Dyraverðir grunaðir um nauðgun

Mennirnir tveir sem handteknir voru um helgina grunaðir um að hafa nauðgað nítján ára stúlku við Tryggvagötu um helgina, starfa báðir sem dyraverði. Samkvæmt heimildum Vísis störfuðu þeir á sitthvorum skemmtistaðnum nálægt Tryggavgötunni.

Sextán ríkisborgarar í erlendum fangelsum

Alls dvelja sextán íslenskir ríkisborgarar í erlendum fangelsum samkvæmt fréttastofu RÚV. Ekki er útilokað að fleiri einstaklingar dvelji í erlendum fangelsum. Utanríkisráðumneytið hefur reynt að ná sambandið við Ragnar Erling sem var handtekinn fyrir helgi með rúm fimm kíló af kókaíni í farangri sínum.

Tugmilljóna kosningabarátta skilar sér í ESB könnun

„Það er alltaf spurning um það hvernig spurt er," segir Ragnar Arnalds, formaður Heimssýnar, um skoðanna könnunn Gallup sem RÚV greindi frá í kvöld. Þar kom fram að 61,2 prósent vilja fara í aðildarviðræður við ESB. Þá voru rétt tæp 27 prósent sem voru alfarið á móti því. Tæp tólf prósent tóku ekki sérstaka afstöðu til málsins.

Ragnar Erling: „Ég mun deyja hérna“

„Ég er kominn með matareitrun," sagði Brasilíufanginn Ragnar Erling Hermannsson grátandi þegar fréttastofa Stöðvar 2 ræddi við hann í dag. Ragnar er vistaður í fangelsinu Cotel en þar deilir hann klefa með fimmtán öðrum enstaklingum. Honum líður illa og vill koma heim.

Deilt um indónesíska hobbitann

Vísindamenn deila hart um indónesíska hobbitann en fótur hans fannst og hafa vísindamenn grandskoðað hann undanfarið.

Ragnar Erling: Símaviðtal

Brasilíufanginn Ragnar Erling Hermannsson óttast um líf sitt og þarf að deila fangaklefa með fimmtán öðrum mönnum. Hér má hlusta á átakanlegt viðtal við Ragnar Erling.

Ný ríkisstjórn borin undir atkvæði á laugardaginn

Samfylkingin hefur tekið Nasa á leigu á laugardaginn klukkan tvö um daginn. Samkvæmt heimildum Vísis þá mun flokkstjórn Samfylkingarinnar verða kallað saman þá til þess að samþykkja ráðherra lista og stjórnarsamstarf Vinstri grænna og Samfylkingarinnar.

Hagkvæmara að vera atvinnulaus en í láglauna starfi

Öll laun undir tvö hundruð þúsund krónum eru komin í samkeppni við atvinnuleysisbætur. Hagstæðara getur verið að vera á bótum en vinna fullan vinnudag á lægstu launum. Viðurlög eru þó hörð þverneiti fólk að taka störf sem bjóðast.

Auður ríkra rýrnað um þúsund milljarði

Auður tuttugu og fimm ríkustu Íslendinganna árið 2007 hefur rýrnað um eitt þúsund og tvö hundruð milljarða króna en hrein eign flestra þeirra er engin í dag. Tapið slagar upp í landsframleiðslu ársins 2007.

Lóðum fyrir 130 milljónir skilað í Hafnarfirði

Bæjarstjórn Hafnarfjarðar samþykkti í gær að taka við afsölum af sex lóðum í gær en verðmæti þeirra samanlagt eru 136 milljónir króna. Mikið hefur verið um að einstaklingar hafi skilað lóðum sem þeim var úthlutað fyrir efnahagshrunið.

Vegaframkvæmdir á Akureyri

Lögreglan á Akureyri tilkynnir að vegna gerðar undirganga á Hörgárbraut, norðan Skúta, verður Hörgárbraut lokuð milli Hlíðarbrautar og Undirhlíðar frá 7. maí til 4. júní næst komandi. Hjáleið er um Krossanesbraut.

Brasilíufangi í viðtali við Fréttastofu

Rætt verður við Brasilíufangann Ragnar Erling Hermannsson í fréttum Stöðvar 2 í kvöld

Illugi formaður þingflokks Sjálfstæðisflokksins

Illugi Gunnarsson, þingmaður og oddviti Sjálfstæðisflokksins í Reykjavík, var í dag kjörinn formaður þingflokks sjálfstæðismanna á fundi þingflokksins. Illugi gegndi stöðu varaformanns þingflokksins á síðasta kjörtímabili.

Lögregludólgur í þriggja ára fangelsi

Hæstiréttur staðfesti þriggja ára fangelsisdóm yfir síbrotamanninum Má Ívari Henryssyni. Már, sem er rúmlega þrítugur, var sakfelldur fyrir að sparka þrívegis í lögreglumenn auk fjöldann allan af þjófnaðarbrotum, ölvunarakstur og fjársvik.

ASÍ krefst mun lægri vaxta

Miðstjórn ASÍ krefst þess að vextir lækki verulega. Miðstjórnin hvetur Seðlabanka Íslands til að lækka stýrivexti við vaxtaákvörðun á morgun þannig að vaxtamunurinn verði ekki meiri en sem nemur 4% miðað við evrópska seðlabankann en vextir þar eru í dag 1,25%.

Síbrotamaður í 18 mánaða fangelsi

Hæstiréttur staðfesti í dag 18 mánaða fangelsisdóm yfir Ragnari Davíð Bjarnasyni fyrir vörslu fíkniefna og fyrir að aka bifreið án réttinda. Ragnar áfrýjaði dómi héraðsdóms til Hæstaréttar sem staðfesti dóminn sem fyrr segir. Fyrir dómi játaði Ragnar Davíð brot sín skýlaust en hann hefur margoft verið dæmdur í fangelsi og var á skilorði þegar brotin, sem hann var dæmdur fyrir, voru framin. Þótti hæfileg refsing ákærða því 18 mánuðir.

Hústökufólkið yfirgaf húsið

Hópur hústökufólks sem fór í leyfisleysi inn í hús við Vatnsstíg 4 í Reykjavík í hádeginu yfirgaf húsið á fjórða tímanum eftir að lögregla gaf hópnum tækifæri á að fara úr húsinu. Ekki kom til neinna ryskinga líkt og um miðjan síðasta mánuð þegar hústökufólk kom sér fyrir í húsinu sem var rýmt fimm dögum síðar af lögreglu. Að sögn lögreglu voru á annan tug manna í húsinu að þessu sinni.

Fjöldauppsagnir ósiðlegar

Ögmundur Jónasson, heilbrigðisráðherra, segir að það hafi kannski hljómað vel á árinu 2007 að mæta sparnaðarkröfunni á Landspítalann með fjöldauppsögnum, en slík aðgerð sé ekki í kortunum nú. „Hún er samfélagslega óábyrg og hún er hreint út sagt ósiðleg.“

Miðbaugsmaddaman aftur í gæsluvarðhald

Catalina Mikue Ncoco sem komst í fréttirnar fyrr á þessu ári vegna vændishúsa sem hún hélt úti á höfuðborgarsvæðinu hefur verið úrskurðuð í gæsluvarðhald til 12.maí vegna gruns um umfangsmikið fíkniefnasmygl. Karl Steinar Valsson hjá fíkniefnadeild lögreglunnar vill ekki staðfesta að Catalina eigi í hlut en útilokar ekki að konan tengist belgískum burðardýrum sem handtekin hafa verið við komuna hingað til lands undanfarið.

Fjölskylda Ragnars í sjokki

„Við erum bara í sjokki og erum að reyna að anda frá mínútu til mínútu til þess að geta gert eitthvað í þessum málum."

Búist við margir hjóli í vinnuna

Hin árlega landskeppni Hjólað í vinnuna var sett í morgun í Reykjavík. Búist er við feikigóðri þátttöku því reiðhjólið nýtur meiri vinsælda um þessar mundir en áður sem samgöngutæki, að fram kemur í tilkynningu.

Frjálslyndi flokkurinn skuldar sex milljónir

„Við erum ekkert hættir í pólitík þó við skuldum einhverjar milljónir. Það hefur oft komið fyrir áður að við skuldum peninga," segir Guðjón Arnar Kristjánsson, formaður Frjálslynda flokksins.

Olíuleki í Hafnarfjarðarhöfn

Slökkvilið höfuðborgarsvæðisins er við störf í Hafnarfjarðarhöfn þar sem olía lak af pólskum togara sem þar liggur við festar. Búið er að hefta lekann og koma í veg fyrir að olían breiðist út í höfninni en um hundrað fermetra flekkur myndaðist í höfninni.

Umferðarslys í Hafnarfirði

Tveir bílar, jeppi og fólksbíll, skullu saman á gatnamótunum við verslunina Fjarðarkaup í Hafnarfirði á þriðja tímanum í dag. Sjúkrabílar og tækjabíll slökkviliðsins er á staðnum og þurfti að beita klippum til þess að koma fólkinu út úr flökunum. Fólkð verður flutt á slysadeild til aðhlynningar en að sögn slökkviliðs er fólkið ekki alvarlega slasað.

Hjálparstarf Kirkjunnar: Gríðarleg fjölgun beiðna um aðstoð

Gríðarleg fjölgun hefur orðið á beiðnum um aðstoð hjá Hjálparstarfi kirkjunnar eða 317 prósent miðað við sama tíma í fyrra þegar tekið er mið af fyrstu fjórum mánuðum ársins. Í tilkynningu kemur fram að umsóknir í ár, janúar til apríl, hafi verið 2.206 en voru 701 í fyrra.

Ákærð fyrir að sparka í höfuð á skemmtistað

Þrjátíu og sex ára gömul kona hefur verið ákærð fyrir að hafa sparkað í höfuð fórnarlambs með þeim afleiðingum að blæðandi sár myndaðist á vinstra eyra og vörum og bóglur mynduðust við hægra auga. Árásin átti sér stað á veitingastaðnum Kaffi Edinborg við Aðalstræti á Ísafirði í október á síðasta ári. Málið var þingfest í héraðsdómi Vestfjarða í dag.

Eigandinn á Vatnsstíg vissi ekki af hústökufólkinu

Ágúst Friðgeirsson, eigandi hússins á Vatnsstíg 4, kom af fjöllum þegar fréttastofan sagði honum frá því að hústökufólk hefði á ný tekið sér bólfestu í húsinu en fólkið var borið þaðan út með valdi fyrir nokkrum dögum síðan. Í dag sendi hópurinn frá sér yfirlýsingu þess efnis að þau væru mætt á svæðið á ný til þess að sýna samstöðu með pólsku hústökufólki en 6. maí er tileinkaður baráttu þeirra.

Stjórnvöld hafa klúðrað kynningu á aðgerðum fyrir heimilin

Stjórnvöld hafa klúðrað kynningu á þeim úrræðum sem Alþingi hefur samþykkt vegna skulda heimilanna og verða tafarlaust að grípa til aðgerða til stuðnings þeim úrræðum sem þegar eru fyrir hendi, að mati forseta Alþýðusambands Íslands. Hann segir misskilning að fólk með gjalddaga húsnæðislána í vanskilum eigi ekki rétt á greiðsluaðlögun.

Fimmtán mánaða fangelsi fyrir að slá mann með hamri og stela

Þrítugur karlmaður, Agnar Davíð Stefánsson, var dæmdur í 15 mánaða fangelsi í héraðsdómi Reykjavíkur í dag. Agnar var dæmdur fyrir margítrekuð þjófnaðar- og umferðarlagabrot auk þess sem hann var dæmdur fyrir sérstaklega hættulega líkamsárás. Þá sló hann karlmann í höfuðið með hamri í heimahúsi í Reykjavík með þeim afleiðingum að hann hlaut skurð aftan á hnakka. Agnar hefur setið í gæsluvarðhaldi frá 8.apríl en það kemur til frádráttar refsingar

Hústökufólkið snýr aftur að Vatnsstíg

Núna í hádeginu opnaði Fríbúðin svokallaða við Vatnsstíg 4 í Reykjavík en hún var fyrst opnuð þann 17.apríl. Húsið var rýmt af lögreglu fimm dögum síðar. Í tilkynningu frá hópnum segir að nú taki þau rýmið aftur í sínar hendur og opni búðina á ný. Tilefni þess er að í dag, 6.maí, er alþjóðlegur samstöðudagur með Rozbrat, gamalgrónu tökuhúsi í Poznan, Póllandi.

Ísraelar gagnrýna Bandaríkjamenn

Ísraelska utanríkisráðuneytið hefur gagnrýnt Bandaríkjamenn fyrir að hvetja landið til þess að gerast aðili að sáttmálanum við bann um dreifingu kjarnorkuvopna.

Pakistanskar hersveitir réðust í dag gegn talibönum

Pakistanskar hersveitir réðust í dag gegn talibönum í Swat héraði og beittu bæði stórskotaliði og orrustuþyrlum. Tilraunir stjórnvalda til að friðþægja talibana með því að láta þeim eftir land, virðast hafa mistekist.

Nauðsynlegt að veirulyfjum sé ávísað af læknum

Nauðsynlegt er að veirulyfjum vegna inflúensu A (H1N1) verði ávísað af læknum sem leiðbeina jafnframt um notkun þeirra. Jafnframt er ástæðulaust fyrir einstaklinga og fyrirtæki að birgja sig upp af lyfjunum. Þetta kemur fram í tilkynningu frá sóttvarnalækni og almannavarnadeild ríkislögreglustjóra.

Jóhanna og Steingrímur funda um nýja stjórn

Stjórnarmyndunarviðræðum Samfylkingar og Vinstri grænna verður framhaldið í dag og munu formenn flokkanna funda saman eftir hádegi. „Flestir undirhóparnir eru búnir að mestu með sína vinnu þannig að nú eru þau tvö að púsla þessu saman," segir Hrannar B. Arnarsson, aðstoðarmaður forsætisráðherra. Hann á von á að myndun nýrrar ríkisstjórnar ljúki á næstu dögum.

Tveir handteknir vegna nauðgunar í Tryggvagötu

Tveir karlmenn af erlendu bergi brotnir voru handteknir á sunnudagsmorgun grunaðir um nauðgun á 19 ára gamalli stúlku. Samkvæmt upplýsingum frá lögreglu hafa mennirnir verið yfirheyrðir og úrskurðaðir í gæsluvarðhald. Rannsókn er í gangi.

Einungis Samfylkingin hefur ákveðið að upplýsa um alla styrki

Samfylkingin er eini stjórnmálaflokkur landsins sem hyggst enn sem komið er birta upplýsingar um fjárstyrki til aðildarfélaga og fulltrúaráða flokksins vegna ársins 2006. Aðrir flokkar hafa ekki tekið ákvörðun um það hvort að upplýsingunum verði safnað saman og þær birtar opinberlega. Árið 2006 fóru fram sveitarstjórnarkosningar.

Búið að ráða í besta starf í heimi

Þrjátíu og fjögurra ára gamall Breti varð hlutskarpastur í kapphlaupinu um „besta starf í heimi", eins og það var auglýst, en þar er um að ræða starf umsjónarmanns á ástralskri paradísareyju.

Mini fimmtugur

Það var 8. maí 1959 sem fyrsta Austin Mini-bifreiðin rúllaði af færibandinu í verksmiðju í Cowley í Oxfordskíri. Þetta var tveimur árum eftir að hönnuðurinn Alec Issigonis skellti teikningum af bílnum á borðið hjá British Motor Corporation í Birmingham og hæstráðandi þar, sir Leonard Lord, sagði einfaldlega: „Smíðið kvikindið!" eða „Build the bloody thing!"

Umönnun aldraðra eykur drykkju Breta

Umönnun eldri ættingja er orðin bresku millistéttarfólki svo þungbær að hún hefur valdið stóraukinni drykkju.

Aldurhnigin á öfugum helmingi

Danskur vörubílstjóri kom að öllum líkindum í veg fyrir stórslys í nótt þegar hann stöðvaði konu á áttræðisaldri, sem ók öfugu megin á þjóðvegi nálægt Hjørring á Norður-Jótlandi.

Fasteignaverð hrynur í Bandaríkjunum

Næstum því þrjú af hverjum tíu heimilum í Bandaríkjunum eru komin í þá stöðu að fasteignalán eru orðin hærri en sem nemur verðmæti fasteignarinnar.

Bretar verða að vinna til sjötugs

Þeir Bretar sem nú eru komnir á efri ár munu ekki geta hætt þátttöku á vinnumarkaði fyrr en um sjötugt, fimm árum síðar en almennt tíðkast þar í landi, ætli breska stjórnin að eiga einhverja möguleika á því að ná stjórn á fjármálum ríkisins.

Innbrot í sumarbústað í Grímsnesi

Brotist var inn í sumarbústað í Grímsnesi í gærdag og þaðan stolið 40 tommu flatskjá og fleiri verðmætum. Þjófurinn beitti kúbeini við að spenna upp glugga og komst þannig inn. Hann komst undan og er ófundinn.

Samið við hávaðasaman hana í Eyjum

Stoltur hani af landnámsætt, sem býr búi sínu í hænsnakofa í miðbæ Vestmannaeyjakaupstaðar, hefur orðið við þeim tilmælum lögreglunnar að raska ekki ró nágranna sinna ókristilega snemma á morgnana.

Víða metúrkoma í apríl

Ný úrkomumet voru sett í þó nokkrum veðurathugunarstöðvum á landinu í nýliðnum aprílmánuði. Í Vestmannaeyjum mældist mesta rigning í 128 ár og úrkoman í Reykjavík var heilum 70 prósentum yfir meðallagi. Mest var úrkoman á Suður- og Suðvesturlandi og á vestanverðu Norðurlandi. Hitastig í síðasta mánuði var líka nokkuð yfir meðallagi.