflokksins.

Dýrin hafa það gott

Dýralæknar hafa í morgun farið á bæi og kanna ástandið á skepnum sem hafa verið úti í öskufallinu vegna eldgossins í Eyjafjallajökli og segja ástandið ótrúlega gott, samkvæmt samhæfingarmiðstöð almannavarna.

Ragna fundar með blaðamönnum um eldgosið

Nokkrar breytingar hafa orðið á gjóskufalli, óróa og gosmekki á gossvæðinu á Eyjafjallajökli en ekki sést til gosstöðvanna. Flugvél Landhelgisgæslunnar flýgur nú yfir svæðið og berast upplýsingar frá vísindamönnum síðar í dag. Þetta kemur fram í tilkynningu frá samhæfingarstöð almannavarna í Skógarhlíð.

Fimmtu vélinni bætt við

Vegna mikillar eftirspurnar hefur Icelandair ákveðið að bæta við fimmtu ferðinni til Þrándheims í Noregi. Félagið tilkynnti í morgun um tvær ferðir til Noregs og fylltust þær strax. Í framhaldinu var ákveðið að fjölga þeim um tvær og nú síðast var fimmtu vélinni bætt við. Fyrsta flugið er klukkan 13.

Lestri skýrslunnar lokið

Lestri starfsfólks Borgarleikhússins á skýrslu Rannsóknarnefndar Alþingis lauk nú klukkan 12:30 eftir 145 klukkustunda samfelldan lestur. Lesturinn hófst um leið og skýrslan kom út og stóð samfellt, dag og nótt, þar til yfir lauk. Leikarinn Guðjón Davíð Karlsson las lokaorð skýrslunnar.

Magnús Tumi: Ekkert hægt að fullyrða um Kötlugos

Magnús Tumi Guðmundsson, jarðeðlisfræðingur, segir vissulega líkur á því að gos hefjist í Kötlu í kjölfarið á gosinu í Eyjafjallajökli en ekkert sé hægt að fullyrða í þeim efnum.

Komast ekki í útför pólska forsetans

Þúsundir manna verða við útför pólska forsetans Lech Kaczynski í Kraká í Póllandi í dag. Fjölmargir þjóðarleiðtogar komast ekki í útförina þar sem flugsamgöngur liggja niðri að mestum hluta vegna eldgossins í Eyjafjallajökli.

Funda með íbúum undir Eyjafjöllum

Fundur með íbúum undir Eyjarfjöllum verður haldinn í dag á Heimalandi klukkan 13. Á fundinum verða fulltrúar almannavarnarnefndar og sveitarstjórnar. Farið verður yfir ástand og horfur á svæðinu. Íbúar eru hvattir til að mæta.

Umbótanefnd Samfylkingarinnar skipuð

Á flokksstjórnarfundi Samfylkingarinnar í gær var samþykkt skipan umbótarnefndar sem hefur það verkefni að leiða skoðun og umræðu um störf, stefnu, innri starfshætti og ábyrgð Samfylkingarinnar í aðdraganda bankahrunsins og gera að því loknu tillögur til umbóta. Þær skulu liggja fyrir ekki síðar en á flokksstjórnarfundi Samfylkingarinnar haustið 2010.

„Þetta er samstillt átak“

„Það standa sig allir mjög vel,“ segir Berglind Hilmarsdóttir, á bænum Núpi undir Eyjafjöllum, og vísar til aðgerða björgunarsveitarmanna, Rauða krossins og sveitunga hennar vegna eldgossins í Eyjafjallajökli. Hún tekur sem dæmi að björgunarsveitarmenn séu vel skipulagðir og fari á milli bæja og gangi þar í öll verk. „Þetta er samstillt átak.“

Icelandair fjölgar flugum til Þrándheims

Vegna mikillar eftirspurnar hefur Icelandair ákveðið að efna til fjögurra aukafluga í dag til Þrándheims í Noregi. Áður hafði verið tilkynnt að farin yrðu tvö flug. Fyrsta flugið er klukkan 13, tvær flugvélar fara klukkan 14 og fjórða flugið er klukkan 15.

Milljónir strandaglópa

Í Evrópu og víðar eru milljónir strandaglópa vegna öskunnar úr Eyjafjallajökli. Um 20 lönd lokuðu fyrir alla flugumferð nú um helgina og sum þeirra hafa framlengt bannið fram á morgundaginn, að sögn BBC, meðal annars Belgía, Búlgaría, Tékkland, Danmörk, Finnland, Lettland, Lúxemborg, Bretland og Slóvakía. Askan hefur því nú valdið meiri röskun á flugi en hryðjuverkaárásirnar ellefta september.

18 mánaða stúlka lést eftir að hundur réðst á hana

Átján mánaða stúlka lést eftir að hundur réðst á hana í Crawley í vestur Sussex Bretlandi í gær. Hún var flutt á spítala í austur Surrey með alvarleg höfuðmeiðsl en lést skömmu síðar. Stúlkan var í eldhúsinu á heimili sínu ásamt móður, ömmu og eldri systur þegar árásin átti sér stað.

Vegir greiðfærir

Frá Vegagerðinni koma þær upplýsingar að óvíst sé hvenær hringvegurinn við Markarfljót opnast fyrir almenna umferð. Ef frá eru talin vandamálin á gossvæðinu er greiðfært um allt sunnanvert landið. Annars eru hálkublettir sum staðar á heiðum, og með norðausturströndinni, á Möðrudalsöræfum og fjallvegum á Austurlandi.

Talsverður órói mældist á miðnætti

Talsverður órói mældist við eldgosið í Eyjafjallajökli á miðnætti, samkvæmt upplýsingum frá Veðurstofunni. Auk þess voru miklar drunur og aukinn kraftur.

Iceland Express flýgur einnig til Þrándheims

Iceland Epress flýgur til Þrándheims klukkan 15:30 í dag. Þetta flug hentar einkum þeim, sem áttu bókað með félaginu til Kaupmannahafnar, en tvær vélar áttu að fara þangað í dag. Þá hefur tveimur flugum til London verið aflýst. Fyrr í morgun var greint frá því að Icelandair hyggst einnig fljúga til Þrándheims.

Handtekinn eftir líkamsárás

Karlmaður á miðjum aldri var handtekinn í nótt vegna líkamsárásar í heimahúsi í Hafnarfirði. Sá sem varð fyrir árásinni slasaðist lítilsháttar en árásarmaðurinn lét ófriðlega þegar lögreglan kom á staðinn. Hann var í framhaldinu fluttur á lögreglustöðina við Hverfisgötu þar sem hann sefur úr sér áfengisvímu.