Undirrituðu samkomulag til að skapa atvinnumöguleika

Ísland og Manitobafylki í Kanada undirrituðu samkomulag sem skapar atvinnumöguleika fyrir Íslendinga í Manitoba til eins árs. Sjúkratrygging fæst frá fyrsta degi, börn fá skólavist og makar atvinnuleyfi líka.

Fjárreiðustjóri Ísfélagins ósammála stjórnarformanninum

Baldvin Johnsen fjárrreiðustjóri Ísfélags Vestmannaeyja segist vera ósammála þeim orðum stjórnarformanns fyrirtækisins að hann hafi farið út fyrir heimildir félagsins eða vanrækt upplýsingagjöf til stjórnar. Baldvin og Ægi Pál Friðbertssyni, framkvæmdastjóri Ísfélagsins, var sagt upp störfum fyrr í vikunni vegna taps félagsins af afleiðusamningum.

Hjálp -kjúklinganaggarnir eru búnir

Tuttugu og sjö ára gömul kona í Flórída hefur verið ákærð fyrir misnotkun á neyðarlínunni eftir að hún hringdi þrisvar sinnum til þess að kvarta yfir því að kjúklinganaggarnir á McDonalds væru búnir.

Bresk sveitarfélög fá gálgafrest vegna Icesave

Breska ríkisstjórnin greip í taumana í dag til að hindra að sveitastjórnir skæru niður margvíslega þjónustu og hækkuðu gjöld til að mæta tapi sem þær urðu fyrir á Icesave reikningum sínum.

Kannabisrækt í Kópavogi stöðvuð

Lögreglan á höfuðborgarsvæðinu stöðvaði kannabisræktun í húsi í Kópavogi síðdegis í gær. Við húsleit á áðurnefndum stað fundust um 50

Héraðsdómur: Fá bætur vegna harkalegrar handtöku

Þremur ungum mönnum voru í dag dæmdar bætur í Héraðsdómi Reykjavíku þegar lögregla braut gegn meðalhófsreglu þegar gerð var á þeim líkamsleit í kjölfar handtöku. Lögreglan var vopnuð og beitti við handtökuna óþarflega særandi aðgerðum og á niðurlægjandi hátt að mati dómara. Skömmu síðar kom í ljós Mennirnir fá í bætur 200 þúsund krónur hver að viðbættum vöxtum. Gjafsóknarkostnaður sækjanda, 600 þúsund krónur, greiðist úr ríkissjóði.

Íslandspósti gert að greiða starfsmanni 400 þúsund í bætur

Hæstiréttur dæmdi í dag Íslandspóst til að greiða starfsmanni sínum 400 þúsund krónur í bætur vegna slyss þegar starfsmaðurinn féll af rampa. Starfsmaðurinn sem er kona hafði starfað hjá fyrirtækinu í rúma tvo áratugi.

Dæmd til þess að greiða Geira 500.000 krónur

Björk Eiðsdóttir blaðakona á Vikunni var í Hæstarétti í dag dæmd til þess að greiða Ásgeiri Þór Davíðssyni 500.000 krónur vegna ummæla sem féllu í blaðinu. Elín Arnar ritstjóri var sýknuð af fjárkröfu Ásgeirs. Héraðsdómur hafði áður sýknað blaðamennina en Ásgeir fór í meiðyrðarmál vegna ummæla sem fyrrverandi nektardansmey lét falla um Ásgeir í blaðinu. Vikunni var einnig gert að birta niðurstöður dómsins í næsta tölublaði auk þess sem ummæli voru dæmd dauð og ómerk.

Sýslumaður tjáir sig ekki um komu Vítisenglanna

Lögreglan og sýslumannsembættið vill ekki tjá sig um ákvörðun dómsmálaráðuneytis um tímabundna upptöku á landamæraeftirliti hér á landi.

Gerði árás með hjólaskóflu

Palestinskur maður var skotinn til bana í Jerúsalem í dag eftir að hann réðst á hjólaskóflu á lögreglubíl og rútu.

Foringi Vítisenglanna: Var á Íslandi fyrir tveimur vikum

Leiðtogi norsku Vítisenglanna, Leif Ivar Kristiansen var hér á landi fyrir tveimur vikum síðan, í boði Fáfnis, samkvæmt heimildum Vísis. Leif er einn alræmdasti Vítisengillinn í Noregi en hann hefur meðal annars verið ákærður fyrir stórfelldan fíkniefnainnflutning.

NATO fyrirgefur Rússum vegna Georgíu

Rússar fagna því að NATO skuli hafa ákveðið að taka aftur upp samband við Moskvu á æðstu stöðum. Því sambandi var slitið eftir fimm daga stríð Rússlands og Georgíu á síðasta ári.

Maður reyndi að tæla stúlku í Langholtshverfi

Kynferðisbrotadeild lögreglunnar á höfuðborgarsvæðinu er með til skoðunar mál sem kom upp við Langholtsveg í Reykjavík í vikunni. Hreiðar Sigtryggsson skólastjóri Langholtsskóla sendi foreldrum bréf þar sem þau eru beðin um brýna fyrir börnum sínum að fara ekki upp í bíl hjá ókunnugum. Bréfið sendi hann í kjölfar þess að maður reyndi að tæla unga stúlku sem er nemandi í skólanum upp í bíl til sín.

Brottvikning Margrétar kostaði Frjálslynda flokkinn rúma milljón

Frjálslyndi flokkurinn hefur verið dæmdur til að greiða Margréti Sverrisdóttur, fyrrverandi framkvæmdastjóra flokksins, 614 þúsund krónur með dráttarvöxtum vegna ógreiddra launa. Að auki þarf flokkurinn að greiða Margréti 600 þúsund krónur í málskostnað.

Viðbygging við Hvíta húsið

Þess eru farin að sjást merki að það eru komin ung börn í Hvíta húsið. Dætur forsetahjónanna þær Natasha og Malia eru átta og ellefu ára gamlar.

Umdeild eftirlaunalög afnumin á Alþingi

Þrjátíu og fjórir þingmenn samþykktu afnám laga um eftirlaun forseta, þingmanna, hæstaréttardómara og ráðherra á Alþingi í dag. Engin greiddi atkvæði gegn frumvarpinu en tuttugu og sex þingmenn voru fjarverandi.

Mandela í framboði

Mandla Mandela, sonarsonur Nelsons Mandela, fyrrverandi forseta Suður-Afríku, er á leið í stjórnmál. Hann verður í framboði til þings fyrir Afríska þjóðarráðið í kosningum í Suður-Afríku í næsta mánuði.

Beðinn um að missa minnið í réttarsal

Ragnar Magnússon var beðinn um að missa minnið í dómssal í dag. Þar fór fram aðalmeðferð í þremur líkamsárásarmálum gegn Benjamín Þór Þorgrímssyni. Árásin á Ragnar vakti nokkra athygli á síðasta ári þegar hún var sýnd í fréttaskýringarþættinum Kompás. Ragnar sagði meðal annars að eftir þáttinn hefði hann fengið hótanir frá þriðja aðila sem bað hann um að missa minnið fyrir dómi. Hann sagðist því miður ekki geta gefið upp hver sá aðili væri. Fullt var út úr dyrum í sal 101 í Héraðsdómi Reykjavíkur.

Sumarannir í staðinn fyrir atvinnuleysi

Stúdentaráð Háskóla Íslands telur að stór hluti þeirra 13.500 stúdenta sem stunda nám við Háskólann muni ekki ná að verða sér úti um sumarvinnu. Því hvetur ráðið Kristínu Ingólfsdóttur, rektor Háskóla Íslands, til að endurvekja sumarannir við skólann.

Móttökur hjá borginni fjórða hvern dag

Móttökur á vegum borgarstjórnar Reykjavíkurborgar hafa verið haldnar að meðaltali fjórða hvern dag undanfarin ár. Með móttökum er átt við öll mannamót sem haldin hafa verið á kostnað borgarstjórnar hvort sem um er að ræða móttökur með vínveitingum eða öðrum veitingum.

Jón Trausti Lúthersson: „Ótrúlega öfgakennd viðbrögð“

Fáfnismenn mótmæla harðlega viðbrögðum stjórnvalda en gefin hefur verið út yfirlýsing, af hálfu dómsmálaráðuneytis, þar sem fram kemur að tekið verði upp tímabundið landamæraeftirlit á innri landamærum Schengen-svæðisins í Flugstöð Leifs Eiríkssonar frá 5. mars til 7. mars.

Vítisenglaveisla ógn við þjóðaröryggi

Dómsmálaráðherra hefur ákveðið að taka upp tímabundið landamæraeftirlit á innri landamærum Schengen-svæðisins í Flugstöð Leifs Eiríkssonar frá 5. mars til og með 7. mars. Í tilkynningu í Lögbirtingablaðinu kemur fram að breytingunni sé ætlað að „koma í veg fyrir væntanlega komu ákveðins hættulegs hóps frá og um nágrannalönd Íslands í Evrópu.“

Hjálparstarfsmenn reknir úr landi vegna ákæru um stríðsglæpi

Stjórnvöld í Súdan hafa rekið tíu hjálparstofnanir úr landi vegna stríðsglæpaákæru Alþjóða glæpadómstólsins á hendur forseta landsins. Í gær var handtökuskipun gefin út á hendur honum vegna ódæða í Darfúr-héraði í Vestur-Súdan. Forsetinn segist saklaus og ætlar hvergi að fara.

Klúbbhús Fáfnis í ólöglegu húsnæði

Klúbbhús vélhljólaklúbbsins Fáfnis sem fyrirhugað er að opna um helgina er í ólöglegu húsnæði. Það er byggt og samþykkt sem iðnaðarhúsnæði og öll breyting á því í aðra veru er ekki heimil.

Rænt í Osló vegna lottóvinnings pabba

Mál þetta hefur farið hljótt þar sem lögreglan hefur varist frétta meðan á rannsókn stendur. Norska blaðið Aftenposten hefur nú grafið upp að manninum hafi verið rænt á miðvikudag í síðustu viku.

Ekkert ákveðið um mánaðarlegar barnabætur

Ekkert bólar á loforði síðustu ríkisstjórnar um að barnabætur verði greiddar út mánaðarlega en ekki ársfjórðungslega. Ingibjörg Sólrún Gísladóttir lofaði þessu á blaðamannafundi um aðgerðarpakka fyrir heimilin þann 14. nóvember.

FME getur tafið vinnu sérstaks saksóknara

Tafir geta orðið á rannsóknum sérstaks saksóknara bankahrunsins, þar sem Fjármálaeftirlitið getur borið fyrir sig bankaleynd. Breytingar á lögum um saksóknarann eru langt komnar.

1500 glæpamenn undir vopnum í Kaupmannahöfn

Hells Angeles og gengi innflytjenda í Kaupmannahöfn fá nú svo mikinn liðsauka að lögreglan er að missa yfirsýn yfir þá sem þarf að fylgjast með.

Mannshvarf: Vitni sá Aldísi í miðbænum

„Ég var ekkert að spekúlera í þessu fyrr en nokkru síðar," segir Erna Margrét Ottósdóttir, fyrrum vinnufélagi Aldísar Westergren, sem hefur verið týnd í rúma viku. Erna segist hafa séð Aldísi síðdegis fyrir um viku síðan, hún geti þó ekki verið viss hvort það var á mánudegi eða þriðjudegi.

Eftirlaunalögin verði afnumin á kjördag

Eftirlaunalögin verða afnumin 25. apríl, sem er áætlaður kjördagur, nái breytingartillaga á frumvarpi sem fjallar um eftirlaun æðstu ráðmanna fram að ganga. Lokaumræða um frumvarpið hófst í dag.

Jákvæð fyrir sameiningu Varnarmálastofnunar og Landhelgisgæslu

Ragna Árnadóttir, dóms- og kirkjumálaráðherra, telur að sameining Landhelgisgæslunnar og Varnarmálastofnunar sé einn af þeim möguleikum til hagræðingar sem verði að skoða með opnum hug. Erfitt sé að meta hvort slík sameining myndi hafa jákvæð áhrif á fjárhag Landhelgisgæslunnar. Þetta kom fram í umræðum á Alþingi í dag þegar að Sigurður Kári Kristjánsson, þingmaður Sjálfstæðisflokksins, spurði ráðherrann um boðaðan niðurskurð hjá Landhelgisgæslunni sem nýverið var tilkynnt um. Fækka þarf starfsmönnum stofnunarinnar um 20 til 30.

Hrefnan étur mun meira af þorski og ýsu en áður var talið

Niðurstöður hrefnurannsókna Hafrannsóknastofnunarinnar á árunum 2003-2007 benda til þess hrefnan éti árlega allt að 300.000 tonn af þorski og ýsu. Frá þessu er greint á heimasíðu LÍU og sagt að um fimmfalt meira magn að ræða en en eldri rannsóknir hafa leitt í ljós. Til samanburðar er nefnt að heildaraflamark þorsks og ýsu á yfirstandandi fiskveiðiári er um 250.000 tonn.

Íslendingar sem búið hafa erlendis lengur en í átta ár mega kjósa

Breyting á lögum um kosningar til Alþingis sem tók gildi í dag gerir íslenskum ríkisborgurum, sem hafa verið búsettir erlendis í meira en átta ár og höfðu ekki sótt um að verða teknir á kjörskrá fyrir 1. desember sl., kleift að kjósa í alþingiskosningunum 25. apríl nk. Í tilkynningu frá dómsmálaráðuneytinu segir að sæki þeir um til Þjóðskrár í síðasta lagi 25. mars nk. geti þeir kosið í kosningunum í vor ef umsókn þeirra reynist fullnægjandi.

Gripinn við innbrot í bíl

Lögreglan greip þjóf glóðvolgan eftir að hann hafði brotist inn í fyrirtækjabíl við Ármúla á sjöunda tímanum í morgun. Hann var með þýfi á sér og gistir fangageymslur þar til hann verður yfirheyrður í dag. Ekki er loku fyrir það skotið að hann hafi fleiri innbrot upp á síðkastið á samviskunni.

Atvinnuleysisklúbbar spretta upp í Bandaríkjunum

Tom Skidmore í Kansas missti vinnuna í desember og er svo sem ekkert einn um það. Hann hefur hins vegar fyrir fimm manna fjölskyldu að sjá og er því ekkert á því að sitja með hendur í skauti.

Myndavélar í breskar skólastofur

Fjórir breskir barnaskólar hafa komið upp eftirlitsmyndavélum með hljóðupptöku í kennslustofunum til að fylgjast með hegðun nemendanna og frammistöðu kennara.

Tryggingasvik stóraukast í Noregi

Norsk tryggingafyrirtæki segjast í auknum mæli verða vör við ýmiss konar svik og pretti í þeim tilgangi að fá tryggingafé greitt út og kenna versnandi efnahagsástandi um.

Yfir 2.000 Bretar geta ekki unnið vegna offitu

Rúmlega 2.000 Bretar þiggja samtals einn og hálfan milljarð króna á ári í örorkubætur vegna þess að þeir teljast of feitir til að vinna.

Á ekki von á tekjusamdrætti hjá Google

Eric Schmidt, stjórnarformaður leitarvélarisans Google, segist ekki eiga von á miklum samdrætti í tekjum fyrirtækisins þrátt fyrir versnandi ástand á auglýsingamörkuðum en stór hluti tekna Google er af auglýsingum. Schmidt játaði þó að hann teldi botninum ekki náð í kreppunni og Google yrði að fylgja straumnum og lækka verð netauglýsinga eins og aðrir aðilar á þeim markaði.

Pakistanar saka Indverja um árás á krikketlið

Pakistanar saka nágranna sína, Indverja, um að standa á bak við árásina á krikketlandslið Sri Lanka í pakistönsku borginni Lahore í gær en átta manns létu lífið í árásinni og aðrir átta særðust. Indverjar vísa ásökunum Pakistana á bug en sjálfir sökuðu þeir pakistönsku hryðjuverjasamtökin Lashkar-e-Taiba um hryðjuverkaárásirnar á indversku borgina Mumbai í nóvember.

Tveir þriðju telja eigendur og stjórnendur bankanna ábyrga

Langflestir, eða tæp 63 prósent þeirrra, sem tóku þátt í skoðanakönnun Viðskiptablaðsins um það hver beri helst ábyrgð á bankahruninu, kenna eigendum og stjórnendum bankanna um það.

Stjórnarskrárfrumvarpi dreift í gær

Frumvarpi um breytingar á stjórnarskrá var dreift á Alþingi í gærkvöldi þar sem meðal annars er lagt til að auðlindir, sem ekki eru háðar einkaeignarrétti, séu þjóðareign.

Viðamikil leit að Aldísi skipulögð

Björgunarsveitir Landsbjargar og lögreglan hafa skipulagt viðamikla leit í dag að Aldísi Westergren, sem hvarf frá heimili sínu við Gvendargeisla í Grafarholti 24. febrúar.

Átta bílar í þremur árekstrum á Austfjörðum

Enginn slasaðist alvarlega þegar samtals átta bílar lentu í þremur árekstrum á Austfjörðum síðdegis í gær, eftir að óveður skall á með ofankomu og skafrenningi.

Flugfarþegum fækkar um tæpan þriðjung

Tæplega 28 prósent færri farþegar fóru um Leifsstöð á Keflavíkurflugvelli í febrúar síðastliðnum, en í sama mánuði í fyrra. Þá voru þeir 115 þúsund, en aðeins 83 þúsund í ár.