Innlent

Spá Veðurstofu Íslands um öskufall

Á myndinni sést vel hvernig askan berst út á haf suður af landinu. Myndin var tekin af Aqua-gervitungli bandarísku geimvísindastofnunarinnar (NASA) í hádeginu á laugardaginn.
Á myndinni sést vel hvernig askan berst út á haf suður af landinu. Myndin var tekin af Aqua-gervitungli bandarísku geimvísindastofnunarinnar (NASA) í hádeginu á laugardaginn.
Sunnudagur: Vestanátt beinir gosmekki yfir Mýrdalsjökul. Búast má við öskufalli í Meðallandi og á Mýrdalssandi. Snýst í norðanátt í nótt, með öskufalli suður af Mýrdalsjökli.

Mánudagur: Ákveðin norðanátt ber gosmökk til suðurs frá Eyjafjallajökli. Öskufall því líklega einkum suður af gosstöðinni, en einnig má búast við einhverju öskufalli í Austur-Landeyjum og jafnvel í Vestmannaeyjum.

Þriðjudagur: Hæg breytileg átt á láglendi, en hvöss norðvestanátt í hærri loftlögum. Búast má við að gosaska berist því ekki langt frá gosstöðinni og þá einkum til suðausturs í átt að Vík í Mýrdal, en gæti þó dreifst talsvert umhverfis gosstöðina. Bjartviðri að mestu og ágætt skyggni, en lágskýjað og úrkoma um kvöldið.

Miðvikudagur: Norðan- og norðaustanátt og áfram fremur bjart veður. Reikna má með að öskufall verði einkum bundið við svæðið undir Eyjafjallajökli sunnanverðum. Einnig má búast við einhverju öskufalli í Austur-Landeyjum og Vestmannaeyjum.

Fimmtudagur: Líklega norðlæg átt, bjartviðri og gosmökkur til suðurs.

Spáin var unnin klukkan 16.30 í gær.
Eldgos og jarðhræringar Gos á Fimmvörðuhálsi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið